Iragarkia
174. ALDIZKARIA - 2017ko irailaren 8a
1. NAFARROAKO FORU KOMUNITATEA
1.4. DIRU-LAGUNTZAK, LAGUNTZAK ETA BEKAK
720/2017 EBAZPENA, abuztuaren 25ekoa, Unibertsitateen eta Hezkuntza Baliabideen zuzendari nagusiak emana, Hezkuntza Departamentuaren 2017ko Prestakuntzako eta I+Geko Planean jasota dauden doktoratu aurreko laguntzen deialdia onesten duena.
Unibertsitateen Ataleko zuzendariak txosten bat aurkeztu du, eta bertan proposatzen du Hezkuntza Departamentuaren 2017ko Prestakuntzako eta I+Geko Planean jasota dauden doktoratu aurreko laguntzen deialdia onetsi eta argitaratzea.
Ikerketa, zientzia eta berrikuntza Nafarroako Foru Komunitatearen modernizazio eta aurrerakuntzarako elementuak diren aldetik, Nafarroako Gobernuak horiek garatzeko egiten dituen ekintzen artean Unibertsitateen eta Hezkuntza Baliabideen Zuzendaritza Nagusiaren laguntza programen deialdiak daude, ikertzaileak trebatzeko eta Nafarroarentzat interesa duten ikerketa-proiektuak egiteko. Programa horiek guztiek Prestakuntzako eta I+Geko laguntza planak izenekoak osatzen dituzte, helburu estrategiko nagusi batekin: ikertzaileen masa kritikoa trebatu eta lortzea Nafarroan, Foru Komunitatean ezagutzan oinarritutako eredu sozioekonomikoaren garapena bultzatzeko gai izanen dena.
Jarduketa hauen esparru juridikoa Nafarroako Foru Eraentza Berrezarri eta Hobetzeari buruzko abuztuaren 10eko 13/1982 Lege Organikoaren 44.7 artikuluan ezarritakoa da, horrek ezartzen baitu Nafarroako Foru Komunitateak eskumen osoa duela ikerketa zientifiko eta teknikoaren arloan. 2017ko laguntza plana legealdirako akordio programatikoaren baitan sortu zen, izan ere, epe ertain eta luzera hartu beharreko neurrien artean hau ezartzen du: “I+G+b sustatzeko konpromiso estrategikoa eta aurrekontuen arlokoa mantentzea”.
2017ko planean, doktoratu aurreko laguntza programa bat ezartzea aurreikusita dago, Nafarroarentzat interesa duen doktore tesi bat egiteko, eta, orobat, doktoratu aurreko programa bat, nazioarteko mugikortasuna bultzatzeko. Lehenbiziko programan hiru urteko laguntzak emanen dira, doktoratu aurreko kontratu moduan, eta doktoratu aurreko mugikortasunerako laguntzen bidez, berriz, doktoratu aurreko ikertzaileek nazioartean erreferentzialak diren zentroetan egonaldi laburrak edo aldi baterako lekualdatzeak egitea finantzatuko da, beren prestakuntza programa sendotzeko eta tesiaren garapena bultzatzeko.
Deialdi hau finantzatzeko, Nafarroako Gobernuak, 2017ko uztailaren 26an hartutako Erabakiaren bitartez, baimena eman dio Unibertsitateen eta Hezkuntza Baliabideen zuzendari nagusiari zenbait urtetarako gastua egiteko, gehienez 765.000 eurokoa.
Diru-laguntzei buruzko azaroaren 9ko 11/2005 Foru Legean aurreikusitakoa kontuan izanik, aginduzko txostenak eta Nafarroako Gobernuaren 2016ko uztailaren 26ko Erabakia ikusirik, eta Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1.d) artikuluak ematen dizkidan ahalmenak erabiliz,
EBATZI DUT:
1. Prestakuntzako eta I+Geko Planean jasota dauden laguntzen programetarako 2017ko deialdiak onestea; oinarriak ebazpen honen eranskinean jaso dira.
I. deialdia.–Doktoratu aurreko laguntzak Nafarroarentzat interesa duen doktore tesi bat egiteko.
II. deialdia.–Doktoratu aurreko laguntzak nazioarteko mugikortasunerako.
2. Gehienez ere 765.000 euroko gastua baimentzea, urte anitzekoa, Hezkuntza Departamentuaren “Prestakuntzako eta Ikerketa eta Garapeneko (I+G) Planerako laguntzak” izeneko 411001-41010-4800-322302 partidaren kargura, edo 2017ko, 2018ko, 2019ko eta 2020ko aurrekontu orokorretan horretarako gaitzen diren pareko partiden kargura.
Hasieran aurreikusten den gehieneko gastuaren banaketa honako hau da:
AURREKONTUA 2017 | AURREKONTUA 2018 | AURREKONTUA 2019 | AURREKONTUA 2020 | GUZTIRA | |
Doktoratu aurreko laguntzen programa Nafarroarentzat interesa duen doktore tesi bat egiteko | 52.750 euro | 211.000 euro | 211.000 euro | 158.250 euro | 633.000 euro |
Doktoratu aurreko laguntzen programa nazioarteko mugikortasunerako | 113.500 euro | 18.500 euro | 0 euro | 0 euro | 132.000 euro |
GUZTIRA | 166.250 euro | 229.500 euro | 211.000 euro | 158.250 euro | 765.000 euro |
3. Ebazpen hau eta eranskina Nafarroako Aldizkari Ofizialean argitara daitezela agintzea.
4. Ebazpen hau eta eranskina igortzea Unibertsitateen eta Hezkuntza Baliabideen Zuzendaritza Nagusira, Unibertsitateen Atalera, Nafarroako Unibertsitate Publikoko eta Nafarroako Unibertsitateko Ikerketako errektoreordeei, Urrutiko Hezkuntzako Unibertsitate Nazionalaren Iruñeko eta Tuterako Zentro Elkartuetako zuzendariei, Ekonomia eta Ogasun Departamentuak Hezkuntzakoan duen kontu-hartzaile delegatuari, Aurrekontuen eta Kudeaketa Ekonomikoaren Atalari, Ikerketarako eta Nazioarteratzeko Laguntzen Bulegoari, Kudeaketa Ekonomikoaren Bulegoari, Araubide Administratiboaren Atalari eta Argibide eta Agiri Bulegoari, behar diren ondorioak izan ditzaten.
5. Ebazpen honen aurka gora jotzeko errekurtsoa jar daiteke, Nafarroako Gobernuko Hezkuntzako kontseilariari zuzendua, Nafarroako Aldizkari Ofizialean argitaratu eta biharamunetik hilabeteko epean.
Iruñean, 2017ko abuztuaren 25ean.–Unibertsitateen eta Hezkuntza Baliabideen zuzendari nagusia, Nekane Oroz Bretón.
ERANSKINA
Deialdiaren oinarriak
I. DEIALDIA
Doktoratu aurreko laguntzak Nafarroarentzat interesa duen doktore tesi bat egiteko
Hizkera ez sexistaren adierazpena.
Agiri honetan pertsona, gizatalde edo kargu akademikoak genero maskulinoarekin aipatzen direnean, markatu gabeko genero gramatikala dela ulertzen da, eta, beraz, emakumeak nahiz gizonak aipatzen ahal dira horrela.
Hitzaurrea.
Ikerketa lanak sustatzeko, ikertzaileak hasierako etapetan kontratatzea Nafarroako Gobernuak zientziaren eta teknologiaren arloan gauzatu nahi dituen politiken lehentasunezko ildoetako bat da.
Ikerkuntza eta irakaskuntza elkarren osagarri izateak interesa eransten dio gradu ondoko etapari, eta hau, azken finean, unibertsitateko irakaskuntzara iritsi aurreko urrats bat da. “Boloniako prozesua” deitutakoaren egungo egoeran, beharrezkoa da etorkizuneko irakasleen ikerketa arloko prestakuntza egokitzea, Europako Ikerketa Esparruan eta Europako Goi Mailako Hezkuntzaren Esparruan sortzen diren espektatibak bete eta helburuak erdiesteko.
Deialdi honen bidez, Nafarroako Gobernuaren asmoa da ikerketaren kalitatea zaintzea eta baliabideak efizientziaz banatzea; bestalde, onuradunak profesionalen munduaren errealitatera hurbiltzen ditu, ikerketa bat (doktore tesia) egiteko eta ikertzailearen berezko trebetasunak bereganatzeko xedea duten kontratuak ahalbidetzen baititu.
Azkenik, deialdi honetan parte hartzeko, onuradunak konpromisoa hartu behar du Nafarroak haien prestakuntzan egiten duen inbertsioa erkidegoari itzultzeko. “Itzulketa” hori garapen profesionalerako plan bat aurkeztuz lortzen da; horrek aukera emanen die Nafarroako entitate batean ikerketa lanean jarraitzeko, edo Nafarroako enpresa batean sartzeko, egindako doktore tesiarekin zerikusia duen berrikuntza proiektu bat garatzeko.
1. oinarria.–Xedea edo helburua.
Deialdi honen helburua doktoreen prestakuntza sustatzea da, jatorrizko ikerlan bat (doktore tesia) egiteko laguntzak emanez norgehiagoka araubidean. Ikerlan horrek interesa izan behar du Nafarroarentzat, Nafarroako goi mailako hezkuntzaren eta ikerketa zientifikoaren sisteman, eta, horrenbestez, Nafarroako ehun produktiboan ikerketarako talentua sartzen laguntzeko.
2. oinarria.–Bete beharrekoak.
Honako baldintza hauek betetzen dituzten goi mailako tituludunek eskuratzen ahalko dituzte laguntza hauek:
1. Nafarroarekin lotura izatea. Deialdi honen ondorioetarako, baldintza hori beteko du, soilik, egoera hauetako batean dagoenak:
a) Nafarroan erroldaturik egon izana eskaera egunaren aurreko azken bi urteetan gutxienez, etenik gabe.
b) Nafarroan erroldaturik egon izana 10 urtez gutxienez.
c) Nafarroan jaioa izatea, eta Nafarroako unibertsitate batean onartua egotea edo onartua izateko eskaera egina izatea 2017-2018 ikasturtean doktorego programa bat egiteko.
d) Doktorego programetan sartzeko bide ematen duten masterreko ikasketak Nafarroan eginak izatea, eta erkidego honetako unibertsitate batean onartua egotea edo onartua izateko eskaera egina izatea 2017-2018 ikasturtean doktorego programa bat egiteko.
2. Ikasketa espedientearen batez besteko nota beheko taulan jakintza arlo eta maila bakoitzerako adierazten den erreferentziazko nota baino altuagoa izatea (0tik 10era bitarteko eskalan emana), eskatzailearen titulazioari Unibertsitateen, Zentroen eta Titutuen Erregistroan dagokion atxikipenaren arabera.
JAKINTZA ARLOA | DIPLOMATURA | LIZENTZIA | GRADUA |
Artea eta Giza Zientziak | - | 7,21 | 7,46 |
Zientziak | 6,62 | 6,86 | 7,21 |
Osasun Zientziak | 7,04 | 7,08 | 7,44 |
Gizarte eta Zuzenbideko Zientziak | 6,91 | 6,86 | 7,30 |
Ingeniaritzak eta Arkitektura | 6,42 | 6,74 | 6,77 |
3. 2017-2018 ikasturtean doktorego programa bat egiteko onartua egotea edo onartua izateko eskaera egina izatea.
4. Doktore tesia zein unibertsitatetan egin behar duen, unibertsitate horrek emandako txostena izatea, laguntza ematearen aldekoa.
5. Eskaera aurkeztu aurreko 12 hilabeteetan, gutxienez, antzeko laguntzarik jaso ez izana. Deialdi honen ondorioetarako, antzeko laguntzatzat hartuko dira doktoratu aurreko prestakuntzarako, ikerketa proiektuak garatzeko edo espezializazio zientifiko edo teknikorako emandako laguntza guztiak, beren helburuen artean onuradunak doktorego ikastaroak egitea aurreikusi baldin badute.
6. Diru-laguntzei buruzko azaroaren 9ko 11/2005 Foru Legearen 13. artikuluan onuradun izateko ezarritako baldintza orokorrak betetzea eskabideak aurkezteko epean.
3. oinarria–Atxikitze zentroak.
1. Deialdi honen ondorioetarako, Espainiako unibertsitate zentroak atxikitze zentrotzat joko dira kontratatzeko gaitasuna badute eta haietan doktore tesiak inskribatu eta defendatu eta doktore titulua eskuratzen ahal bada.
2. Atxikitze zentroak laguntzak kudeatzeko entitate laguntzaile izanen dira, Diru-laguntzei buruzko azaroaren 9ko 11/2005 Foru Legean xedatutakoaren ondorioetarako. Foru lege horrek Nafarroako Aurrekontu Orokorren kargura ematen diren diru-laguntzen araubide juridiko orokorra ezartzen du.
3. Doktoregoa atzerriko unibertsitateetan egiteko eskaeren kasuan, zentro horiek ez dira entitate laguntzaile izanen, eta laguntza onuradunari emanen dio zuzenean deialdia egin duen organoak, beka moduan.
4. oinarria.–Laguntzaren ezaugarriak.
4.1. Izaera eta iraupena.
1. Doktoregoa Espainiako unibertsitate batean egiten denean, laguntzak doktoratu aurreko kontratuak izanen dira, Zientziari, Teknologiari eta Berrikuntzari buruzko ekainaren 1eko 14/2011 Legean aurreikusi bezala.
2. Doktoregoa atzerriko unibertsitate batean egiten denean, aldiz, laguntza beka moduan emanen da.
3. Laguntzek 3 urte iraunen dute, gehienez. Horiek berritzeko prozedura 13.3 oinarrian ezarritakoa izanen da.
4. Eskatzaileak doktoratu aurreko beste laguntza bat, kontratu izaerakoa, jaso badu deialdian baimendutako mugen barrenean, laguntzaren aldia modu proportzionalean murrizten ahalko da eskatzaileak beste hura jaso duen denboraren arabera.
4.2. Zenbatekoa.
Laguntzaren zenbatekoan kontzeptu hauek izanen dira:
1. Mantenua.
a) Kontratu gisa ematen diren laguntzak.
Laguntzen zenbatekoa soldataren zenbatekoaren eta enpresak Gizarte Segurantzarako egiten dituen ekarpenen batura izanen da. Urtean urteko kotizazio tasak eta hobariak aplikatuko dira. Hileko soldata gordina 1.175 euro izanen da eta urtean halako 14 soldata ordainduko dira. Beraz, urtean 16.450 euro gordin.
b) Beka gisa ematen diren laguntzak.
Laguntzaren hileko kopurua honen emaitza izanen da: ezarritako modulua, 1.175 eurokoa, bider koefiziente zuzentzaile bat, IV. eranskineko taularen araberakoa. Zenbateko horiek urtero eguneratzen ahalko dira, Unibertsitateen eta Hezkuntza Baliabideen zuzendari nagusiaren ebazpen bidez.
2. Matrikularen kostua eta doktore titulua.
Laguntza jasotzen den hiru urteetan izandako gastu administratiboak (matrikulak, unibertsitate tasak, titulua eskatzeko gastuak, etab.) finantzatuko dira, gehienez ere 1.500 euro.
3. Bidaia-gastuak.
Tesia atzerriko unibertsitateetan egiteko laguntzek urteko osagarri bat izanen dute, zentrorako joan-etorriko bidaia bat ordaintzeko eta atzerrian laguntza aseguru bat kontratatzeko; osagarri horren zenbatekoa taula honi jarraikiz ezarriko da:
DISTANTZIA | 1.000 km BITARTE | 1.001 km - 2.500 km | 2.500 km BAINO GEHIAGO |
Lekualdatzeko gastuak | 300 euro | 600 euro | 1.000 euro |
Asegurua | 300 euro | ||
5. oinarria.–Aurrekontuko diru kopurua.
Laguntza hauen ondoriozko gastuak aurrekontuko “Prestakuntzako eta Ikerketa eta Garapeneko (I+G) Planerako laguntzak” izeneko 411001-41010-4800-322302 partidari egotziko zaizkio 2017an eta hurrengo urteetan, aurrekontuko diruaren arabera. Deialdi honetarako 633.000 euroko gastua eginen da gehienez.
Hasiera batean aurreikusten den urtez urteko banaketa honakoa da:
–2017. urtean: 52.750 euro.
–2018. urtea: 211.000 euro.
–2019. urtea: 211.000 euro.
–2020. urtea: 158.250 euro.
6. oinarria.–Eskaerak aurkezteko epea eta modua.
Eskaerak aurkezteko epea 20 egunekoa izanen da, deialdia Nafarroako Aldizkari Ofizialean argitaratzen denetik aurrera.
Nafarroako Gobernuko Hezkuntza Departamentuko Erregistro Orokorrean aurkeztuko dira, edo ekainaren 23ko 70/2008 Foru Dekretuak sortu eta arautu duen Nafarroako Foru Komunitateko Erregistro Orokor Elektronikoan, edo Administrazio Publikoen Administrazio Prozedura Erkideari buruzko urriaren 1eko 39/2015 Legearen 16.4 artikuluan aipaturiko bulegoetako edozeinetan. Deialdi honen ondorioetarako, Espainiako unibertsitate publikoetako erregistroak baliozkotzat joko dira, eskaera aurkezten duenaren atxikitze zentroa denean. Zentro horiek eskaera jaso eta gero instrukzio organo eskudunari igorri beharko diote 15 eguneko epean gehienez.
7. oinarria.–Eskabideari erantsi behar zaizkion agiriak eta horien tratamendua.
7.1. Nahitaez aurkeztu behar diren agiriak.
A) Agiri administratiboak.
1. Eskabide normalizatua, I. eranskineko ereduaren araberakoa, datu guztiak beteta eta eskaera egiten duen ikertzaileak sinatua.
Eskabide ereduak erantsia du adierazpen bat, eskatzaileak Nafarroako Foru Komunitateko Diru-laguntzei buruzko Legearen 13. artikuluan ezarritakoa betetzen duela dioena. Horrekin batera, Hezkuntza Departamentuari baimena ematen dio zerga betebeharrak eta Gizarte Segurantzarekikoak egunean dituela egiazta dezan diru-laguntza emateko ebazpen proposamena ematerakoan.
