Iragarkia
239. ALDIZKARIA - 2017ko abenduaren 15a
1. NAFARROAKO FORU KOMUNITATEA
1.7. BESTELAKOAK
566/2017 EBAZPENA, azaroaren 22koa, Hezkuntzako zuzendari nagusiak emana, Lanbide Heziketako Teknikari eta Goi Mailako Teknikari tituluak lortzeko probetarako deialdia egiten duena, 2017-2018 ikasturterako.
Lanbide Kualifikazioei eta Lanbide Heziketari buruzko ekainaren 19ko 5/2002 Lege Organikoak 1.2 artikuluan ezartzen du funts publikoekin eusten den prestakuntzaren eskaintzak bizitza osoko prestakuntza bultzatuko duela, espektatiba eta egoera pertsonal eta profesional desberdinei egokituta. Hezkuntzari buruzko maiatzaren 3ko 2/2006 Lege Organikoak, 69.4 artikuluan, eskumena ematen die hezkuntza administrazioei Lanbide Heziketako tituluak lortzeko probak antolatzeko aldian behin, betiere 40. artikuluan ezarritako helburuak betetzen direla frogatuz gero.
Hezkuntza sistemako Lanbide Heziketaren antolamendu orokorra ezartzen duen uztailaren 29ko 1147/2011 Errege Dekretuak 36. artikuluan xedatzen du hezkuntza administrazioei dagokiela proba horiek aldian behin antolatzea, eta, beren eskumenen esparruan, haien deialdia egitea gutxienez urtean behin, eta, orobat, zehaztea zein diren proba horien xedeko heziketa zikloetako lanbide moduluak, noiz den matrikulazio epea, zein egunetan eta zein ikastetxetan eginen diren eta zein izanen diren proben edukiei dagozkien curriculumak. Era berean, 37. artikuluan zehazten du zein diren probetan parte hartzeko baldintzak eta adinari buruzko betebeharrak.
Hezkuntzako kontseilariak ekainaren 27an emandako 76/2016 Foru Aginduak Lanbide Heziketako titulu ofizialak lortzeko proben deialdiak egiteko baldintza orokorrak ezarri zituen. Proba horiek lanbide eremu profesional zehatz batean prestakuntza handia izan eta laguntzarik gabe ikasketak euren kabuz planifikatzeko gai diren pertsonentzat dira batez ere. Aurretik Hezkuntza Departamenduak deialdiak egin ditu 2014-2015, 2015-2016 eta 2016-2017 ikasturteetan. Hori Hezkuntza Departamentuak egindako apustua izan da, Lanbide Heziketako tituluetarako sarbidea bizitza osoan zehar izateko aukera sustatzeko.
Arau-esparru berri horrek deialdi orokorrak ezartzeko aukera aurreikusten du, interesaturik egon daitezkeen pertsona guztientzat, eta baita berariazko deialdiak ere, eremu edo kolektibo jakin batzuentzat, Hezkuntza Departamentuaren iritziz arreta berezia behar duen egoeraren bat baldin badago. Era berean ezartzen du Hezkuntza Zuzendaritza Nagusiari dagokiola proben deialdiak egitea, eta zehaztea horren xedeko heziketa zikloak, izena ematea eta matrikulari buruzko alderdiak, eta probak zein egunetan eta zein ikastetxe publikotan eginen diren.
Ikusita Lanbide Heziketaren Zerbitzuak Lanbide Heziketako Teknikari eta Goi Mailako Teknikari tituluak lortzeko sarrera proben deialdiaren alde emandako txostena, baita horiek 2017-2018 ikasturtean Nafarroako Foru Komunitatean egiteko arauak ere, Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1.d) artikuluaren bidez esleitutako ahalmenak erabiliz,
EBATZI DUT:
1. Lanbide Heziketako Teknikari eta Goi Mailako Teknikari tituluak lortzeko proben deialdia egitea 2017-2018 ikasturterako.
2. Ebazpen hau eta eranskinak argitaratzea Nafarroako Aldizkari Ofizialean.
3. Ebazpen hau eta eranskinak igortzea Hezkuntzako Ikuskapen Zerbitzuari, Lanbide Heziketaren Zerbitzuari; Lanbide Gaitasunak Garatzeko Zerbitzuari eta Orientaziorako, Enplegua Sustatzeko eta Enpresentzako Zerbitzuetarako Zerbitzuari (biak Nafar Lansare-Nafarroako Enplegu Zerbitzukoak), Lanbide Heziketaren Plangintza, Antolamendu eta Garapenerako Atalari, Lurralde Antolaketarako eta Agentzien Koordinaziorako Atalari, Lanbide Gaitasunak Egiaztatzeko eta Iturrondo Zentroaren Atalari, Ikastetxeetako Informazioa Kudeatzeko Bulegoari, Eskolatze Bulegoari eta Argibide eta Agiri Bulegoari, behar diren ondorioak izan ditzaten.
4. Ebazpen honen aurka gora jotzeko errekurtsoa jartzen ahalko da, Hezkuntzako kontseilariari zuzendua, hilabeteko epean, Nafarroako Aldizkari Ofizialean argitaratu eta biharamunetik hasita.
Iruñean, 2017ko azaroaren 22an.–Hezkuntzako zuzendari nagusia, Roberto Pérez Elorza.
1. ERANSKINA
OINARRIAK
Xedea
1. Ebazpen honen xedea, ekainaren 27ko 76/2016 Foru Aginduaren 1. eranskineko 2. oinarrian ezarritakoaren arabera, teknikari eta goi mailako teknikari tituluak lortzeko probetarako deialdia egitea da, 2017-2018 ikasturterako, bai orokorra eta bai berariazkoa, Nafarroan.
Deialdi orokorra interesaturik egon daitezkeen pertsona guztientzat da, betiere eranskin honetako 13. eta 14. oinarrietan izena emateko ezarritako baldintzak betetzen badituzte.
Berariazko deialdia eranskin honetako 15. oinarrian izena emateko ezarritako baldintzak betetzen dituztenentzat da.
2. Ebazpen honen 2. eranskinean hauek ageri dira, bai deialdi orokorrerako eta bai berariazko deialdirako:
–Deialdi horretako probak zer titulu eta modulutarako diren eta horien zerrenda.
–Lanbide modulu bakoitzeko eskainitako plaza kopurua.
–Probetako zentro aztertzaileak.
3. 2017-2018 ikasturtean Teknikari titulua eta Goi Mailako Teknikari titulua lortzeko inskripzio, onarpen eta matrikulatze prozesuaren egutegia, eta baita probetarako deialdiaren egutegia ere, 3. eranskinean jasotzen dira.
Proben helburua eta ondorioak
4. Lanbide Heziketako Teknikari titulua eta Goi Mailako Teknikari titulua lortzeko proben helburua da egiaztatzea izangaiek maiatzaren 3ko 2/2006 Lege Organikoaren 40. artikuluan ezarritako helburuak eskuratu dituztela, abenduaren 9ko 8/2013 Lege Organikoaren testuaren arabera, hezkuntzaren kalitatea hobetzeko.
5. Nafarroako Foru Komunitatean deialdiko titulu bakoitzerako ezarritako curriculumari buruzkoak izanen dira proben edukiak.
6. Lanbide moduluen arabera eginen da ebaluazioa.
7. Ebazpen honen bidezko probetan gainditzen diren moduluak ondorio guztietarako emanen dira gainditutzat Lanbide Heziketako tituluak zuzenean lortzeko egiten diren hurrengo deialdietarako edo Lanbide Heziketako ikasketak eskaintzaren edozein modalitatetan egiteko.
8. Proba hauek ez dute deialdirik agortzen uztailaren 29ko 1147/2011 Errege Dekretuaren 51.4 artikuluan ezarritako ondorioetarako.
9. Lanbide Heziketako Teknikari titulua edo Goi Mailako Teknikari titulua lortzeko, Nafarroako curriculumaren arabera dagokion heziketa zikloko lanbide modulu guztiak gainditu beharko dira, uztailaren 29ko 1147/2011 Errege Dekretuaren 52.1 artikuluan xedatutakoaren arabera.
Prozeduren bateraezintasuna
10. Prozeduren bateraezintasuna arautua dago ekainaren 27ko 76/2016 Foru Aginduaren 1. eranskinaren 4. oinarrian.
11. Teknikari titulua edo Goi Mailako Teknikari titulua lortzeko probetan matrikulatzeak eta aldi berean aipatutako 4. oinarrian adierazitako egoeraren batean egoteak, ofizioz ekarriko du dagokion moduluan egindako matrikula deuseztatzea, bai eta haietan atera daitezkeen emaitza akademikoak ere.
12. Nafarroako Gobernuaren tramiteen katalogoko “Lanbide Heziketako tituluak lortzeko proba libreak” izeneko tramiteen fitxan ageri da lanbide gaitasunak ebaluatu eta egiaztatzeko prozeduretan parte hartzeari dagokion bateraezintasunari buruzko informazioa. Tramiteen fitxa hori helbide honetan dago:
Izena emateko baldintzak. Deialdi orokorra
13. Ebazpen honen deialdiko Teknikari tituluak lortzeko deialdi orokorreko probetan izena emateko, baldintza orokor hauek bete beharko dira:
a) 18 urte izatea, eta gainera,
b) Ondoko titulu edo ziurtagirietako bat izatea:
–Derrigorrezko Bigarren Hezkuntzako graduatu titulua.
