1. NAFARROAKO FORU KOMUNITATEA
1.4. DIRU-LAGUNTZAK, LAGUNTZAK ETA BEKAK
Laburpena, Unibertsitateen eta Hezkuntza Baliabideen zuzendari nagusiaren otsailaren 10eko 120/2017 Ebazpenarena. Ebazpen horren bidez onetsi da “Nafarroako unibertsitateen katedren proiektuetarako diru-laguntzak. 2017. urtea” izeneko deialdia.
Oharra: testu osoa Diru-laguntzen Datu Base Nazionalean kontsulta daiteke (http://www.pap.minhap.gob.es/bdnstrans/index). BDNS (identifikazioa): 332612.
Lehena.–Onuradunak.
Nafarroan egoitza duten unibertsitate zentroak, haien katedrek garatutako proiektuetarako eskaerak aurkezten dituztenak: Nafarroako Unibertsitate Publikoak, Nafarroako Unibertsitateak eta Urrutiko Hezkuntzarako Unibertsitate Nazionalak Iruñean eta Tuteran dituen zentroek.
Bigarrena.–Xedea.
Nafarroako unibertsitateen katedrek garatutako proiektuak finantzatzea, helburu hauek indartzen laguntzen badute: unibertsitateen eta haien ingurune sozialaren arteko harremana, ezagutza eta prestakuntzaren hedapena edo gizartearen sentsibilizazioa, deialdian zehaztutako eremuetan.
Hirugarrena.–Oinarri arautzaileak.
Esteka honetan eskura daitezke:
http://www.navarra.es/home_es/Servicios/ficha/6231/Subvencion-de-proyectos-realizados-por-las-catedras-de-las-universidades-navarras
Laugarrena.–Zenbatekoa.
Katedra bakoitzerako laguntzaren gehieneko zenbatekoa 35.000 eurokoa izanen da. Gehieneko zenbateko hori proportzionalki murriztuko da katedra onuradunen kopurua 5etik gorakoa bada.
Bosgarrena.–Eskabideak aurkezteko epea.
30egun naturalekoa, deialdia Nafarroako Aldizkari Ofizialean argitaratu eta biharamunetik hasita.
Iruñean, 2017ko otsailaren 10ean.–Unibertsitateen eta Hezkuntza Baliabideen zuzendari nagusia, Nekane Oroz Bretón.
Iragarkiaren kodea: F1702181