2. Nortasun agiri nazionalaren fotokopia, edo nortasuna eta jaiolekua frogatzen dituen beste agiri ofizial batena.
B) Doktoregaiak deialdian parte hartzeko eskatzen diren baldintzak (2. oinarrian ezarrita daudenak) betetzen dituela egiaztatzeko agiriak.
1. 2.1 oinarrian loturari dagokionez ezarritako betebeharra betetzen duela frogatzen duen agiria.
2. Ikasketa espedientean eskatutako batez bestekoa lortu duela egiaztatzen duen ikasketa ziurtagiria. Ikasketak atzerrian egin badira, batez besteko notaren aitorpena aurkeztu beharko da, 8.2.6. oinarrian ezarritakoaren arbera.
3. Eskatzailea 2.3 oinarrian adierazitako moduan doktorego programa batean onartuta dagoela (edo onartzeko eskaera egina duela) frogatzen duen agiria.
4. Doktore tesia egin behar duen unibertsitateak emandako aldeko txostena.
a) Espainiako unibertsitateen kasuan, txostena entitatearen lege ordezkariak sinatu beharko du, eta entitateak laguntza jasoko duen ikertzailea kontratatzeko konpromisoa hartzen duela adierazi beharko da bertan, Zientziari, Teknologiari eta Berrikuntzari buruzko ekainaren 1eko 14/2011 Legearen 20. eta 21. artikuluetan adierazitako moduan. Horrekin batera, adierazi beharko du Prestakuntzaldian ari diren Ikertzaileen Estatutuari buruzko urtarrilaren 27ko 63/2006 Errege Dekretuan ezarritako eginbeharrak betetzeko konpromisoa, bai eta deialdi honetan araututakoak ere; bereziki, entitate laguntzailea izatea onartzen duela, Diru-laguntzei buruzko azaroaren 9ko 11/2005 Foru Legean xedatutakoaren ondorioetarako.
b) Atzerriko unibertsitateen kasuan, txostena tesiaren zuzendariak edo doktorego programaren arduradun akademikoak sinatu beharko du, eta deialdi honen 10.3 B) oinarrian ezarritako betebeharrak betetzeko konpromisoa adierazi beharko da bertan.
c) Eskaerak 8. oinarrian ezarritako irizpideei jarraituz egoki puntuatzeko behar diren agiriak.
1. Doktorego programan sartzea ahalbidetu dion titulua (diploma, lizentzia edo gradua) eta tituluaren ziurtagiri akademiko pertsonala, xehakatua eta osoa. Gainditutako irakasgai guztiak agertu behar dira ziurtagirian, bakoitzaren kreditu eta guzti, bai eta lortutako kalifikazioak eta ikasturteak ere. Lizentziadun edo ingeniari titulua beste ikasketa batzuetatik abiatuta lortu bada, ikasketa horien ziurtagiri akademikoa ere aurkeztu beharko da. Bigarren zikloko lizentzien kasuan, horrez gain lizentzia horretan sartzea ahalbidetu zioten ikasketetako lehen zikloaren ziurtagiri akademikoa ere aurkeztu beharko du.
2. Doktoregaiaren merezimenduak, II. eranskineko ereduaren arabera egina, eta bertan azaltzen diren merezimendu guztiak egiaztatzeko ziurtagiriak.
3. Doktore tesiaren proiektuaren memoria. 8.1 oinarrian ezarritakoari jarraikiz modu egokian puntuatzeko beharrezkoak diren elementuak bilduko ditu, eta bereziki:
a) Helburuen definizioa, gaia zertan den, hipotesia, metodo zientifikoa, erabili beharreko iturriak eta bitartekoak eta denbora-plangintza. Ikerketa lana egin behar baldin bada norgehiagokako laguntzekin edo proposatutako tesi proiektua garatuko duten enpresekin, berariaz aipatu beharko da.
b) Atal batean berariaz azaldu beharko da proiektuaren gaiak Nafarroarentzat duen interes berezia, eta, kasua bada, Nafarroako Gobernuaren plan estrategikoekin bat datorrela.
c) Atal batean berariaz azalduko da proiektua egiteak Nafarroako goi mailako hezkuntza sistemari eta ikerketa zientifikoari nolako onura ekar diezaiekeen, eta ikertzailearen karrera etorkizunean Nafarroan garatzeko emanen dizkion aukerak.
d) Atal batean berariaz azalduko da ikerlanaren emaitzen transferentziak Nafarroan etorkizuneko ekintzailetza proiektu bat egiteko izan ditzakeen aukerak.
7.2. Dokumentazioa eta haren tratamendua direla-eta kontuan hartu beharreko arauak.
1. Nahitaez aurkeztu beharreko agirietako bat espedientean falta denean edo, kudeaketa organoaren iritziz, osorik ez badago, Administrazioak horren berri emanen dio eskatzaileari, jakinarazi eta biharamunetik hamar egun naturaleko epean zuzen dezan akatsa. Ohartaraziko zaio agiri hori ez aurkezteak zer ondorio ekarriko lituzkeen, agiria zein den kontuan hartuz, oinarri honetako arauei jarraikiz.
2. Deialdiko 2. oinarrian ezarritako baldintzak betetzen direla egiaztatzeko agirietako baten falta edo bertako akatsa zuzentzen ez badu, eskaera bertan behera geldituko da, horretarako administrazio ebazpena eman ondoren.
3. Eskabidean ezartzen den karrerako ziurtagiri akademikoa falta bada edo osorik ez badago, edo, atzerrian egindako ikasketen ziurtagirien kasuan, 7.1.C).1 oinarrian aipatzen den dokumentazio argigarria falta bada, tramitazioko hurrengo fasera igarotzen ahalko da. Kasu horretan, ikasketa horietako batez besteko notatzat “Nahikoa, 5,5” izanen da, eta hori, betiere, ikasketen titulua eskuratu izana behar bezala frogatuta badago. Egindako irakasgairen baten kalifikazioa zehazterik ez dagoenean, “Nahikoa, 5,5” hartuko da irakasgai horretako notatzat, eta hori, betiere, gainditu izana behar bezala frogatuta badago.
4. Eskaerak aurkezteko epea bukatuta ez da onartuko ikasketa espedienteari buruzko, batez besteko notaren aitorpenari buruzko edo curriculumean aipaturiko gainerako merezimenduei buruzko datu berririk. Eskaera hobetzeko dokumentazio berria aurkeztea ere ez da onartuko, ez bada kudeaketa organoak eskatutakoa akatsak zuzentzeko.
5. Jatorrizko agiriak edo kopiak aurkezten ahalko dira. Erregistro Orokor Elektronikoaren bidez aurkezten diren eskaereetarako, agiri eskaneatuak onartuko dira. Instrukzio organoak, noiznahi, jatorrizko agiriren bat aurkeztea eska dezake, egokitzat jotzen dituen egiaztapenak egiteko. Halaber, prozeduraren edozein fasetan eskatzen ahalko ditu alegaturiko merezimenduei buruzko argibide eta datu osagarriak, agiriei buruzkoak eta oro har jasotako laguntza eskatzearekin, eskuratzearekin eta, kasua bada, mantentzearekin zerikusia duten bestelako inguruabarrei buruzkoak.
6. Ez dira kontuan hartuko haien arau erregulatzaileen arabera ziurtatzeko eskumenik ez duten pertsonek, organoek edo erakundeek luzatutako agiriak.
7. Foru Komunitatean ofiziala ez den hizkuntza batean luzatutako agirien itzulpen ofiziala edo zinpekoa eskatzen ahalko du organo kudeatzaileak. Itzulpenik ez bada, agiriak ez dira kontuan hartuko.
8. Deialdi honetako oinarrietan interesdunei eskatutako dokumentazioa Nafarroako Foru Komunitateko Administrazioaren eskuetan baldin badago, interesdunek ez dute berriro aurkeztu beharrik, baina idazki bat aurkeztu beharko dute, honako hauek adierazteko: zein agiri den aurkeztu gabe uzten dena, zein artxibotan dagoen eta noiz aurkeztu zen. Idazki horrek ordezten duen kasuko dokumentazioa aurkeztu behar deneko epe berean aurkeztu beharko da.
7.3. Datu pertsonalak.
Eskatzaileek emandako datuak Nafarroako Gobernuaren jabetzako fitxategi batean sartuko dira laguntzaren gaineko ebazpena eman, eta, ondoren, deialdi honetan azaltzen denari jarraikiz kudeatzeko helburuarekin. Kudeaketa horrek berekin ekar dezake zenbait datu lagatzea hirugarren entitate publiko nahiz pribatu batzuei, entitate horiek laguntzen kudeaketaren prozesuan esku hartzea beharrezkoa izateagatik edo lagapena lege mailako arauren batean aurreikusita egoteagatik. Zilegi izanen da, halaber, datuak ematea laguntzak kudeatzeko eskumena duten Administrazioaren beste organo batzuei.
8. oinarria.–Eskaeren puntuazioa.
8.1. Puntuak emateko irizpideak.
Parte hartzeko baldintzak betetzen dituzten eskaeretako bakoitzak 100 puntu jasoko ditu gehienez, irizpide hauen arabera:
1. Ikasketa espedientea.
Karrerako nota (diploma, lizentzia edo gradua), gehienez 50 puntu.
Eskatzaileak goi mailako titulu bat baino gehiago baldin baditu doktorego programan onartua izateko bide eman diotenak, aintzat hartzea nahi duen titulazioa hautatuko du eskabidean. Titulazio horrek finkatuko du ikasketa-espedientearen puntuazioa. Egindako hautua ezin izanen da aldatu eskaerak aurkezteko epea bukatutakoan.
2. Eskatzaileak ikerketaren arloan dituen merezimenduak, gehienez ere 10 puntu, II. eranskinean ezarritakoaren arabera.
3. Proposamenaren egokitasuna deialdiaren helburuekiko, gehienez ere 40 puntu, honela banatuta:
a) Proiektuaren kalitatea, berritasuna, garrantzia, interesa eta bideragarritasuna, gehienez ere 10 puntu.
b) Proiektuaren gaiak Nafarroarentzat duen interes berezia edo Nafarroako Foru Komunitatearen plan estrategikoekin bat etortzea, gehienez ere 10 puntu.
c) Proiektua egiteak Nafarroako goi mailako hezkuntza sistemari eta ikerketa zientifikoari nolako onura ekar diezaiekeen, eta ikertzailearen karrera etorkizunean Nafarroan garatzeko emanen dizkion aukerak, gehienez ere 10 puntu.
d) Ikerlanaren emaitzen transferentziak Nafarroan etorkizuneko ekintzailetza proiektu bat egiteko izan ditzakeen aukerak, gehienez ere 10 puntu.
8.2. Ikasketa espedientearen balorazioa.
Ikasketa espedientearen batez besteko nota (0-10 eskala) Europako kreditu sistema eta unibertsitate tituluen kalifikazio sistema ezartzen duen irailaren 5eko 1125/2003 Errege Dekretuan xedatutakoarekin bat kalkulatuko da, kontuan hartu beharreko ohar hauekin:
1. Bi dezimal hartuko dira, biribiltzearen arau orokorrei jarraikiz.
2. Espedientean zenbakizko kalifikaziorik ez dagoenean, ikasgai bakoitzean eskuraturiko kalifikazioak honako baremo honi jarraikiz zenbatuko dira:
a) Ohorezko matrikula = 10 puntu.
b) Bikain = 9,25 puntu.
c) Oso ongi = 7,75 puntu.
d) Nahikoa edo gai = 5,75 puntu.
3. Baliozkotutako irakasgaiei dagokienez, jatorrizko zentroan eskuratutako kalifikazioari dagokion puntuazioa emanen da; egokitutako irakasgaietan, jatorrizko zentroan erdietsitako kalifikazioa hartuko da aintzat, eta kalifikaziorik ez duten kredituen onarpena ez da kontuan hartuko batez besteko notarako.
4. Plan zaharretan edo kreditu bidezko kalifikazio sistema baino lehenagokoetan, batez besteko nota irakasgai bakoitzean, arestian aipatutako balioen arabera, lortutako puntuazioak batuz eta emaitza gainditutako irakasgaien kopuru osoaz zatituz aterako da.
5. Titulu akademikoa beste ikasketa batzuetatik abiatuta eskuratu bada, multzoaren batez besteko nota kalkulatuko da. Gauza bera eginen da 2. zikloko lizentzien kasuan. Kasu horretan, bigarren zikloko lizentzia-ikasketetan sartzea ahalbidetu zion lizentziaren lehen zikloa izanen da aintzat hartuko dena.
6. Atzerrian egindako ikasketen kasuan, ikasketa espedientearen batez besteko nota kalkulatzeko, Hezkuntza, Kultura eta Kirol Ministerioaren Unibertsitateetarako Politikako Zuzendaritza Nagusiaren 2016ko ekainaren 20ko eta uztailaren 21eko ebazpenetan xedatutakoaren arabera jokatuko da.
Eskatzailearen erantzukizuna da batez besteko notaren kalkulua prozedura horren arabera tramitatzea.
Horren gaineko informazioa helbide honetan jaso daiteke: https://www.mecd.gob.es/servicios-al-ciudadano-mecd/catalogo/educacion/gestion-titulos/estudios-universitarios/titulos-extranjeros/equivalencia-notas-medias.html.
Azken puntuazioa honela kalkulatuko da: ateratako batez besteko nota bider 5 bider K koefiziente zuzentzailea. Hona hemen koefizientearen balioak:
–K=1 Gradu, lizentzia, goi mailako arkitektura eta ingeniaritzetarako, edo beste titulu batzuetarako.
–K=0,80 Diploma, arkitektura eta ingeniaritza teknikoetarako edo balio bereko beste titulu batzuetarako.
8.3. Laguntzak eman eta ukatzea.
1. Eskaerak puntuatu ondoren, deialdi honen I. eranskinean aipatutako taldeetan sailkatuko dira. Talde horietan zientziaren arlo eta gaiak biltzen dira, Ebaluazio eta Prospektibako Agentzia Nazionalak (ANEP) egindako sailkapenaren arabera. Talde bakoitzean lehentasun ordena ezarri ondoren, haietako bakoitzean puntuazio altuena eskuratu duen eskaerari emanen zaio laguntza.
2. Laguntza horiek esleitu ondoren, gainerako eskaerak zerrenda bakar batean bilduko dira, eta puntuazio altuena duten eskaerei emanen zaie laguntza, zientzia arloak kontuan hartu gabe, aurrekontua ahitu arte. Gainerako eskaerei uko eginen zaie, aurrekontuan nahiko dirurik ez egoteagatik.
8.4. Berdinketak hausteko irizpideak.
Lortutako puntuazioetan berdinketarik izaten bada, atal hauetan lortutako puntuazio handienari erreparatuz ebatziko da:
–Ikasketa espedientea.
–Merezimenduak.
–Interesa Nafarroarentzat.
Berdinketak segituz gero, behar adina dezimal hartuko dira kontuan hori ebazteko. Berdinketak segituz gero, titulazioa eskuratzeko erabilitako urte kopuruari erreparatuko zaio, betiere ikasketa planak kontuan hartuz.
9. oinarria.–Prozeduraren antolamendua, instrukzioa eta ebazpena.
1. Prozedura hasiko da laguntzen deialdia Nafarroako Aldizkari Ofizialean argitaratzen denean, Unibertsitateen eta Hezkuntza Baliabideen zuzendari nagusiaren ebazpen baten bidez.
2. Prozeduraren instrukzio organoa Unibertsitateen Zerbitzua izanen da, zehazki, Unibertsitateen Atala, zeinak ofizioz ezarriko baititu eskaeren datuak zehaztu, ezagutu eta egiaztatzeko eta haien ebaluaziorako beharrezkoak diren jarduketa guztiak, gero ebazpena eman ahal izateko. Hala, instrukzioaren barrenean jarduketa hauek sartzen dira: beharrezkotzat jotzen dituen ebaluazio txostenak eskatzea, sor litezkeen auzi guztiak ebaztea eta ebazpena garatzeko eta betetzeko jarraibideak prestatzea.
3. Eskaerak ebaluatu eta hautatzeko batzorde bat eratuko da, kide hauek osatua:
–Unibertsitateen Ataleko burua.
–Ikerketarako eta Nazioarteratzeko Laguntzen Bulegoko burua, idazkari arituko dena.
–Nafarroako Gobernuko departamentu bakoitzak izendatutako ordezkari bana.
Batzordeak aholkua eskatzen ahal die gai honetan kualifikatuta dauden pertsona fisikoei edo entitateei.
Batzordearen erabakiak lotesleak izanen dira.
Batzordea eraturik, honek laguntzak emateko behin-behineko proposamena onetsi beharko du, eskaerak aurkezteko epea amaitzen denetik gehienez ere bi hilabeteko epean. Proposamena Hezkuntza Departamentuko iragarki oholetan eta web-orrian izanen da ikusgai, onuradunen izenen eta atxikitzen zaizkien zentroen zerrendaren bidez.
4. Argitaratu ondoren, epe bat irekiko da, hamar egun naturalekoa gutxienez, interesdunek alegazioak egiteko.
5. Epe horretan berean, laguntza eskuratzeko behin-behinekoz proposatu diren interesdunek honako agiri hauek aurkeztu beharko dituzte: onarpen idazkia, 2017-2018 ikasturteko doktorego programan matrikulatu izanaren ziurtagiria eta erantzukizunpeko adierazpen eguneratua, lehenago eskuratutako mota bereko beka eta laguntzei eta beren lan egoerari buruzkoa.
Epe horretan erantzuten ez badute, interesdunei jakinaraziko zaie bost egun naturaleko epe luzaezina izanen dutela aipatu agiriak aurkezteko, eta hala ere erantzunik ematen ez badute, eskaerari uko egin diotela ulertuko da, ebazpen administratiboa eman ondoren.
