2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
ZABALTZA
Udal ordenantza, Desgaitasuna duten pertsonei aparkatzeko txartelak ematea arautzen duena. Hasierako onespena
Zabaltzako Udalak, 2017ko urtarrilaren 18an egin osoko bilkura arruntean, ondotik ematen den erabakia hartu zuen, legez ezarritako quoruma zuela:
1.–Hasiera batean onestea Zabaltzako udalerrian desgaitasuna duten pertsonei aparkatzeko txartelak ematea arautzen duen ordenantza, Nafarroako Toki Administrazioari buruzko uztailaren 2ko 6/1990 Foru Legearen 325. artikuluan xedatuari jarraikiz.
2.–Onetsitako ordenantza jendaurrean egonen da hilabetez, uztailaren 2ko 6/1990 Foru Legearen 325.1.b) artikuluan xedatuari jarraikiz, Nafarroako Aldizkari Ofizialean eta Udalaren iragarki oholean argitaratu ondoan, bizilagunek eta interesdunek espedientea azter dezaten eta erreklamazio, kexa edo oharrak aurkez ditzaten.
3.–Zabaltzako Udalak osoko bilkuran onetsiko du ordenantza hau behin betikoz, erreklamazioak, kexak edo oharrak ebaztearekin batera.
Nolanahi ere, hasierako onespenaren erabakia behin betikoa bilakatuko da erreklamazio, kexa edo oharrik aurkezten ez bada, hain zuzen ere uztailaren 2ko 6/1990 Foru Legearen 325.1.c) artikuluan xedatuari jarraikiz.
Arraitzan (Zabaltza), 2017ko urtarrilaren 18an.–Alkatea, Marina Mejías Jimenez.
Iragarkiaren kodea: L1700916
