1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.2. Oposizioak eta lehiaketak. Lan publikoaren eskaintza
1616/2017 EBAZPENA, 2017ko irailaren 12koa, Nafarroako Unibertsitate Publikoko Ikerketako errektoreordeak emana. Haren bidez, ikertzaileen lan kontratazioa egiteko hautaprobetarako deia egiten da, honako ikerketa proiektu hau garatzeko: “0011-1365-2017-000118 PERNANOMAG (Nafarroako Gobernua)”.
Irailaren 12an, Ikerketa Zerbitzuak ikertzaileak kontratatzeko hautaprobetarako deia egiteko eskatu zuen, proiektuko lankide gisa “0011-1365-2017-000118 PERNANOMAG (Nafarroako Gobernua)” ikerketa proiektua egiteko. Ikerketa proiektuaren ikertzaile nagusia Cristina Gómez Polo da, Unibertsitateko katedraduna eta Fisika Sailari atxikia.
Langileen Kudeaketarako Ataleko buruaren proposamenez, zeinak Giza Baliabideen Zerbitzuko zuzendariaren oniritzia baitauka.
Nafarroako Unibertsitate Publikoko errektoreak, errektoretza taldearen egitura orokorra onetsi eta bere funtzioak zehazteko 2015eko ekainaren 24an eman zuen 1042/2015 ebazpenaren bidez, eskuordetu dizkidan eskumenak erabiliz,
EBATZI DUT:
Lehena.–Hautaprobetarako deialdia egitea “0011-1365-2017-000118 PERNANOMAG (Nafarroako Gobernua)” ikerketa proiektua garatzeko ikertzaileen lan kontratazioa egiteko.
Bigarrena.–Onestea hautaproben deialdia arautuko duten oinarriak, ebazpen honekin batera doazenak, ebazpenaren parte gisa.
Hirugarrena.–Hautapen Batzordeko kideei eta Ikerketa Zerbitzuari ebazpen hau igortzea.
Laugarrena.–Ebazpen hau Nafarroako Unibertsitate Publikoaren web orrialdean eta Nafarroako Aldizkari Ofizialean argitaratzeko agintzea.
Bosgarrena.–Ebazpen honek administrazio bidea agortzen du, Unibertsitateei buruzko 2001eko abenduaren 21eko 6/2001 Lege Organikoaren 6.4 artikuluak xedatzen duenaren arabera, eta zilegi da berraztertzeko errekurtsoa errektorearen aurrean, edo, bestela, zuzenean administrazioarekiko auzi-errekurtsoa Nafarroako Administrazioarekiko Auzietako Epaitegietan, hilabeteko epean lehenengo kasuan, eta bi hilabeteko epean bigarrenean, biak ere, ebazpena argitaratu eta biharamunetik kontatzen hasita.
Iruñean, 2017ko irailaren 12an.–Ikerketako errektoreordea, Ramón Gonzalo García.
OINARRIAK
1.–Datu orokorrak.
–Deialdiaren xedea: deialdi honen xedea ikertzaileak hautatzea da, ondoren lan kontratazioa egiteko ikerketa proiektu hau garatzeko: “0011-1365-2017-000118 PERNANOMAG (Nafarroako Gobernua)”.
–Maila profesionala: proiektuko lankidea, batez ere ikerketa lanetan aritzeko.
–Egin beharreko eginkizunak: nanopartikula magnetikoen sintesia eta tratamendua atmosfera erreduzitzaile batean. Nanopartikulen ezaugarritze estrukturala eta magnetikoa.
–Kontratu mota: Nafarroako Unibertsitate Publikoko Ikertzaileak Kontratatzeko Arautegian, Gobernu Kontseiluak 2017ko maiatzaren 3an hartu zuen Erabaki baten bidez onetsitakoan, ezarritakoarekin bat etorriz, Langileen Estatutuko 15. artikuluak ezarritako obra edo zerbitzu zehatzeko kontratu modalitatearen bidez egingo da kontratazioa.
–Iraupena: 2019ko apirilaren 30era arte, kontratua sinatzen denetik.