6. Interesdunek aurkeztutako alegazioez edo behin-behineko zerrendan eragina izan dezaketen bestelako gorabeherez Batzordeak bere iritzi loteslea adierazi ondoren, instrukzio organoak laguntzak emateko eta ukatzeko behin betiko proposamena eginen du.
7. Deialdia Unibertsitateen eta Hezkuntza Baliabideen zuzendari nagusiak emanen duen ebazpenaren bidez ebatziko da, instrukzio organoaren proposamena ikusi eta gero. Eskaerak aurkezteko epea amaitzen denetik sei hilabeteko epea izanen da ebazpena emateko eta interesdunei jakinarazteko. Epe horretan ebazpenik ez bada, eskaera ezetsitzat jotzen ahalko da.
Ebazpena Nafarroako Aldizkari Ofizialean eta Hezkuntza Departamentuko iragarki oholean eta web-orrian argitaratuko da. Interesdunei banan-banan jakinaraziko zaie, sinatu eta hamar eguneko epean.
Jakinarazpen hori telematikoki bidaltzen ahal da, baldin eta interesdunak Helbide Elektroniko Gaitua badu (Posta Zerbitzuari eskatutakoa) eta eskabide elektronikoan eremu hori markatuz espresuki erantzun telematiko hori eskatzen badu.
10. oinarria.–Onuradunen eskubideak eta betebeharrak.
10.1. Prestakuntzaldian ari diren ikertzaileen eskubideak.
1. Onuradunek, laguntza hau onartuz gero, urtarrilaren 27ko 63/2006 Errege Dekretuaren 5. artikuluan aipatzen diren eskubide orokorrak izanen dituzte, izan ere, dekretu horren bidez, Prestakuntzaldian ari diren Ikertzaileen Estatutua onetsi zen.
2. Jarraipen eta berritze txostenetan aldeko balorazioa lortzeko betebeharra betetzen badute, ikertzaileek eskubidea izanen dute atxikitze zentroarekiko kontratua berritzeko.
Aldeko balorazio hori lortzea ez da berez helburu bat izanen deialdi honen ondorioetarako. Halere, kontuan hartuko da, erabateko betetzera hurbiltze garrantzitsua den aldetik, eta Diru-laguntzei buruzko azaroaren 9ko 11/2005 Foru Legearen 35.3 artikuluan ezarritako konpromisoak betetzeko dudarik gabeko jardunaren froga gisa.
Aurrekoaren arabera, jarraipen eta berritze txostenetan aldeko balorazioa denboran eta moduan eskuratzeak ekarriko du oinarri honetako 10.7 puntuan ezartzen den laguntzaren zatia behin betiko finkatzea. Finkatze hori ez da gertatuko ebazpena eman arte. Bertan betetzeari edo ez-betetzeari buruzko adierazpena eta bidezkoa den likidazio ekonomikoa sartuko dira.
10.2. Prestakuntzaldian ari diren ikertzaileen betebeharrak.
Prestakuntzaldian ari diren Ikertzaileen Estatutua onesten duen urtarrilaren 27ko 63/2006 Errege Dekretuak 6. artikuluan betebehar orokorrak ezartzen dizkie ikertzaileei. Betebehar horiez gain, laguntza hauen onuradunek arau hauek ere bete beharko dituzte:
1. Oro har, Unibertsitateen Atalak laguntzen jarraipen egokirako ematen dituen jarraibideei kasu egitea.
2. Atxikitze zentroan deialdi honetako 13.2. oinarrian ezarritako epean sartzea.
3. Atxikitze zentroko funtzionamendu arauak betetzea, dedikazioari, ordutegiei, oporrei eta aldi baterako absentziei dagokienez.
4. Laguntzak irauten duen ikasturteetan matrikula egitea doktorego programan, kasuan kasuko unibertsitatean ezarritako prozedurari jarraituz.
5. Aldeko balorazioa lortzea urtero aurkezten diren jarraipen eta berritze txostenetan. Betebehar hori betetzea ezinbestekoa izanen da laguntzen aplikaziorako kontratuak urtero berritzeko.
6. Doktore tesia amaitu eta defendatzea eta doktore titulua lortzea deialdian ezarritako epeetan.
7. Unibertsitateen Zerbitzuan frogatzea doktore gradua 13.4. oinarrian ezarritako epeetan lortu duela, egindako doktore tesiaren ale bat erantsita.
8. Doktore tesiaren gaia, tutorea edo unibertsitatea aldatuz gero, horren berri ematea, idatziz, Unibertsitateen Zerbitzuari.
Ondorio horietarako, kasuan kasuko unibertsitateak edo unibertsitateek aldaketa horietarako baimena eman izana behar bezala frogatuko da.
Kasuko unibertsitateek Hezkuntza Departamentuarekin izenpetutako lankidetza hitzarmenen ondorio ekonomikoak eta deialdian ezarritako ordainketa-egutegia direla eta, unibertsitatea aldatzea onartzen ahal da, bidezkoa bada, baina, betiere, aldaketak jatorrizko unibertsitateari ordaindu zaion laguntza aldia amaitu eta biharamunetik aurrera izanen ditu ondorioak. Aldaketa eskatzen denetik onartzen den arte laguntza eten eginen da, 10.5 oinarrian borondatezko etenaldietarako ezarritako moduan.
Horrelako aldaketek ez dute inoiz ekarriko betebeharrak bete direla frogatzeko gehieneko epeak luzatzea, aurreko lerroaldeetan ezarritakoak.
9. Egindako doktore tesiari buruzko memoriaren ale batekin batera Garapen Profesionalerako Plan bat aurkeztea, ikertzaile karrera Nafarroako entitate batean jarraitzeko aukera ematen duena, edo Nafarroako enpresa batean sartzeko, egindako doktore tesiarekin zerikusia duen berrikuntza proiektu bat aurrera eramateko.
Ebaluazioa behar bezala egiteko, planak elementu hauek jaso beharko ditu gutxienez:
–Helburuak.
–Jarduera profesionalaren arloa.
–Hartzaile izan litezkeen erakundeak.
–Bete beharreko ekintzen plana eta kronograma.
10. Aurkeztutako Garapen Profesionalerako Planaren aldeko balorazioa lortzea.
11. Unibertsitateen Zerbitzuari idatziz jakinaraztea norbera edozein lan jardueratan ari dela edo beste edozein beka edo laguntza jaso duela.
12. Ikerketaren emaitza batzuk edo guztiak zabaltzen diren orotan, Hezkuntza Departamentuak laguntza eman duela agertzea. Deialdi honetan parte hartzeak berarekin dakar baimena ematea doktore tesiaren amaierako memoria Nafarroako Gobernura igortzeko, eskumen arloaren arabera horretan interesa izan dezakeen departamentura, hain zuzen, bai eta Nafarroako Gobernuak sor ditzakeen argitalpen bilduma edo funtsetan sartzeko ere, lanaren kopia, banaketa eta zabalkunde publikorako; kasu horretan, jatorrizko egilearen eta erakundearen izena aipatuko dira beti, eta ez da bestelako erabilerarik izanen helburu komertzialekin ez eta eratorritako lanaren ondorioz ere.
13. Deialdiarekin lotutako ekitaldi instituzionaletara joatea eta Unibertsitateen Zerbitzuak zientzia sustatzeko antolatzen dituen ekintzetan parte hartzea, hala eskatzen bazaio. Hezkuntza Departamentuak Zientziaren Astea dela-eta antolatutako ekitaldietako batean behintzat parte hartu beharko du. Behar bezala justifikatutako ezinbesteko arrazoirik izan gabe parte hartzen ez badu, konpromisoa ez duela bete ulertuko da, 10.7 oinarrian aurreikusitako ondorioekin.
14. Organo eskudunek egiaztapenak eta finantza-kontrolak egin ditzaten onartzea eta jarduketa horietarako eskatzen dituzten agiri guztiak ematea.
15. Zerga betebeharrak eta Gizarte Segurantzarekikoak egunean izatea laguntza emateko ebazpen proposamena ematen denean.
10.3. Unibertsitateko zentroen betebeharrak.
A. Honako hauek dira Espainiako unibertsitate zentroen betebeharrak:
1. Laguntzen onuradunei behar duten babesa ematea eta beren lanerako behar dituzten baliabideak erabiltzen uztea.
2. Tesiaren zuzendari bat eta, hala behar denean, tutore edo zuzendarikide bat izendatzea, ikasketak eta ikerketa lanak koordinatu eta bideratzeko eta, bereziki, jarraipena egiteko, laguntzen onuradunen betebeharrak eta laguntzen xedea bete daitezen.
3. Laguntzak urtero berritzeko aginduzkoak diren txostenak egin eta Unibertsitateen Zerbitzura igortzea, Zientziari, Teknologiari eta Berrikuntzari buruzko ekainaren 14/2011 Legearen 21. artikuluan eta deialdi honen oinarrietan ezarritako moduan.
4. Prestakuntza programaren garapen egokiaz arduratzea. Onuradunari ezin zaio eskatu bere ikerketarekin edo horretarako behar den prestakuntza berariazkoarekin zerikusirik ez duen inolako jarduerarik egiteko.
5. Unibertsitateen Zerbitzuari jakinaraztea unibertsitatean prestakuntzan sartutako ikertzaileak doktore titulua eskuratu duela, eskuratu eta hogei egun balioduneko epean gehienez ere.
6. Atxikitzen zaizkien ikertzaileei emandako laguntzen kudeaketarako entitate laguntzaile izaera onartzea, Diru-laguntzei buruzko azaroaren 9ko 11/2005 Foru Legean xedatutakoarekin bat.
Nafarroako Gobernuko Hezkuntza Departamentuaren eta atxikitze zentro unibertsitarioen arteko lankidetza hitzarmena sinatzeak ez du eskumenaren aldaketarik ekarriko. Bertan aurreikusten diren eskumenaren egikaritza-elementuei soilik eraginen die, deialdiko prozeduren aplikaziorako lanen aplikazio praktikoaren ondorioz.
7. Zientziari, Teknologiari eta Berrikuntzari buruzko ekainaren 1eko 14/2011 Legearekin eta aplikatzekoak diren gainerako arauekin bat, prestakuntzaldian ari diren ikertzaile onuradunen kontratuak egitea, deialdian ezarritako baldintzak betetzen direla egiaztatu ondoren.
8. Emandako laguntzaren inguruan gertatzen den edozein gorabehera Unibertsitateen Zerbitzuari jakinaraztea, gertatzen denetik hogei egun balioduneko epean.
9. Ikertzaileekin egindako kontratuen kopia bidaltzea, sinatzen direnetik hogei egun balioduneko epean.
10. Laguntza betetzeagatik izandako gastuen egiaztagiriak igortzea ordaindutako aldia amaitzen denetik hogeita hamar eguneko epean.
11. Zentroen eta prestatzen ari diren ikertzaileen arteko kontratuetan, eta laguntzen deialdi honen babesean egindako ikerketen emaitzak osorik edo zati batean aditzera ematen direnean, Nafarroako Gobernuko Hezkuntza Departamentuak kontratua finantzatu duela aipatu beharko da.
12. Azaroaren 9ko 11/2005 Foru Legearen 13. artikuluan entitate laguntzaile izateko eskatzen diren baldintzak eta entitate laguntzaileei lege horrek ezartzen dizkien betebeharrak betetzea.
13. Egiaztapen eta kontrolak egiteko eskumenak erabili ahal izan daitezen, eskatzen zaien informazioa ematea eta kontabilitate liburuak, erregistro eginbidetuak eta gainerako agiriak edukitzea, behar bezala ikuskaturik, aplikatu behar den legeria sektorialean agindutako moduan, Diru-laguntzei buruzko azaroaren 9ko 11/2005 Foru Legearen 9.e) artikuluan ezarritakoarekin bat.
B. Honako hauek dira atzerriko unibertsitate zentroen betebeharrak:
Atzerriko unibertsitateen kasuan, laguntzen kudeaketa ekonomikoa beteko ez dutenez, aurreko ataleko 1., 2., 3., 4. eta 5. betebeharrak baizik ez dute hartuko bere gain.
10.4. Sarrera geroratzea.
Unibertsitateen Zerbitzuak baimena ematen ahalko dio ikertzaileari entitate hartzailean geroago sartzeko eta, horrenbestez, laguntzaren onuradun geroago bihurtzeko, bidezko arrazoiengatik hala eskatzen badu, zentro hartzailearekin ados jarrita bertan sartu behar zuen eguna baino lehen. Sarrera hiru hilabete geroratzen ahalko da gehienez. Emandako epea igarota zentroan sartzen ez bada, laguntzari uko egin diola ulertuko da.
10.5. Laguntzak etetea.
1. Langileen Estatutuaren 45. eta 46. artikuluetan azaltzen diren arrazoiengatik kontratua eteteak ez du ekarriko laguntzaren iraunaldia luzatzea, salbu eta kontratuak iraun bitartean aldi baterako ezintasuna, amatasuna edo haur-harrera gertatzen denean, gertaera horiek laguntzaren iraunaldia eten egiten baitute, Unibertsitateei buruzko abenduaren 21eko 6/2002 Lege Organikoa aldatzen duen apirilaren 12ko 4/2007 Lege Organikoaren azken xedapenetan hirugarrenean ezarritakoarekin bat. Halakoetan etenaldiko denbora berreskuratzen ahalko da, gutxienez 30 eguneko aldietan, eta aurrekontuetan dirurik baldin badago.
2. Etenaldia amaitutakoan ikertzailea atxikitze zentrora itzultzen ez bada, laguntzari uko egin diola ulertuko da.
10.6. Betebehar akademikoak betetzeko epearen luzapena.
A) Luzapen arrunta doktore tesia amaitu eta doktore titulua eskuratzeko.
Laguntzaren aldia amaituta, luzapen arrunta ematen ahalko da doktore tesia amaitzeko eta doktore titulua eskuratzeko, Unibertsitateen Zerbitzuak horretarako berariaz baimena eman ondoren. Luzapenak aukera emanen dio doktoregaiari bere helburua lortzeko, doktore tesia amaitu eta doktore titulua eskuratzeko, alegia.
Zerbitzuak, bere jardunbidean, honako arau hauek bete beharko ditu:
a) Luzapena emanen da soilik interesdunak laguntza hauen kargura finantzatutako kontratua amaitu eta ondoko 30 egunetan idatziz eskatzen badu.
b) Luzapen arruntek urtebeteko iraupena izanen dute.
c) Eskabidearekin batera agiri hauek aurkeztuko ditu interesdunak:
–Bere unibertsitateko doktorego programaren Batzorde Akademikoaren baimena luzapena emateko.
–Arrazoien azalpena.
–Ordu arte egindako ikerketa lanari buruzko txostena.
–Ikerketa egin bitartean gertatu diren desbideratzeak.
–Lanaren kronograma eta bete beharrekoak betetzeko aurreikusitako eguna.
–Ikerlanaren tutorearen/tesi zuzendariaren txostena, eduki hauek jasota, gutxienez: doktoregaiaren dedikazioa eta errendimendua ontzat ematen dituen adierazpena; bere adostasuna doktoregaiak egindako eta egiteko duen ikerketaz azaltzen duen deskribapenarekin; luzapenaren beharraren aldeko balorazioa.
–Laguntzaren iraunaldian jasotako beste laguntza batzuen aitorpena eta, behar izanez gero, justifikazioa.
–Gizarte Segurantzaren lan-bizitzari buruzko egiaztagiria.
d) Luzapenak ez du inola ere ekarriko laguntzaren zenbatekoa handitzea.
e) Zerbitzuak luzapena emateko edo ukatzeko eginen duen proposamena Unibertsitateen eta Hezkuntza Baliabideen zuzendari nagusiari igorriko zaio honek ebazpena eman dezan. Luzapenaren xede diren betebeharrak bete direla frogatzeko baldintzak eta epeak ezarriko dira ebazpen horretan, horien artean Garapen Profesionalerako Plana aurkeztea.
B) Luzapen berezia doktore tesia egin eta doktore titulua eskuratzeko.
Tesia amaitzeko eta doktore titulua eskuratzeko luzapen arruntaren aldia amaituta, luzapen berezia ematen ahalko da tesia amaitzeko eta doktore titulua eskuratzeko, Unibertsitateen Zerbitzuak horretarako berariaz baimena eman ondoren.
Luzapenak aukera emanen dio doktoregaiari bere helburua lortzeko, doktore tesia amaitu eta doktore titulua eskuratzeko, alegia.
Zerbitzuak, bere jardunbidean, honako arau hauek bete beharko ditu:
a) Interesdunak berak eskatuta bakarrik emanen da baimena. Idatziz eginen du eskaera, luzapen arrunta amaitu eta hurrengo 30 egunetan.
b) Luzapen bereziek urtebeteko iraupena izanen dute gehienez.
c) Eskabideari luzapen arrunterako eskatzen diren agiri berak erantsi beharko dizkio, salbu eta beste laguntza batzuei buruzko aitorpena eta lan-bizitzaren agiria.
d) Luzapenak ez du inola ere ekarriko laguntzaren zenbatekoa handitzea.
e) Zerbitzuak luzapena emateko edo ukatzeko eginen duen proposamena Unibertsitateen eta Hezkuntza Baliabideen zuzendari nagusiari igorriko zaio honek ebazpena eman dezan. Luzapenaren xede diren betebeharrak bete direla frogatzeko baldintzak eta epeak ezarriko dira ebazpen horretan, horien artean Garapen Profesionalerako Plana aurkeztea.
C) Garapen Profesionalerako Plana aurkezteko epearen luzapena.
Laguntzaren aldia edo luzapenarena amaituta, doktore tesia amaituta eta doktore titulua eskuratuta, Garapen Profesionalerako Plana egina ez badu, onuradunak hura aurkezteko eta ez beste ezertarako luzapena eskatuko du.
Eskabidearekin batera agiri hauek aurkeztuko dira:
–Arrazoien azalpena.
–Egindako doktore tesiaren ale bat, euskarri digitalean.
–Doktore tituluaren gordekina.
–Laguntzaren iraunaldian jasotako beste laguntza batzuen gaineko aitorpena eta, behar izanez gero, justifikazioa.