–Oinarrizko Lanbideko titulua.
–Batxilergoko titulua.
–Unibertsitateko tituluren bat.
–Lanbide Heziketako Teknikari titulua edo Goi Mailako Teknikari titulua.
–Ondorio akademikoetarako aurreko horietakoren baten baliokide diren beste ikasketa edo prestakuntza ikastaro batzuk gainditu izanaren ziurtagiria.
–Batxilergoko irakasgai guztiak gainditu izanaren ziurtagiria.
–Ikastetxe publikoetan edo hezkuntza administrazioak baimendutako ikastetxe pribatuetan erdi mailako heziketa zikloetara sartzeko berariazko prestakuntza ikastaroa gainditu izanaren ziurtagiria.
–Hasierako lanbide kualifikazioko programa bateko nahitaezko moduluak gainditu izanaren frogagiria.
–Erdi edo goi mailako heziketa zikloetan sartzeko proba gainditu izanaren ziurtagiria.
–Unibertsitatean 25 urtetik gorakoak sartzeko proba gainditu izanaren ziurtagiria.
14. Ebazpen honen deialdiko Goi Mailako Teknikari titulua lortzeko deialdi orokorreko probetan izena emateko, bi baldintza orokor hauek bete beharko dira:
a) 20 urte izatea, eta gainera,
b) Ondoko titulazio edo prestakuntza hauetakoren bat izatea:
–Batxilergo titulua.
–Unibertsitateko tituluren bat.
–Lanbide Heziketako Teknikari titulua edo Goi Mailako Teknikari titulua.
–Ondorio akademikoetarako aurreko horietakoren baten baliokide diren beste ikasketa edo prestakuntza ikastaro batzuk gainditu izanaren ziurtagiria.
–Batxilergoko irakasgai guztiak gainditu izanaren ziurtagiria.
–Goi mailako zikloetan sartzeko proba bat gainditu izanaren ziurtagiria, bide ematen duena eskaeraren xedeko moduluez osatzen den goi mailako heziketa zikloan sartzeko.
–Unibertsitatean 25 urtetik gorakoak sartzeko proba gainditu izanaren ziurtagiria.
Izena emateko baldintzak. Berariazko deialdia
15. Ebazpen honen deialdiko Teknikari tituluak lortzeko berariazko deialdiaren probetan izena emateko, baldintza hau bete beharko da:
–Nafarroan Lanbide Heziketako tituluak lortzeko proben aurreko deialdietan onartua izatea, inskribatzeko eskatzen den zikloko lanbide modulu beretan.
Plazak gordetzea
16. Modulu bakoitzean, erreserba hauek eginen dira eskaintzen diren 40 plazako:
–2 plaza, desgaitasunen bat dutenentzat.
–2 plaza, goi mailako edo errendimendu handiko kirolarientzat, goi mailako eta errendimendu handiko kirolariei buruzko uztailaren 13ko 971/2007 Errege Dekretuan aurreikusitakoaren arabera.
–2 plaza, hezkuntza laguntzako berariazko premiak dituztela egiaztatzen duten pertsonentzat, ikasteko nahasmenduak eta arreta eskasiagatiko eta hiperaktibitateagatiko nahasmenduak izateagatik.
Modulu bakoitzean desgaitasunak dituzten bi lagun baino gehiago, edo errendimendu handiko bi kirolari baino gehiago, edo ikasteko nahasmenduen eta arreta eskasiagatiko eta hiperaktibitateagatiko nahasmenduen ondoriozko hezkuntza laguntzako berariazko premiak dituzten bi lagun baino gehiago izanez gero, eranskin honen 28. eta 29. oinarrietan ezarritako onarpen irizpideen arabera prestatutako lehentasun zerrendako lehen biei esleituko zaizkie plazak.
Ikasle berezi horientzat erreserbatutako plazak betetzen ez badira, eskaintza orokorrekoei gehituko zaizkie.
Izena ematea
17. Ziklo bakar bateko eta zentro bakar bateko lanbide moduluen arabera egin beharko da izena emateko eskaera.
Inskripzioa honela egiten ahalko da:
–Bertaratuta: zer ziklo hautatzen den, hartarako azterketa egiten duen zentroan.
–Telematika bidez, on line (horretarako ziurtagiri digital balioduna, NAN elektronikoa edo NAN gehi PIN izan beharko da), helbide honetan dagoen “Lanbide Heziketako tituluak lortzeko proba libreak” izeneko tramiteen fitxatik:
http://www.navarra.es/home_es/Servicios/ficha/5349/Pruebas-libres-para-la-obtencion-de-titulos-de-Formacion-Profesional.
18. Izangai bakoitzak inskripzio eskabide bakar bat aurkeztuko du, Nafarroako Gobernuaren tramiteen katalogoko “Lanbide Heziketako tituluak lortzeko proba libreak” izeneko tramiteen fitxako ereduei egokitua.
Pertsona batek eskabide bat baino gehiago aurkezten baditu, horietako bakar bat ere ez da kontuan hartuko, eta deialdi honetan araututako onarpen prozeduratik kanpo geldituko da.
19. Gehienez ere 1.000 irakastordura iritsiko da inskripzioaren xedeko eskaera osatzen duten lanbide moduluen kopurua. Irakastordu horiek gainditzen dituen modulu kopurua eskatuz gero, zentroak inskripzioaren eskaeran adierazitako ordenaren araberako inskripzioa eginen du lanbide moduluetan, curriculumeko gehieneko ordu kopurura iritsi arte.
Zer lanbide modulu egiaztatzeko eskaera egin gogo den, haiek ez dira inskripzio eskaeran adierazi beharko.
20. Lantokiko Prestakuntza moduluan izena eman dezakete soilik zikloko gainerako moduluak gainditu dituztenek; gainera, Nafarroan 2016-2017 ikasturteari zegozkion titulua kortzeko proben deialdian gaindituak izan behar dute.
Ez dira inola ere onartuko Lantokiko Prestakuntza moduluko inskripzioak, baldin eta pertsona horiek aipatutako baldintzak betetzen ez badituzte.
21. Aukeratu den zentroan bertaratuta egiten den inskripzio eskaera haren administrazio bulegoetan aurkeztuko da, ebazpen honen 3. eranskinean azaltzen den deialdiaren egutegian ezarritako epean.
22. Erizaintzako zainketa lagungarriak izeneko erdi mailako heziketa zikloari dagozkion moduluetan inskribatuz gero:
–proba libreen aurreko deialdietan Nafarroan moduluak gainditu, egiaztatu edo/eta baliozkotu zituzten pertsonek, zein zentrotan gainditu, egiaztatu edo baliozkotu zituzten modulu horiek, hartan aurkeztu beharko dute inskribatzeko eskaera.
–2015-2016 ikasturtean, zentro batean baino gehiagotan, proba libreen deialdian moduluak gainditu, egiaztatu edo/eta baliozkotu zituzten pertsonek, zein zentrotan gainditu, egiaztatu edo baliozkotu zituzten modulu horiek, haietako batean aurkeztu beharko dute inskribatzeko eskaera.
23. Halaber, Administrazio Publikoen Administrazio Prozedura Erkideari buruzko 39/2015 Legearen 16.4 artikuluak aipatzen dituen egoitzetako edozein erabiltzen ahalko da eskaerak aurkezteko. Eskubide hori erabiliz, eskaera posta bidez igortzen bada, gutun-azal irekian aurkeztuko da, Posta Zerbitzuko funtzionarioak data eta zigilua jar ditzan gutuna ziurtatu baino lehen.
24. Inskripzioa eskatzeko unean frogatu beharko da eranskin honetako 13. eta 14. oinarrietan ezarritako baldintzak betetzen direla deialdi orokorrerako, eta 15. oinarrian ezarritakoak berariazko deialdirako.
Era berean, Lantokiko Prestakuntza moduluko inskripzioa eskatzeko, frogatu beharko da eranskin honetako 20. oinarrian ezarritako baldintzak betetzen direla.
25. Inskripzio eskaerarekin batera, aurkeztu beharko da eranskin honetako 28. eta 29. oinarrietan ezarritako onarpen taldeei dagokien dokumentazioa.
26.1. Lehenengo taldea.
a) Nortasun agiri nazionalaren fotokopia, pasaportearena, nortasuna frogatzen duen bidaia agiri batena, bisarena edo atzerritarren identifikazio txartelarena.
b) Inskripzio eskaera hartzen duen zentroak jaso beharko du gainditu, egiaztatu edo/eta baliozkotutako moduluen batez besteko notari buruzko informazioa.
