2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
IRUÑA
2017ko Sanferminetako Su Artifizialen Nazioarteko XVIII. Egile-Lehiaketareko deialdiaren laburpena
Iruñeko Udalak “2017ko Sanferminetako Su Artifizialen Nazioarteko XVIII. Egile-Lehiaketa” deitu du, norgehiagokako araubidea erabiliz, Iruñeko Udalaren Diru-laguntzei buruzko ordenantza orokorrean xedatuari jarraikiz, zeina argitaratu baitzen 2006ko 21. Nafarroako Aldizkari Ofizialean, otsailaren 17koan. Oharra: testu osoa Diru-laguntzen Datu Base Nazionalean kontsulta daiteke (http://www.pap.minhafp.gob.es/bdnstrans/GE/eu/index), DDBN (identifikazioa): 361804.
1.–Xedea.
2017ko Sanferminetako Su Artifizialen Nazioarteko XVIII. Egile-Lehiaketa: 2017ko Sanferminetako su artifizialen nazioarteko lehiaketaren xedea da 2017ko Sanferminetako gauetan emandako su artifizialetako hiru bilduma hoberenak saritzea.
2.–Sariaren modalitatea.
Sari modalitate hauek ezarri dira:
–Urrezko San Fermin saria: epaimahaiaren puntuaziorik handiena duen bildumari.
–Zilarrezko San Fermin saria: epaimahaiaren bigarren puntuaziorik handiena duen bildumari.
–Brontzezko San Fermin saria: epaimahaiaren hirugarren puntuaziorik handiena duen bildumari.
3.–Diru-zuzkidura.
Deialdi honek gehienez ere 10.000 euroko kontsignazioa izango du aurrekontuetan sarientzat, eta udal aurrekontuko partida hau erabil daiteke gauzatzeko:
50/33800/479000.
Honako sari hauek ezarri dira modalitate bakoitzean, 2. klausulan adierazi bezala:
–Urrezko San Fermin saria:
- Trofeoa eta 5.000 euro, epaimahaiaren puntuaziorik handiena duen bildumari.
–Zilarrezko San Fermin saria:
- Trofeoa eta 3.000 euro, epaimahaiaren bigarren puntuaziorik handiena duen bildumari.
–Brontzezko San Fermin saria:
- Trofeoa eta 2.000 euro, epaimahaiaren hirugarren puntuaziorik handiena duen bildumari.
Iruñean, 2017ko irailaren 12an.–Kulturako, Hizkuntza Politikako, Hezkuntzako eta Kiroleko zinegotzia, Maider Beloki Unzu.
Iragarkiaren kodea: L1710582