–Gizarte Segurantzaren lan-bizitzari buruzko egiaztagiria.
Luzapena besterik gabe emanen da, 3 hilabeterako.
10.7. Betebeharrak ez betetzearen ondorioak.
Onuradunak deialdi honetan azaltzen diren betebehar eta baldintzetako bat betetzen ez badu, galdu eginen du eman zaion laguntza. Aldez aurretik horretarako ebazpena emanen da.
Horrek ekarriko du jasotako kopuruak Nafarroako Gobernuari itzuli beharra, alde batera utzi gabe legezko akzioak eta bidezkoak izan daitezkeen zehapenak. Itzuli beharreko diru kopuruari legezko interesak gehituko zaizkio, laguntza kobratu zen egunetik itzultzen den egunera arte sortutakoak alegia, Diru-laguntzei buruzko azaroaren 9ko 11/2005 Foru Legearen 35.2 artikuluan xedatutakoarekin bat. Aipatu diru kopuruak diru-sarrera publikotzat joko dira legezko ondorioetarako.
Ikertzaileak ez badu betetzen doktore tesia bukatu, defendatu eta behar denboran eta moduan doktore titulua eskuratzeko betebeharra, edo Garapen Profesionalerako Plana aurkeztu eta aldeko balorazioa lortzekoa, Diru-laguntzei buruzko Legearen 14.1.p) artikuluan aipatutakoaren ondorioetarako, ez-betetzea mailakatzeko irizpide gisa, kontuan hartuko da aurkeztutako urteko jarraipen txostenek aldeko balorazioa izan duten edo luzapen arrunt bat lortu duen. Kasu horretan, ikertzaile onuradunak aldeko ebaluazioa izan duen aldian jasotako laguntzaren %85 gordetzen ahalko du, eta gainerakoa itzuli beharko du.
Aurrekoa gorabehera, ez-betetzea ezinbesteko arrazoiengatik gertatzen denean, organo kudeatzaileak proposatzen ahalko du laguntza amaitzeko ebazpenean adieraz dadila ez-betetzea halakoa izan dela, eta interesdunak ordura arte jasotako diru kopuruak gordetzen ahalko ditu osorik edo zati batean.
11. oinarria.–Laguntzaren ordainketa.
1. Diru-laguntzen zenbatekoa 2017., 2018., 2019. eta 2020. urteetako aurrekontuen kargura ordainduko da.
Diru-funtsak entitate laguntzaileei ordainduko zaizkie doktoregoa Espainiako unibertsitate batean egiten bada, edo zuzenean onuradunei atzerriko unibertsitateetan egiten bada, betiere egutegi honekin:
–Lehen ordainketa aurrerakin gisa eginen da laguntza hasten den hilabetean, eta laguntzaren hiruhileko baten zenbatekoa adinakoa izanen da.
–2., 3., 4., 5. eta 6. ordainketak aurrerakin moduan eginen dira, martxoan eta irailean, aurreko aldian izandako gastuen egiaztagiriak aurkeztu ondoren. Ordainketa horiek laguntzaren seihileko baten zenbatekoa adinakoak izanen dira.
–Azken ordainketa laguntza bukatutakoan eginen da, laguntza aldi osoan izandako gastuen egiaztagiriak aurkeztuta. Laguntza guztia ordaintzeko falta den zenbatekoa adinakoa izanen da.
2. Ordainketa guztiak aurrerakin gisakoak izanen dira, azkenekoa izan ezik, Diru-laguntzei buruzko azaroaren 9ko 11/2005 Foru Legean aurreikusiriko ondorioetarako, eta Unibertsitateen Zerbitzuak aldeko txostena eman ondoren eginen dira.
12. oinarria.–Bateraezintasuna.
12.1. Bateraezintasunerako arrazoien oinarriak eta definizioa.
Bateraezintasun araubideak bi helburu ditu:
–Banatze irizpideak aplikatzea pertsona berberak baliabide gehiegi ez metatzeko eta baliabide publikoak lanean ari ez diren eta beste beka edo kontraturik ez duten doktoregaiei esleitzeko.
–Helburu irizpideak aintzat hartzea deialdiak ezartzen duen epean laguntzaren helburua lortzea oztopatuko luketen egoerak saihestuz eta onuradunari dedikazio osoa eskatuz diruz lagundutako ikerketa lanetarako.
Irizpide horiei jarraikiz, hona hemen laguntza hauekin bateraezinak diren egoerak:
1. Espainiako edo atzerriko diru publiko zein pribatuen bidez finantzatutako beste edozein laguntza edo beka jasotzea. 12.1.3. oinarrian aipatzen diren laguntzak bakarrik baimenduko dira.
2. Onuradunak edozein lan jarduera, lanbide jarduera edo enpresa jarduera egitea.
3. Interesdunak aldez aurretik eskatuta, ondoko hauek baimentzen ahalko dira:
a) Irakaskuntza eta ikerketa lanak egiteagatik dirua eskuratzea, betiere egindako ikerketa lanarekin zuzenean lotuak, noizbehinkakoak eta ezohikoak badira. Diru-sarrera horiek ez dira laguntzaren urteko zenbateko gordinaren %30etik gorakoak izanen. Gehienez 60 ordu urtean. Atxikitze zentroek beren funtsekin handitzen ahalko dute kontratatuen soldata, baina igoera hori kontratuan jaso beharko da, eta zerga eta lan arloko indarreko legeei jarraikiz egin.
b) Biltzar, bilera eta jardunaldi zientifikoetan parte hartzeko laguntzak.
c) Egonaldi laburretarako laguntzak, egonaldiaren xedea ikertzaileak bere prestakuntza osatu eta ikerketa lanak hobeki egitea baldin bada. Egonaldia bitartean egiten diren jarduerak (ikerketa laborategietan jardun, liburu edo agiri funtsak kontsultatu, teknika instrumental berriak ikasi eta beste lan arlo batzuk landu) laguntza hauen xedeak betetzeko garrantzitsu eta lagungarriak izan behar dira.
Unibertsitateen Zerbitzuari laguntza horien berri eman behar zaio, eta haren baimena jaso behar da. Ez da inolaz ere erabiliko egonaldi horiek egin izana 10.6 oinarrian ezartzen den moduan luzapena eskatzeko arrazoi gisa. Ikertzaileak prestakuntza programa betetzeko eta ikerlana aurrera eramateko egin behar diren jarduera arruntak berariaz baztertuta daude.
12.2. Noiz sortzen den legezko bateraezintasuna.
Bateraezintasuneko legezko egoera gertatuko da:
1. Onuradun bihurtzean, baldin eta onuraduna beste laguntzaren bat hartzen ari bada edo edozein lan jardueratan ari bada.
2. Onuradun bihurtu ondoren ere gerta daiteke, onuradunak bestelako laguntza bat jasotzen badu edo beste lan jardueraren batean hasten bada.
12.3. Aplikatu beharreko arauak.
1. Lortzen diren laguntzak, indarraldi berbera izan ez arren, hiru hilabete baino gehiagoan aldi berean hartzekoak badira, erabat bateraezintzat joko dira.
2. Lortzen diren laguntzak hiru hilabetez edo gutxiago aldi berean hartzekoak badira, deialdi honen xedeko laguntzaren zenbatekoa osorik ordainduko da.
3. Aldiz, lortutako laguntzak hiru hilabete baino gehiagoan aldi berean hartzekoak badira, ikertzaileak bat aukeratu beharko du. Beste laguntza bat aukeratuz gero, honako honi uko egin zaiola ulertuko da, 14. oinarrian ezarritako baldintza eta ondorioekin.
4. Ondorio guztietarako, deialdi honetan lan jardueratzat joko da edozein lan edo enplegu, besteren konturakoa edo norberaren konturakoa, lanaldia eta dedikazio denbora edozein direla, eta, azkenik, gizarte babesaren edo aseguratzearen araubidea edozein dela.
5. Edozein kasutan, onuraduna lanean hasteak laguntza galtzea ekarriko du, 14. oinarriak aurreikusten dituen ondorioekin.
6. Oro har, onuradunak goian aipatu diren kausei dagokien guztia jakinarazi behar du, 10. oinarrian xedatutakoari jarraituz.
7. Aurrekoa gorabehera, laguntzak kudeatzen dituen organoak egoera ofizioz egiaztatuko du une hauetan:
–Ikertzaileak bere eginbehar akademikoak bete dituela frogatzen duenean, etapa desberdinetan, edo betetzeko epearen luzapena eskatzen denean.
–Administrazio prozedurari amaiera eman aurretik.
Halaber, noiznahi eskatzen ahalko ditu beharrezkotzat jotzen dituen agiriak, eta behar diren datuak biltzen ahalko ditu, indarra duen legeriari jarraituz.
13. oinarria.–Espedientearen segimendua eta amaiera.
13.1. Ohar orokorrak.
1. Unibertsitateen Zerbitzuari dagokio deialdi honen bitartez ikertzaileei emandako laguntzen aplikazioaren jarraipena eta kontrola egitea. Horretarako, prozedura egokiak ezarriko ditu, ikertzaileak atxikitzen dituzten zentroekin lankidetzan.
2. Laguntza hauen onuradunak loturik egonen dira atxikita dituzten zentroek eta Diru-laguntzei buruzko azaroaren 9ko 11/2005 Foru Legeak ahaldundutako erakundeek egiten dituzten kontrol ekintzei.
3. Atxikitze zentroak, entitate laguntzaileak diren aldetik, Diru-laguntzei buruzko azaroaren 9ko 11/2005 Foru Legeak ahaldundutako erakundeen kontrol ekintzei loturik egonen dira.
4. Aurreko 1. puntuan adierazitakoaren ondorioetarako, honako hauek dira jarraipen ekintza arruntak:
–Deialdi honetako 10. oinarrian ezarritako betebeharrak betetzen direla egiaztatzeko behar diren agiriak eskatu eta aztertzea.
Honako hauek dira jarraipen ekintza bereziak:
–Espedientean dauden agiriak ikusirik organo kudeatzaileak ofizioz hasten dituen jarduketak, zuzendariek nahiz atxikitze zentroek emandako txostenen ondorioz egiten diren jarduketak, eta programaren baldintzak betetzeari begira egokitzat jotzen diren jarduketa guztiak.
5. Aurreko atalean jasotako faseetarako ezarritako epeak iraganik kasu bakoitzean aipatutako agiriak ez badira jaso, onuradunari edo hura atxikita duen zentroari errekerimendua eginen zaio bost eguneko epe luzaezinean ekar ditzan. Epe berri horretan ez badu aurkezten, 10.7. oinarrian ez-betetze kasuetarako adierazitako ondorioak jasanen ditu.
13.2. Alta edo itzulera tramitatzea.
Doktoratu aurreko laguntzaren onuradunaren alta eguna edo etenaldi baten ondoko itzulera eguna izanen da ikertzailea Gizarte Segurantzan afiliatzen den eguna.
Deialdi honen ondorioetarako, alta gertatzen ahalko da laguntza emateko ebazpena Hezkuntza Departamentuaren web-orrian argitaratu eta hurrengo hileko lehen egunetik aurrera. Laguntza emateko ebazpena Nafarroako Aldizkari Ofizialean argitaratu ondoko hilabetean altarik ez bada, onuradunak laguntzari uko egin diola ulertuko da.
Alta tramitatu dadin, aldez aurretik interesdunek agiri hauek aurkeztuko dituzte atxikitze zentroen bitartez:
–Atxikitze zentrora sartu edo itzultzeko eta deialdian ezarritako baldintzak onartzeko akta, unibertsitate departamentuaren edo antzekoaren zuzendariak eta entitatearen legezko ordezkariak ontzat emana.
–Lan bizitzaren ziurtagiri eguneratua.
13.3. Urteko jarraipen txostena.
1. Laguntzaren lehen nahiz bigarren urteko ordainketaren hamargarren hilabetean, onuradunek urteko jarraipen txostenak aurkeztuko dituzte atxikitze zentroetan, horiek, entitate laguntzaileak diren aldetik, Unibertsitateen Zerbitzura igor ditzaten hurrengo hileko lehen hamabostaldian. Txosten horiek interesdunak sinatuak eta atxikitze zentroaren legezko ordezkariak ontzat emanak aurkeztu behar dira.
2. Txostenarekin batera agiri hauek aurkeztu beharko dira:
–Ordura arte egindako ikerketa lanari buruzko txostena, tesi zuzendariak ontzat emana, bertan adierazita doktore tesia noraino garatuko den eta hurrengo urtean egin beharrekoaren denbora-plangintza.
–Eskuratutako beste laguntza batzuei buruzko aitorpena.
–Gizarte Segurantzaren lan-bizitzari buruzko egiaztagiria.
Agiri horiek ikusirik, Ebaluazio Batzordeak aldeko edo kontrako txostena eginen du, betebeharren betetzeari edo ez-betetzeari buruzko ebazpena proposatuko du eta, hala badagokio, behar den likidazio ekonomikoa eginen du.
13.4. Espedientearen bukaera.
1. Laguntzaren iraunaldia amaitu eta hurrengo hilabetean dokumentazio hau aurkeztu beharko da, 10.6 oinarrian luzapena aurkezteko aukeraz ezarritakoa galarazi gabe:
–Kontratatutako ikertzaileak lortutako doktore titulua.
–Egindako doktore tesiaren ale bat, euskarri digitalean.
–Garapen Profesionalerako Planaren ale bat, euskarri digitalean.
–Laguntzaren iraunaldian jasotako beste laguntza batzuen gaineko aitorpena eta, behar izanez gero, justifikazioa.
–Gizarte Segurantzaren lan-bizitzari buruzko egiaztagiria.
Agiri horiek ikusirik, Unibertsitateen Zerbitzuak bidezkoa den ebazpena proposatuko du deialdi honetako betebeharren eta gainerako baldintzen betetzeari edo ez-betetzeari, likidazio ekonomikoari eta prozeduraren amaierari buruz.
2. Prozedura amaituta, Unibertsitateen Zerbitzuak tesiaren memoriaren eta Garapen Profesionalerako Planaren kopia bidaliko du eskumen arloa dela-eta horretan interesa izan dezakeen departamentura.
14. oinarria.–Atzera jo eta uko egitea.
1. Eskatzaileak, deialdia ebatzi baino lehen, noiznahi uzten ahalko du bertan behera bere eskaera, baita laguntzak emateko behin-behineko proposamenari alegazioak egiteko aldian ere, Unibertsitateen Zerbitzuari jakinarazpen idatzia igorriz.
2. Eskabidean dauden akatsak zuzentzeko errekerimenduari erantzuten ez dion eskatzailearen eskaera bertan behera utzitzat joko da, 7.2.2 oinarrian ezarritakoari jarraikiz.
3. Laguntzaren iraunaldia bitartean, onuradunak noiznahi uko egiten ahalko dio jasotako laguntzari, eta horretarako nahikoa izanen da idatzizko jakinarazpena egitea Unibertsitateen Zerbitzuari.
4. Uko egitean, onuradunak izaera hori galduko du ondorio guztietarako eta jasotako aurrerakinak gehi legezko korrituak itzuli beharko ditu, Diru-laguntzei buruzko azaroaren 9ko 11/2005 Foru Legean ezarritakoari jarraikiz, 10. oinarriak agintzen duen moduan.
5. Salbuespenez, laguntza hauen onuradunak mota eta xede bereko beste laguntzaren bat lortu eta hura aukeratzen badu, honako honi uko egin beharko dio, bateraezinak direlako.
Kasu horretan, onuradunak kobratu dituen diru kopuruetatik, hautatu duen laguntza hasi arteko denborari proportzioan dagokion zatia gordetzen ahalko du.
15. oinarria.–Laguntzen araubide juridikoa.
Deialdia gobernatuko duten beste arau batzuk:
1. 11/2005 Foru Legea, azaroaren 9koa, diru-laguntzei buruzkoa, Nafarroako Aurrekontu Orokorren kargura ematen diren diru-laguntzen araubide juridiko orokorra ezartzen duena.
2. 5/2004 Foru Legea, abenduaren 3koa, Nafarroako Foru Komunitateko Administrazioari buruzkoa.
3. 39/2015 Legea, urriaren 1ekoa, administrazio publikoen administrazio prozedura erkideari buruzkoa.
4. 6/2001 Lege Organikoa, unibertsitateei buruzkoa, apirilaren 12ko 4/2007 Lege Organikoaren bidez aldatua.
5. 14/2011 Legea, ekainaren 1ekoa, zientziari, teknologiari eta berrikuntzari buruzkoa.
6. 1497/1987 Errege Dekretua, unibertsitate tituluen lorpenari eta homologazioari buruzkoa, abuztuaren 1eko 1044/2003 Errege Dekretuaren bidez aldatua I. eranskineko 5. ataleko bigarren paragrafoan.
7. 778/1998 Errege Dekretua, apirilaren 30ekoa, unibertsitate ikasketen hirugarren zikloa, doktore tituluaren lorpena eta ematea eta graduatu ondoko beste ikasketa batzuk arautzen dituena.
8. 56/2005 Errege Dekretua, urtarrilaren 21ekoa, graduondoko ikasketa ofizialak arautzen dituena, abenduaren 16ko 1509/2005 Errege Dekretuaren bidez aldatua.
9. 1393/2007 Errege Dekretua, urriaren 29koa, unibertsitate ikasketa ofizialen antolamendua ezartzen duena.
10. 99/2011 Errege Dekretua, urtarrilaren 28koa, doktore ikasketa ofizialak arautzen dituena.
11. 63/2006 Errege Dekretua, urtarrilaren 27koa, Prestakuntzan ari diren Ikertzaileen Estatutua onesten duena.
12. Zehapen prozedura Diru-laguntzei buruzko azaroaren 9ko 11/2005 Foru Legean ezarritakoa izanen da.
16. oinarria.–Errekurtsoak.
Oinarri hauen kontra gora jotzeko errekurtsoa jartzen ahalko da, Nafarroako Gobernuko Hezkuntzako kontseilariari zuzendua, Nafarroako Aldizkari Ofizialean argitaratu eta biharamunetik hilabeteko epean.
