6. BESTELAKO IRAGARKIAK
6.1. JAKINARAZPEN EDIKTUAK
BAZTAN
ZE 9/2017 Zehapen-espedienteari hasiera ematea
Ikusirik 2017/07/4ko salaketa akta, Udaltzaingoak egina eta ikusirik Hondakinen arloko teknikariaren txostena, 201/07/10ekoa.
Honakoak kontuan harturik:
Aipatutako gertaera, alegia, arriskutsuak ez diren hondakinak kontrolik gabe botatzea, egoera horrekin loturiko gertaera berriak egiaztatzea eta xehe ezartzea eragotzi gabe, Hondakinen eta lur kutsatuen 22/2011 Legearen 46.4.b atalean ezartzen den arau-haustea osatzen du (46.3.c-an ezartzen den arau-haustearekin lotuta).
Mirna Yolanda Rodriguez Pineda da arau-hauste horren erantzule, espediente honen arrazoia diren ekintzen egile gisa.
Baztango Udaleko alkate udalburuak du prozedura ebazteko eskumena.
Urriaren 1eko Sektore Publikoaren Araubide Juridikoaren 40/2015 Legearen 24. artikuluari jarraikiz, interesdunek espedientearen instruktorearen edota idazkariaren ezespena abiarazten ahal dute.
Ikusita aipatutako artikuluak eta aplikatzen ahal diren gainerako xedapenak, honakoa
Agintzen dut:
1. Mirna Yolanda Rodriguez andreari zehapen-espedientea irekitzea, Elizondoko Erlategi 6, 1.ean, arriskutsuak ez diren hondakinak kontrolik gabe botatzeagatik. Hori Hondakinen eta lur kutsatuen 22/2011 Legearen 46.4.b. artikuluan zehaztuta dagoen arau-haustea da (46.3.c-an ezartzen den arau-haustearekin lotuta). Aipaturiko Hondakinen eta lur kutsatuen 22/2011 Legearen 47.1.C artikuluak honako hau dio: Arau-hauste arinak gehienez 900 euroko isunarekin zehatuko dira. Halaber, Hondakinen eta lur kutsatuen 22/2011 Legearen 48. artikuluak dioenez: Administrazio Publikoek zehapena arau-haustea ekarri duen ekintzari behar bezala egokitzen zaiola zainduko dute, honako hauek bereziki begitaturik: ekintza horien ondorioak bai eta izanen dituzten eraginak pertsonen osasunean eta segurtasunean nahiz ingurumenean edo Legeak babesten dituen ondasunetan. Azaldutakoa kontuan harturik eta aipaturiko araudiarekin bat eta jokabideari erreparaturik, isuna 200 euroan kuantifikatu daiteke.
2. Iulen Urbiola Loiarte espedientearen instruktore izendatzea.
3. Ebazpen hau Mirna Yolanda Rodriguez Pineda andreari eta espedientearen instruktore Iulen Urbiola jaunari jakinaraztea.
4. Mirna Yolanda Rodriguez Pineda andreari jakinaraztea zortzi eguneko epea duela instruktorearekiko ezespena aurkezteko.
5.–Interesdunei adieraztea, Administrazio Prozedura Erkideari buruzko urriaren 1eko 39/2015 Legearen 64.2-f artikuluari jarraikiz, 15 eguneko epea dutela egoki jotzen dituzten alegazio eta agiriak aurkezteko eta, hala baderitzote, frogak proposatzeko, horretarako erabiliko dituzten baliabideak zehaztuta. Halaber, ohartarazten zaie aipatutako epean zehapen- prozedura irekitzen duen ebazpenaren edukiaren kontrako alegaziorik egin ezean, irekitzeko ebazpen-proposamentzat jo ahal izanen dela egotzitako erantzukizunaren inguruko erabaki zehatza jasotzen duenean eta goian aipatu legearen 89. artikuluan aurreikusitako ondorioak izanen dituela.
Era berean, Administrazio Prozedura Erkideari buruzko urriaren 1eko 39/2015 Legearen 53. artikuluari jarraikiz, interesdunek prozeduraren edozein unetan izapidea eta hartutako izapide-egintzak zertan diren jakiteko eskubidea dute, baita agiriak ikusteko eta kopiak eskuratzeko ere. Entzunaldi-izapidea izan aitzinetik, interesdunek alegazioak egin ahal izanen dituzte eta egoki jotzen dituzten agiriak aurkeztu.
Beharrezko ondorioetarako jakinarazten dizut tramitazio jarduera izanik ez dela administrazio-bidez errekurtsoa aurkezten ahal.
Elizondon (Baztan), 2017ko uztailaren 18an.–Alkatea, Joseba Otondo Bikondoa
Iragarkiaren kodea: L1709878