1. NAFARROAKO FORU KOMUNITATEA
1.5. ESTATUTUAK ETA LAN HITZARMEN KOLEKTIBOAK
29C/2017 EBAZPENA, otsailaren 27koa, Politika Ekonomiko eta Enpresarialaren eta Lanaren zuzendari nagusiak emana, Nafarroako Ardogintzaren industrien sektorearen hitzarmen kolektiboko soldaten berrikuspenari buruzko akordioa erregistratu, gorde eta Nafarroako Aldizkari Ofizialean argitaratzea erabakitzen duena.
Nafarroako Ardogintzaren industrien sektorearen hitzarmen kolektiboko soldaten berrikuspenari buruzko akordioaren testua aztertu da (31007605011981 kode zenbakia), 2017. urteari dagokiona, erregistro honetan 2017ko urtarrilaren 29an sartu zena enpresaren ordezkariek eta sindikatuetako batzuek (UGT eta CCOO) 2017ko urtarrilaren 26an sinatua, eta 2017ko otsailaren 4an zuzendu zena, Langileen Estatutuari buruzko Legearen Testu Bategina onetsi zuen urriaren 23ko 2/2015 Legegintzako Errege Dekretuaren 90. artikuluaren 2. eta 3. idatz-zatietan eta Hitzarmen Kolektiboen Erregistro eta Gordailuei buruzko maiatzaren 28ko 713/2010 Errege Dekretuan ezarritakoaren arabera. Horrenbestez,
EBATZI DUT:
1. Nafarroako Lan Hitzarmen eta Akordio Kolektiboen Erregistroan inskribatzeko agintzea.
2. Nafarroako Aldizkari Ofizialean argitaratzeko agintzea, orok jakin dezan.
Iruñean, 2017ko otsailaren 27an.–Politika Ekonomiko eta Enpresarialaren eta Lanaren zuzendari nagusia, Izaskun Goñi Razquin.
Nafarroako ardogintzaren industrien sektorearen hitzarmen kolektiboko soldaten berrikuspena (PDFa).
Iragarkiaren kodea: F1702636