Oinarri hauek aplikatzeko egintzen aurka gora jotzeko errekurtsoa jartzen ahalko da, Nafarroako Gobernuko Hezkuntzako kontseilariari zuzendua, errekurtsoaren xedeko egintza jakinarazi edo argitaratu eta biharamunetik hilabeteko epean.
I. ERANSKINA
Eskaera eredua (PDFa).
ESKAEREN SAILKAPENA
Zientziaren eta teknologiaren arloekin osatu diren taldeak (*)
(*) Zientziaren arloak eta gaiak, Ebaluazio eta Prospektibako Agentzia Nazionalak (ANEP) egindako sailkapenaren arabera.
1. TALDEA
Nekazaritza (AGR).
Nekazaritza arloan sartuta daude nekazaritza- eta natura-sistemen jasangarritasunari laguntzeko esparru guztiak, oinarrizkoenetik aplikatuenera, eta azterketaren xede dira belar-laboreak, zurezko laboreak eta baso sistemak. Ikerketa lanetan aztergai hauek daude sartuta: lurzorua-ura-landarea-atmosfera elkarrekintzak, laboreen produkzioari eta kalitateari dagokienez; estres biotiko eta abiotikoen ondorioak eta laboreak baldintza okerretan mantentzeko estrategiak; landareen hobekuntza genetikoa eta baliabide fitogenetikoak; landare fisiologia eta bioteknologia; eta nekazaritza eta baso sistemak eta nekazaritzako ekonomia.
Landareen eta Animalien Biologia, Ekologia (BVAE).
Landareen eta Animalien Biologiaren eta Ekologiaren arloari (BVAE) dagokio bizidunen dibertsitatea ikertzea eta nola eboluzionatzen duten eta biosferaren barnean elkarrekin nolako eraginak dituzten aztertzea. Organismoen eta ekosistemen biologiaren alderdi egiturazkoak, funtzionalak eta dinamikoak aztertzen dira, espazioaren eta denboraren hainbat eskalatan.
Elikagaien Zientzia eta Teknologia (TA).
Elikagaien Zientziaren eta Teknologiaren Arloan (TA) elikagaien kalitate ezaugarriak aztertzea xede duten ikerketak egiten dira. Alderdi hauek biltzen ditu: oinarri fisiko, kimiko eta biokimikoak; mikrobiologia eta elikagaien teknologia, elikagaien osagai funtzionalen lorpena, bioerabilgarritasuna eta ebaluazioa, nutrigenomika, elikagaien segurtasuna, elikagaien industriako produktu eta prozesu teknologiko berrien garapena eta analisi teknika aurreratuen garapena.
Abeltzaintza eta Arrantza (GAN).
Abeltzaintza eta Arrantza arloan egiten diren ikerketen helburua animalien patologia eta produkzioa aztertzea da. Abeltzaintza eta arrantza arloak gai hauei buruzko ikerketak jorratzen ditu: ekoizpena, eritasunak eta horien prebentziorako estrategiak; abeltzaintzarako, arrain-hazkuntzarako eta basa faunarako interesa duten espezieen ugalketa eta genetika.
2. TALDEA
Funtsezko eta Sistemetako Biologia (BFS).
Funtzio biologikoen eta haien arteko harremanetako oinarri molekularrei eta egiturazkoei buruzko ikerketak, molekularen mailatik organismoarenera. Funtsezko eta Sistemetako Biologiaren arloan gai hauei buruzko oinarrizko azterketak daude sartuta: biologia molekularra eta zelularra, genetika, neurobiologia eta garapena, mikrobiologia, birologia, landareak, minbizia eta diferentziazioa, fisiologia, immunologia eta biologia konputazionala, egituretakoa eta sistemetakoa, kenduta patologiekin zuzenean lotutako xede nagusia dutenak eta/edo giza osasuna hobetzeko xedea dutenak (Biomedikuntzaren arlokoak edo Medikuntza Klinikoaren edo Epidemiologiaren arlokoak).
Biomedikuntza (BMED).
Honako hauetan eragin biomedikoa handia duten oinarrizko ikerlan eta azterlanei heltzen die: eritasunen eredu eta mekanismo oinarrizkoak, diagnostiko genetikoa, molekularra edo zelularra, eta estrategia terapeutiko berrietarako proposamena. Giza osasunari buruzko ikerketak, giza jatorria duen materialarekin edo gizakiengan esperimentatu beharrekoak Medikuntza Klinikoaren eta Epidemiologiaren arlokoak dira.
Medikuntza Klinikoa eta Epidemiologia (MCLI).
Arlo honek gaixotasunak, horien mekanismoak edo erabil daitezkeen tratamenduak hobeki ezagutzea helburu duten azterketa guztiak biltzen ditu, azterketa horien zati nabarmen bat gizakiengan egiten denean edo giza jatorriko materiala behar duenean.
3. TALDEA
Materialen Zientzia eta Teknologia (TM).
Materialen Zientziaren eta Teknologiaren arloak (TM) jakintza eremu anitz biltzen ditu, besteak beste materialen propietate fisiko makroskopikoen inguruko zientzia eta ingeniaritza alor batzuk (egituraren eta propietateen arteko loturak eta berariazko propietateen diseinua), obretan, makinetan edo gizarteak behar dituen produktuetan aplikatzeari begira. Kimika eta fisikaren eta ingeniaritza kimiko, mekaniko, zibil eta elektrikoaren osagaiak biltzen ditu, bai eta nanozientzia eta nanoteknologiarenak ere, nanoegitura eta nanomaterialei dagozkien alderdietan. Energiarako materialak, elektrikoak, magnetikoak, egiturazkoak, polimeroak eta biomaterialak, zeramikoak, eraikuntzakoak, optikoak eta fotonikoak.
Lurraren Zientziak (CT).
Lurraren Zientzien arloari (CT) dagokio lur sistema ikertzea; besteak beste, biosferaren, litosferaren, hidrosferaren eta atmosferaren eboluzioa, elkarren arteko eraginak, oraingo egoera eta izan dezaketen bilakaera. Lurraren Zientziek hainbat jakintza arlo biltzen dituzte, horiek oinarrizkoak baitira Lurrak espazioaren eta denboraren eskala desberdinetan agertzen dituen problema konplexuak aztertzeko, hala funtsezkoak nola aplikatuak. Barnean hartzen dituzte zientzia hauek: Klimatologia, Edafologia, Estratigrafia, Geodesia, Geofisika, Egituren Geologia, Geomorfologia, Geokimika, Hidrologia, Meteorologia, Mineralogia, Ozeanografia, Paleontologia, Petrografia, Petrologia, Sedimentologia, Sismologia, Tektonika eta Bulkanologia.
Fisika eta Espazioaren Zientziak (FI).
Fisikaren eta Espazioaren Zientzien arloan (FI), fisika modernoak berezkoak dituen ezagutza arloekin batera (Fisika Kuantikoa, Erlatibitate Berezia eta Orokorra eta horiek materiaren eta unibertsoaren egituraren azterketan dituzten aplikazioak), beste batzuk ere sartzen dira, hala nola Biofisika, Optika, Sistema Konplexuak, Fenomeno ez-linealak, Nanoteknologia, Konputazio Kuantikoa.
Kimika (QMC).
Kimika arloak (QMC) molekula mailatik hasi eta maila makroskopikoraino ikertzen ditu substantzia natural eta sintetikoen edo horiek dauzkaten laginen osaera, egitura, prestatzeko moduak eta propietateak, dituzten interakzioak eta eraldaketak, horien mekanismoak, analisiak egiteko tresnak eta azterketarako metodologia esperimental edo/eta teorikoa.
Teknologia Kimikoa (TQ).
Teknologia Kimikoaren arloan (TQ) egiten diren ikerketen helburua da industria prozesuetako eragiketa fisiko, kimiko edo biokimikoen antolaketa edo funtzionamendua hobetzea, bai eta ordezko prozesu berriak aztertzea ere. Kutsadura jatorrian gutxitzeko edo haren ondorioak leuntzeko teknologien eta ingurumen-prozesuen ikerketa eta garapena ere barnean hartzen ditu. Hori guztia, jasangarritasun irizpideak erabiliz, hau da, bideragarritasun ekonomikoa, soziala eta ingurumenarena uztartuz.
4. TALDEA
Konputazioaren Zientziak eta Teknologia Informatikoa (INF).
Konputazio Zientzien eta Teknologia Informatikoaren arloan gai hauei buruzko ikerketak sartuta daude: Softwarearen, datu baseen eta segurtasunaren ingeniaritza; konputagailuen eta sistema banatuen arkitektura; sistema adimentsuak; prestazio handietako eta irudi tratamendurako konputazioa; konputazio zientziak eta teknologia eta zerbitzu informatikoak.
Teknologiaren Transferentzia (IND).
Teknologia Transferentziaren Arloak (IND) jakintza eta teknologia eskualdatzearekin zerikusia duten programak ebaluatzen ditu. Zeharkako arloa da, jasotzen dituen proiektuak hainbat zientzia alorren ingurukoak baitira; Bioteknologiatik Psikologiaraino doaz, tartean Ingeniaritza Mekanikoa, Informazioaren Teknologiak edo Ingeniaritza Kimikoa daudela, besteak beste. Ebaluatutako programetan enpresek, teknologia zentroek edo OTRIek parte hartzen dute, nahiz eta batzuk OPIetako ikertzaileek eskatzen dituzten. Hona hemen haietako batzuk: Torres Quevedo, TRACE, CDTI, CENIT, Elkarlaneko Ikerketa Aplikatua, Teknologia Zentroak, OTRIak.
Ingeniaritza Zibila eta Arkitektura (ICI).
Ingeniaritza Zibilaren eta Arkitekturaren arloak (ICI) azpiegitura zibilak hobeki planifikatu, diseinatu, eraiki, ustiatu, kontserbatu, konpondu eta desegitea helburu duten ikerketa oro biltzen du, bai eta arkitektura-eraikuntzei, hirigintzari eta lurraldearen antolamenduari buruzkoak ere.
Ingeniaritza Elektrikoa, Elektronikoa eta Automatikoa (IEL).
Ingeniaritza Elektrikoaren, Elektronikoaren eta Automatikoaren arloak (IEL) barnean hartzen ditu Ingeniaritza Elektrikoaren eta Automatikoaren adarren edukiak oso-osorik, eta Ingeniaritza Elektronikoarenak zati batean. Ingeniaritza Elektriko klasikoaren barnean ikergai dira makina elektrikoen (sorgailu, transformadore eta motorrak) diseinua eta erabilera, energia elektrikoa ekoitzi, garraiatu eta banatzeko prozesuak eta horien kudeaketa. Automatikoan sartuta daude hauekin lotutako gaiak: kontrolaren ingeniaritza, sistemen ereduak, gailuen eta prozesuen kontrol automatikoa, industriala eta zerbitzuetakoa egiteko ekipoen garapena eta erabilera (errobotak, sistema domotikoak eta konputagailu bidezko ikuspen ingeniaritza barne). Ingeniaritza Elektronikoak, azkenik, gailu elektronikoak, zirkuitu integratuak eta ekipo nahiz sistema elektronikoak garatzen ditu batez ere industria eta etxeetarako, komunikazioetan erabiltzen direnak bazter utzita.
Ingeniaritza Mekanikoa, Itsasontziena eta Aeronautikoa (IME).
Ingeniaritza Mekanikoaren, Itsasontzien Ingeniaritzaren eta Ingeniaritza Aeronautikoaren arloak (IME) ikerketa lerro guztiak jorratzen ditu, hala funtsezkoak nola aplikatuak, Ingeniaritza Mekanikoaren, Itsasontzien Ingeniaritzaren eta Ingeniaritza Aeronautikoaren esparruan. Besteak beste, hauek aipatu daitezke: mekanismoen eta makinen zinematika eta dinamika, ibilgailuen dinamika, makinen kalkulua, eraikuntza eta saiakuntza, makinen kontrola eta gobernua, mekatronika, bibrazioak, akustika, elementu mekanikoen eta ibilgailuen diseinua, elementu finituen bidezko diseinu mekanikoa, ingurune jarraituen mekanika, fluidoen mekanika, zenbakizko metodoak solidoetan eta fluidoetan, biomekanika, mekanobiologia, haustura, nekea, plastikotasuna, materialen karakterizazioa, egituren mekanika, fabrikazio prozesuak (mekanizazioa, konformazio plastikoa, galdaketa etab.), fabrikazioaren ingeniaritza, ekoizpenaren automatizazioa, kalitatearen ingeniaritza, metrologia, itsasontzien, ontziko sistemen eta aparailuen diseinua, ingeniaritza nuklearra, ingeniaritza aeroespaziala, garraioaren ingeniaritza, termodinamika, bero eta masa garraioa, errekuntza, makina hidraulikoak, makina eta motor termikoak, ingeniaritza termikoa, ingeniaritza termoenergetikoa, termoteknia eta energia.
Matematika (MTM).
Matematika arloari (MTM) matematikaren ikerketa esparrua dagokio, eta barnean biltzen ditu aljebra, analisi erreala, analisi konplexua, analisi funtzionala, analisi harmonikoa, zenbakizko analisia, konbinatoria, ekuazio funtzionalak, matematikako hezkuntza, estatistika, fisika matematikoa, geometria, matematikaren historia, logika matematikoa, ikerketa operatiboa, matematika aplikatua, matematika diskretua, optimizazioa, kontrolaren teoria, probabilitatearen teoria, zenbakien teoria eta topologia.
Teknologia Elektronikoa eta Komunikazioetakoa (COM).
Teknologia Elektronikoaren eta Komunikazioetakoen arloa diziplina anitzekoa da, eta orientazio teknologiko argia du, ikerketa aplikatuari lotua, produktu, sistema eta zerbitzu berriak garatzeko. Seinaleen transmisioari, telekomunikazioei eta informazioaren tratamenduari zuzendutako sistemen maila guztiak hartzen ditu bere baitan. Lehengo mailetan: gailu eta zirkuitu integratu elektronikoen eta opto elektronikoen garapena, seinaleen tratamendu analogikoa eta digitala; osagai elektromagnetikoak, bai bitarteko gidatuekin bai irrati bidezkoak (antenak), eta irrati-frekuentzia eta mikrouhin azpisistemak irrati-komunikazioetako sistemetarako. Goragoko mailetan: informazioaren kodetze, transmisio eta erreprodukzio sistema konplexuak, eta ingeniaritza telematikoa telekomunikazioetako eta informazioaren tratamenduko sistemen garapenean, telekomunikazioetako sareak, protokoloak eta zerbitzuak barne hartuta.
5. TALDEA
Gizarte Zientziak (CS).
Gizarte Zientzien arloaren (CS) helburu zientifikoek zerikusia dute jakintza eremu hauekin: Eskualde Analisi Geografikoa, Gizarte Antropologia, Bibliotekonomia eta Dokumentazioa, Politikaren eta Administrazioaren Zientzia, Ikus-entzunezko Komunikazioa eta Publizitatea, Giza Geografia, Gizarte Pentsamenduaren eta Mugimenduen Historia, Kazetaritza, Soziologia, Gizarte Lana eta Gizarte Zerbitzuak, Hirigintza eta Lurraldearen Antolamendua. Gizarte Zientzietako beste jakintza arlo batzuek, adibidez Ekonomiak edo Hezkuntzaren Zientziek, badute beren ebaluazio eremua ANEPen. Beraz, ez dira arlo honetan sartzen.
Zuzenbidea (DER).
Ordenamendu juridikoaren eta haren diziplina zientifikoen sektore guztiak sartuta daude, Estatukoak eta nazioartekoak. Zuzenbide Publikoari eta Zuzenbide Pribatuari dagozkien gaiak daude sartuta; zuzenbidearen bilakaera historikoari dagozkion alderdiak ere hartzen ditu, bai eta ordenamendu juridikoaren ikuspuntu teorikoaren eta filosofikoaren ingurukoak ere.
Ekonomia (ECO).
Ekonomia arloari (ECO) gai hauek ikertzea dagokio: ekonomiaren oinarri teorikoak, metodo kuantitatiboen erabilera eta garapena eta horien aplikazio enpirikoa askotariko problema ekonomikoetan. Ekonomiak aztergai ditu gizabanako, familia eta enpresen portaera, erakundeekin dituzten harremanak, tokiko, nazioko eta nazioarteko arauen bidez zehaztuak, eta horrek guztiak dakartzan ondorioak, banakakoak nahiz kolektiboak. Ekonomiak jakintza eremu hauek biltzen ditu: Teoria Ekonomikoa (eta horren barnean Mikroekonomia eta Makroekonomia), Finantza Ekonomia, Enpresaren Ekonomia, Kontabilitatea, Historia Ekonomikoa eta Ekonomia Kuantitatiboaren bi alderdiak: Ekonometria Teorikoa eta Ekonomia Aplikatua.
Hezkuntza Zientziak (EDUC).
Hezkuntza Zientzien arloak (EDUC) didaktikarekin, oro har, zerikusia duten gaiak ikertzen ditu, bai eta irakasgai guztietako didaktika berariazkoak ere. Halaber, hezkuntzaren alderdi historiko, psikologiko eta metodologikoen gaineko ikerketak biltzen ditu. Ikerketa teoriko eta aplikatuen barnean, besteak beste, hezkuntzako egoera eta prozesuen diagnostikoak, hezkuntzako esku-hartzeen azterketak eta ebaluazioak egiten dira.
Psikologia (PS).
Psikologiaren arloan gai hauei buruzko azterlan zientifikoak sartzen dira: gizakien ikaste prozesuak, ezagutzarenak, emozionalak, motibazionalak, nortasunarenak, pertsonen artekoak eta sozialak, bai eta horiek neurtzeko metodoak ere. Helburu nagusia prozesu horiek eta haien oinarri neurofuntzionalek banakakoen nahiz taldeen portaeran duten zeregina ulertzea da, eta haien garapenean, haurtzarotik hasita zahartzaroraino. Hortik ateratzen den ezagutza giza jardunaren hainbat alderditan aplikatzen da: familia, hezkuntza, jarduera fisikoa eta kirola, erakundeak, lan harremanak, zuzenbidea, osasun arazoen prebentzioa, diagnostikoa eta tratamendua.
