1. NAFARROAKO FORU KOMUNITATEA
1.7. BESTELAKOAK
367/2017 EBAZPENA, otsailaren 13koa, Nafarroako Unibertsitate Publikoko errektoreak emana, Nafarroako Unibertsitate Publikoko Industria Ingeniaritzako Unibertsitate Masterreko ikasketa-plana argitaratzea agintzen duena.
Ikasketa-planak Unibertsitateen Kontseiluaren egiaztapena izan duenez, Kalitatea Ebaluatu eta Egiaztatzeko Agentzia Nazionalaren aldeko txostena eduki ondoren, bai eta Nafarroako Foru Erkidegoaren baimena ere, eta 2014ko abenduaren 26an Ministro Kontseiluak tituluaren ofizialtasuna ezarri zuenez (zeina 2015eko urtarrilaren 29n argitaratu baitzen BOEn, Unibertsitateen Idazkaritza Nagusiaren 2015eko urtarrilaren 9ko ebazpen baten bidez).
Unibertsitateei buruzko abenduaren 21eko 6/2001 Lege Organikoaren 35. artikuluan xedatutakoarekin bat etorriz, apirilaren 12ko 4/2007 Lege Organikoak emandako idazketaren arabera, eta urriaren 29ko 1393/2007 Errege Dekretuak bere 26.3 artikuluan xedatutakoarekin bat etorriz, zeina uztailaren 2ko 861/2010 Errege Dekretuak aldatu baitzuen, Errektoretza honek erabaki du Nafarroako Unibertsitate Publikoko Industria Ingeniaritzako Unibertsitate Masterra titulua lortzeko ikasketa-plana argitaratzea.
Ebazpen honek aipatzen duen ikasketa-plana eranskinean esaten den bezala egituratuko da.
Iruñean, 2017ko otsailaren 13an.–Errektorea, Alfonso Carlosena.
ERANSKINA, NAFARROAKO UNIBERTSITATE PUBLIKOKO ERREKTOREAK OTSAILAREN 13AN EMANDAKO 367/2017 EBAZPENARENA. EBAZPEN HORREK NAFARROAKO UNIBERTSITATE PUBLIKOKO INDUSTRIA INGENIARITZAKO UNIBERTSITATE MASTERREKO IKASKETA-PLANA
ARGITARATZEA AGINTZEN DU
Nafarroako Unibertsitate Publikoko Industria Ingeniaritzako
Unibertsitate Masterra tituluko ikasketa-plana
Jakintza-arloa: Ingeniaritza eta Arkitektura.
Ikasketa-planaren banaketa ECTS kredituetan, irakasgai motaren arabera:
IRAKASGAI MOTA | ECTS KREDITUAK |
Nahitaezkoak | 60 |
Aukerakoak | 42 |
Master Amaierako Lana | 18 |
Kredituak osotara | 120 |
Ikasketa-plan laburtua (moduluaren eta irakasgaiaren arabera):
MODULUA | ECTS | IRAKASGAIA | IZAERA | ECTS | IKASMAILA |
Industria teknologiak | 30 | Industria teknologia aurreratuak | Nahitaezkoa | 30 | 1 |
Kudeaketa | 15 | Enpresen zuzendaritza eta administrazioa | Nahitaezkoa | 15 | 1 |
Instalazioak, fabrikak eta eraikuntza osagarriak | 15 | Instalazioak, fabrikak eta eraikuntzak | Nahitaezkoa | 15 | 1 |
Aukerako espezializazio modulua | 30 | Ingeniaritza mekaniko aurreratua | Aukerakoa | 30 | 2 |
Teknologia aurreratuak energia berriztagarrietan eta ingeniaritza elektrikoan | Aukerakoa | 30 | 2 |
Ingeniaritza aurreratua industria elektronikan | Aukerakoa | 30 | 2 |
Enpresen antolaketako teknika aurreratuak | Aukerakoa | 30 | 2 |
Aukerako zeharkako modulua | 12 | Master Amaierako Lanaren osagarria | Aukerakoa | 12 | 2 |
Praktikak enpresetan | Aukerakoa | 12 | 2 |
Ikerketan hastea | Aukerakoa | 12 | 2 |
Master Amaierako Lana | 18 | Master Amaierako Lana | Nahitaezkoa | 18 | 2 |
Iragarkiaren kodea: F1702363