26.2. Bigarren taldea:
a) Nortasun agiri nazionalaren fotokopia, pasaportearena, nortasuna frogatzen duen bidaia agiri batena, bisarena edo atzerritarren identifikazio txartelarena.
b) Zikloan sartzeko titulua edo prestakuntza akademikoa egiaztatzen duen ziurtagiriaren fotokopia, batez besteko nota adierazita.
c) Zer ziklotan inskribatzeko eskatzen den, haren moduluak gainditu izana frogatzen duen ziurtagiri akademikoaren fotokopia, kasu hori bada.
d) Zer modulutan inskribatzeko eskatzen den, haren tituluko gaitasun unitateak ofizialki frogatzen dituen dokumentuaren fotokopia, kasu hori bada.
26.3. Hirugarren taldea:
a) Nortasun agiri nazionalaren fotokopia, pasaportearena, nortasuna frogatzen duen bidaia agiri batena, bisarena edo atzerritarren identifikazio txartelarena.
b) Zikloan sartzeko titulua edo prestakuntza akademikoa egiaztatzen duen ziurtagiriaren fotokopia, batez besteko nota adierazita.
c) Laneko esperientziaren egiaztagiria, dokumentu hauek aurkeztuta:
c.1) Soldatapeko langileentzat eta langile autonomoentzat edo beren gain ari direnentzat:
–Laneko esperientzia zer enpresa edo erakundetan eskuratu duen, haren ziurtagiria, datu hauek berariaz adierazita: kontratuaren iraupena, egindako jarduera eta zenbat denbora egin duen lan horretan. Beren gain ari diren langileen kasuan, tributudunen zentsuan altan egotearen ziurtagiria eskatuko da, urtebeteko antzinatasunarekin gutxienez, bai eta interesdunaren aitorpen bat ere, egindako jarduera adierazgarrienei buruz.
–Gizarte Segurantzako Diruzaintza Orokorraren edo Lan Mutualitatearen ziurtagiria, non enpresa, lanbide kategoria, kotizazio taldea eta kontratazioaldia adieraziko baitira, edo, betiere, Langile Autonomoen Araubide Berezian izandako kotizazioaldia, edo, bestela, zuzenbidearen araberakoa den beste edozein frogabide.
c.2) Boluntario gisa, bekadun gisa edo antzeko modu batean lan egin dutenen kasuan:
–Zerbitzuak zer erakundetan egin diren, hark emandako ziurtagiria, berariaz adierazita honako hauek urte natural bakoitzerako: egindako jarduerak eta eginkizunak, zer urtetan egin diren eta horietan guztira sartutako ordu kopurua.
26.4. Laugarren taldea.
a) Nortasun agiri nazionalaren fotokopia, pasaportearena, nortasuna frogatzen duen bidaia agiri batena, bisarena edo atzerritarren identifikazio txartelarena.
b) Zikloan sartzeko titulua edo prestakuntza akademikoa egiaztatzen duen ziurtagiriaren fotokopia, batez besteko nota adierazita.
26.5. Lau taldeetako bakoitzean, desgaitasunen bat izatea edo goi mailako edo errendimendu handiko kirolari izatea edo hezkuntza laguntzako berariazko premia izatea egiaztatzen duen dokumentazioa.
27. Hezkuntza Departamentuak egiaztatzen ahalko du inskribatutakoek aurkeztutako datuak edo/eta dokumentuak benetakoak diren edo ez. Haietan faltsutasunik badela egiaztatuz gero, deialditik kanpo geldituko da, eta, hartan kalifikaziorik lortu bada, deuseztatuko da.
Onartzeko irizpideak
28. Ondoko irizpideei jarraituz ordenatuko da deialdi honen xede diren heziketa zikloetako moduluetan inskribatzeko eskatzen duten ikasleen lehentasunezko zerrenda:
–Lehenbizikoa: Lanbide Heziketako Teknikari titulua eta Goi Mailako Teknikari titulua lortzearren, moduluen proba libreak egiteko, aurreko ikasturteetako deialdietan Nafarroan matrikulatuta egon eta lanbide moduluren bat gainditu, egiaztatu edo baliozkotzen dutenak.
–Bigarrena: beste autonomia erkidego batzuetako proba libreen deialdien bidez edo beste prestakuntza modalitate batzuen bidez, tituluko gaitasun unitateren bat dutela edo tituluaren lanbide moduluak gainditu izana frogatzen dutenak.
–Hirugarrena: laneko esperientzia enpresa, elkarte edo erakunde batean, urtebetekoa gutxienez ere lanaldi osoko lan batean, frogatzen dutenak.
Laneko esperientzia zehazteko, zerikusia izan beharko du, LOGSEko zikloen kasuan, gaitasun orokorrarekin, gaitasun unitateekin, heziketa zikloaren errealizazioekin eta errealizazio irizpideekin; eta LOEko zikloen kasuan, gaitasun orokorrarekin, lanbide gaitasunekin, gaitasun pertsonal eta sozialekin, kualifikazioekin eta heziketa zikloko Lanbide Kualifikazioen Katalogo Nazionaleko gaitasun unitateekin.
–Laugarrena: aurreko taldeetako bakar batean ez daudenak.
Osasun larrialdiak eta Erizaintzako zainketa lagungarrien zikloen moduluen lehentasunezko zerrendari dagokionez, talde bakarra dago, Lanbide Heziketako Teknikari titulua eta Goi Mailako Teknikari titulua lortzearren, moduluen proba libreak egiteko aurreko ikasturteetako deialdietan Nafarroan matrikulatuta egon diren pertsonei dagokiena.
29. Hurrengo lehentasun irizpideak kontuan izanda ezarriko da lehentasun zerrenda, aipatu lau taldeetako bakoitzerako:
a) Lehen taldea:
–Gaindituta, egiaztatuta edo/eta baliozkotuta dauden modulu kopuruaren arabera, handienetik txikienerako hurrenkeran.
–Gainditu, egiaztatu edo/eta baliozkotu diren moduluen kopurua berdina izanez gero, gainditu, egiaztatu edo/baliozkotu diren moduluen batez besteko notaren arabera, bi zifra hamartar adierazita, handienetik txikienera.
–Berdinketak jarraituz gero, Nafarroako Eskolatze Batzorde Nagusian, 2017-2018 ikasturteko onarpen prozedurako, egindako zozketaren emaitza aplikatuz ebatziko da.
b) Bigarren taldea:
–Egiaztatzen diren gaitasun unitateen eta gainditu, egiaztatu eta baliozkotzen diren lanbide moduluen kopuruaren arabera, gaitasun unitateen eta lanbide moduluen kopuru handienetik txikienera. Guztira zenbatzeko orduan, balio berekotzat jotzen dira modulua eta gaitasun-unitatea.
–Gaitasun unitate egiaztatuen eta lanbide modulu gainditu, egiaztatu eta baliozkotuen kopurua berdina izanez gero, sartzeko alegatzen den baldintzaren batez besteko notaren arabera, bi zifra hamartar adierazita, handienetik txikienera. Batez besteko nota kalkulaturik ez dutenak, nor bere taldeko azken tokira pasatuko dira.
–Berdinketak jarraituz gero, Nafarroako Eskolatze Batzorde Nagusian, 2017-2018 ikasturteko onarpen prozedurako, egindako zozketaren emaitza aplikatuz ebatziko da.
c) Hirugarren taldea:
–Sartzeko alegatzen den baldintzaren batez besteko notaren arabera, bi zifra hamartar adierazita, handienetik txikienera. Batez besteko nota kalkulaturik ez dutenak, nor bere taldeko azken tokira pasatuko dira.
–Berdinketa badago, Nafarroako Eskolatze Batzorde Nagusian, 2017-2018 ikasturteko onarpen prozedurako, egindako zozketaren emaitza aplikatuz ebatziko da.
d) Laugarren taldea:
–Sartzeko alegatzen den baldintzaren batez besteko notaren arabera, bi zifra hamartar adierazita, handienetik txikienera. Batez besteko nota kalkulaturik ez dutenak, nor bere taldeko azken tokira pasatuko dira.
–Berdinketa badago, Nafarroako Eskolatze Batzorde Nagusian, 2017-2018 ikasturteko onarpen prozedurako, egindako zozketaren emaitza aplikatuz ebatziko da.
Onartuen behin-behineko eta behin betiko zerrendak
30. Ebazpen honen 3. eranskinean jasotako egutegian adierazten den egunean, zentro aztertzaileko zuzendaritzak bertako iragarki oholean eta bere web-orrian argitaratuko du onartzen direnen behin-behineko zerrenda, lanbide modulu bakoitzerako.
31. Onartzen direnen behin-behineko zerrenda horren aurka, erreklamazioa igortzen ahalko zaio zentroko zuzendariari, ebazpen honen 3. eranskinean adierazitako egunetan.
32. Azterketa zentroko Zuzendaritzak, ebazpen honen 3. eranskinean adierazitako egunean, onartzen direnen behin betiko zerrenda argitaratuko du zentro aztertzaileko iragarki oholean eta haren web-orrian, lanbide modulu bakoitzerako.
33. Eskatutako lanbide moduluren batean onartzen ez diren lehendabiziko hogei eskatzaileak itxaron zerrendan geldituko dira, ebazpen honen xedeko proba libreen deialdian, aurretik ezarritako irizpideen arabera sailkaturik. Onartuak izan daitezke, plaza hutsik egonez gero moduluren batean, onartutako ikasleren baten baja izan delako.
