56. ALDIZKARIA - 2017ko martxoaren 21a

1. NAFARROAKO FORU KOMUNITATEA

1.5. ESTATUTUAK ETA LAN HITZARMEN KOLEKTIBOAK

6C/2017 EBAZPENA, urtarrilaren 4koa, Politika Ekonomiko eta Enpresarialaren eta Lanaren zuzendari nagusiak emana, Altsasuko Aita Barandiaran zahar etxea entitatearen hitzarmen kolektiboa erregistratu, gorde eta Nafarroako Aldizkari Ofizialean argitaratzea erabakitzen duena.

Aita Barandiaran zahar etxea entitatearen hitzarmen kolektiboaren testua (kode zenbakia: 31100872012015) aztertu da, Erregistro honetan 2016ko abenduaren 15ean sartu zena eta entitatearen ordezkariek eta sindikatuen ordezkariek 2016ko urriaren 28an izenpetu zutena, honako hauetan ezarritakoaren arabera: Langileen Estatutuari buruzko Legearen Testu Bategina onetsi zuen martxoaren 24ko 2/2015 Legegintzako Errege Dekretuaren 90. artikuluaren 2. eta 3. idatz-zatiak eta Hitzarmen Kolektiboen Erregistro eta Gordailuei buruzko maiatzaren 28ko 713/2010 Errege Dekretua. Horrenbestez,

EBATZI DUT:

1. Nafarroako Lan Hitzarmen eta Akordio Kolektiboen Erregistroan inskribatzeko agintzea.

2. Nafarroako Aldizkari Ofizialean argitaratzeko agintzea, orok jakin dezan.

Iruñean, 2017ko urtarrilaren 4an.–Politika Ekonomiko eta Enpresarialaren eta Lanaren zuzendari nagusia, Izaskun Goñi Razquin.

Altsasuko Aita Barandiaran zahar etxea entitatearen hitzarmen kolektiboa (PDFa).

Iragarkiaren kodea: F1700880