1. NAFARROAKO FORU KOMUNITATEA
1.4. DIRU-LAGUNTZAK, LAGUNTZAK ETA BEKAK
Laburpena, Kultura, Kirol eta Gazteriako kontseilariaren otsailaren 10eko 12/2017 Foru Aginduarena. Foru agindu horren bidez, Nafarroako toki entitateei diru-laguntzak emateko deialdiaren oinarriak onetsi dira, gazteria arloko tokiko politika publikoak bultzatu eta babesteko 2017. urtean.
Diru-laguntzei buruzko azaroaren 17ko 38/2003 Lege Orokorraren 17.3.b eta 20.8.a artikuluetan aurreikusitakoari jarraituz, argitara ematen da deialdiaren laburpena; horren testu osoa Diru-laguntzen Datu Base Nazionalean kontsulta daiteke (http://www.pap.minhap.gob.eu/bdnstrans/index): BDNS (identifikazioa): 332360.
Lehendabizikoa.–Onuradunak:
Nafarroako toki entitateak.
Bigarrena.–Xedea.
Nafarroako toki entitateei diru-laguntzak ematea gazteria arloko tokiko politika publikoak bultzatu eta babesteko 2017. urtean.
Hirugarrena.–Oinarri arautzaileak.
Otsailaren 10eko 12/2017 Foru Agindua, Nafarroako zerbitzuen katalogoan argitaratua: http://www.navarra.es/home_es/ServiciosEmpleado/ficha/16089/Subvencion-a-entidades-locales-para-el-desarrollo-de-Programas-para-la-Juventud-2016-copia.
Laugarrena.–Zenbatekoa.
Diru-laguntza honi aurre egiteko gastua 230.000,00 eurokoa da.
Bosgarrena.–Eskabideak aurkezteko epea.
Eskaerak aurkezteko epea hogeita hamar egun naturalekoa da, deialdi hau Nafarroako Aldizkari Ofizialean argitaratu eta biharamunetik hasita.
Seigarrena.–Beste datu batzuk.
Proiektuek 2017ko urtarrilaren 1etik 2017ko urriaren 20ra bitarteko epean gauzatu beharko dira.
Iruñean, 2017ko otsailaren 13an.–Kultura, Kirol eta Gazteriako kontseilaria, Ana Herrera Isasi.
Iragarkiaren kodea: F1701978
