1. NAFARROAKO FORU KOMUNITATEA
1.5. ESTATUTUAK ETA LAN HITZARMEN KOLEKTIBOAK
25C/2017 EBAZPENA, otsailaren 14koa, Politika Ekonomiko eta Enpresarialaren eta Lanaren zuzendari nagusiak emana, Nafarroako osasun garraioaren sektorearen hitzarmen kolektiboko soldaten berrikuspenari buruzko akordioa, 2017. urteari dagokiona, erregistratu, gorde eta Nafarroako Aldizkari Ofizialean argitaratzea erabakitzen duena.
Nafarroako osasun garraioaren sektorearen hitzarmen kolektiboko soldaten berrikuspenari buruzko akordioaren testua aztertu da (31007385011996 kode zenbakia), 2017. urteari dagokiona, erregistro honetan 2017ko urtarrilaren 30ean sartu zena enpresaren ordezkariek eta ordezkatutako sindikatuetako batzuek (UGT eta CCOO) 2017ko urtarrilaren 23an sinatuta, Langileen Estatutuari buruzko Legearen Testu Bategina onetsi zuen urriaren 23ko 2/2015 Legegintzako Errege Dekretuaren 90. artikuluaren 2. eta 3. idatz-zatietan eta Hitzarmen Kolektiboen Erregistro eta Gordailuei buruzko maiatzaren 28ko 713/2010 Errege Dekretuan ezarritakoaren arabera. Horrenbestez,
EBATZI DUT:
1. Nafarroako Lan Hitzarmen eta Akordio Kolektiboen Erregistroan inskribatzeko agintzea.
2. Nafarroako Aldizkari Ofizialean argitaratzeko agintzea, orok jakin dezan.
Iruñean, 2017ko otsailaren 14an.–Politika Ekonomiko eta Enpresarialaren eta Lanaren zuzendari nagusia, Izaskun Goñi Razquin.
Nafarroako osasun garraioaren sektorearen hitzarmen kolektiboko soldaten berrikuspena 2017. urtea (PDFa).
Iragarkiaren kodea: F1702545