Langileen Estatutuari buruzko Legea garatzen duen 1998ko abenduaren 18ko 2720/1998 Errege Dekretuaren Testu Bateginaren 15. artikuluan ezarritakoarekin bat, iraupen hori orientatzekoa da eta inolaz ere ez da izango proiektua indardun den denbora baino luzeagoa, betiere esleitutako diru kopuruak baldintzatuko du, eta, horrenbestez, ikerketa proiektuari lotzen zaion funtsa ez edukitzea kontratua iraungitzeko zioa izango da.
–Lanaldi mota: osoa.
–Ordainsariak: Nafarroako Unibertsitate Publikoko Ikertzaileak Kontratatzeko Arautegiak, 2017ko maiatzaren 3an Gobernu Kontseiluaren erabaki batez onetsitakoak, bere eranskinean ezarritakoak.
Diru gehigarriak ordaintzeko aukera egongo da, proiektuan edo kontratuan ezarritako helburuak betez gero. Diru gehigarri horiek ordaintzeko, proiektuaren arduradunak ordainketa justifikatzen duen azken txosten bat egin beharko du, eta aurrekontuan diru kopuru nahikoa izan beharko da.
–Finantzaketa: Nafarroako Gobernua.
–Argitaratzeko tokia: deialdia Nafarroako Aldizkari Ofizialean argitaratzeaz gainera, deialdiarekin lotutako egintza eta ebazpen guztiak Nafarroako Unibertsitate Publikoaren webean argitaratuko dira.
2.–Parte hartzeko baldintzak.
2.1.–Hautaprobetan onartuak izateko, izangaiek baldintza hauek bete beharko dituzte:
a) Espainiako herritarra izatea edo Europar Batasuneko estaturen batekoa izatea edo, Europar Batasunak izenpetu eta Espainiar Estatuak berretsitako nazioarteko itunen arabera, langileen joan-etorri askea aplikatzekoa zaion estaturen batekoa.
Halaber, Espainiako, Europar Batasuneko estatuetako eta aipatu nazioarteko itunak aplikatzen diren eremuko estatuetako herritartasuna dutenen ezkontideek parte hartzeko aukera dute, betiere zuzenbidearen arabera bananduak ez badaude; herritartasuna duenaren ondorengoek eta haren ezkontidearen ondorengoek ere parte hartzeko aukera dute, zuzenbidearen arabera bananduak ez badaude, baldin eta 21 urtetik beherakoak badira edo, adin horretatik gorakoak izanda ere, gurasoen kontura bizi badira.
Espainian legezko bizilekua duten atzerritarrek administrazio publikoetako lan kontratupeko langile aritzeko aukera izango dute.
b) 18 urte baino gehiago izatea, eta erretiro adina betea ez izatea.
c) Gutxienez ere 300 ECTS dituen Graduko irakaskuntza titulazio ofiziala, Masterra, Lizentziatura, Ingeniaritza edo hezkuntza alorrean eskuduna den ministerioak ezarri duenaren arabera, Goi Mailako Hezkuntzako Kualifikazioen Espainiako Esparruko (MECES) 3. mailari (masterrari) dagozkion titulazioak.
Atzerrian lortutako titulazioak badira, beharrezkoa izango da atzerriko tituluak homologatzeko eskumena duen ministerioak titulazioa baliokidetzea, eskaerak aurkezteko epea amaitu baino lehenago. Europar Batasuneko tituluak dituzten izangaien kasuan, homologazioa aurkeztuko dute, edo, bidezkoa bada, dagokion baliokidetza ziurtagiria. Homologazio edo baliokidetza betekizun hori ez zaie aplikatuko lanbide arautuen eremuan kualifikazio profesionalaren aitorpena daukaten izangaiei, Europako Erkidegoko Zuzenbidearen xedapenen babesean erdietsi dutenei.
d) Deialdiko xede diren lanpostuak betetzea galarazten duen gaixotasunik, muga fisikorik edo psikikorik ez edukitzea.
e) Diziplinako espediente baten ondorioz edozein administrazio publikotako zerbitzutik baztertua ez izatea, eta eginkizun publikoak betetzeko ezgaitua ez egotea epai irmo baten bidez.
2.2.–Aurreko arauetan ezarri diren baldintzak eskaerak aurkezteko epea bukatzen denean bete beharko dira, eta kontratazioa egin arte beteko dira.
