1. NAFARROAKO FORU KOMUNITATEA
1.4. DIRU-LAGUNTZAK, LAGUNTZAK ETA BEKAK
Laburpena, Kultura, Kirol eta Gazteriako kontseilariaren martxoaren 17ko 26/2017 Foru Aginduarena. Foru agindu horren bidez onetsi zen 2017an kirol ekitaldi eta jarduerak antolatzeko kirol klubentzako diru-laguntzen deialdia.
Diru-laguntzei buruzko azaroaren 17ko 38/2003 Lege Orokorraren 17.3.b eta 20.8.a artikuluetan aurreikusitakoari jarraituz, argitara ematen da deialdiaren laburpena; horren testu osoa Diru-laguntzen Datu Base Nazionalean kontsulta daiteke (http://www.pap.minhafp.gob.es/bdnstrans/GE/eu/index). BDNS (identifikazioa): 340066.
Onuradunak: kirol klubak, kirol klub filialak eta kirola sustatzeko entitateak.
Xedea: diru-laguntzak, norgehiagokako araubidean, kirol ekitaldi eta jarduerak antolatzeko Foru Komunitatean, 2016ko urriaren 1etik 2017ko irailaren 30era bitarte.
Oinarri arautzaileak: martxoaren 17ko 26/2017 Foru Agindua, Nafarroako zerbitzuen katalogoan argitaratua.
http://www.navarra.es/home_es/Servicios/ficha/6840/Subvenciones-a-clubes-para-organizar-acontecimientos-y-actividades-deportivas-2017
Zenbatekoa: deialdi honi aurre egiteko gastua 150.000 eurokoa da.
Eskaerak aurkezteko epea: 30 egunekoa, ebazpen hau Nafarroako Aldizkari Ofizialean argitaratu eta biharamunetik aurrera.
Iruñean, 2017ko martxoaren 17an.–Kultura, Kirol eta Gazteriako kontseilaria, Ana Herrera Isasi.
Iragarkiaren kodea: F1703865