34. Ikasle bat lanbide modulu batean onartu dela ulertuko da hala agertzen denean onartutako ikasleen behin betiko zerrendan, edo azterketa egin dion zentroak plaza esleitzen dionean matrikulazio epea bukatuta plaza hutsik izateagatik.
Matrikulazioa
35. Ebazpen honen 3. eranskinean adierazitako egunetan egin beharko da matrikula onartua izan den moduluetan, eta dokumentazio hau aurkeztu beharko da:
–Lanbide Heziketako Teknikari titulua edo Goi Mailako Teknikari titulua lortzeko moduluen araberako proba libreetako tasa gisa erabakitako diru kopurua Nafarroako Foru Komunitateko Administrazioaren diru-bilketa kontuan sartu izanaren gordekina.
–Familia ugariaren titulua izanez gero, horren fotokopia.
–Beharrezko egokitzapen motaren eskaera, desgaitasuna dutela frogatu dutenen kasuan.
–Beharrezko egokitzapen motaren eskaera, hezkuntza laguntzako berariazko premiak dituztela frogatu dutenen kasuan, ikasteko nahasmenduak eta arreta eskasiagatiko eta hiperaktibitateagatiko nahasmenduak izateagatik.
36. Matrikula egiteak ebaluazio deialdi bakar baterako eskubidea emanen du modulu bakoitzeko 2017-2018 ikasturtean.
37. Nafarroako Foru Komunitateko Administrazioaren eta haren erakunde autonomoen tasei eta prezio publikoei buruzko martxoaren 27ko 7/2001 Foru Legearen 99. artikuluan xedatutakoari jarraituz (lege hori Tributu arloko Neurriei buruzko abenduaren 24ko 28/2014 Foru Legearen bidez aldatu zen, abenduaren 30eko 1621/2005 Errege Dekretuari dagokionez, zeinaren bidez Familia Ugariak Babesteko azaroaren 18ko 40/2003 Legearen Erregelamendua onetsi zen), honako hauek dira Lanbide Heziketako Teknikari titulua edo Goi Mailako Teknikari titulua lortzeko proba libreetan matrikulatzeko tasak, modulu bakoitzeko:
–Tarifa arrunta: 10 euro.
–1. kategoriako familia ugariko kideak (kategoria orokorra): 5 euro.
–2. kategoriako familia ugariko kideak (kategoria berezia): doan.
38. Lanbide Heziketako Teknikari titulua edo Goi Mailako Teknikari titulua lortzeko, modulukako proba libreetako matrikulazio tasa ordaintzeko, Internet bitartez bete beharko da ordainketa-gutunaren inprimakia, Nafarroako Gobernuaren tramiteen katalogoko “Lanbide Heziketako tituluak lortzeko proba libreak” izeneko tramiteen fitxan, zeina helbide honetan baitago:
http://www.navarra.es/home_es/Servicios/ficha/5349/Pruebas-libres-para-la-obtencion-de-titulos-de-Formacion-Profesional.
Ordainketa-gutuna bete ondoren, eta aipatu fitxan dauden jarraibideekin bat, eskatzaileak ordainketa egiten ahalko du, pagatzeko bi modu hauetako baten bidez:
a) Diru-sarrera banku-erakunde laguntzaile batean.
b) Ordainketa telematikoa banku-txartel baten bidez.
Tasaren kuota inskripzioan ezarritako epean ez pagatzea edo osorik ez pagatzea baztertzeko arrazoia izanen da; orobat, bazterturik geldituko da tasa ordaintzetik erabat salbuetsita egoteko edo tasaren hobaria izateko behar diren agirietako bat aurkezten ez bada edo agiri horietan faltsukeriaren bat atzematen bada.
Tasa itzultzea, interesdunak eskaturik, bidezko izanen da, bakar-bakarrik, bitan ordaindu bada edo behar baino gehiago ordaindu bada.
Tasa itzultzeko eskaeretan, interesdunek Nafarroako Gobernuaren tramiteen katalogoko “Lanbide Heziketako tituluak lortzeko proba libreak” izeneko tramiteen fitxan dagoen eredua erabiliko dute.
Hezkuntza Departamentuaren erregistroan aurkeztuko da tasa itzultzeko eskaera, Lanbide Heziketaren Zerbitzuko Lanbide Heziketaren Plangintza, Antolamendu eta Garapenerako Atalari zuzendua. Eskabidearekin batera, bertan aipatzen den dokumentazioa aurkeztu beharko da nahitaez.
39. Bateraezinak dira proba hauetako matrikula eta beste prozedura batzuk, ekainaren 27ko 76/2016 Foru Aginduaren 1. eranskinaren 4. oinarrian arautzen den moduan. Ez bada betetzen, deialdi honetako matrikula eta bertan lortzen diren emaitza akademikoak deuseztatuko dira, eskubiderik sortu gabe matrikularen tasa itzultzeko.
40. Inskripzio eskaeran desgaitasunen bat dutela frogatu duten izangaiek probak egiteko zer egokitzapen mota jotzen duten beharrezkoa adierazi beharko dute matrikula egiten duten unean.
41. Ikasteko nahasmenduen eta arreta eskasiagatiko eta hiperaktibitateagatiko nahasmenduen ondoriozko hezkuntza laguntzako berariazko premiak frogatu dituzten izangaiek, matrikula egiteko unean, probetarako egokitzapenak adierazi beharko dituzte; zeinak Hezkuntzako kontseilariaren ekainaren 18ko 65/2012 Foru Aginduaren 5.7 artikuluan ezarritakoaren arabera burutuko baitira.
42. Bi kasuetan, egokitzapen horiengatik ez dira tituluaren gaitasun orokorrean eragina duten ikasketaren helburuak edo emaitzak kenduko.
Gainditutako moduluak baliozkotzeko eta egiaztatuak izateko prozedura
43. Azaroaren 7ko ECD/2159/2014 Aginduaren 3. artikuluko 9. apartatuan (urriaren 26ko ECD/1055/2017 Aginduak emandako testuaren arabera) ezarritakoarekin bat, ezin dira eskatu moduluen baliozkotzeak Lanbide Heziketako Teknikari titulua edo Goi Mailako Teknikari titulua lortzeko proben deialdi honetan.
44. Probarako deialdia ebazpen honen bidez egiten zaien lanbide moduluetan matrikulaturik daudenek beste lanbide modulu batzuk egiaztatzeko eskatzen ahalko dute, indarreko araudian ezarritakoa betez.
45. Gainditutako moduluak egiaztatzea prozesu akademiko eta administratibo bat da, zeinaren bidez, ikasleek eskatuta, erabakitzen baita ikasleak matrikulatua dagoen heziketa zikloko modulu bat edo gehiago ez dituela egin behar aurretik egindako beste batzuen berdin-berdinak direlako eta horien azken kalifikazioa positiboa izan delako, hau da, 5 edo gehiago.
Moduluak egiaztatuz gero, ondorio hau izanen du: gainditutako moduluen kalifikazioa ikaslearen ikasketa-espedientera aldatuko da.
46. Hauxe da moduluak egiaztatzeko eskabideari erantsi beharko zaion dokumentazioa: gainditu diren moduluak jasotzen dituen ziurtagiri akademikoaren fotokopia.
47. Azterketa egiten duten zentroek beharrezko informazioa eta orientazioa emanen diete moduluak egiaztatzeko eskatzen dutenei.
Proben nondik norakoari buruzko informazio saioa
48. Ebazpen honen 3. eranskinean ezarritako egutegian aipatzen diren egunetan, deialdi honen xedeko heziketa ziklo bakoitzeko Ebaluazio Batzordeak informazio saioa eginen du zentro aztertzaileetan, berak ezartzen duen ordutegian, matrikulatuta daudenentzat.
49. Saio horretan proben alderdi hauei buruzko informazioa eta orientazioa emanen da:
–Ikasketaren emaitzak edo amaierako gaitasunak, bai eta proben xedeko lanbide moduluei dagozkien ebaluazio irizpideei buruzkoak ere.
–Ebaluazio sistema.
–Ebaluaziorako proba motak.
–Lanbide modulu bakoitzeko probak egiteko egutegia.
–Probekin zerikusia duten beste alderdi batzuk.
–Izangaien zalantzak argitzea, proben nondik norakoari buruz.
Proben prestaketa, egitura eta edukia
50. Izendatzen diren ebaluazio batzordeek prestatuko dituzte deialdi honen xedeko lanbide modulu bakoitzerako probak; teoriko-praktikoak izan beharko dute.
51. Erizaintzako zainketa lagungarrien erdi mailako heziketa zikloko moduluei dagokienez, Koordinazio Batzordeak edo/eta horretarako izendatutako aholkulariek prestatuko dituzte probak.
52. Edukiak Nafarroako Foru Komunitatean indarra duten heziketa zikloetako curriculumei eta haien lanbide gaitasunei buruzkoak izanen dira. Probek eduki teorikoak eta praktikoak izanen dituzte, halakoak non kasuan kasuko ebaluazio irizpideen bidez agerian gelditzen ahal baita ikasleek behar diren ikaskuntza emaitzak edo trebetasunak lortu dituztela, eta, hala dagokionean, lanbide moduluari lotutako gaitasunak.
