1. NAFARROAKO FORU KOMUNITATEA
1.4. DIRU-LAGUNTZAK, LAGUNTZAK ETA BEKAK
Laburpena, Politika Ekonomiko eta Enpresarialaren eta Lanaren zuzendari nagusiaren urtarrilaren 16ko 79E/2017 Ebazpenarena. Ebazpen horren bidez onetsi da “Nafarroako enpresa establezimenduen konektagarritasun digitala 2017” izeneko deialdia.
Diru-laguntzei buruzko azaroaren 17ko 38/2003 Lege Orokorraren 17.3.b eta 20.8.a artikuluetan aurreikusitakoari jarraituz, argitara ematen da deialdiaren laburpena; horren testu osoa Diru-laguntzen Datu Base Nazionalean kontsulta daiteke (http://http://www.pap.minhap.gob.es/bdnstrans/eu/index). BDNS (identifikazioa): 329276.
Lehena.–Onuradunak.
Nafarroan establezimenduak dituzten enpresak eta enpresa elkarketak.
Bigarrena.–Xedea.
Enpresen konektagarritasun digitala hobetzea, Interneten sartzeko belaunaldi berriko sareetara (NGA) konektatuz.
Hirugarrena.–Oinarri arautzaileak.
Nafarroako Gobernuaren Atarian, erdarazko bertsioan, laguntzei buruz dagoen fitxan daude oinarri arautzaileak:
http://www.navarra.es/home_es/Servicios/ficha/6609/Subvenciones-para-mejora-de-conectividad-empresas-2016
Laugarrena.–Zenbatekoa.
Deialdirako baimendu den gastua 150.000 eurokoa da.
Bosgarrena.–Eskabideak aurkezteko epea.
Eskaerak aurkezteko epea deialdi hau Nafarroako Aldizkari Ofizialean argitaratu eta biharamunean hasi eta 2017ko apirilaren 28an bukatuko da.
Iruñean, 2017ko urtarrilaren 16an.–Politika Ekonomiko eta Enpresarialaren eta Lanaren zuzendari nagusia, Izaskun Goñi Razquin.
Iragarkiaren kodea: F1700742