3.–Eskaerak.
Eskabideak aurkezteko epea 10 egun baliodun igaro ondoren bukatuko da, deialdi hau Nafarroako Aldizkari Ofizialean argitaratzen den egunaren biharamunetik kontatzen hasita.
Eskabide eredua esteka honetan dago:
http://www2.unavarra.es/gesadj/registroGeneral/instancias/recursos-humanos/contratacion-personal-investigador.pdf
Eskaerarekin batera agiri hauek aurkeztuko dituzte:
–Nortasun Agiri Nazionalaren, AIZaren edo pasaportearen fotokopia.
–Deialdian eskatzen den tituluaren fotokopia.
–Ikasketa espedientearen fotokopia, batez besteko nota zehaztuta.
–Curriculum vitaea, egoki jotzen dituen merezimendu egiaztagiriekin batera.
Parte hartzeko eskabideak eta dokumentazioa Nafarroako Unibertsitate Publikoko Erregistro Orokorrean aurkeztu behar dira (Arrosadiko campusa, z/g, 31006 Iruñea / Tuterako campusa, Tarazona etorbidea, z/g, 31500 Tutera), edo Estatuaren Administrazio Orokorreko erregistroetan, Autonomia Erkidegoetako Administrazioetako erregistroetan, Toki Administrazioa osatzen duten Erakundeetako erregistroetan, posta bulegoetan edo Espainiak atzerrian dituen kontsulatuetan edo ordezkaritza diplomatikoetan.
Eskaera posta bulego batean aurkeztuz gero, gutun azal irekian egingo da, posta zerbitzuko langileak, ziurtatu aurretik, data eta zigilua jar ditzan, eta ondoren egiaztatu eta bidali Nafarroako Unibertsitate Publikoaren Erregistrora.
Giza Baliabideen Zerbitzuak eskaerak behar bezala kudea ditzan, Nafarroako Unibertsitate Publikoko erregistroak aukeratzen ez dituzten eskatzaileek eskaeraren kopia eskaneatu bat bidali behar dute dagokion erregistroko sarrera-zigiluarekin recursos.humanos@unavarra.es helbide elektronikora.
4.–Izangaiak onartzea.
4.1.–Eskaerak aurkezteko epea bukatu eta gero, onartuen eta baztertuen behin-behineko zerrenda argitaratuko da.
Eskatzaileetako inor baztertzen ez bada, lehiaketa publikorako onartu diren izangaien behin betiko zerrenda argitaratuko da.
4.2.–Izangai baztertuek edo azaldu gabeek, behin-behineko zerrenda Nafarroako Aldizkari Ofizialean argitaratu eta hurrengo 5 egun balioduneko epean, zilegi dute erreklamatzea eta, akatsen bat badago, akatsak zuzentzea.
4.3.–Eskaerak aurkezteko epea bukatu eta gero, onartuen eta baztertuen behin betiko zerrenda argitaratuko da.
4.4.–Izangaiak hautaketa prozesuan onartuen zerrendan egoteak, edota 6.2 oinarriak aipatu hautaketa prozesua gainditu dutenen zerrendan egoteak ez du ekarriko inoiz ere unibertsitateak aitortzea betetzen dituztela deialdiko oinarrietan eskatu diren baldintza orokorrak edo bereziak. Kontratatzeko deitzen dituzten izangaiek ziurtatu eta egiaztatu beharko dituzte horiek, jatorrizko dokumentazioa aurkeztu beharko baitute kontratua sinatzen dutenean.
4.5.–Jatorrizko dokumentazioan aitortzen dena parte hartzeko eskaerarekin batera aurkeztutako dokumentazioan zehatz ez emateak, faltsutzeak edo ez emateak kontratua sinatzeko ezintasuna eta kontratazio zerrendatik baztertzea ekarriko du, interesdunak berak sinatutako ardura aitorpenarekin bat etorriz.
5.–Hautaketa prozesua.
Izangaien merezimenduak balioetsiko dira aurkeztutako dokumentazioarekin bat etorriz eta I. eranskineko baremoaren arabera.