53. Beren ezaugarriengatik eta bereizgarritasunarengatik beharrezkotzat jotzen den lanbide moduluetan, Ebaluazio Batzordeak hainbat zatitan antolatzen ahalko du proba, eta zehaztu, hala erabakiz gero, aurreko zatia gainditu beharko dela hurrengoa egiteko. Inguruabar horren berri emanen zaie matrikulatuta dauden ikasleei.
54. Probak egiteko egutegia ebazpen honen 3. eranskinean ezarritakoa da. Proba bat zenbait zatitan egiten bada, adierazitako data probaren lehen zatiari dagokio. Probak egiteko orientabideak, ebaluazio irizpideak eta kalifikazioa jendaurrean jarriko dira zentro bakoitzeko iragarki oholean eta web-orrian, ebazpen honen 3. eranskinean adierazitako egunetan.
Probak egitea
55. Deialdi honen xedeko modulu bakoitzerako probak, 2017-2018 ikasturteari dagozkionak, ebazpen honen 3. eranskinean ezarritako egutegiaren arabera eginen dira.
56. Ebaluazio Batzordeak azterketaren xedeko lanbide moduluen probak egiteko egutegia prestatuko du.
Halako eran prestatuko da egutegia non modulu bakoitzean irakaslanean aritzen diren irakasleen lanbide moduluen ariketak ez baitira finkatuko irakasle horien irakastorduetan. Orobat, ahaleginak eginen dira, jarduera horiek direla eta, zentroko gainerako ikasleei trabarik ez egiteko.
57. Probetan matrikulatuta daudenek nortasun agiri nazionala, pasaportea edo legez onartua den beste edozein dokumentu, identitatea behar adina frogatzen duena, eraman beharko dute.
Ebaluazio Batzordeak
58. Ekainaren 27ko 76/2016 Foru Aginduaren eranskinaren 8. oinarrian ezartzen den moduan, hezkuntza ziklo eta zentro bakoitzerako ebaluazio batzorde bat eratuko da; Lanbide Heziketaren Zerbitzuko zuzendariak izendatuko ditu.
Ebaluazio batzordeak aholkularien laguntza eska dezake beharrezkoa iruditzen zaionean. Lanbide Heziketaren Zerbitzuko zuzendariak izendatuko ditu aholkulari horiek.
59. Gainera, Erizaintzako zainketa lagungarrien heziketa ziklorako, koordinazio batzorde bat eratuko da, Hezkuntzako zuzendari nagusiak izendatua Lanbide Heziketaren Zerbitzuak proposaturik, kide hauek izanen dituena: mahaiburu bat eta hiru mahaikide.
Mahaiburua, Lanbide Heziketaren Plangintza, Antolamendu eta Garapenerako Ataleko kide bat izanen da. Hiru mahaikideak kidego hauetakoak izanen dira: katedradunak, Bigarren Hezkuntzako irakasleak, edo Lanbide Heziketako irakasle teknikoak, Erizaintzako zainketa lagungarrien zikloetan irakasteko gaitasuna duen espezialitateren batean; hiru zentro aztertzaileetako bakoitzetik bat. Idazkari lanetan gazteena ariko da.
Era berean, koordinazio batzordeak aholkularien laguntza eska dezake beharrezkoa iruditzen zaionean. Lanbide Heziketaren Zerbitzuko zuzendariak izendatuko ditu aholkulari horiek, helburu honekin: deialdi honen xedeko lanbide modulu bakoitza irakasle arduradun bakar bati esleitzeko.
60. Koordinazio batzordeak, ekainaren 27ko 76/2016 Foru Aginduaren eranskinaren 8. oinarrian aipatzen diren eginkizunez gain, honakoak ere izanen ditu:
–Eranskin honen 77. eta 78. oinarrietan aipatzen diren aholkularitza eta informazio lana egitea.
–Txostenak egitea, lanbide moduluak baliozkotzeko eta egiaztatzeko eskaerei buruz.
–Eranskin honen 48. eta 49. oinarrietan aipatu informazio saioa antolatu eta garatzea.
Erizaintzako zainketa lagungarriak zikloko moduluetako probei dagokienez, horietan koordinazio batzordearen eskumena da probak egitea.
61. Erizaintzako zainketa lagungarrien zikloko koordinazio batzordeak eginkizun hauek izanen ditu:
–Probak prestatzea, deialdi honetan eta Lanbide Heziketaren Zerbitzutik jaso daitezkeen orientabideetan zehaztutako irizpideen arabera.
–Hiru zentro aztertzaileetan aplikatuko diren kalifikazio irizpideak ezartzea.
–Proben antolaketa eta kudeaketa koordinatzea hiru zentro aztertzaileetan.
–Lanbide Heziketaren Zerbitzuko Zuzendaritzak, helburuak behar bezala betetzeko, esleitzen dion beste edozein, betiere bere jarduketa eremuaren barrenean.
62. Lanbide Heziketaren Zerbitzuko zuzendariak izendatuko ditu Lanbide Heziketako teknikari titulua edo goi mailako teknikari titulua lortzeko probetan parte hartzen duten aholkulariak.
Aholkularien eginkizunak hauek izanen dira, oro har:
–Probak egiteko prozesua zaindu eta kontrolatzea.
–Probak zuzentzen eta kalifikatzen laguntzea.
–Proben kudeaketa prozesuan laguntzea.
–Proben kalifikazioen aurka aurkezten diren erreklamazioak ebazten laguntzea.
–Lanbide modulu baten probaren arduradun diren aholkularien kasuan: probak prestatzea, ebaluazio batzordeak edo koordinazio batzordeak, zer dagokion, adierazitako irizpideen arabera betiere.
63. Ebaluazio batzordeetako eta Erizaintzako zainketa lagungarrien zikloko koordinazio batzordeko kideak Hezkuntzako zuzendari nagusiaren ebazpen baten bidez izendatuko dira.
Lanbide Heziketaren Zerbitzuko zuzendariak izendatuko ditu aholkulariak.
64. Ebaluazio batzordeetako eta Erizaintzako zainketa lagungarrien zikloko koordinazio batzordeko kide izatea eta aholkulari izendatua izatea derrigorrezkoa da.
65. Ebaluazio batzordeetako eta Erizaintzako zainketa lagungarrien zikloko koordinazio batzordeko kideen eta aholkularien lanak Unibertsitatez Kanpoko Irakaskuntza Hobetzeko Neurriei buruzko uztailaren 2ko 26/2002 Foru Legearen 12.2 artikuluan ezarritakoekin parekatuko dira, eta ezartzen diren konpentsazio ekonomikoak jasotzeko eskubidea sortuko dute, ezartzen den prozedurari jarraikiz.
Horretarako, pertsona horiek diru konpentsazioak jasoko dituzte, Hezkuntzako zuzendari nagusiaren martxoaren 22ko 84/2016 Ebazpenean ezarritakoaren arabera. Ebazpen horren bidez ezartzen dira proba libreetako eta hezkuntza sistemako Lanbide Heziketako ikasketetan eta arte plastikoetako lanbide ikasketetan sartzeko probetako ebaluazio batzordeetako eta koordinazio batzordeko kideek jaso beharreko konpentsazioak, bai eta araubide bereziko kirol ikasketen probetakoak ere, Nafarroan.
Kalifikazioen ebaluazioa, erregistroa eta argitalpena
66. Probak ebaluatzeko erreferentziak honako hauek izanen dira: lanbide modulu bakoitzeko gaitasunak, ikaskuntzaren emaitzak eta ebaluazio irizpideak, bai eta nola egiten den eta egiteko ezartzen diren irizpideak ere.
67. Lanbide modulu bakoitzeko ebaluazioaren zehaztapena eta, zein den kasua, heziketa zikloaren azken kalifikazioa apirilaren 8ko 52/2009 Foru Aginduaren 17. artikuluan ezarritako moduan eginen dira.
68. Lortutako kalifikazioen erregistroa apirilaren 8ko 52/2009 Foru Aginduaren 27. eta 28. artikuluetan xedatu bezala eginen da, foru agindu horretan finkatutako ebaluazio dokumentuetan.
69. Zentro aztertzaileko iragarki oholean kalifikazioak argitaratzea izanen da kalifikazioak jakinarazteko modu ofiziala.
70. Kalifikazioak proba bateko zati batenak direnean, eta hurrengo zatia egiteko eskatzen bada aurreko zatia gainditua izatea, modu berean argitaratuko dira kalifikazioak, hurrengo ariketa egin baino bost egun baliodun lehenago.
Kalifikazioen gaineko erreklamazioak
71. Apirilaren 8ko 52/2009 Foru Aginduaren 18. artikuluan eta maiatzaren 21eko 49/2013 Foru Aginduan ezarritako prozeduraren arabera eginen dira kalifikazioen gaineko erreklamazioak. Azken foru agindu horren bidez, Nafarroako Foru Komunitateko ikastetxeetan ematen diren unibertsitatez kanpoko irakaskuntzetako ikasleak ebaluatzeko prozesuan erreklamazioak egiteko sistema ezarri zen.
