2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
ABLITAS
Zehapen eskumenaren eskuordetzea, trafikoari, ibilgailuen zirkulazioari eta bide segurtasunari dagokienez
Ablitasko Udaleko alkate udalburuak 2017ko urtarrilaren 23an eman 13. ebazpenaren bitartez, erabaki da zehapen eskumena eskuordetzea, trafikoari, ibilgailuen zirkulazioari eta bide segurtasunari dagokionez.
Trafiko, Ibilgailu Motordunen Zirkulazio eta Bide Segurtasunaren arloko Zehapen Prozeduraren Erregelamendua onetsi duen otsailaren 25eko 320/1994 Errege Dekretuaren 9. eta 12. artikuluetan udalaren arlo horretako eskumenari eta salaketen instrukzioari dagokienez xedatutakoa kontuan hartuta.
Orobat, kontuan hartuta udal ordenantzetan eta Udalari zehatzeko eskumena esleitzen dioten gainerako arauetan xedatutakoa.
Ikusirik Toki Araubidearen Oinarriei buruzko Legearen 23. artikuluan eta Toki Entitateen Antolaketaren eta Funtzionamenduaren gaineko Erregelamenduaren 43. artikuluak alkateari ematen dizkioten eskudantziak.
EBATZI DUT:
1. Ricardo Catalán García, Hirigintza, Industria eta Ingurumeneko zinegotzi delegatuaren esku uztea zehatzeko eskumena, trafikoaren, ibilgailuen zirkulazioaren eta bide segurtasunaren arloan tramitatzen diren zehapen prozeduren espediente guztietarako, bai eta polizia administratiboaren eta udal eskumenaren arloko jarduketengatik abiarazitako beste edozeinetarako ere.
2. Zinegotzi delegatuari jakinaraztea Alkatetza honek, AFEaren 115. artikulua betez, informazioa jasoko duela haren eskuan utzitako eginkizunen kudeaketaz eta eskuordetzea erabiliz emandako egintzez eta xedapenez. Orobat, erabaki garrantzizkoak hartu behar direnean, Alkatetzari aitzinetik emanen zaio horren berri. Alkatetza honek eskuordetzea ezeztatzen edo aldatzen ahalko du, eginkizunetako ordezpena emateko erabili diren formalitate berberen bidez. Delegatuen egintzak Alkatetza esku emaileak egintzat hartuko dira. Horrenbestez, Alkatetzak ebatzi beharko ditu egintza horien kontra aurkezten diren berraztertzeko errekurtsoak.
3. Ebazpen hau Ricardo Catalán Garcíari jakinaraztea eta horren berri ematea Udalbatzari.
Ebazpen honen aurka aurkeztu ahalko dira:
1.–Berraztertzeko errekurtsoa, ebazpen hau eman duen organoari zuzendua, hilabeteko epean, Nafarroako Aldizkari Ofizialean argitaratu eta biharamunetik hasita.
2.–Administrazioarekiko auzi-errekurtsoa, zuzenean arlo bereko epaitegiari zuzendua, bi hilabeteko epean, ebazpen hau Nafarroako Aldizkari Ofizialean argitaratu eta biharamunetik aitzina, Administrazioarekiko auzien jurisdikzioa arautzen duen uztailaren 13ko 29/1998 Legeko 8.1 artikuluak agintzen duenaren arabera.
3.–Orobat, eta aukeran, zuzenean gora jotzeko errekurtsoa, Nafarroako Administrazio Auzitegiari zuzendua, hilabeteko epean, ebazpen hau Nafarroako Aldizkari Ofizialean argitaratu eta biharamunetik hasita.
Ablitasen, 2017ko otsailaren 3an.–Alkate udalburua, Cecilio Antón Ruiz.
Iragarkiaren kodea: L1702965