6. TALDEA
Filologia eta Filosofia (FFI).
Filologia eta Filosofia arloak (FFI) funtsezko bi esparru biltzen ditu: Filologia eta Filosofia. Filologia arloan hizkuntza, literatura eta horiek kulturarekin eta gizartearekin dituzten loturak aztertzen dira. Jakintza eremu horiei ikuspuntu teoriko edo orokorretik ekiten dieten azterlanez gain, historiako edozein alditako hizkuntza edo literaturen ingurukoak ere biltzen dira. Halaber azpiarlo honi dagozkio itzulpengintzaren eta interpretazioaren gaineko ikerketak, bai eta hizkuntzarekin eta literaturarekin zerikusia duten aplikazio eta baliabide teknologikoak garatzen dituztenak ere. Filosofiaren esparruan, berriz, errealitatearen azterketaren inguruko gai orokorrak jorratzen dira, horiek ezagutzeko dugun ahalbidea, giza konstituzioa eta gizakiak munduan duen lekua, eta zientzia partikularrek planteatzen dituzten eztabaida metodologiko eta kontzeptual orokor guztiak.
Historia eta Artea (HA).
Historia eta Arte arloan (HA) Historiako jakintza eremu guztiak biltzen dira, aroz aro –Historiaurrea, Antzinatea, Erdi Aroa, Aro Berria eta Garaikidea– eta espezialitateka –Amerikako Historia, Zientziaren Historia, Arabiar eta Islamiar Ikasketak eta Hebrear eta Aramear Ikasketak– hor guztiz Arkeologiarekin, Historiografia Zientzia eta Teknikekin, Historiaren Teoriarekin eta Historiografiarekin batera. Artearen esparrukoak dira Artearen Historia, Estetika eta Arteen Teoria, Musikaren Historia, Zinemarena eta Ikus-entzunezkoena, Arkitektura Konposizioa, Hirigintza eta Lurralde Antolamendua, Eskultura, Pintura eta Marrazketa, eta arte ondarearen zaharberrikuntzarekin eta kontserbazioarekin zerikusia duten zientzia eta teknikak.
II. ERANSKINA
Curriculum vitae-a (PDFa).
III. ERANSKINA
Baliokidetzen taula
Atzerrian egindako ikasketen kasuan, ikasketa horiek egin badira Hezkuntza, Kultura eta Kirol Ministerioaren Unibertsitateetarako Politikako Zuzendaritza Nagusiaren 2016ko ekainaren 20ko eta uztailaren 21eko ebazpenetan batez besteko nota kalkulatzeko ezarritako prozeduran agertzen ez diren herrialdeetan, noten baliokidetza ateratzeko, ebaluazio irizpide hauek aplikatuko dira atzerriko ikasketa espedienteetan:
1. Gainditzeko gutxieneko notaren eta lortu daitekeen notarik altuenaren arteko tartea bost azpitartetan banatu behar da.
2. Gainditu-oso ongi arteko mugak eta oso ongi-bikain artekoak kalkulatu behar dira.
Espainiako espedienteen balorazio sistemaren eta atzerriko edozein sistemaren arteko baliokidetzarako eskema orokorra:
–Espainiako sistema.

–Atzerriko sistema.

Adibidea:
Gehieneko nota 7 eta gainditzeko gutxieneko nota 3 dituen sistema.
P = (7-3) / 5 = 0,8.

IV. ERANSKINA
Zuzenketako koefizientea adierazita ez dagoen herrialdeetan, Hautaketa Batzordeak erabakiko du kasu bakoitzean aplikatu beharreko portzentajea.
HERRIALDEA (*) | ZUZENKETA KOEFIZIENTEA (%) |
Albania (AL) | 77,97 |
Alemania (DE) | 101,23 |
Angola (AO) | 117,42 |
Saudi Arabia (SA) | 86,89 |
Argelia (DZ) | 83,71 |
Argentina (AR) | 59,94 |
Armenia (AM) | 92,11 |
Australia (AU) | 107,58 |
Austria (AT) | 107,38 |
Azerbaijan (AZ) | 95,29 |
Bangladesh (BD) | 48,36 |
Barbados (BB) | 119,47 |
Belgika (BE) | 102,46 |
Belize (BZ) | 77,15 |
Benin (BJ) | 94,88 |
Bermudas (BM) | 155,23 |
Bielorrusia (BY) | 66,60 |
Bolivia (BO) | 52,56 |
Bosnia-Herzegovina (BA) | 75,41 |
Botswana (BW) | 56,66 |
Brasil (BR) | 94,26 |
Bulgaria (BG) | 73,26 |
Burkina Faso (BF) | 96,11 |
Cabo Verde (CV) | 78,28 |
Kanbodia (KH) | 72,23 |
Kamerun (CM) | 105,84 |
Kanada (CA) | 88,52 |
Txad (TD) | 128,38 |
Txile (CL) | 68,75 |
Txina (CN) | 87,09 |
Zipre (CY) | 94,06 |
Kolonbia (CO) | 78,48 |
Korea (KR) | 107,79 |
Boli Kosta (CI) | 104,51 |
Costa Rica (CR) | 78,59 |
Kroazia (HR) | 99,90 |
Kuba (CU) | 85,86 |
Danimarka (DK) | 138,63 |
Ekuador (EC) | 70,49 |
Egipto (EG) | 49,80 |
El Salvador (SV) | 76,13 |
Eritrea (ER) | 62,70 |
Eslovakia (SK) | 84,63 |
Eslovenia (SI) | 88,22 |
Espainia (ES) | 100,00 |
Estatu Batuak (US) | 101,84 |
Estonia (EE) | 80,23 |
Etiopia (ET) | 87,30 |
Filipinak (PH) | 67,42 |
Finlandia (FI) | 119,47 |
Fiji (FJ) | 69,77 |
Frantzia (FR) | 113,73 |
Gabon (GA) | 115,88 |
Ganbia (GM) | 69,36 |
Georgia (GE) | 91,70 |
Ghana (GH) | 69,88 |
Grezia (EL) | 94,98 |
Guatemala (GT) | 80,74 |
Ginea (GN) | 61,89 |
Ginea Bissau (GW) | 105,23 |
Guyana (GY) | 60,35 |
Haiti (HT) | 111,37 |
Herbereak (NL) | 106,86 |
Honduras (HN) | 70,70 |
Hong Kong (HK) | 96,11 |
Hungaria (HU) | 78,07 |
India (IN) | 54,10 |
Indonesia (ID) | 77,15 |
Irlanda (IE) | 116,29 |
Islandia (IS) | 119,47 |
Feroe irlak (FO) | 137,40 |
Salomon irlak (SB) | 95,59 |
Israel (IL) | 111,37 |
Italia (IT) | 109,32 |
Jamaika (JM) | 97,23 |
Japonia (JP) | 118,75 |
Jordania (JO) | 77,36 |
Kazakhstan (KZ) | 102,66 |
Kenya (KE) | 80,02 |
Kirgizistan (KG) | 85,14 |
Kosovo (XK) | 60,04 |
Lesoto (LS) | 58,09 |
Letonia (LV) | 77,77 |
Libano (LB) | 88,52 |
Liberia (LR) | 102,56 |
Libia (LY) | 61,48 |
Liechtenstein (LI) | 112,70 |
Lituania (LT) | 74,90 |
Luxenburgo (LU) | 102,46 |
Mazedonia (MK) | 70,08 |
Madagaskar (MG) | 81,97 |
Malasia (MY) | 73,36 |
Malawi (MW) | 77,87 |
Mali (ML) | 92,62 |
Malta (MT) | 91,80 |
Maroko (MA) | 85,55 |
Maurizio (MU) | 74,49 |
Mauritania (MR) | 66,09 |
Mexiko (MX) | 72,13 |
Moldavia (MD) | 62,60 |
Montenegro (ME) | 68,55 |
Mozambike (MZ) | 73,36 |
Namibia (NA) | 69,98 |
Nepal (NP) | 75,31 |
Nikaragua (NI) | 58,71 |
Niger (NE) | 90,06 |
Nigeria (NG) | 94,67 |
Norvegia (NO) | 135,14 |
Kaledonia Berria (NC) | 132,07 |
Zeelanda Berria (NZ) | 96,41 |
Pakistan (PK) | 50,61 |
Palestina (PS) | 102,87 |
Panama (PA) | 58,40 |
Papua Ginea Berria (PG) | 85,04 |
Paraguai (PY) | 73,67 |
Peru (PE) | 77,36 |
Polonia (PL) | 78,28 |
Portugal (PT) | 91,29 |
Erresuma Batua (UK) | 123,26 |
Afrika Erdiko Errepublika (CF) | 117,11 |
Txekiako Errepublika (CZ) | 85,86 |
Kongoko Errepublika (CG) | 127,97 |
Kongoko Errepublika Demokratikoa (CD) | 130,74 |
Laosko Herri Errepublika Demokratikoa (LA) | 79,61 |
Dominikar Errepublika (DO) | 68,55 |
Ruanda (RW) | 89,45 |
Errumania (RO) | 69,98 |
Errusia (RU) | 118,34 |
Samoa (WS) | 77,66 |
Senegal (SN) | 88,32 |
Serbia (RS) | 68,75 |
Sierra Leona (SL) | 87,30 |
Singapur (SG) | 105,02 |
Siria (SY) | 76,64 |
Sri Lanka (LK) | 63,11 |
Swazilandia (SZ) | 58,20 |
Hegoafrika (ZA) | 57,17 |
Sudan (SD) | 66,70 |
Suedia (SE) | 114,45 |
Suitza (CH) | 115,88 |
Surinam (SR) | 51,84 |
Thailandia (TH) | 66,60 |
Taiwan (TW) | 85,66 |
Tanzania (TZ) | 66,80 |
Tajikistan (TJ) | 66,50 |
Ekialdeko Timor (TL) | 80,23 |
Togo (TG) | 90,88 |
Tonga (TO) | 87,09 |
Trinidad eta Tobago (TT) | 75,92 |
Tunisia (TN) | 72,23 |
Turkia (TR) | 88,73 |
Ukraina (UA) | 94,57 |
Uganda (UG) | 67,32 |
Uruguai (UY) | 77,15 |
Uzbekistan (UZ) | 52,66 |
Vanuatu (VU) | 115,37 |
Venezuela (VE) | 71,72 |
Vietnam (VN) | 52,36 |
Yemen (YE) | 69,77 |
DJibuti (DJ) | 95,70 |
Zambia (ZM) | 68,03 |
Zimbabwe (ZW) | 48,36 |
(*) ISO 3166 alpha-2 kodeak, salbu eta Grezia eta Erresuma Batua, bertan EL eta UK erabiltzen baitira, GR eta GB ordez, hurrenez hurren.
II. DEIALDIA
Doktoratu aurreko laguntzak nazioarteko mugikortasunerako
Hizkera ez sexistaren adierazpena.
Agiri honetan pertsona, gizatalde edo kargu akademikoak genero maskulinoarekin aipatzen direnean, markatu gabeko genero gramatikala dela ulertzen da, eta, beraz, emakumeak nahiz gizonak aipatzen ahal dira horrela.
1. oinarria.–Xedea.
Deialdi honen xedea da laguntza osagarriak ematea doktoratu aurreko laguntza bat jasotzen duten doktoregoko ikasleen nazioarteko mugikortasuna sustatzeko, betiere haien prestakuntza programa indartzeko eta haien tesien garapena bultzatzeko asmoz. Gainera, Nafarroako ikertzaile eta unibertsitateek egiten duten ikerketa lanaren nazioartekotzea erraztu nahi da.
2. oinarria.–Laguntzen modalitateak, tipologia eta zenbatekoa.
1. Laguntzen modalitateak.
Diru-laguntzak modalitate hauetan sailkatuko dira:
A. Espainiako edo atzerriko zentroetan egonaldi laburrak egiteko laguntzak, deialdi honetako 6.A oinarrian zehaztutakoari jarraikiz.
B. Atzerriko zentroetara aldi baterako lekualdatzeak egiteko laguntzak, deialdi honetako 6.B oinarrian zehaztutakoari jarraikiz.
2. Laguntzen tipologia eta zenbatekoa:
Bi modalitateetan, laguntzetan kontzeptu hauek sartuko dira:
a) Mantenu eta ostatu hartzeko gastuetarako hileroko laguntza bat, eskatzaileek jasotzen duten doktoratu aurreko laguntza osatzeko. Kontzeptu horretarako emanen den kopurua eragiketa honen emaitza izanen da: ezarritako modulua, hots, 40 euro egunean (hilabeteak 30 egunekoak hartuko dira) bider koefiziente zuzentzaile bat, II. eranskineko taularen araberakoa.
b) Bidaia-gastuetarako laguntza bat, destinoko herrialdea zein den, taula honen arabera:
DISTANTZIA | 1.000 km BITARTE | 1.001 km - 2.500 km | 2.500 km BAINO GEHIAGO |
Lekualdatzeko gastuak | 300 euro | 600 euro | 1.000 euro |
c) Bidaiarako eta atzerrian laguntza emateko aseguru bat kontratatzeko finantzaketa. Kontzeptu horretarako, 300 euro aurreikusi dira gehienez.
3. oinarria.–Finantzaketa.
Deialdi honen ondoriozko gastuak aurrekontuko “Prestakuntzako eta Ikerketa eta Garapeneko (I+G) Planerako laguntzak” izeneko 411001-41010-4800-322302 partidari egotziko zaizkio 2017an eta hurrengo urteetan, aurrekontuko diruaren arabera. Deialdi honetarako 132.000 euroko gastua eginen da gehienez.
Laguntza moten artean hasiera batean aurreikusten den banaketa honakoa da:
1. Atzerriko zentroetan egonaldi laburrak egiteko laguntzak: 58.000 euro.
2. Atzerriko zentroetara aldi baterako lekualdatzeak egiteko laguntzak: 74.000 euro.
Dena dela, modalitateren batean gerakinik badago, beste modalitatean laguntza gehiago emateko erabiliko dira.
4. oinarria.–Eskatzaileen betebeharrak.
Deialdi honetan aurreikusitako diru-laguntzak jaso ahal izateko, eskatzaileek honako baldintza hauek bete beharko dituzte:
1. Nafarroako Gobernuko Hezkuntza Departamentuak 2016-2017 deialdian emandako doktoratu aurreko laguntza baten onuraduna izatea, edo, bestela, doktorego programa Nafarroako unibertsitate batean egiten egotea eta kontratu gisako doktoratu aurreko laguntza baten onuraduna izatea, entitate publiko edo pribatu batek emana.
2. Matrikulatuta dauden doktorego programaren barruan, gutxienez ikastaldi hauek eginak izatea:
a) Egonaldi laburretarako laguntzetarako, 6 hilabete gutxienez.
b) Aldi baterako lekualdatzeetarako, 9 hilabete gutxienez.
3. Ikastetxe hartzailean egonaldia egiteko onartua izatea. Egonaldia 2017. urtean hasi beharko da, nahitaez.
4. Ezin izanen zaie deialdi honetako diru-laguntzarik eman Diru-laguntzei buruzko azaroaren 9ko 11/2005 Foru Legearen 13. artikuluko 2. eta 3. apartatuetan aipatutako kasuren batean dauden pertsonei.
5. oinarria–Atxikitze zentroak.
Deialdi honen ondorioetarako, eskatzaileak doktore tesia inskribatzen duen Espainiako unibertsitate-zentroa hartuko da atxikitze zentrotzat.
Eskaerak eta diru-laguntzak tramitatzen dituzten unibertsitateak entitate laguntzaile gisa arituko dira, Diru-laguntzei buruzko azaroaren 9ko 11/2005 Foru Legean xedatutakoaren ondorioetarako. Foru lege horrek Nafarroako Aurrekontu Orokorren kargura ematen diren diru-laguntzen araubide juridiko orokorra ezartzen du.
6. oinarria.–Egonaldi laburren eta aldi baterako lekualdatzeen ezaugarriak eta baldintzak.
A. Espainiako edo atzerriko zentroetan egonaldi laburrak egiteko laguntzak.
Laguntza hauen xedeko egonaldiek baldintza hauek bete beharko dituzte:
a) Laguntzek prestakuntza programa zuzenean indartzea eta tesiaren garapena bultzatzea izanen dute xede. Egonaldian eginen diren jarduerak (ikerketa laborategietan jardun, liburu edo agiri funtsak kontsultatu, teknika instrumental berriak ikasi eta beste lan arlo batzuk landu) emandako laguntzen xedeak betetzeko garrantzitsu eta lagungarritzat jo behar dira. Graduatu ondoko prestakuntza programa betetzeko eta tesia aurrera eramateko egin behar diren jarduera arruntak espresuki baztertuta daude.
b) Oro har, egonaldiak atzerriko ikerketa zentro edo talde batean eginen dira.
c) Salbuespen gisa, egonaldia Espainiako ikerketa zentro edo talde batean egiten ahalko da, ikerketa zentro edo talde hori egokia dela eta nazioartean izen handia duela justifikatuz gero.
Kasu horretan, destinoko zentroa ezin da egon onuradunaren atxikitze zentroa kokatua dagoen udalerri berean, eta ohiko bizilekua aldatu beharra eragin beharko du. Gainera, familiaren bizilekua ez den beste batera joan beharko du, eta aurreko ikastetxean ez beste batean jardun.
d) Destinoko ikerketa zentro edo taldeak izen handia izan beharko du interesdunari emandako doktoratu aurreko laguntzaren xedeko doktore tesiaren edukiaren eremu zientifiko, tekniko edo artistikoan.
e) Laguntza hauek jaso ahal izateko, gutxienez hilabete bateko egonaldia eta gehienez hiru hilabetekoa egin behar da, eta egonaldiak destinoko zentroaren ohiko jardueraren eta ikastaldiaren garaiarekin bat etorri beharko du (2017-2018 ikasturtea), bidezko salbuespenak salbu.
