164. ALDIZKARIA - 2017ko abuztuaren 25a

2. NAFARROAKO TOKI ADMINISTRAZIOA

2.2. XEDAPEN ETA IRAGARKIAK, HERRIEN ARABERA ANTOLATUAK

TUTERA

Laburpena, Tokiko Gobernu Batzarrak 2017ko abuztuaren 11n hartutako erabakiarena. Horren bidez onetsi zen oinarrizko kirola bultzatzeko diru-laguntzak emateko deialdi publikoa, 2016-2017 denboraldiko kirol jardueretan parte hartzeko, Udala jabe duen materiala uzteko, publizitate eremuak ustiatzeko eta Tuteran kirol arloko emanaldi, ikuskizun eta ekitaldiak (puntualak)
antolatzeko 2017an

Diru-laguntzei buruzko azaroaren 17ko 38/2003 Lege Orokorrari buruzko 17.3b eta 20.8a artikuluetan aurreikusitakoari jarraituz, argitara ematen da deialdiaren laburpena; horren testu osoa Diru-laguntzen Datu Base Nazionalean kontsulta daiteke (http://www.pap.minhafp.gob.es/bdnstrans/GE/eu/index) BDNS (identifikazioa): 359542.

A) Onuradunak:

Irabazi asmorik gabeko elkarteak, baldintza hauek betetzen dituztenak:

–Tuterako Udaleko bizilagun elkarteen udal erregistroan izena emanda egotea elkartea.

–Legez eraturik egotea eskabidea aurkezten den egunean.

–Helbide soziala eta fiskala Tuteran izatea.

–Zerga betebeharrak eguneratuta izatea Tuterako Udalarekin, Udalaren Ur Batzordearekin eta Castel Ruiz enpresa entitate publikoarekin.

–Indarra duen hitzarmenik edo kontraturik ez izatea Tuterako Udalarekin, lehen eta bigarren hezkuntzako ikasleen artean kirol jarduera edo hirian kirol ekitaldi puntualak egitea sustatzen duten programak kudeatzeko eta garatzeko.

B) Xedea:

Oinarrizko kirola bultzatzea, 2016-2017 denboraldiko kirol jardueretan parte hartuz, Udalaren jabetzako materialaren lagatzea eginez, publizitate eremuak ustiatuz eta Tuteran kirol arloko emanaldi, ikuskizun eta ekitaldiak (puntualak) antolatuz 2017an.

C) Oinarri arautzaileak:

Diru-laguntzen Base Nazionalean, Udalaren web-orrian, Udalaren iragarki-oholean eta Tuterako Ribotas kirolguneko Kirol bulegoetan, hots, Tuterako Paseo de Pamplona, 18an (31500), edo gestiondeportes@tudela.es helbidean eskatuta.

D) Zenbatekoa:

Gehienez ere 48.000 euroko gastua oinarrizko kirola bultzatzeko diru-laguntzen lerrorako, Oinarrizko kirolerako diru-laguntzak 3411.48204 partidaren kargura, eta 10.000 eurokoa ekitaldi puntualak egiteko diru-laguntzen lerrorako, Kirol entitateendako diru-laguntzak 3400.48204 partidaren kargura.

E) Eskabideak aurkezteko epea:

–2017ko irailaren 29ra arte, 2017ko urtarrilaren 1etik abuztuaren 31ra bitartean egiten diren oinarrizko kirola bultzatzeko eta kirol ekitaldi puntualak antolatzeko, bai eta materialen eta publizitate eremuen erabilera lagatzeko ere, ustia daitezen.

–2017ko irailaren 1etik abenduaren 31ra egiten diren kirol ekitaldi puntualetarako eskaerak jarduera egiteko eguna baino hamabost egun lehenago gutxienez aurkeztu beharko dira.

Tuteran, 2017ko abuztuaren 16an.–Alkatea, Eneko Larrarte Huguet.

Iragarkiaren kodea: L1709774