Dokumentazio akademikoa
72. Teknikari eta Goi Mailako Teknikari tituluak lortzeko probak egiteko ikasleak matrikulatzen dituzten zentroek ikasketa-espedientea irekiko diote ikasle bakoitzari.
73. Ebaluazioko dokumentuak eta ikasketen ziurtagiriak apirilaren 8ko 52/2009 Foru Aginduaren VIII. kapituluan ezarritakoak izanen dira.
Titulua
74. Deialdiaren xedeko probak bukatuta, heziketa ziklo jakin bateko lanbide modulu guztiak gainditzen dituztenek dagokien titulua eskatzen ahalko dute, apirilaren 8ko 52/2009 Foru Aginduaren IX. kapituluan ezarri bezala.
Lantokiko Prestakuntza modulua
75. Lantokiko Prestakuntza izeneko modulua modu presentzialean egin beharko da, titulu bakoitzaren curriculumeko gainerako moduluak gainditu ondoren.
Ekainaren 27ko 76/2016 Foru Aginduaren eranskinaren 15.2 oinarrian ezarritakoaren arabera, Lantokiko Prestakuntza moduluan, inskripzio orokorrerako deialdi honetan adierazitako datetan, baldintza hauek betetzen dituztenek soilik eman dezakete izena: hasteko, zikloko gainerako moduluak gaindituak izan behar dira, eta, gainera, horietako azkenak Nafarroan 2016-2017 ikasturteari zegozkion titulua lortzeko proben deialdian gaindituak izan behar dute.
Ez dira inola ere onartuko Lantokiko Prestakuntza moduluko inskripzioak, baldin eta pertsona horiek aipatutako baldintzak betetzen ez badituzte.
76. Era berean, norbait deialdi honen xedeko moduluetan matrikulatua egon, eta, 2018ko ekainean azken kalifikazioak argitaratu ondoren, prestakuntza zikloko modulu guztiak gainditu baditu Lantokiko Prestakuntza modulua izan ezik, aukera hauetako bat egin beharko du:
a) Lantokiko Prestakuntza moduluaren salbuespen eskaera egin ahal izateko lan esperientzia badu, ekainean eskatu ahal izanen du, zentro bakoitzak zehaztutako datetan, apirilaren 2ko 45/2009 Foru Aginduan xedatutakoarekin bat.
–Salbuespen eskaeraren aldeko ebazpena ematen bada, pertsona horrek ekainean matrikulatu beharko du Lantokiko Prestakuntza moduluan zentro bakoitzak zehaztutako datetan, 2017-2018 ikasturtean tituluan atera ahal izateko.
–Salbuespen eskaeraren aurkako ebazpena ematen bada edo zati batean bakarrik onartzen bada, eta, beraz, dagokion Lantokiko Prestakuntza aldia egin behar badu, pertsona horrek Lantokiko Prestakuntza moduluan izena eman eta matrikulatu beharko du 2018-2019 ikasturtean Lanbide Heziketako tituluak ateratzeko probei dagokien deialdian.
b) ez badu lan esperientziarik, pertsona horrek Lantokiko Prestakuntza moduluan izena eman eta matrikulatu beharko du 2018-2019 ikasturtean Lanbide Heziketako tituluak ateratzeko probei dagokien deialdian.
Orientazioa izangaiei
77. Zentro aztertzaileek beharrezko neurriak hartuko dituzte, deialdi honen xedeko Teknikari titulua eta Goi Mailako Teknikari titulua lortzeko probetan zentro horretan inskribatu nahi dutenek bermatua izan dezaten Ebaluazio batzordearen aldetik informazio eta orientazio egokia jasotzeko aukera, bai erreklamatzeko epe eta prozesuei dagokienez, bai probak garatzeko bestelako inguruabar batzuei buruz, deialdi honen xedeko Teknikari edo Goi Mailako Teknikari tituluak lortzeko.
78. Zentro aztertzaileetako Zuzendaritzak bermatuko ditu arreta eta orientazio horiek; dagokion ebaluazio batzorde bakoitzaren ardura izanen da hori, eta zentro aztertzaileko orientazio departamentuko langileek laguntza ematen ahalko diote.
Informazioaren tratamendua
79. Zentro aztertzaileek EDUCA aplikazioa erabiliko dute matrikulatuta dauden ikasleen datu pertsonal eta akademiko guztiak grabatu, prozesatu eta tratatzeko. Orobat, Hezkuntza Zuzendaritza Nagusiaren esku jarriko dute aipatu aplikaziotik zuzenean lortu ezin den informazio osagarria.
80. Prozedura tramitatzean datu pertsonalekin egiten den edozein tratamendutan, Datu Pertsonalak Babesteari buruzko abenduaren 13ko 15/1999 Lege Organikoan xedatutakoa bete beharko da.
2. ERANSKINA
Probak egiteko deialdia duten heziketa zikloak,
Lanbide Heziketako Teknikari eta Goi Mailako Teknikari
tituluak lortzeko 2017-2018 ikasturtean
1. Deialdi orokorra.
Hezkuntza Sistemaren Antolamendu Orokorrari buruzko (LOGSE) urriaren 3ko 1/1990 Lege Organikoaren ondoriozko tituluak.
- Izenburua: Laneko Arriskuen Prebentziorako Goi Mailako Teknikaria (*).
- Lanbide-arloa: Instalazioa eta Mantentze-lanak.
- Gradua: goi mailakoa.
- Nafarroako curriculuma: irailaren 23ko 203/2002 Foru Dekretua (2002ko abenduaren 12ko Nafarroako Aldizkari Ofiziala).
- Plaza kopurua, modulu eta zentro bakoitzeko: 40 plaza gehienez, oro har.
- Zentro aztertzailea (inskribatzeko eta probak egiteko zentroa):
- IBP ETI.
- Tarazonako etorbidea, z.g., 31500 Tutera.
- Telefonoa: 848 430140.
- https://eti-paginaweb.blogspot.com.es/.
- cipeti@educacion.navarra.es.
(*) 2017-2018 ikasturteko deialdia, heziketa ziklo honetako moduluetarako egiten den azkena izanen da.
MODULUAREN IZENA | CURRICULUMEKO ORDUAK |
Prebentzioaren kudeaketa | 192 |
Segurtasun baldintzen ondoriozko arriskuak | 160 |
Ingurumeneko arrisku fisikoak | 160 |
Ingurumeneko arrisku kimikoak eta biologikoak | 160 |
Antolaketaren eta lan kargaren ondoriozko arriskuen prebentzioa | 160 |
Informazioaren eta komunikazioaren teknologiak enpresan | 128 |
Larrialdiak | 116 |
Industria sektoreko arriskuen prebentzioa | 145 |
Eraikuntza sektoreko arriskuen prebentzioa | 116 |
Zerbitzuen sektoreko arriskuen prebentzioa | 116 |
Nekazaritza eta basogintzako arriskuen prebentzioa | 87 |
Lan-inguruneko harremanak | 58 |
Lanerako prestakuntza eta orientabidea | 58 |
–Hezkuntzari buruzko maiatzaren 3ko 2/2006 Lege Organikoaren (LOE) ondoriozko tituluak.
- Titulua: Administrazio Kudeaketako teknikaria.
- Lanbide-arloa: Administrazioa eta kudeaketa.
- Gradua: Ertaina.
- Nafarroako curriculuma: abuztuaren 30eko 52/2010 Foru Dekretua (2010eko urriaren 18ko Nafarroako Aldizkari Ofiziala).
- Plaza kopurua, modulu eta zentro bakoitzeko: 40 plaza gehienez, oro har.
- Zentro aztertzailea (inskribatzeko eta probak egiteko zentroa):
- María Ana Sanz Administrazioko, Merkataritzako eta Informatikako IB.
- Milagro kalea, z.g. - 31015 Iruña.
- Telefonoa: 848 430530.
- http://www.masanz.es.
- info@mariaanasanz.es.
KODEA | MODULUAREN IZENA | CURRICULUMEKO ORDUAK |
0437 | Enpresa komunikazioa eta bezeroarentzako arreta | 130 |
0438 | Salerosketako administrazio eragiketak | 130 |
0441 | Kontabilitateko teknika | 130 |
0442 | Giza baliabideen administrazio eragiketak | 130 |
NA04 | Oinarrizko ingelesa I | 60 |
NA08 | Edukien kudeaketa web-orrietan | 60 |
0448 | Diruzaintza kudeaketako eragiketa osagarriak | 170 |
0440 | Informazioaren tratamendu informatikoa | 330 |
0439 | Enpresa eta Administrazioa | 90 |
0446 | Enpresa ikasgelan | 130 |
0443 | Kontabilitateko dokumentazioaren tratamendua | 90 |
0156 | Ingelesa | 90 |
0449 | Lanerako prestakuntza eta orientabidea | 90 |
- Titulua: Instalazio Elektriko eta Automatikoetako teknikaria.
- Lanbide-arloa: Elektrizitatea eta Elektronika.
- Gradua: Ertaina.
- Nafarroako curriculuma: maiatzaren 4ko 44/2009 Foru Dekretua (2009ko ekainaren 24ko Nafarroako Aldizkari Ofiziala), abenduaren 23ko 115/2014 Foru Dekretuaren bidez aldatua (2015eko urtarrilaren 30eko Nafarroako Aldizkari Ofiziala).