B. Atzerriko ikerketa zentro edo taldeetara aldi baterako lekualdatzeak egiteko laguntzak.
Laguntzaren xedeko lekualdatzeetan honako baldintza hauek bete beharko dira:
a) Laguntza hauen xedea da doktoratu aurreko ikertzaileei erraztasunak ematea atzerriko zentro batera lekualdatzeko aldi baterako, lau hilabetetik bederatzi hilabete bitarte, han doktore tesiaren proiektua gauzatzeko. Laguntza hauen tipologia kontuan harturik, baterako doktorego programa bat egiten ari diren doktoregaientzat izanen dira bereziki, edo zenbait unibertsitatek lankidetzan egiten duten ikerketa proiektu batean parte hartzen dutenentzat, edo doktore tituluan “Nazioarteko doktorea” aipamena lortzeko asmoa dutenentzat.
b) Lekualdatzeak atzerriko zentro edo talde batera izanen dira.
c) Destinoko ikerketa zentro edo taldeak izen handia izan beharko du doktoregaiari emandako doktoratu aurreko laguntzaren xedeko doktore tesiaren edukiaren eremu zientifiko, tekniko edo artistikoan.
d) Gutxienez lau hilabete egin behar dira jarraian destinoko zentro berean, Espainiatik kanpo, eta gehienez ere bederatzi hilabeteko egonaldia finantzatuko da. Egonaldi etena egin nahi bada, arrazoiak justifikatu eta agiri bidez frogatu behar dira, eskaeraren egokitasuna ebaluatu ahal izan dadin.
7. oinarria.–Eskaerak formalizatzeko epea eta prozedura.
1. Eskaerak aurkezteko epea 20 egunekoa izanen da, deialdi hau Nafarroako Aldizkari Ofizialean argitaratzen denetik aurrera.
2. Eskabideen inprimakiak eskuragarri egonen dira Interneteko http://www.navarra.es helbidean.
3. Ikaslea atxikita dagoen unibertsitateak adierazten duen helbidean aurkeztu beharko dira eskaerak (norgehiagokaren prozedurari buruzko zabalkunde egokia bermatuko da), eta, betiere, jarduera eginen den unibertsitateko erregistroan eta Administrazio Publikoen Administrazio Prozedura Erkideari buruzko urriaren 1eko 39/2015 Legearen 16.4 artikuluan aurreikusitako bideetako edozein erabiliz. Eskaera posta bulegoetan aurkezten bada, gutun-azala zabalik aurkeztuko da, eskaerari eguna eta zigilua jar dakizkion, ziurtatu baino lehen.
4. Laguntza-eskabidearekin batera dokumentazio hau aurkeztu beharko da:
A) Dokumentazio administratiboa.
1) Eskabidea, I. eranskineko ereduan egina, non eskatzaileak adierazi beharko baitu Nafarroako Foru Komunitateko Diru-laguntzei buruzko Foru Legearen 13. artikuluan ezarritakoa betetzen duela, eta Hezkuntza Departamentuari baimena eman beharko baitio zerga betebeharrak eta Gizarte Segurantzarekikoak eguneratuak dituela egiazta dezan diru-laguntza emateko ebazpen-proposamena ematerakoan.
2) Nortasun Agiri Nazionalaren fotokopia, edo eskatzailearen nortasuna frogatzen duen beste agiri ofizial batena.
B. Baldintzak betetzen direla frogatzen duten agiriak.
1) Nafarroako Gobernuak doktoratu aurreko laguntza bat eman diola frogatzen duen agiria, edo, bestela, Nafarroako unibertsitate batean matrikulatua dagoela eta doktoratu aurreko laguntza bat eman zaiola frogatzen duten agiriak.
2) Doktorego programan matrikulatu zen eguna frogatzen duen agiria.
3) Zentro hartzaileak egonaldia onartzen duela frogatzeko agiria.
C. Eskaerak behar bezala puntuatzeko behar den dokumentazioa.
1) Egin beharreko egonaldiaren justifikazio memoria (1.000 hitz gehienez). 9. oinarrian ezarritakoaren arabera behar bezala puntuatzeko behar diren datuak azaldu beharko dira. Bereziki, datu hauek jasoko dira: egonaldiaren helburua, lan plana, ikertzaileari buruzko informazioa, taldea eta zentro hartzailea. Memoriari ikerketaren zuzendariaren edo tesiaren zuzendariaren txostena eta oniritzia erantsi behar zaizkio. Bertan zuzendariak adierazi behar du egonaldia komenigarria dela bekadunaren prestakuntzarako, eta aukeratu den zentroa eta bete beharreko lan plana egokiak direla. Berariaz adierazi beharko da, orobat, egonaldia edo lekualdatzea atxikitze unibertsitatearen eta destinoko zentroaren arteko baterako ikerketa proiektu baten edo doktorego programa baten barrenean egiten den.
2) Tesiaren egungo egoerari buruzko txostena, honako hauen berri emateko, labur eta zehatz: eskaera aurkezten den egunerako noraino bete diren aurreikusitako eginkizunak, gertatu diren desbideraketak eta lortu diren emaitzak (argitalpenak, komunikazioak, etab.). Behar bezala justifikatutako emaitzak baizik ez dira kontuan hartuko.
3) Eskatzaileek emandako datuak Nafarroako Gobernuaren jabetzako fitxategi batean sartuko dira laguntzaren gaineko ebazpena emateko, eta, ondoren, deialdi honetan azaltzen denari jarraikiz kudeatzeko helburuarekin. Kudeaketa horrek berekin ekar dezake zenbait datu lagatzea hirugarren entitate publiko nahiz pribatu batzuei, entitate horiek laguntzen kudeaketaren prozesuan esku hartzea beharrezkoa izateagatik edo lagapena lege mailako arauren batean aurreikusita egoteagatik. Zilegi izanen da, halaber, datuak ematea laguntzak kudeatzeko eskumena duten Administrazioaren beste organo batzuei.
8. oinarria.–Unibertsitateek eskaerak aurkezteko epea eta prozedura.
1. Laguntzaren modalitate bakoitzerako, unibertsitateek 15 egun naturaleko epea izanen dute eskabideak eta dokumentazioa aurkezteko, ikasleek unibertsitateetan eskaerak aurkezteko daukaten epea amaitu eta biharamunetik hasita.
2. Eskaerak Hezkuntza Departamentuko Erregistroan aurkeztuko dira zuzenean, edo ekainaren 23ko 70/2008 Foru Dekretuak sortu eta arautu duen Nafarroako Foru Komunitateko Erregistro Orokor Elektronikoan, edo Administrazio Publikoen Administrazio Prozedura Erkideari buruzko urriaren 1eko 39/2015 Legearen 16.4 artikuluan aipaturiko bulegoetako edozeinetan.
Ondorio horietarako unibertsitateetako erregistroak ez dira baliozkoak izanen deialdiko epeak betetzeari dagokionez. Eskaera posta bulegoetan aurkezten bada, gutun-azala zabalik aurkeztuko da, eskaerari eguna eta zigilua jar dakizkion, ziurtatu baino lehen.
3. Eskabide-orria http://www.navarra.es web-orrian egonen da eskuragarri. Mugikortasunerako diru-laguntza nahi duten ikertzaileen zerrenda erantsiko zaio. Berariaz azalduko da zentroa ados dagoela laguntza ematearekin, eta egin beharreko jarduera, egonaldiaren iraupena (hala behar denean) eta eskatzen den diru-laguntzaren zenbatekoa adieraziko dira.
4. Aurkeztutako dokumentazioa osorik ez badago edo deialdiko betebeharrak betetzen ez badira, interesdunari errekerimendua eginen zaio dokumentazioa osatu edo akatsak zuzen ditzan 10 egun naturaleko epean, eta, halaber, ohartaraziko zaio, hala egin ezean, bere eskaerari uko egin diola ulertuko dela, bidezko den ebazpena emanda, Administrazio Publikoen Administrazio Prozedura Erkideari buruzko urriaren 1eko 39/2015 Legearen 68. artikuluari jarraikiz. Ebazpen hori aipatutako legearen 21. artikuluan ezarri bezala eman beharko da.
9. oinarria.–Eskaeren balorazioa.
1. Balorazio Batzordeak, deialdi honen 10.4 oinarrian ezarritakoari jarraituz eraturik, kontuan izanik baliagarri dauden finantzabideak eta eskaera bakoitzak lortutako puntu kopurua, laguntzak emateko proposamena eginen dio instrukzio organoari.
2. Diru-laguntzak emateko proposamena egiteko, laguntza mota bakoitzerako lehentasun ordena ezarriko da lortutako puntuazioaren arabera, irizpide hauei jarraituz:
a) Tesi proiektuaren egoera, eta egonaldiak haren garapenean izan dezakeen eragin mesedegarria: 6 puntu gehienez, honen arabera:
–Tesiaren garapenaren egoera (argitalpenak, komunikazioak eta lortutako beste emaitza batzuk, doktoregaia egile gisa agertzen bada), 2 puntu gehienez.
–Egonaldiaren xedea eta tesiaren edukiarekin eta helburuekin duen harremana: 2 puntu gehienez.
–Egonaldiaren lan plana, eta lan plan horren iraupena zenbatean egokitzen den egin beharreko jarduerarekin: 2 puntu gehienez.
b) Zentroaren, taldearen eta ikertzaile hartzailearen egokitasuna eta kalitatea, onuradunen prestakuntza hobetzeari begira: 3 puntu gehienez.
c) Proposatutako jarduerak daukan nazioarteratze maila, 3 puntu gehienez. Irizpide hauek hartuko dira kontuan:
–Egonaldia edo aldi baterako lekualdatzea atzerrian eginez gero: puntu bat.
–Egonaldia eginez gero atxikitze unibertsitatearen eta destinokoaren arteko lankidetzarako ikerketa proiektu baten edo baterako doktorego programa baten barrenean: 2 puntu.
d) Izangaien doktoratu aurreko laguntza finantzatzen duen entitatea nolakoa den:
–Laguntza administrazio publiko batek ematen badu: 2 puntu.
–Laguntza unibertsitate publiko batek ematen badu: 1,25 puntu.
–Laguntza unibertsitate edo erakunde pribatu batek ematen badu: 0,75 puntu.
3. Laguntza ukatzen ahalko da baldin eta aurrekontuan eskaera guztiei erantzuteko diru aski ez badago.
Horrelakoetan, eman beharreko gehieneko laguntza kopurua zehaztu ondoren, laguntzak lehentasun ordenari jarraikiz emanen dira, aurrekontua agortu arte.
10. oinarria.–Prozeduraren antolamendua, instrukzioa eta ebazpena.
1. Unibertsitateen eta Hezkuntza Baliabideen zuzendari nagusiak deialdi hau onesteko emandako ebazpena Nafarroako Aldizkari Ofizialean argitaratzen denean hasiko da prozedura.
2. Unibertsitateen Zerbitzua izanen da prozeduraren instrukzio organoa, eta ofizioz ezarriko ditu eskaeren datuak zehaztu, ezagutu eta egiaztatzeko eta haien ebaluaziorako beharrezkoak diren jarduketa guztiak, gero ebazpena eman ahal izateko. Zehazki, instrukzio jarduketa hauek eginen ditu: beharrezkotzat jotzen dituen ebaluazio txostenak eskatzea, deialdi hau aplikatzetik sor litezkeen auziak ebaztea eta deialdia garatzeko eta betetzeko jarraibideak prestatzea.
3. Aurreko artikuluan modalitate bakoitzerako ezarritako irizpideei jarraituz baloratuko dira eskaerak, artikulu honetan azaltzen diren alderdi orokorren arabera.
4. Eskaerak baloratzeko Ebaluazio Batzordea eratuko da, honela osatua:
–Unibertsitateen Ataleko burua, batzordeburu lanetan arituko dena.
–Ikerketarako eta Nazioarteratzeko Laguntzen Bulegoko burua, idazkari arituko dena.
–Nazioarteko Proiekzioaren Zerbitzuko zuzendaria edo hark eskuordetzen duena.
Batzordeak aholkua eskatzen ahal die gai honetan kualifikatuta dauden pertsona fisikoei edo entitateei.
Batzordearen erabakiak lotesleak izanen dira.
5. Batzordea eraturik, honek laguntzak emateko behin-behineko proposamena onetsi beharko du, deialdia Nafarroako Aldizkari Ofizialean argitaratzen denetik gehienez ere bi hilabeteko epean. Proposamena, hots, onuradunen eta horien atxikitze zentroen zerrenda, Hezkuntza Departamentuko iragarki oholetan eta web-orrian ikusgai izanen da eta hamar egun natural baino laburragoa izanen ez den epea irekiko da interesdunek alegazioak egin ahal ditzaten.
6. Laguntza eskuratzeko behin-behinekoz proposatuak izan diren interesdunek, epe horretan bertan, erantzukizunpeko adierazpen eguneratua aurkeztu beharko dute, lehenago eskuratutako mota bereko beka eta laguntzei eta beren lan egoerari buruzkoa.
Epe horretan erantzuten ez badute, interesdunei jakinaraziko zaie bost egun naturaleko epe luzaezina izanen dutela aipatu agiriak aurkezteko, eta hala ere erantzunik ematen ez badute, eskaerari uko egin diotela ulertuko da, ebazpen administratiboa eman ondoren.
7. Interesdunek aurkeztutako alegazioez edo behin-behineko zerrendan eragina izan dezaketen bestelako gorabeherez Batzordeak bere iritzi loteslea adierazi ondoren, instrukzio organoak laguntzak emateko eta ukatzeko behin betiko proposamena eginen du.
8. Deialdia Unibertsitateen eta Hezkuntza Baliabideen zuzendari nagusiak emanen duen ebazpenaren bidez ebatziko da, instrukzio organoaren proposamena ikusi eta gero. Eskaerak aurkezteko epea amaitzen denetik sei hilabeteko epea izanen da ebazpena emateko eta interesdunei jakinarazteko. Epe horretan ebazpenik ez bada, eskaera ezetsitzat jotzen ahalko da.
9. Ebazpena Nafarroako Aldizkari Ofizialean eta Hezkuntza Departamentuko iragarki oholetan eta web-orrian argitaratuko da eta banan-banan jakinaraziko zaie interesdunei, ebazpena ematen denetik hamar eguneko epean.
Jakinarazpen hori telematikoki bidaltzen ahal da, baldin eta interesdunak Gaitutako Helbide Elektroniko bat badu (Posta Zerbitzuari eskatutakoa) eta eskabide elektronikoan eremu hori markatuz espresuki erantzun telematiko hori eskatzen badu.
11. oinarria.–Laguntzen ordainketa.
1. Laguntzak atxikitze zentroen bitartez ordainduko zaizkie interesdunei. Laguntza mota zein den, honela ordainduko dira:
a) Egonaldi laburretarako laguntzak:
Ordainketa bakarrean, laguntza emateko ebazpenaren bidez.
b) Aldi baterako lekualdatzeetarako laguntzak:
Bi ordainketatan: lehenengoa, laguntzaren %75erainokoa, laguntzak emateko ebazpenaren bidez; bigarrena, falta den kopurua adinakoa, laguntza bukatutakoan, gastuen egiaztagiriak eta lan-amaiera frogatzeko gainerako dokumentazioa aurkeztu ondoren 14. oinarrian ezarritakoari jarraikiz.
2. Unibertsitateak arduratuko dira jasotako dirua onuradunei ordaintzeaz, destinoko zentroan hasi direla frogatu ondoren.
3. Mugikortasunerako laguntzak errenta salbuetsitzat joko dira, Pertsona Fisikoen Errentaren gaineko Zergari buruzko Foru Legearen testu bategina onesten duen ekainaren 2ko 4/2008 Legegintzako Foru Dekretuaren 7.h) artikuluari jarraikiz.
12. oinarria.–Unibertsitateen betebeharrak, entitate laguntzaile gisa.
1. Betebehar orokorrak:
a) Diru-laguntzei buruzko azaroaren 9ko 11/2005 Foru Legean xedatutakoari jarraikiz, deialdi honetako diru-laguntzen onuradunak atxikitzen zaizkienean, unibertsitateak entitate laguntzaile bihurtuko dira, ordainketa haien bidez egiten baita.
b) Hezkuntza Departamentuaren eta unibertsitateen arteko lankidetza hitzarmena egiteak ez du eskumenaren titulartasuna aldaraziko. Bertan aurreikusten diren eskumenaren egikaritza-elementuei soilik eraginen die, deialdi honetako prozeduren eta haren modalitateen aplikaziorako lanen aplikazio praktikoaren ondorioz.
c) Nafarroako Gobernuko organo eskudunek eskatzen dieten informazioa ematea.
2. Mugikortasunerako diru-laguntzen onuradunei lotutako betebeharrak:
a) Eskabideak eta gainerako agiriak jasotzen, berrikusten eta Unibertsitateen Zerbitzura bidaltzen laguntzea, ezarritako epeak betez.
b) Unibertsitateari lotuta dauden onuradunei emandako diru-laguntzak ordaintzea, deialdiko modalitate bakoitzean zehaztutakoaren arabera.
c) Modalitate bakoitzerako behar den justifikazioa aurkeztea eta informazioa ematea.
d) Diru-laguntzak zertarako eman diren, hartarako erabili direla egiaztatzea. Ikasleen kasuan, hauetakoren bat gertatzen denean ulertuko da diru-laguntza ez dutela bere xederako erabili:
d1) Mugikortasunerako diru-laguntzaren xede den prestakuntza edo ikerketa jarduera ez egitea.
d2) Bidezko den kasuetan, “Europako doktorea” edo Nazioarteko doktorea” aipamena lortzeko behar diren baldintzak betetzen dituela egiaztatzeko agiria ez lortzea.
3. Unibertsitateak jasotako eskaerak aurkezteak berarekin dakar deialdi honetan ezarritako arauak onartzea, bai eta Unibertsitateen Zerbitzuak diru-laguntzaren xedeak betetzen direla egiaztatzeko erabaki ditzakeen neurriak ere.
13. oinarria.–Onuradunen betebeharrak.
