59. ALDIZKARIA - 2017ko martxoaren 24a

1. NAFARROAKO FORU KOMUNITATEA

1.4. DIRU-LAGUNTZAK, LAGUNTZAK ETA BEKAK

Laburpena, Barneko zuzendari nagusiak martxoaren 1ean emandako 87/2017 Ebazpenarena. Horren bidez, diru-laguntzetarako deialdia onetsi da Nafarroako udalentzat, baldin suhiltzaile boluntarioen udal elkartea badute eta, haren funtzionamenduan laguntzeko, Lehendakaritzako, Funtzio Publikoko, Barneko eta Justiziako Departamentuarekin lankidetzarako esparru-hitzarmena sinatu badute.

Diru-laguntzei buruzko azaroaren 17ko 38/2003 Lege Orokorraren 17.3.b eta 20.8.a artikuluetan aurreikusitakoari jarraituz, argitara ematen da deialdiaren laburpena; horren testu osoa Diru-laguntzen Datu Base Nazionalean kontsulta daiteke (http://www.pap.minhap.gob.es/bdnstrans/index): BDNS (Identifikazioa): 335217.

Lehena.–Onuradunak:

Suhiltzaile boluntarioen udal elkartea izan eta, haren funtzionamenduan laguntzeko, Lehendakaritzako, Funtzio Publikoko, Barneko eta Justiziako Departamentuarekin lankidetzarako esparru-hitzarmena sinatu duten Nafarroako udalak.

Bigarrena.–Xedea:

Parkeen jarduerari diruz laguntzea haren funtzionamenduan laguntzeko.

Hirugarrena.–Oinarri arautzaileak:

87/2017 Ebazpena, martxoaren 1ekoa, Barneko zuzendari nagusiak emana.

Laugarrena.–Zenbatekoa:

205.000,00 euro, honela banaturik: 159.000,00 euro, suhiltzaile boluntarioen parkeetako gastu arruntetarako; 46.000,00 euro, suhiltzaile boluntarioen parkeetako inbertsioen gastuetarako.

Bosgarrena.–Eskabideak aurkezteko epea:

Laguntzen eskabideak aurkezteko epea hogei egun baliodunekoa izanen da, oinarri hauek Nafarroako Aldizkari Ofizialean argitaratu eta biharamunetik hasita.

Iruñean, 2017ko martxoaren 1ean.–Barneko zuzendari nagusia, Agustín Gaztaminza Oiz.

Iragarkiaren kodea: F1703263