- Plaza kopurua, modulu eta zentro bakoitzeko: 40 plaza gehienez, oro har.
- Zentro aztertzailea (inskribatzeko eta probak egiteko zentroa):
- San Juan-Donibane IB.
- Biurdana kalea, 1, 31011. solairua. Iruña.
- Telefonoa: 848 430910.
- http://www.fpdonibane.com/.
- fpdonibane@educacion.navarra.es.
KODEA | MODULUAREN IZENA | CURRICULUMEKO ORDUAK |
0234 | Elektroteknia | 200 |
0233 | Elektronika | 120 |
0235 | Barneko instalazio elektrikoak | 320 |
0239 | Eguzki instalazio fotovoltaikoak | 60 |
0232 | Industria-automatismoak | 350 |
- Titulua: Mantentze-lan Elektromekanikoko teknikaria.
- Lanbide-arloa: Instalazioa eta Mantentze-lanak.
- Gradua: Ertaina.
- Nafarroako curriculuma: abuztuaren 1eko 88/2012 Foru Dekretua (2012ko abenduaren 7ko Nafarroako Aldizkari Ofiziala).
- Plaza kopurua, modulu eta zentro bakoitzeko: 40 plaza gehienez, oro har.
- Zentro aztertzailea (inskribatzeko eta probak egiteko zentroa):
- IBP Virgen del Camino.
- Imarkoain kalea, 1, 31015 Iruña.
- Telefonoa: 848 430700.
- http://www.virgendelcamino.com/.
- cip.virgendelcamino@educacion.navarra.es.
KODEA | MODULUAREN IZENA | CURRICULUMEKO ORDUAK |
0949 | Fabrikazio teknikak | 190 |
0950 | Loturako eta muntaketako teknikak | 130 |
0952 | Automatismo pneumatikoak eta hidraulikoak | 280 |
NA18 | Planoak interpretatzea makinen mekanizazioan eta mantentzen-lanean | 70 |
0954 | Muntaketa eta mantentze-lan elektriko-elektronikoa | 220 |
0951 | Elektrizitatea eta automatismo elektrikoak | 230 |
- Titulua: Beroa sortzeko instalazioak.
- Lanbide-arloa: Instalazioa eta Mantentze-lanak.
- Gradua: Ertaina.
- Nafarroako curriculuma: urriaren 1eko 92/2014 Foru Dekretua (2002ko otsailaren 18ko Nafarroako Aldizkari Ofiziala).
- Plaza kopurua, modulu eta zentro bakoitzeko: 40 plaza gehienez, oro har.
- Zentro aztertzailea (inskribatzeko eta probak egiteko zentroa):
- IBP Virgen del Camino.
- Imarkoain kalea, 1, 31015 Iruña.
- Telefonoa: 848 430700.
- http://www.virgendelcamino.com/.
- cip.virgendelcamino@educacion.navarra.es.
KODEA | MODULUAREN IZENA | CURRICULUMEKO ORDUAK |
0036 | Makina eta tresneria termikoak | 320 |
0037 | Instalazioak muntatzeko teknikak | 320 |
0394 | Lanerako prestakuntza eta orientabidea | 70 |
- Titulua: Eraikuntza Proiektuetako goi mailako teknikaria.
- Lanbide-arloa: Eraikuntza eta Obra Zibila.
- Gradua: goi mailakoa.
- Nafarroako curriculuma: irailaren 14ko 206/2011 Foru Dekretua (2011ko urriaren 24ko Nafarroako Aldizkari Ofiziala), urriaren 30eko 63/2013 Foru Dekretuaren bidez aldatua (2013ko abenduaren 24ko Nafarroako Aldizkari Ofiziala).
- Plaza kopurua, modulu eta zentro bakoitzeko: 40 plaza gehienez, oro har.
- Zentro aztertzailea (inskribatzeko eta probak egiteko zentroa):
- IBP Virgen del Camino.
- Imarkoain kalea, 1, 31015 Iruña.
- Telefonoa: 848 430700.
- http://www.virgendelcamino.com/.
- cip.virgendelcamino@educacion.navarra.es.
KODEA | MODULUAREN IZENA | CURRICULUMEKO ORDUAK |
0562 | Eraikuntza-egiturak | 130 |
0565 | Eraikuntza-zuinketak | 130 |
0567 | Eraikinen diseinua eta eraikuntza | 130 |
0568 | Eraikuntza-instalazioak | 130 |
0563 | Eraikuntza-irudikapenak | 320 |
0569 | Energia-eraginkortasuna eraikuntzan | 60 |
0564 | Eraikuntzako neurketak eta balioespenak | 110 |
0566 | Eraikuntzako plangintza | 110 |
NA01 | Ingelesa I | 60 |
2.–Berariazko deialdia.
–Hezkuntza Sistemaren Antolamendu Orokorrari buruzko (LOGSE) urriaren 3ko 1/1990 Lege Organikoaren ondoriozko tituluak.
- Titulua: Erizaintzako zainketa lagungarrietako teknikaria.
- Lanbide-arloa: Osasuna.
- Gradua: Ertaina.
- Nafarroako curriculuma: martxoaren 18ko 153/1996 Foru Dekretua (1996ko maiatzaren 31ko Nafarroako Aldizkari Ofiziala).
- Plaza kopurua, modulu eta zentro bakoitzeko: 40 plaza gehienez, oro har.
- Zentro aztertzaileak (inskribatzeko eta probak egiteko zentroak):
- ESTNA Nafarroako Lanbide Eskola Tekniko Sanitarioa I.B.
- Irunlarrea 3 (Nafarroako Ospitalearen esparrua). Iruñea.
- Telefonoa: 848 431060.
- http://escuelasanitaria.educacion.navarra.es/web/.
- escuela.sanitaria@educacion.navarra.es.
- Lizarrako IB Politeknikoa.
- San Pol, 8, 31200 Lizarra.
- Telefonoa: 948 550412.
- http://politecnicoestella.educacion.navarra.es/web/index.php/es/
- politecnicoestella@educacion.navarra.es.
- IBP ETI.
- Tarazonako etorbidea, z.g., 31500 Tutera.
- Telefonoa: 848 430140.
- https://eti-paginaweb.blogspot.com.es/.
- cipeti@educacion.navarra.es.
MODULUAREN IZENA | CURRICULUMEKO ORDUAK |
Administrazio eragiketak eta osasun arloko dokumentazioa | 64 |
Erizaintzako oinarrizko teknikak | 480 |
Ospitaleko higienea eta materialaren garbiketa | 128 |
Pazientearentzako laguntza psikologikoa eta osasunaren sustapena | 65 |
Laguntza odontologiko/estomatologikoaren teknikak | 96 |
Lantaldeko harremanak | 64 |
Lanerako prestakuntza eta orientabidea | 64 |
–Hezkuntzari buruzko maiatzaren 3ko 2/2006 Lege Organikoaren (LOE) ondoriozko tituluak.
- Titulua: Osasun Larrialdietako Teknikaria.
- Lanbide-arloa: Osasuna.
- Gradua: Ertaina.
- Nafarroako curriculuma: maiatzaren 4ko 43/2009 Foru Dekretua (2009ko abuztuaren 21eko Nafarroako Aldizkari Ofiziala - 2013ko irailaren 26ko akats zuzenketa).
- Plaza kopurua, modulu eta zentro bakoitzeko: 40 plaza gehienez, oro har.
- Zentro aztertzailea (inskribatzeko eta probak egiteko zentroa):
- ESTNA Nafarroako Lanbide Eskola Tekniko Sanitarioa I.B.
- Irunlarrea 3 (Nafarroako Ospitalearen esparrua). Iruñea.
- Telefonoa: 848 431060.
- http://escuelasanitaria.educacion.navarra.es/web/.
- escuela.sanitaria@educacion.navarra.es.
KODEA | MODULUAREN IZENA | CURRICULUMEKO ORDUAK |
0061 | Oinarrizko patologia eta anatomofisiologia | 120 |
0063 | Enpresa eta ekimen sortzailea | 60 |
0053 | Osasun logistika larrialdietan | 180 |
0059 | Larrialdi planak eta aurreikus daitezkeen arriskuetarako baliabideak | 110 |
0060 | Telelarrialdia | 70 |
0062 | Lanerako prestakuntza eta orientabidea | 90 |
- Titulua: Mendekotasun egoeran dauden pertsonei arreta emateko teknikaria.
- Lanbide-arloa: Gizarte eta Kultur Zerbitzuak eta Komunitatearentzako Zerbitzuak.
- Gradua: Ertaina.
- Nafarroako curriculuma: abuztuaren 1eko 82/2012 Foru Dekretua (2012ko abenduaren 27ko Nafarroako Aldizkari Ofiziala).
- Plaza kopurua, modulu eta zentro bakoitzeko: 40 plaza gehienez, oro har.
- Zentro aztertzailea (inskribatzeko eta probak egiteko zentroa):
- Hezitzaile Eskola IB.
- Kale Nagusia, 65 (Ezpeleta Jauregia), 31001 Iruña.
- Telefonoa: 848 430970.
