1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
EBAZPENA, 2017ko martxoaren 10ekoa, Lehendakaritzako, Funtzio Publikoko, Barneko eta Justiziako Departamentuko Justiziako zuzendari nagusiak emana, destinoak esleitzen dizkiena urriaren 1eko JUS/2681/2015 Aginduaren bidez deitutako hautaprobak gainditu dituzten Justizia Administrazioko Laguntza Judizialeko Kidegoko funtzionarioei (txanda irekia), Nafarroako Foru Komunitatean.
Justizia Administrazioko funtzionarioen sarrerari, haien lanpostuak betetzeko moduari eta haien lanbide igoerari buruzko erregelamendua onetsi zuen abenduaren 7ko 1451/2005 Errege Dekretuaren 28. eta 29. artikuluetan ezarritakoarekin bat, ebatzi dut destinoak esleitzea Laguntza Judizialeko Kidegoko funtzionarioei (txanda irekia), 2017ko martxoaren 10eko Aginduaren bidez Laguntza Judizialeko Kidegoko karrerako funtzionario izendatutakoei, I. eranskinean ageri diren organo judizialetan, honakoa kontuan harturik:
Lehendabizikoa.–Agindu honen bidez destinoa eskuratzen duten Laguntza Judizialeko Kidegoko funtzionarioek karguaren jabetza hartu beharko dute Nafarroako Gobernuko Justizia Zuzendaritza Nagusian (Iratxeko Monasterioaren 22ko etxabea, 31011 Iruña), ebazpen hau Estatuko Aldizkari Ofizialean argitaratu eta biharamunetik hogei egun balioduneko epean, aipatu errege dekretuaren 29. artikuluan eta Administrazio Publikoen Administrazio Prozedura Erkideari buruzko urriaren 1eko 39/2015 Legearen 30. artikuluan ezarritakoaren arabera.
Bigarrena.–Probak gainditu dituzten izangaiei esleitutako lanpostuetan diharduten bitarteko funtzionarioek titularrak jabetza hartzen duen egunean bertan utziko dute lanpostua.
Hirugarrena.–Justizia Administrazioaren zerbitzuko langileei aplikatzekoa zaien Administrazio Publikoaren zerbitzuko langileen bateraezintasunei buruzko legeria betez (abenduaren 26ko 53/1984 Legea), abenduaren 23ko 19/2003 Lege Organikoak aldatu zuen Botere Judizialari buruzko uztailaren 1eko 6/1985 Lege Organikoaren 498. artikuluaz baliatuz, lehendik karrerako funtzionarioak ziren izangaiek beren aukeraren berri eman beharko dute karguaren jabetza hartzeko aktan.
Laugarrena.–Ebazpen honen bidez destinoa eskuratzen duten Laguntza Judizialeko Kidegoko funtzionarioek, haien lehentasunen arabera kalifikazio ordenean oinarrituta nahitaezko destinoa eman bazaie ere, ezin izanen dute lekualdatze lehiaketetan parte hartu, harik eta ebazpen honen datatik hasita bi urte iragan arte. Bi urte horiek zenbatzeko, Botere Judizialari buruzko uztailaren 1eko 6/1985 Lege Organikoaren 529.3 artikuluaren bigarren lerroaldean ezarritakoari jarraituko zaio.
Bosgarrena.–Justizia Zuzendaritza Nagusiaren azaroaren 21eko 240/2016 Ebazpenaren bidez (abenduaren 27ko Estatuko Aldizkari Ofiziala) izangaiei eskainitako lanpostuek, ebazpen honetan esleitzen ez diren horiek, bete gabe jarraituko dute, deusetan galarazi gabe lehiaketa arrunta batean hutsik deklaratu ahal izatea, lan publikoaren eskaintzarik egiten ez bada edo dagokion lan publikoaren eskaintzarengatik beharrezkoa ez bada eman gabe dauden lanpostu guztiak iragartzea.
Ebazpen honen kontra gora jotzeko errekurtsoa jar daiteke, Nafarroako Gobernuko Lehendakaritzako, Funtzio Publikoko, Barneko eta Justiziako kontseilariari zuzendua, hilabeteko epean, Estatuko Aldizkari Ofizialean argitaratu eta biharamunetik aurrera.
Iruñean, 2017ko martxoaren 10ean.–Justiziako zuzendari nagusia, María Lourdes Aldave Villanueva.
I. ERANSKINA Laguntza Judizialeko Kidegoa Txanda irekia. |
ORDENA ZK. | NANa | IZEN-DEITURAK | ESLEITUTAKO DESTINOA | HERRIA | PROBINTZIA | EGINKIZUNA |
1 | 44622620K | GOÑI ESCUDERO, DAVID | INSTRUKZIOKO 3. EPAITEGIA | IRUÑA | NAFARROA | LAGUNTZA JUDIZIALA |
2 | 52554605L | BARCENAS LÓPEZ, LUIS | EMAKUMEAREN AURKAKO INDARKERIAREN ARLOKO 1. EPAITEGIA | IRUÑA | NAFARROA | LAGUNTZA JUDIZIALA |
3 | 73109113W | ROJAS GOICOECHANDIA, DAVID | PROBINTZIA AUZITEGIA - 3. ATALA | IRUÑA | NAFARROA | LAGUNTZA JUDIZIALA |
4 | 23053945X | ALARCÓN MARTÍNEZ, MARÍA DEL PILAR | NOAINGO BAKE EPAITEGIA (IDAZKARITZEN ELKARTEA) | NOAIN | NAFARROA | LAGUNTZA JUDIZIALA |
5 | 44353505Y | ESPEJO MEMBRILLO, ANTONIO FRANCISCO | KOMUNIKAZIO ETA BETEARAZPEN EGINTZEN ZERBITZU ERKIDEA | IRUÑA | NAFARROA | LAGUNTZA JUDIZIALA |
6 | 16019634L | JIMÉNEZ GARCÍA, MIGUEL ÁNGEL | DEKANOTZA | TUTERA | NAFARROA | LAGUNTZA JUDIZIALA |
7 | 25442170F | DE LATORRE VILLAGRASA, ANA MARÍA | LEHEN AUZIALDIKO ETA INSTRUKZIOKO 1. EPAITEGIA | TUTERA | NAFARROA | LAGUNTZA JUDIZIALA |
8 | 23279203Y | BRAVO ARCAS, INMACULADA CONCEPCIÓN | INSTRUKZIOKO 2. EPAITEGIA | IRUÑA | NAFARROA | LAGUNTZA JUDIZIALA |
9 | 47511618N | LÓPEZ ARJONA, DANIEL | LEHEN AUZIALDIKO ETA INSTRUKZIOKO 4. EPAITEGIA | TUTERA | NAFARROA | LAGUNTZA JUDIZIALA |
Desgaitasuna duten pertsonentzako erreserba. |
ORDENA ZK. | NANa | IZEN-DEITURAK | ESLEITUTAKO DESTINOA | HERRIA | PROBINTZIA | EGINKIZUNA |
1 | 72678419Y | ARBIZU JIMENO, AMAYA | PROBINTZIA AUZITEGIA - 3. ATALA | IRUÑA | NAFARROA | LAGUNTZA JUDIZIALA |
Iragarkiaren kodea: F1703619