Izangaiek eskabideak aurkezteko epea bukatzean dituzten merezimenduak bakarrik balioetsiko dira, eta gero lortutakoak ez dira kontuan hartuko. Hautapen Batzordeak inola ere ez du onartuko izangaiek alegatu ez duten edo agirien bidez frogatu ez duten merezimendurik, eta ezin izango du atal bakoitzean adierazitako gehieneko puntuazioa baino handiagorik eman. Halaber, Hautapen Batzordeak aukera izango du, prozesuaren edozein unetan, izangaiei eskatzeko ekarri dituzten agirien benetakotasuna egiazta dezaten.
Adierazten diren merezimendu guztiak zuzenbidean baliozkoa den edozein baliabideren bidez frogatu behar dira.
Hautapen Batzordeko kide bakoitzak balioetsiko ditu izangaien merezimenduak. Azken puntuazioa izangai bakoitzari emandako puntuazioen batezbestekoa izango da.
6.–Hautaketa prozesuaren ebazpena.
6.1. Izangaiek aurkeztutako merezimenduen balioespena amaitu eta gero, Hautapen Batzordeak Ikerketako errektoreordeari bidaliko dio hautaketa prozesua gainditu duten izangaien zerrenda, lortutako puntuazioekin.
6.2. Ikerketako errektoreordeak ebazpena emango du hautaketa prozesua gainditu duten izangaien zerrenda onesteko, eta Nafarroako Unibertsitate Publikoaren web orrialdean argitaratuko da.
6.3. Deialdi honetako kontratazio zerrenda argitaratu eta biharamunetik hasi eta proiektua amaitzen den arte egongo da indarrean.
7.–Hautapen Batzordea.
–Batzordeburua: Luis Gandía Pascual doktore jauna, Unibertsitateko katedraduna, Kimika Aplikatuko Sailari atxikia, Ikerketako errektoreordearen eskuordetzaz.
–Idazkaria: Cristina Gómez Polo doktore andrea, Unibertsitateko katedraduna, Fisika Sailari atxikia.
–Batzordekidea: José Ignacio Pérez de Landazabal Berganzo doktore jauna, Unibertsitateko irakasle titularra, Fisika Sailari atxikia.
Balioespen Batzorde ordezkoa:
–Batzordeburua: Vicente Recarte Callado doktore jauna, Unibertsitateko irakasle titularra, Fisika Sailari atxikia.
–Idazkaria: Fernando Bimbela Serrano doktore jauna, irakasle laguntzaile doktorea, Kimika Aplikatuko Sailari atxikia.
–Batzordekidea: Vicente Sánchez Alarcos doktore jauna, irakasle laguntzaile doktorea, Fisika Sailari atxikia.
Hautapen Batzordearen jarduerak, une oro, Herri Administrazioen Administrazio Prozedura Erkideari buruzko 2015eko urriaren 1eko 39/2015 Legeak eta Sektore Publikoaren Araubide Juridikoaren 2015eko urriaren 1eko 40/2015 Legeak ezartzen dutenaren arabera gauzatuko dira. Jakinarazpenak emateko eta bestelako gorabeheretarako, Hautapen Batzordearen egoitza Nafarroako Unibertsitate Publikoko Administrazio eta Kudeaketa eraikina izango da.
8.–Norberaren datuak babestea.
Norberaren Datuak Babesteari buruzko 1999ko abenduaren 13ko 15/1999 Lege Organikoak (DBLO) ezarritakoarekin bat etorriz, izangaiek emandako datuak Langileen fitxategian jasoko dira. Fitxategi horren helburua da Nafarroako Unibertsitate Publikoko langileen kudeaketa.
Kontratu hau finantzatzen duen erakundearen aurrean gastuak justifikatzeko, nominei eta gizarte segurantzari buruzko datuak, edo kontratupekoak jasotzen dituen beste edozein ordainsariri buruzko datuak erakunde horri lagako zaizkio. Nolanahi ere, kontratua gauzatzen denean baimenduko da lagapen hori.
9.–Errekurtsoak.
Deialdi honen eta haren oinarrien aurka zilegi da errekurtso hauetako bat, arau indardunekin bat etorriz:
a) Aukerako berraztertze errekurtsoa errektorearen aurrean, hilabeteko epean, aurkatzen den egintza jakinarazten edo argitaratzen den egunaren biharamunetik kontatzen hasita.
b) Administrazioarekiko auzi errekurtsoa Nafarroako Justizia Auzitegi Gorenaren Administrazioarekiko Auzietako Salan, bi hilabeteko epean, aurkatzen den egintza jakinarazten edo argitaratzen den egunaren biharamunetik kontatzen hasita.
