56. ALDIZKARIA - 2017ko martxoaren 21a

1. NAFARROAKO FORU KOMUNITATEA

1.5. ESTATUTUAK ETA LAN HITZARMEN KOLEKTIBOAK

84C/2016 EBAZPENA, abenduaren 16koa, Politika Ekonomiko eta Enpresarialaren eta Lanaren zuzendari nagusiak emana, desgaitasuna duten pertsonei arreta emateko Nafarroako zentro pribatu itunduen sektorearen hitzarmen kolektiboko soldaten berrikuspenari buruzko akordioa erregistratu, gorde eta Nafarroako Aldizkari Ofizialean argitaratzea erabakitzen duena.

Desgaitasuna duten pertsonei arreta emateko Nafarroako zentro pribatu itunduen sektorearen hitzarmen kolektiboko soldaten berrikuspenari buruzko akordioaren testua aztertu da (31008485012006 kode zenbakia), 2012. urteari dagokiona, erregistro honetan 2016ko azaroaren 25ean sartu zena, enpresaren ordezkariek eta sindikatuetako batzuek (CC.OO. eta UGT) 2016ko ekainaren 3an sinatua, Langileen Estatutuari buruzko Legearen Testu Bategina onetsi zuen urriaren 23ko 2/2015 Legegintzako Errege Dekretuaren 90. artikuluaren 2. eta 3. idatz-zatietan eta Hitzarmen Kolektiboen Erregistro eta Gordailuei buruzko maiatzaren 28ko 713/2010 Errege Dekretuan ezarritakoaren arabera. Horrenbestez,

EBATZI DUT:

1. Nafarroako Lan Hitzarmen eta Akordio Kolektiboen Erregistroan inskribatzeko agintzea.

2. Nafarroako Aldizkari Ofizialean argitaratzeko agintzea, orok jakin dezan.

Iruñean, 2016ko abenduaren 16an.–Politika Ekonomiko eta Enpresarialaren eta Lanaren zuzendari nagusia, Izaskun Goñi Razquin.

Desgaitasuna duten pertsonei arreta emateko Nafarroako zentro pribatu itunduen sektorearen hitzarmen kolektiboko soldaten berrikuspena (PDFa).

Iragarkiaren kodea: F1701304