- http://escuelaeducadores.educacion.navarra.es/.
- escuela.educadores@educacion.navarra.es.
KODEA | MODULUAREN IZENA | CURRICULUMEKO ORDUAK |
0211 | Gizarte trebetasunak | 190 |
0212 | Mendekotasun egoeran dauden pertsonen ezaugarriak eta beharrak | 190 |
0020 | Lehen laguntzak | 60 |
0831 | Telelaguntza | 70 |
0218 | Lanerako prestakuntza eta orientabidea | 70 |
0219 | Enpresa eta ekimen sortzailea | 70 |
NA17 | Laguntza-harremana | 140 |
3. ERANSKINA
Nafarroan, 2017-2018 ikasturtean, Lanbide Heziketako Teknikari
eta Goi Mailako Teknikari tituluak lortzeko proba
libreetarako deialdiaren egutegia
JARDUKETA | DATAK |
Inskripzio eskaerak aurkezteko epea | 2017ko abenduaren 18tik 20ra |
Onartzen direnen behin-behineko zerrenda argitaratzea | 2017ko abenduaren 22a |
Behin-behineko zerrendari erreklamazioak egiteko epea | 2018ko urtarrilaren 8tik 10era |
Onartzen direnen behin betiko zerrenda argitaratzea | 2018ko urtarrilaren 12a |
Matrikulazio epea (eta, zein den kasua, egokitzapenak, moduluen baliozkotzeak eta moduluen onarpena eskatzekoa) | 2018ko urtarrilaren 15etik 19ra |
Proben garapenari buruzko informazio saioa (zentro bakoitzak argitaratzen duen egutegiaren arabera) | 2018ko urtarrilaren 24a edo 25a |
Proben garapenari loturiko informazioa argitaratzea (zentro bakoitzak zehazten duen egutegiaren arabera) | 2018ko urtarrilaren 24a edo 25a |
Probak egitea | Begiratu datak hurrengo tauletan |
Erizaintzako zainketa lagungarriak:
GUZTIRA | PROBAREN DATA |
Erizaintzako oinarrizko teknikak | 2018ko otsailaren 20a |
Pazientearentzako laguntza psikologikoa eta osasunaren sustapena | 2018ko martxoaren 1a |
Administrazio eragiketak eta osasun arloko dokumentazioa | 2018ko martxoaren 13a |
Lanerako prestakuntza eta orientabidea | 2018ko martxoaren 20a |
Lantaldeko harremanak | 2018ko martxoaren 27a |
Ospitaleko higienea eta materialaren garbiketa | 2018.eko apirilaren 10a |
Laguntza odontologiko/estomatologikoaren teknikak | 2018ko apirilaren 26a |
Lanbide arriskuen prebentzioa:
MODULUA | PROBAREN DATA |
Prebentzioaren kudeaketa | 2018ko otsailaren 15a |
Segurtasun baldintzen ondoriozko arriskuak | 2018ko otsailaren 22a |
Ingurumeneko arrisku fisikoak | 2018ko martxoaren 1a |
Ingurumeneko arrisku kimikoak eta biologikoak | 2018ko martxoaren 8a |
Antolaketaren eta lan kargaren ondoriozko arriskuen prebentzioa | 2018ko martxoaren 15a |
Informazioaren eta komunikazioaren teknologiak enpresan | 2018ko martxoaren 22a |
Lan-inguruneko harremanak | 2018ko apirilaren 12a |
Lanerako prestakuntza eta orientabidea | 2018ko apirilaren 19a |
Nekazaritza eta basogintzako arriskuen prebentzioa | 2018ko apirilaren 26a |
Larrialdiak | 2018ko maiatzaren 3a |
Industria sektoreko arriskuen prebentzioa | 2018ko maiatzaren 10a |
Eraikuntza sektoreko arriskuen prebentzioa | 2018ko maiatzaren 17a |
Zerbitzuen sektoreko arriskuen prebentzioa | osteguna, 2018.eko maiatzak 24 |
Mendekotasuna duten pertsonentzako arreta:
KODEA | MODULUA | PROBAREN DATA |
0211 | Gizarte trebetasunak | 2018ko otsailaren 15a |
0212 | Mendekotasun egoeran dauden pertsonen ezaugarriak eta beharrak | 2018ko martxoaren 1a |
0020 | Lehen laguntzak | 2018ko martxoaren 15a |
0831 | Telelaguntza | 2018ko apirilaren 12a |
0218 | Lanerako prestakuntza eta orientabidea | 2018ko apirilaren 26a |
0219 | Enpresa eta ekimen sortzailea | 2018ko maiatzaren 10a |
NA17 | Laguntza-harremana | osteguna, 2018.eko maiatzak 24 |
Osasun-larrialdiak:
KODEA | MODULUA | PROBAREN DATA |
0061 | Oinarrizko patologia eta anatomofisiologia | 2018ko otsailaren 20a |
0063 | Enpresa eta ekimen sortzailea | 2018ko martxoaren 6a |
0053 | Osasun logistika larrialdietan | 2018ko martxoaren 20a |
0059 | Larrialdi planak eta aurreikus daitezkeen arriskuetarako baliabideak | 2018.eko apirilaren 10a |
0060 | Telelarrialdia | 2018.eko apirilaren 24a |
0062 | Lanerako prestakuntza eta orientabidea | 2018ko maiatzaren 8a |
Kudeaketa administratiboa:
KODEA | MODULUA | PROBAREN DATA |
0437 | Enpresa komunikazioa eta bezeroarentzako arreta | 2018ko otsailaren 8a |
0438 | Salerosketako administrazio eragiketak | 2018ko otsailaren 22a |
0441 | Kontabilitateko teknika | 2018ko martxoaren 1a |
0442 | Giza baliabideen administrazio eragiketak. | 2018ko martxoaren 8a |
NA04 | Oinarrizko ingelesa I | 2018ko martxoaren 13a |
NA08 | Edukien kudeaketa web-orrietan | 2018ko martxoaren 22a |
0448 | Diruzaintza kudeaketako eragiketa osagarriak | 2018ko apirilaren 12a |
0440 | Informazioaren tratamendu informatikoa | 2018ko apirilaren 19a |
0439 | Enpresa eta Administrazioa | 2018ko apirilaren 26a |
0446 | Enpresa ikasgelan | 2018ko maiatzaren 3a |
0443 | Kontabilitateko dokumentazioaren tratamendua | 2018ko maiatzaren 10a |
0156 | Ingelesa | 2018ko maiatzaren 17a |
0449 | Lanerako prestakuntza eta orientabidea | 2018ko maiatzaren 24a |
Instalazio elektriko eta automatikoak:
KODEA | MODULUA | PROBAREN DATA |
0234 | Elektroteknia | 2018ko otsailaren 15a |
0233 | Elektronika. | 2018ko martxoaren 1a |
0235 | Barneko instalazio elektrikoak | 2018ko martxoaren 15a |
0239 | Eguzki instalazio fotovoltaikoak | 2018ko apirilaren 12a |
0232 | Industria-automatismoak | 2018ko apirilaren 26a |
Mantentze-lan Elektromekanikoa.
KODEA | MODULUA | PROBAREN DATA |
0949 | Fabrikazio teknikak | 2018ko otsailaren 15a |
0950 | Loturako eta muntaketako teknikak | 2018ko martxoaren 1a |
0952 | Automatismo pneumatikoak eta hidraulikoak | 2018ko martxoaren 15a |
NA18 | Planoak interpretatzea makinen mekanizazioan eta mantentzen-lanean | 2018ko apirilaren 12a |
0954 | Muntaketa eta mantentze-lan elektriko-elektronikoa | 2018ko apirilaren 26a |
0951 | Elektrizitatea eta automatismo elektrikoak | 2018ko maiatzaren 10a |
Eraikuntza proiektuak.
KODEA | MODULUA | PROBAREN DATA |
0562 | Eraikuntza-egiturak | 2018ko otsailaren 15a |
0563 | Eraikuntza-irudikapenak | 2018ko otsailaren 22a |
0565 | Eraikuntza-zuinketak | 2018ko martxoaren 1a |
0567 | Eraikinen diseinua eta eraikuntza | 2018ko martxoaren 8a |
0568 | Eraikuntza-instalazioak | 2018ko martxoaren 15a |
0569 | Energia-eraginkortasuna eraikuntzan | 2018ko martxoaren 22a |
0564 | Eraikuntzako neurketak eta balioespenak | 2018ko apirilaren 12a |
0566 | Eraikuntzako plangintza | 2018ko apirilaren 19a |
NA01 | Ingelesa I | 2018ko apirilaren 26a |
Beroa sortzeko instalazioak:
KODEA | MODULUA | PROBAREN DATA |
0036 | Makina eta tresneria termikoak | 2018ko otsailaren 20a |
0037 | Instalazioak muntatzeko teknikak | 2018ko martxoaren 6a |
0394 | Lanerako prestakuntza eta orientabidea | 2018ko martxoaren 20a |
Iragarkiaren kodea: F1713630
Sarbidea
Nafarroako Aldizkari Ofiziala
Paseo Pablo Sarasate, 38, 2.º izda.
31001 - Iruña
848 42 12 50