Hautapen Batzordeak deialdi hau aplikatzeko erabakitzen dituen gainerako egintzen aurka, zilegi da gorako errekurtsoa jartzea errektorearen aurrean, hilabeteko epean, ekitaldia edo erabakia jakinarazten edo argitaratzen den egunaren biharamunetik kontatzen hasita.
I. ERANSKINA
Erabiliko den eta/edo egingo diren probak
| PUNTUAK |
1. ATALA: Ikasketa espedientea | 40 |
Titulazioaren ikasketa espedientea proportzionalki balioetsiko da, gehienez ere, 4 punturekin. Izangaia lizentziaduna edo ingeniaria bada edo 300 ECTSko Gradua badauka, titulazioa proportzionalki balioetsiko da, 4 punturekin, gehienez ere. Izangaiak aurretiazko titulazio bat (Gradua, Ingeniaritza Teknikoa...) Masterrarekin aurkezten badu, 4 puntura arte balioetsiko da, gehienez ere, eta aurretiazko titulazioaren batezbestekoa % 75ean eta Masterrarena % 25ean haztatuko da. Bi kasuetan, ateratzen den puntuazioa 10 faktorearekin biderkatuko da izangaiaren titulazioa baldin bada Lizentziatura Fisikan, Kimikan edo Ingeniaritza Kimikoan, Gradua Fisikan, Kimikan edo Ingeniaritza Kimikoan, Masterra Materialen Zientzietan edo antzekoa eta 1 faktorearekin beste titulazio batzuk baldin badira. Izangaiak aurkezten duen titulazio bakoitza dagokion faktorearekin biderkatuko da |
2. ATALA: Esperientzia nanopartikulen azterketa, sintesi eta ezaugarritzean | 20 |
–I+G jarduera unibertsitateetan/ikerketa zentroetan, nanopartikula eta material magnetikoekin lotutako gaietan: Puntu bat kontratu edo bekaren hilabete bakoitzeko, eta 10 puntu gehienez ere. –Lehiaketa deialdien ikerketa-proiektuetan parte-hartzea, proiektuaren gaiekin lotutako gaietan: Puntu 1 proiektuaren urte bakoitzeko, eta 10 puntu gehienez |
3. ATALA: Argitalpenak, ekarpenak biltzarretan eta prestakuntza ikastaroak | 20 |
–Argitalpenak (10 puntu, gehienez ere): Puntu 1 SCIn indexatutako aldizkarietan argitaratzeagatik 1 faktorea aplikatuz proiektu honekin lotura zuzena baldin badauka, 0,5 faktorea lotura partziala baldin badauka eta 0,1 faktorea lotura txikia baldin badauka; gainerako argitalpenetarako 0,2 puntu proiektuarekin duen harremanaren arabera. –Ekarpenak biltzarretara (5 puntu, gehienez ere): 0,5 puntu ekarpen bakoitzeko proiektuarekin duten loturaren arabera. –Prestakuntza/espezializazio ikastaroak (5 puntu, gehienez ere): 0,5 puntu 10 orduko proiektuarekin duten loturaren arabera |
4. ATALA: Banakako elkarrizketa | 20 |
Aurreko ataletan, osotara, gutxienez ere 20 puntu lortu dituzten izangaiekin elkarrizketa bat egingo da, eta kontratuaren xedea diren eginkizunak betetzeko gaitasuna eta eskatutako profilekiko egokitasuna balioetsiko dira |
Hautaketa prozesua gainditzeko eskatzen den gutxieneko puntuazioa 30 puntu da.
Hautaproben azken emaitzan gerta daitezkeen berdinketak 1. Atalean puntuazio handiena atera dutenen alde ebatziko dira. Berdinketa badago, 2. Atalean puntuazio handiena lortzen dutenen alde. Berdinketak jarraitzen badu, hautaketa prozesua zozketaz erabakiko da.
Iragarkiaren kodea: F1711142