180. ALDIZKARIA - 2017ko irailaren 18a

1. NAFARROAKO FORU KOMUNITATEA

1.4. DIRU-LAGUNTZAK, LAGUNTZAK ETA BEKAK

Laburpena, Hezkuntzako zuzendari nagusiak abuztuaren 30ean emandako 397/2017 Ebazpenarena; ebazpen horren bidez, Nafarroako Foru Komunitatean Curriculum Egokituko Programak emateko baimena duten ikastetxe itunduetan eta entitateetan egoera sozioekonomiko ahulean dauden ikasleei baliabide ekonomikoak esleitzeko deialdi publikoaren oinarriak onetsi dira 2017/2018 ikasturterako.

Oharra: testu osoa Diru-laguntzen Datu Base Nazionalean kontsulta daiteke (http://www.pap.minhafp.gob.es/bdnstrans/GE/eu/index). DDBN (identifikazioa): 361242.

Nafarroako Foru Komunitatean Curriculum Egokituko Programak emateko baimena duten ikastetxe itunduetan eta entitateetan egoera sozioekonomiko ahulean dauden ikasleei baliabide ekonomikoak esleitzeko deialdi publikoa 2017/2018 ikasturterako.

Lehena.–Onuradunak. 2017-2018 ikasturtean Nafarroako Foru Komunitatean Curriculum Egokituko Programak emateko baimena duten eta egoera sozioekonomiko ahulean dauden ikasleak dituzten ikastetxe itundu eta entitateak.

Bigarrena.–Xedea. Deialdi honen xedea da baliabide ekonomikoak esleitzea Curriculum Egokituko Programak emateko baimena duten eta behar ekonomikoak dituzten ikasleak eskolatzen laguntzen diharduten ikastetxe itunduei eta entitateei, Hezkuntzari buruzko maiatzaren 3ko 2/2006 Lege Organikoaren 80. artikuluari jarraikiz.

Hirugarrena.–Oinarri arautzaileak. Oinarri arautzaileak Diru-laguntzei buruzko azaroaren 9ko 11/2005 Foru Legean ezarritakoak dira.

Laugarrena.–Zenbatekoa. Deialdi hau garatzeko, 413.000 euroko gastua esleitu da.

Iruñean, 2017ko abuztuaren 29an.–Hezkuntzako zuzendari nagusia, Roberto Pérez Elorza.

Iragarkiaren kodea: F1710333