1. NAFARROAKO FORU KOMUNITATEA
1.4. DIRU-LAGUNTZAK, LAGUNTZAK ETA BEKAK
766/2017 EBAZPENA, irailaren 18koa, Unibertsitateen eta Hezkuntza Baliabideen zuzendari nagusiak emana, Nafarroako Foru Komunitateko toki entitateei (udal eta kontzejuei) diru-laguntzak ematea onesten duena 0 eta 3 urte arteko Haur Hezkuntzako ikastetxeak eraikitzeko, handitzeko eta birmoldatzeko. Unibertsitateen eta Hezkuntza Baliabideen Zuzendaritza zuzendari nagusiak maiatzaren 25ean emandako 463/2017 Ebazpenaren bidez onetsi zen deialdia.
Hezkuntzako Azpiegituren Zerbitzuak txostena egin du, eta bertan proposatu, onesteko Nafarroako udal eta kontzejuei diru-laguntzak ematea xede horretarako.
Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1 d) artikuluak ematen dizkidan ahalmenak erabiliz,
EBATZI DUT:
1. II. eranskinean agertzen diren Nafarroako udal eta kontzejuei diru-laguntzak onestea.
2. Emandako diru-laguntzen ordainketa hurrengo baldintza hauen mende egongo dela ezartzea:
a) 2017ko urriaren 1a baino lehen, diru-laguntza jaso duten obretarako, zuinketa-akta aurkeztu beharko da obrak hasi direla justifikatzeko; bestela, obren hasiera atzeratzeko eskaera aurkeztu beharko da, eta hori organo eskudunak onetsia. Data horietako batean (2017ko urriaren 1a edo baimendutako atzerapenaren data) obren hasieraren berririk ez badago, eskaera ezetsitzat joko da, eta halaxe jakinaraziko zaie behar diren ondorioetarako.
b) Diru-laguntzen xedeko obrak 2017ko azaroaren 30erako bukatuko dira, eta gastuaren frogagiriak ere 2017ko azaroaren 30a baino lehen aurkeztuko dira.
c) Diru-laguntzak unean uneko balio erantsiaren zerga kanpoan uzten du.
3. Diru-laguntza horien ordainketa 2017ko aurrekontuko “Obrak 0-3 urtekoen udal jabetzako ikastetxeetan” izeneko 410001-41810-7609-325106 (E) partidaren kargura egingo da (349508 deialdi zenbakia), obrak bukatu ondoko ordainketa bakarraren bidez.
4. 93.754,70 euroko kopurua gastu konpromisotik kentzea, 2017ko aurrekontuko “Obrak 0-3 urtekoen udal jabetzako ikastetxeetan” izeneko 410001-41810-7609-325106 (E) partidaren diru erabilgarrian ager dadin. (kontabilitateko espedientea: 40003495).
5. Ebazpen hau eta I. eranskina igortzea udal interesdunei, Kudeaketa Ekonomikoaren Bulegoari, Hezkuntza Departamentuko kontu-hartzaile delegatuari, Zerbitzuak Ikuskatzeko eta Ikuskapen Teknikorako Zerbitzuari, Obren Atalari eta Obren eta Hezkuntzako Azpiegituren Zerbitzuko Zuzendaritzari, behar diren ondorioak izan ditzaten.
6. Ebazpen hau Nafarroako Aldizkari Ofizialean argitara dadila agintzea.
7. Ebazpen honen kontra, administrazio publiko interesdunak administrazioarekiko auzi-errekurtsoa jartzen ahalko du, Nafarroako Justizia Auzitegi Nagusiaren Administrazioarekiko Auzien Salari zuzendua, ebazpena argitaratu eta biharamunetik hasita bi hilabeteko epean, alde batera utzi gabe aldez aurreko errekerimendua egin ahal izatea, Administrazioarekiko Auzien Jurisdikzioa arautzen duen ekainaren 13ko 29/1998 Legearen 44. artikuluan ezarritako moduan eta epeetan.
Iruñean, 2017ko irailaren 18an.–Unibertsitateen eta Hezkuntza Baliabideen zuzendari nagusia, Nekane Oroz Bretón.
I. ERANSKINA Aurkeztutako eskaerak |
ESKAERA | TOKI ENTITATEA | IKASTETXEA | DIRU-LAGUNTZAREN XEDE DEN OBRA |
ERREGISTRO ZENBAKIA | DATA (azken eguna 2017/07/10) |
2017/445851 | 2017/07/04 | ANTSOAIN | “San Cristóbal” haur eskola | Gas naturalaren instalazio hartzailea berritzea eta handitzea eta ur bero sanitarioa sortzeko instalazioa berritzea |
2017/454338 | 2017/07/06 | BASABURUA | 0-3 urtekoen haur eskola | 0-3 urtekoen haur eskola berria egitea |
2017/451642 | 2017/07/05 | EGUESIBAR | “Eguesibar III” haur eskola | Ikastetxearen barne banaketa berritzea, funtzionamendua hobetzeko |
2017/454362 | 2017/07/06 | LEITZA | “Itzaire” haur eskola | Instalazio termiko berria “Itzaire” haur eskolan |
2017/409686 | 2017/06/19 | VALTIERRA | 0-3 urtekoen haur eskola | 0-3 urtekoen haur eskola berria egitea |
2017/454755 | 2017/07/07 | VIANA | “Jaime Garcia Orio” haur eskola | Erorketa bertikaleko eguzki-oihalak instalatzea “Jaime Garcia Orio” haur eskolan |
2017/474796 | 2017/07/10 | BERRIOBEITI | Artikako haur eskola eta Berriogoitiko haur eskola | Artika: irekitzeko izu-barra sistema, TS90 kaia, analisien txostena, ur bero sanitarioko balbulak eta berogailua instalatzea, kaltetutako zoladura lehengoratzea Berriogoiti: leihoak motorizatzea eta oin-zatarra erosi eta jartzea |
2017/420274 | 2017/06/23 | LIZARRA | “Ariete” haur eskola | Lurzatia hesi bidez ixtea, erorketa bertikaleko eguzki-oihalak instalatzea, etenik gabeko zoru malgu kautxozkoa hormigoizko zola gainean eta pergola patioan |
II. ERANSKINA Saria emateko proposamena |
TOKI ENTITATEA | IFZ | IKASTETXEA | DIRU-LAGUNTZAREN XEDE DEN OBRA | ESK. AURR. | % | DIRU-LAG. |
IKASTETXE BERRIAK egitea (1., 2. eta 3. kategoriakoak) |
Basaburua | P3104900J | 0-3 urtekoen haur eskola | 0-3 urtekoen haur eskola berria egitea | 151.481,43 | %65 | 98.462,93 |
Valtierra | P3124900F | 0-3 urtekoen haur eskola | 0-3 urtekoen haur eskola berria egitea | 338.578,37 | | 37.612,48 |
Eginak dauden ikastetxeak HANDITZEA (4., 5. eta 6. kategoriakoak) |
Barneko aldeak BIRMOLDATZEA (7., 8. eta 9. kategoriakoak) |
Egues | P3108500D | “Eguesibar III” haur eskola | Ikastetxearen barne banaketa berritzea, funtzionamendua hobetzeko | 31.030,60 | %65 | 20.169,89 |
| 156.245,30 |
Iragarkiaren kodea: F1710922