1. NAFARROAKO FORU KOMUNITATEA
1.4. DIRU-LAGUNTZAK, LAGUNTZAK ETA BEKAK
Laburpena, Nafar Lansare-Nafarroako Enplegu Zerbitzuko zuzendari kudeatzailearen otsailaren 24ko 476/2017 Ebazpenarena. Ebazpen horren bidez onesten dira urriaren 26ko 94/2016 Foru Dekretuan aurreikusitako Nafarroako laneratze eta gizarteratzeko enpresen laguntza teknikorako diru-laguntzen deialdia eta oinarri arautzaileak.
Diru-laguntzei buruzko azaroaren 17ko 38/2003 Lege Orokorraren 17.3.b eta 20.8.a artikuluetan aurreikusitakoari jarraituz, argitara ematen da deialdiaren laburpena; horren testu osoa Diru-laguntzen Datu Base Nazionalean kontsulta daiteke (http://www.pap.minhap.gob.eu/bdnstrans/index): BDNS (identifikazioa): 333863.
Lehena.–Onuradunak:
a) Nafar Lansare-Nafarroako Enplegu Zerbitzuak ofizioz eta behin-behinekoz laneratze enpresa gisa sailkatutako gizarteratze eta laneratze zentroak.
b) Behin-behinekoz sailkatu zirenetik gutxienez ere 2 urtez funtzionamenduan diren gizarteratze eta laneratze enpresak.
Bigarrena.–Xedea:
Oinarri hauen xedea da arautzea zer baldintza eta beharkizunekin emanen zaizkien diru-laguntzak gizarteratze eta laneratze enpresei, teknikariak kontratatzeko, gizarteratze eta laneratze prozesuetako langileei laguntza eman diezaieten, esku-hartzeko, gizarteratzeko eta lagun egiteko zerbitzuak emateko, enpresa arruntean txertatzeko helburuarekin.
Hirugarrena.–Oinarri arautzaileak:
Ebazpenaren eranskina.
Laugarrena.–Zenbatekoa:
Deialdi honetarako 468.000 euroko gastua eginen da gehienez.
Bosgarrena.–Eskabideak aurkezteko epea:
Diru-laguntzaren esleipena eta hilabeteko ordainketa eskatzeko epea hilabetekoa da, aurreko hilabetea bukatzen denetik.
2016ko azarotik (hori barne) oinarri arautzaile hauen argitaratze ofiziala arteko hilabeteei dagozkien diru-laguntzak eska daitezke argitaratu eta biharamunetik hilabeteko epean.
Iruñean, 2017ko otsailaren 24an.–Nafar Lansare-Nafarroako Enplegu Zerbitzuko zuzendari kudeatzailea, Paz Fernández Mendaza.
Iragarkiaren kodea: F1702605