Mugikortasunerako diru-laguntzen onuradunek betebehar hauek izanen dituzte:
1. Diru-laguntza lortzeko betebeharrak eta baldintzak betetzen direla frogatzea unibertsitateari.
2. Diru-laguntzaren xede den jarduera egitea, eta zehazturiko egonaldia egitea, horretarako ezarritako unibertsitatean.
3. Diru-laguntza emateko baldintzak betetzen direla egiaztatzeko behar diren jarduketak egin daitezen onartzea.
4. Beste administrazio batetik edo beste erakunde publiko zein pribatu batetik, nazionala izan nahiz atzerrikoa, helburu bererako diru-laguntzarik jaso duten adieraztea unibertsitateari.
5. Behar bezala frogatzea, mugikortasunerako destinoko zentroak emandako ziurtagiriaren bitartez, prestakuntza prozesuko etapak bete izana, eta, zehazki, irakaskuntzako jardueretan eta praktiketan parte hartu izana, eta nork bere ikasketen programazioan egin beharreko proba eta azterketak egin izana, edo egonaldiaren xede diren ikerketa jarduerak egin izana; eta kredituetako matrikularen kasuan, diru-laguntzaren xede diren kredituetatik gutxienez %75 gainditu izana.
6. Unibertsitateen Zerbitzuak zientzia eta internalizazioa sustatu eta bultzatzeko antolatzen dituen ekitaldietan parte hartzea, gonbidatzen bazaie.
14. oinarria.–Aldaketa, jarraipena, justifikazioa eta amaiera.
1. Mugikortasunerako diru-laguntzak emateko hasierako baldintzetan edozein aldaketa egin ahal izateko, aurretik, Unibertsitateen Zerbitzuaren baimena beharko da. Horretarako, eskaerarekin batera, aldaketa justifikatzen duten agiri osagarriak aurkeztu beharko dira. Eskatzen diren aldaketek ez dute inola ere ekarriko diru-laguntza handitzea edo jatorrizko helburuak ez diren xedeetarako erabiltzea.
2. Unibertsitateen Zerbitzuaren eskumena izanen da emandako diru-laguntzen jarraipena egitea, eta beharrezkotzat jotzen dituen organo, batzorde edo adituak izendatzen ahalko ditu behar diren jarduketak egiteko eta diru-laguntzen aplikazio egokia egiaztatzeko.
3. Unibertsitateen Zerbitzuak jarraipenerako beharrezkotzat jotzen duen informazio osagarria eskatzen ahalko die onuradunei eta unibertsitateei.
4. Onuradunak eta unibertsitateak, erakunde laguntzaile gisa, Diru-laguntzei buruzko Foru Legeak ahaldundutako erakundeek egiten dituzten kontrol jarduketei loturik egonen dira.
5. Unibertsitateek, erakunde laguntzaileak diren aldetik, diru-laguntzak onuradunei ordaindu izana frogatu beharko dute Diru-laguntzei buruzko Foru Legean xedaturikoari jarraikiz.
6. Egonaldia amaiturik, itzultzen diren egunaren biharamunetik hasita hamabost eguneko epean, onuradunek egonaldia justifikatuko dute. Bekadunek justifikazio idazkia aurkeztu beharko diete laguntzen atxikitze zentroetako organo eskudunei, honako agiriak erantsita:
a) Talde hartzailearen arduradunaren ziurtagiria, egonaldia zein egunetan hasi eta amaitu den adierazten duena.
b) Beka jaso den tokitik egonaldiko zentro hartzailera joateko eta handik etortzeko gastuaren frogagiriak.
c) Deskripzio-memoria, gehienez ere 1.000 hitzekoa, tesiaren zuzendariak ontzat emana. Memoria horren hasieran tesiaren proiektuaren izenburua jarriko da.
7. Onuradunak egonaldiaren justifikazioa aurkezten duenetik hilabete igaro baino lehen, atxikitze zentroek deskripzio-memoria eta egonaldiko zentro hartzailearen ziurtagiria bidali beharko dituzte Unibertsitateen Zerbitzura, unibertsitateko kudeatzailetzaren edo kontabilitate zerbitzuaren ziurtagiriarekin batera, non zehaztuko baitira, kontzeptuz kontzeptu, laguntzaren kargura egindako gastuak.
8. Egonaldian ez badira betetzen laguntza ematean ezarritako baldintzak, edo ezin bada hura justifikatu, onuradunak jasotako diru kopuru osoa itzuli beharko du. Hasieran onartutako aldia laburtzen bada, onuradunak arrazoiak justifikatu beharko ditu. Era berean, egindako bidaiaren benetako kostuaren gainetik jasotako diru kopuruak itzuli beharko ditu, hori guztia egonaldiaren helburuari loturik.
9. Jasotako dokumentazioa ikusirik, Balorazio Batzordeak aldeko edo aurkako txostena eginen du, eta deialdian ezarritako betebehar eta baldintzen betetzeari edo ez-betetzeari buruzko ebazpena, likidazio ekonomikoa eta prozeduraren amaiera proposatuko ditu.
15. oinarria.–Bateraezintasunak.
Mugikortasunerako diru-laguntzak jasotzea bateraezina izanen da helburu bererako Espainiako, Europar Batasuneko edo atzerriko funts publiko edo pribatuen bidez finantzaturiko beste edozein diru-laguntza, sorospen edo kontratu jasotzearekin, salbu eta matrikula egiteko tasa akademikoen salbuespena edo ordainketa, bidezko den kasuetan.
16. oinarria.–Ez-betetzeak.
1. Onuradunak deialdi honetan azaltzen diren betebehar eta baldintzetakoren bat betetzen ez badu, galdu eginen du eman zaion laguntza, baina, aurretik, horretarako ebazpena eman beharko da.
Horrek ekarriko du onuradun gisa kontzeptu horrengatik jasotakoa Nafarroako Gobernuari itzuli beharra, alde batera utzi gabe legezko akzioak eta bidezkoak izan daitezkeen zehapenak. Itzuli beharreko diru kopuruari legezko interesak gehituko zaizkio, laguntza kobratu zen egunetik itzultzen den egunera arte sortutakoak alegia, Diru-laguntzei buruzko azaroaren 9ko 11/2005 Foru Legearen 35.2 artikuluan xedatutakoarekin bat. Aipatu diru kopuruak diru-sarrera publikotzat joko dira legezko ondorioetarako.
2. Ez-betetzeak mailakatzeko irizpide proportzionalak honako hauek izanen dira:
a) Laguntzaren xede zientifiko eta teknikoen erabateko eta ageriko ez-betetzea, jarraipen eta kontrol zientifiko-teknikorako mekanismoen bitartez zehaztua, jasotako diru-laguntza osorik itzultzeko eta ordaindu gabe dauden diru kopuruetarako eskubidea galtzeko arrazoia izanen da.
b) Helburu partzialak edo jardueretako batzuk ez betetzeak haietarako den diru-laguntza zatia itzuli beharra ekarriko du, eta ordaintzeko dauden diru kopuruak kobratzeko eskubidea galtzea.
c) Deialdian ezarritakoaren arabera aurkeztu behar diren jarraipen txostenak ez aurkezteak jasotako eta justifikatu gabeko diru kopuruak itzuli beharra ekarriko du, eta ordaintzeko dauden diru kopuruak jasotzeko eskubidea galtzea, halakorik bada.
3. Kasu bakoitzeko inguruabar guztiak ikusirik, diru-laguntza jasotzeko bete beharreko baldintzak faltsutu direla edota diru-laguntza jasotzea eragotziko zuten inguruabarrak ezkutatu direla jakiten bada, diru-laguntza emateko ebazpena baliogabetuko da eta itzulketa erabakiko da, Diru-laguntzei buruzko Foru Legean ezarritako prozedurari jarraituz.
17. oinarria.–Araubide juridikoa.
Ebazpen honen bidez araututako deialdian honako xedapen hauek ere beteko dira:
1. 11/2005 Foru Legea, azaroaren 9koa, Diru-laguntzei buruzkoa, Nafarroako Aurrekontu Orokorren kargura ematen diren diru-laguntzen araubide juridiko orokorra ezartzen duena.
2. 15/2004 Foru Legea, abenduaren 3koa, Nafarroako Foru Komunitateko Administrazioari buruzkoa.
3. 39/2015 Legea, urriaren 1ekoa, Administrazio Publikoen Administrazio Prozedura Erkideari buruzkoa.
4. 6/2001 Lege Organikoa, Unibertsitateei buruzkoa, apirilaren 12ko 4/2007 Lege Organikoaren bidez aldatua.
5. 1497/1987 Errege Dekretua, unibertsitate tituluak eskuratzeari eta homologatzeari buruzkoa, ekainaren 10eko 1267/1994 Errege Dekretuaren bidez eta abuztuaren 1eko 1044/2003 Errege Dekretuaren bidez aldatua.
6. 778/1998 Errege Dekretua, apirilaren 30ekoa, unibertsitate ikasketen hirugarren zikloa, doktore tituluaren lorpena eta ematea eta graduatu ondoko beste ikasketa batzuk arautzen dituena.
7. 56/2005 Errege Dekretua, urtarrilaren 21ekoa, graduatu ondoko ikasketa ofizialak arautzen dituena, abenduaren 16ko 1509/2005 Errege Dekretuaren bidez aldatua.
8. 1393/2007 Errege Dekretua, urriaren 29koa, unibertsitate ikasketa ofizialen antolamendua ezartzen duena.
9. 2008ko uztailaren 16ko Ebazpena, Unibertsitateen Zuzendaritza Nagusiak emana, antolamendu akademiko berriko master eta doktorego ikasketen zenbait alderdiri buruzkoa.
10. 2008ko abenduaren 29ko Ebazpena, Unibertsitateen Zuzendaritza Nagusiak emana, doktorego ikasketa ofizialen egiaztapenerako prozedura ezartzen duena.
11. Zehapen prozedura Diru-laguntzei buruzko azaroaren 9ko 11/2005 Foru Legean ezarritakoa izanen da.
Aplikatu beharreko gainerako arau indardunak.
18. oinarria.–Errekurtsoak.
1. Oinarri hauen kontra gora jotzeko errekurtsoa jartzen ahalko da, Nafarroako Gobernuko Hezkuntzako kontseilariari zuzendua, Nafarroako Aldizkari Ofizialean argitaratu eta biharamunetik hilabeteko epean.
2. Oinarri hauek aplikatzeko egintzen aurka gora jotzeko errekurtsoa jartzen ahalko da, Nafarroako Gobernuko Hezkuntzako kontseilariari zuzendua, errekurtsoaren xedeko egintza jakinarazi edo argitaratu eta biharamunetik hilabeteko epean.
I. ERANSKINA
Eskabide eredua (PDFa).
II. ERANSKINA
Zuzenketako koefizientea adierazita ez dagoen herrialdeetan, Hautaketa Batzordeak erabakiko du kasu bakoitzean aplikatu beharreko portzentajea.
HERRIALDEA (*) | ZUZENKETA KOEFIZIENTEA (%) |
Albania (AL) | 77,97 |
Alemania (DE) | 101,23 |
Angola (AO) | 117,42 |
Saudi Arabia (SA) | 86,89 |
Argelia (DZ) | 83,71 |
Argentina (AR) | 59,94 |
Armenia (AM) | 92,11 |
Australia (AU) | 107,58 |
Austria (AT) | 107,38 |
Azerbaijan (AZ) | 95,29 |
Bangladesh (BD) | 48,36 |
Barbados (BB) | 119,47 |
Belgika (BE) | 102,46 |
Belize (BZ) | 77,15 |
Benin (BJ) | 94,88 |
Bermudas (BM) | 155,23 |
Bielorrusia (BY) | 66,60 |
Bolivia (BO) | 52,56 |
Bosnia-Herzegovina (BA) | 75,41 |
Botswana (BW) | 56,66 |
Brasil (BR) | 94,26 |
Bulgaria (BG) | 73,26 |
Burkina Faso (BF) | 96,11 |
Cabo Verde (CV) | 78,28 |
Kanbodia (KH) | 72,23 |
Kamerun (CM) | 105,84 |
Kanada (CA) | 88,52 |
Txad (TD) | 128,38 |
Txile (CL) | 68,75 |
Txina (CN) | 87,09 |
Zipre (CY) | 94,06 |
Kolonbia (CO) | 78,48 |
Korea (KR) | 107,79 |
Boli Kosta (CI) | 104,51 |
Costa Rica (CR) | 78,59 |
Kroazia (HR) | 99,90 |
Kuba (CU) | 85,86 |
Danimarka (DK) | 138,63 |
Ekuador (EC) | 70,49 |
Egipto (EG) | 49,80 |
El Salvador (SV) | 76,13 |
Eritrea (ER) | 62,70 |
Eslovakia (SK) | 84,63 |
Eslovenia (SI) | 88,22 |
Espainia (ES) | 100,00 |
Estatu Batuak (US) | 101,84 |
Estonia (EE) | 80,23 |
Etiopia (ET) | 87,30 |
Filipinak (PH) | 67,42 |
Finlandia (FI) | 119,47 |
Fiji (FJ) | 69,77 |
Frantzia (FR) | 113,73 |
Gabon (GA) | 115,88 |
Ganbia (GM) | 69,36 |
Georgia (GE) | 91,70 |
Ghana (GH) | 69,88 |
Grezia (EL) | 94,98 |
Guatemala (GT) | 80,74 |
Ginea (GN) | 61,89 |
Ginea Bissau (GW) | 105,23 |
Guyana (GY) | 60,35 |
Haiti (HT) | 111,37 |
Herbereak (NL) | 106,86 |
Honduras (HN) | 70,70 |
Hong Kong (HK) | 96,11 |
Hungaria (HU) | 78,07 |
India (IN) | 54,10 |
Indonesia (ID) | 77,15 |
Irlanda (IE) | 116,29 |
Islandia (IS) | 119,47 |
Feroe irlak (FO) | 137,40 |
Salomon irlak (SB) | 95,59 |
Israel (IL) | 111,37 |
Italia (IT) | 109,32 |
Jamaika (JM) | 97,23 |
Japonia (JP) | 118,75 |
Jordania (JO) | 77,36 |
Kazakhstan (KZ) | 102,66 |
Kenya (KE) | 80,02 |
Kirgizistan (KG) | 85,14 |
Kosovo (XK) | 60,04 |
Lesoto (LS) | 58,09 |
Letonia (LV) | 77,77 |
Libano (LB) | 88,52 |
Liberia (LR) | 102,56 |
Libia (LY) | 61,48 |
Liechtenstein (LI) | 112,70 |
Lituania (LT) | 74,90 |
Luxenburgo (LU) | 102,46 |
Mazedonia (MK) | 70,08 |
Madagaskar (MG) | 81,97 |
Malasia (MY) | 73,36 |
Malawi (MW) | 77,87 |
Mali (ML) | 92,62 |
Malta (MT) | 91,80 |
Maroko (MA) | 85,55 |
Maurizio (MU) | 74,49 |
Mauritania (MR) | 66,09 |
Mexiko (MX) | 72,13 |
Moldavia (MD) | 62,60 |
Montenegro (ME) | 68,55 |
Mozambike (MZ) | 73,36 |
Namibia (NA) | 69,98 |
Nepal (NP) | 75,31 |
Nikaragua (NI) | 58,71 |
Niger (NE) | 90,06 |
Nigeria (NG) | 94,67 |
Norvegia (NO) | 135,14 |
Kaledonia Berria (NC) | 132,07 |
Zeelanda Berria (NZ) | 96,41 |
Pakistan (PK) | 50,61 |
Palestina (PS) | 102,87 |
Panama (PA) | 58,40 |
Papua Ginea Berria (PG) | 85,04 |
Paraguai (PY) | 73,67 |
Peru (PE) | 77,36 |
Polonia (PL) | 78,28 |
Portugal (PT) | 91,29 |
Erresuma Batua (UK) | 123,26 |
Afrika Erdiko Errepublika (CF) | 117,11 |
Txekiako Errepublika (CZ) | 85,86 |
Kongoko Errepublika (CG) | 127,97 |
Kongoko Errepublika Demokratikoa (CD) | 130,74 |
Laosko Herri Errepublika Demokratikoa (LA) | 79,61 |
Dominikar Errepublika (DO) | 68,55 |
Ruanda (RW) | 89,45 |
Errumania (RO) | 69,98 |
Errusia (RU) | 118,34 |
Samoa (WS) | 77,66 |
Senegal (SN) | 88,32 |
Serbia (RS) | 68,75 |
Sierra Leona (SL) | 87,30 |
Singapur (SG) | 105,02 |
Siria (SY) | 76,64 |
Sri Lanka (LK) | 63,11 |
Swazilandia (SZ) | 58,20 |
Hegoafrika (ZA) | 57,17 |
Sudan (SD) | 66,70 |
Suedia (SE) | 114,45 |
Suitza (CH) | 115,88 |
Surinam (SR) | 51,84 |
Thailandia (TH) | 66,60 |
Taiwan (TW) | 85,66 |
Tanzania (TZ) | 66,80 |
Tajikistan (TJ) | 66,50 |
Ekialdeko Timor (TL) | 80,23 |
Togo (TG) | 90,88 |
Tonga (TO) | 87,09 |
Trinidad eta Tobago (TT) | 75,92 |
Tunisia (TN) | 72,23 |
Turkia (TR) | 88,73 |
Ukraina (UA) | 94,57 |
Uganda (UG) | 67,32 |
Uruguai (UY) | 77,15 |
Uzbekistan (UZ) | 52,66 |
Vanuatu (VU) | 115,37 |
Venezuela (VE) | 71,72 |
Vietnam (VN) | 52,36 |
Yemen (YE) | 69,77 |
DJibuti (DJ) | 95,70 |
Zambia (ZM) | 68,03 |
Zimbabwe (ZW) | 48,36 |
(*) ISO 3166 alpha-2 kodeak, salbu eta Grezia eta Erresuma Batua, bertan EL eta UK erabiltzen baitira, GR eta GB ordez, hurrenez hurren.
Iragarkiaren kodea: F1710092
Sarbidea
Nafarroako Aldizkari Ofiziala
Paseo Pablo Sarasate, 38, 2.º izda.
31001 - Iruña
848 42 12 50
