47. ALDIZKARIA - 2017ko martxoaren 8a

4. PROZEDURA JUDIZIALAK

SEVILLAKO LAN ARLOKO 5. EPAITEGIA

Ediktua. 914/2015 prozedura

Araceli Gómez Blanco andrea, Sevillako Lan arloko 5. Epaitegiko Justizia Administrazioaren letradua.

Aditzera ematen du: Myriam Márquez Becerra auzi-jartzaileak eskaturik, kaleratze objektibo indibiduala dela-eta, Cenex Consulting y Promociones SLren aurka epaitegi honetan bideratu diren 914/2015 autoetan, hitzez hitz hauxe dioen ebazpena eman da 2016ko uztailaren 12an:

Sevillan, bi mila eta hamaseiko abenduaren hamahiruan.

María Amelia Lerdo de Tejada Pagonabarraga andrea, Sevillako Lan arloko 5. Epaitegiko magistratua.

Epaitza: Baiesten dut Myriam Márquez Becerra andreak, kaleratzea dela-eta, Cenex Consulting y Promociones SL demandatuaren aurka aurkeztu duen demanda deuseztatzeko eskaera nagusia, eta, horrenbestez, deklaratzen dut 2015eko abuztuaren 14an gertatutako kaleratzea deuseza dela. Orobat, lan harremana gaurko egunean iraungi dela deklaratzen dut, eta Cenex Consulting y Promociones SL demandatua kondenatzen dut auzi-jartzaileari 17.611.19 euro ordaintzera, kalte-ordain gisa, eta 1.127,68 euro, izapide-aldiko soldata gisa.

Jakinaraz bekie epai hau alderdiei, eta ohartarazi haren aurka erregutze-errekurtsoa aurkezten ahal dutela Andaluziako Justizia Auzitegi Nagusiko Lan arloko Salari zuzendua, epaiaren jakinarazpen egunaren ondotik bost egun balioduneko epean, Lan arloko epaitegi honen bitartez, idazki bidez, bertan azalduz edo lan arloko epaitegi honi horren berri emanez.

Kondenatutako enpresak errekurtsoa jarriz gero, errekurtsoa jartzearekin batera egiaztatu beharko du 300 euroko diru-sarrera egin duela epaitegi honek Banesto bankuan duen gordailu eta kontsignazioen kontuan, gordailu berezi gisa, eta errekurtsoa iragartzearekin batera, egiaztatu beharko du kondenaren diru zenbatekoaren kontsignazioa egin duela banku-entitate eta gordailu-kontu beretan. Esku-diruzko kontsignazioaren ordez, bidezkoa izanen da mugarik gabeko abal solidario baten bidezko bermea aurkeztea, kreditu entitatearen lehenengo errekerimenduarekin batera ordainaraziko dena; ohartarazten da, halaber, kontsignazio horiek egin ezean, errrekurtsoa ez dela onartuko.

Beraz, epai honen bidez, auzialdi honetan behin betiko epaituz, hori erabaki, agindu eta sinatzen dut.

Eta Cenex Consulting y Promociones SL enpresa demandatuaren legezko ordezkariari jakinarazpena egiteko balio izan dezan, hura non den jakiterik ez baitago, honako hau egiten dut Nafarroako Aldizkari Ofizialean argitara dadin, eta ohartarazten dut hemendik aurrera jakinarazpenak epaitegiko iragarki-lekuan eginen direla, salbu eta autoenak, epaienak edo epatzeenak.

Sevillan, 2016ko abenduaren 13an.–Justizia Administrazioaren letradua, M. Araceli Gómez Blanco.

Iragarkiaren kodea: J1701322