2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
EGUESIBAR
Laburpena, autoenplegua sustatzeko laguntzen 2017. urterako deialdiarena eta oinarriena
Diru-laguntzei buruzko azaroaren 17ko 38/2003 Lege Orokorraren 17.3b eta 20.8a artikuluetan ezarriari jarraituz, argitara ematen da deialdiaren laburpena; horren testu osoa Diru-laguntzen Datu Base Nazionalean kontsulta daiteke (http://www.pap.minhap.gob.eu/bdnstrans/index). BDNS (Identifikazioa): 329370.
–Xedea:
Oinarri hauen xedea da pizgarriak ezartzea, Eguesibarren autoenpleguaren bidezko ekimenak sustatzeko, ekimen berritzaileak eta mota askotakoak abian jartzen lagunduz.
–Laguntzen onuradunak:
Oinarri arautzaile hauetan ezarritako diru-laguntzen onuradunak langile autonomoak izanen dira, baldin eta diru-laguntzak beren izenean eskatzen badituzte.
–Laguntzen zenbatekoa:
1.–Oro har, deialdi honetako onuradunendako laguntza bakarra emanen da. Urteko 2.000,00 euroko gehieneko diru-laguntza emanen da, hiruhileko lau ordainketetan zatituko dena (500,00 euro bakoitza), fakturazioa aurkeztu ondotik, deialdi honetako baldintzei jarraituz, eta BEZaren hiruhilekoko aitorpenari dagokiona.
2.–Diru-laguntzaren onuradunak abiatzen duen jarduera ikerketa, garapen edo berrikuntzako (I+G+B) edozein kategoriatan sailkatzen ahal bada, jarraian bakoitzerako ematen den definizioari jarraituz, aurreko ataleko zenbatekoak bikoiztu eginen dira.
–Epea, instrukzioa, tramitazioa eta ebazpena:
Prozedura alde batek eskaturik hasiko da eta horretarako interesdunak Eguesibarko Udalari zuzendutako eskaera aurkeztuko du entitate horretako erregistroan. Halaber, Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 38.4 artikuluan ezarritako moduetako edozeinetan aurkezten ahalko da.
Eskaerak aurkezteko epea bi hilabetekoa izanen da, autonomo gisa lanean hasi eta biharamunetik hasita. Eskaera epez kanpo aurkeztuz gero ukatu eginen da diru-laguntza.
Diru-laguntzak eskatzeko epea 2017ko abenduaren 31n bukatuko da.
Sarrigurenen, 2017ko urtarrilaren 10ean.–Alkatea, Alfonso Etxeberria Goñi.
Iragarkiaren kodea: L1700810