189. ALDIZKARIA - 2017ko irailaren 29a

2. NAFARROAKO TOKI ADMINISTRAZIOA

2.2. XEDAPEN ETA IRAGARKIAK, HERRIEN ARABERA ANTOLATUAK

BAZTAN

Planeamenduko eta kudeaketako hirigintza hitzarmena
Trinquete Antxitonea SL-rekin. Jendaurrean paratzea

Alkatetzak 2017ko irailaren 11n emandako 208/2017 Ebazpenaren bidez onetsi da Nafarroako Aldizkari Ofizialean argitaratzea Baztango Udalaren eta Trinquete Antxitonea SL-ren artean sinatu beharreko planeamenduko eta kudeaketako hirigintza hitzarmena, jendaurrean hogei egun baliodunean egon dadin. Hitzarmen horren xedea da Elizondoko 16. poligonoko 513. eta 774. lurzatietan eraikitzeko aukerak ahalbideratzea.

Lurraldearen Antolamenduari eta Hirigintzari buruzko abenduaren 20ko 35/2002 Foru Legearen 25.5 artikuluan ezarritakoari jarraikiz, espedientea jendaurrean egonen da hogei egunean, iragarki hau Nafarroako Aldizkari Ofizialean argitaratzen denetik hasita, azter dadin eta bidezko alegazioak aurkez daitezen.

Elizondon (Baztan), 2017ko irailaren 18an.–Alkatea, Joseba Otondo Bikondoa.

Iragarkiaren kodea: L1710891