1. NAFARROAKO FORU KOMUNITATEA
1.4. DIRU-LAGUNTZAK, LAGUNTZAK ETA BEKAK
Laburpena, Landa Garapeneko, Nekazaritzako eta Abeltzaintzako zuzendari nagusiaren otsailaren 21eko 245/2017 Ebazpenarena. Ebazpen horren bidez, Nafarroako Foru Komunitateko Landa Garapenerako 2014-2020ko Programaren barneko “Abeltzaintzako baliabide genetikoak kontserbatzea” izeneko 10.2 azpineurriaren babespean ez dauden Nafarroako abere hazleen elkarteei laguntzak emateko 2017ko deialdia onetsi da.
Diru-laguntzei buruzko azaroaren 17ko 38/2003 Lege Orokorraren 17.3.b eta 20.8.a artikuluetan aurreikusitakoari jarraituz, argitara ematen da deialdiaren laburpena; horren testu osoa Diru-laguntzen Datu Base Nazionalean kontsulta daiteke (http://www.pap.minhap.gob.eu/bdnstrans/index) BDNS (Identifikazioa): 333398.
Lehena.–Onuradunak.
Nafarroako arraza ez-autoktonoetako abere hautatuen hazleen elkarteak, behar bezala baimenduak, baldintza hauek bete behar dituztenak: abere arrazak zaindu, hobetu eta sustatzeko programa nazionala ezartzen duen abenduaren 26ko 2129/2008 Errege Dekretuaren 11. artikuluan aurreikusitako betebeharrak betetzea, ETE izatea Batzordearen 2014ko ekainaren 25eko 702/2014 (EB) Erregelamenduaren 1. eranskinarekin bat, eta Espainiako abere arrazen katalogo ofizialean egotea, abenduaren 26ko 2129/2008 Errege Dekretuaren I. eranskinaren arabera.
Bigarrena.–Xedea.
Xedea da laguntza ekonomikoa ematea egiten duten lan hauetan: liburu genealogikoak kudeatzea, errendimendua kontrolatzeko programen garapena, kontserbazio planak, arrazen hobekuntza eta aholkularitza genetikoa, balorazio genetikoa eta hobekuntza zabaltzeko plana.
Hirugarrena.–Oinarri arautzaileak.
Landa Garapeneko, Ingurumeneko eta Toki Administrazioko kontseilariaren otsailaren 23ko 53/2016 Foru Aginduan daude jasota arau erregulatzaileak; haren bidez erregulatzen dira arauak Nafarroako Foru Komunitateko Landa Garapeneko 2014-2020ko Programaren barneko “Abeltzaintzako baliabide genetikoak kontserbatzea” izeneko 10.2 azpineurriaren babespean ez dauden Nafarroako abere hazleen elkarteei laguntzak emateko, eta 2016ko laguntzen deialdia onesten da.
Laugarrena.–Zenbatekoa.
250.000 euroko zenbatekoa baimentzen da laguntza deialdi honen ondoriozko gastuetarako, “Abeltzain elkarteentzako laguntzak, autoktonoak ez diren arrazak” izeneko 710004 71310 4819 412202 kontu-sailaren kargura, 2017ko gastuen aurrekontutik.
Bosgarrena.–Eskaerak aurkezteko epea.
Hilabeteko epea dago eskaerak aurkezteko, ebazpen hau Nafarroako Aldizkari Ofizialean argitaratzen denetik hasita.
Seigarrena.–Beste datu batzuk.
Hautatu daitekeen gehieneko gastua kalkulatzeko, laguntza eskaeraren aurreko urtean abenduaren 31rako benetan egindako jardueren adierazleak erabiliko dira, otsailaren 23ko 53/2016 Foru Aginduaren 6. artikuluan zehazten diren adierazleen zerrendaren arabera.
Iruñean, 2017ko otsailaren 21ean.–Landa Garapeneko, Nekazaritzako eta Abeltzaintzako zuzendari nagusia, Ignacio Gil Jordán.
Iragarkiaren kodea: F1702433
