191. ALDIZKARIA - 2017ko urriaren 3a

1. NAFARROAKO FORU KOMUNITATEA

1.7. BESTELAKOAK

386/2017 EBAZPENA, irailaren 26koa, Toki Administrazioko zuzendari nagusiak emana, “Valtierra-Arguedasko (Nafarroa) hondakin uren araztegian ura bulkatzeko ponpaketa sistema orokorra berritzea” izeneko proiektua eta haren lanek ukitutako ondasun eta eskubideen zerrenda jendaurrean jartzen dituena.

Nafarroako Toki Azpiegiturak SA (NILSA) enpresak, Arguedasko Udalarekin finkatua duen lankidetza araubideaz baliatuz diharduela, zuzendaritza nagusi honi eskatu dio jendaurrean jar ditzala “Valtierra-Arguedasko (Nafarroa) hondakin uren araztegian ura bulkatzeko ponpaketa sistema orokorra berritzea” izeneko proiektua eta hark ukitutako ondasun eta eskubideen zerrenda.

Udalaren zerbitzu publikoa izanik, Nahitaezko Desjabetzeari buruzko Legearen 10. artikuluan eta Nafarroako Toki Administrazioari buruzko uztailaren 2ko 6/1990 Foru Legearen 215.2 artikuluan ezarritakoari jarraituz, tokiko obra eta zerbitzuen proiektuak onesteak berarekin dakar hartzen dituzten ondasunen onura publikoaren adierazpena eta ondasun horiek okupatu behar izatea, nahitaezko desjabetzea egiteko.

Horrenbestez, Nahitaezko Desjabetzeari buruzko Legearen 18. artikuluan xedatutakoari jarraikiz, eta Landa Garapeneko, Ingurumeneko eta Toki Administrazioko Departamentuaren egitura organikoa ezartzen duen irailaren 21eko 78/2016 Foru Dekretuak esleitu dizkidan eskudantziak erabiliz,

EBATZI DUT:

1. Hamabost egunez jendaurrean jartzea “Valtierra-Arguedasko (Nafarroa) hondakin uren araztegian ura bulkatzeko ponpaketa sistema orokorra berritzea” izeneko proiektua eta hark ukitutako ondasun eta eskubideen zerrenda, jarraian ematen dena, proiektuak ukitutakoek egokiak iruditzen zaizkien alegazioak aurkez ditzaten eta argitaratzen den zerrendan egindako akatsak zuzentzeko behar diren datuak eman ditzaten idatziz, Toki Administrazioko Zuzendaritza Nagusian (Arrieta kalea, 12-3. solairua, 31002 Iruña) eta Arguedasko udaletxean. Bi leku horietan proiektuaren kopia bat eta lurzatien planoak izanen dira eskuragarri.

2. Ebazpen hau, ukitutako ondasun eta eskubideen zerrendarekin batera, Nafarroako Aldizkari Ofizialean eta Arguedasko udaletxeko iragarki oholean argitaratuko da. Orobat, iragarki bat argitaratuko da Foru Komunitateko egunkari batean.

Iruñean, 2017ko irailaren 26an.–Toki Administrazioko zuzendari nagusia, Xabier Lasa Gorraiz.

HONDAKIN UREN ARAZTEGIAN URA BULKATZEKO PONPAKETA SISTEMA OROKORRA BERRITZEA VALTIERRA-ARGUEDAS (NAFARROA)

Ukitutako ondasun eta eskubideen zerrenda

FINKAREN KODEA

TITULARRA

UKIPENAK

KATASTROKO DATUAK

Behin betiko okupazioa

(m²)

Aldi baterako okupazioa

(m²)

Poligonoa

Lurzatia

Lur mota

ARGUEDASKO UDAL-MUGARTEA

ARG-01

Alfredo Iñiguez Delmas

Blanca de Navarra kalea, 2

31513 Arguedas (Nafarroa)

155

35

2

609

Ureztaketako alorra

Iragarkiaren kodea: F1711172