1. NAFARROAKO FORU KOMUNITATEA
1.5. ESTATUTUAK ETA LAN HITZARMEN KOLEKTIBOAK
79C/2016 EBAZPENA, azaroaren 30ekoa, Politika Ekonomiko eta Enpresarialaren eta Lanaren zuzendari nagusiak emana, Papeles El Carmen SAU enpresaren Altzuzako eta Uharteko lantokietako hitzarmen kolektiboa erregistratu, gorde eta Nafarroako Aldizkari Ofizialean argitaratzea erabakitzen duena.
Ikusirik Papeles El Carmen SAU enpresaren hitzarmen kolektiboaren testua (kode zenbakia: 31100522012013), Altzuzako eta Uharteko lantokietarako, erregistro honetan sartu zena 2016ko urriaren 27an eta enpresaren eta sindikatuen ordezkariek 2016ko urriaren 7an izenpetu eta 2016ko azaroaren 15ean zuzendu zutena. Langileen Estatutuari buruzko Legearen testu bategina onetsi zuen urriaren 23ko 2/2015 Legegintzako Errege Dekretuaren 90. artikuluaren 2. eta 3. idatz-zatietan eta Hitzarmen Kolektiboen eta Akordioen Erregistro eta Gordailuei buruzko maiatzaren 28ko 713/2010 Errege Dekretuan ezarritakoaren arabera,
EBATZI DUT:
1. Nafarroako Lan Hitzarmen eta Akordio Kolektiboen Erregistroan inskribatzeko agintzea.
2. Nafarroako Aldizkari Ofizialean argitaratzeko agintzea, orok jakin dezan.
Iruñean, 2016ko azaroaren 30ean.–Politika Ekonomiko eta Enpresarialaren eta Lanaren zuzendari nagusia, Izaskun Goñi Razquin.
Papeles El Carmen SAU enpresaren Altzuzako eta Uharteko lantokietako hitzarmen kolektiboa (PDFa).
Iragarkiaren kodea: F1700211
