2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
MIRANDA ARGA
Arau subsidiarioen aldaketa puntuala, abeltzaintza intentsiborako eraikinen (haztegien) ezaugarriei dagokienez.
Behin betiko onespena
Lurraldearen Antolamenduari eta Hirigintzari buruzko abenduaren 20ko 35/2002 Foru Legearen 81.1 artikuluan xedatutakoarekin bat, aditzera ematen da Miranda Argako Udalak, 2017ko ekainaren 20ko osoko bilkuran, erabaki zuela behin betiko onestea aldaketa puntuala Miranda Argako Planeamenduko Arau Subsidiarioetako antolamendu xehakatuko determinazioetan. Miranda de Arga Porcino, SLk sustatu du, eta “Abeltzaintza intentsiborako eraikinen ezaugarriak (haztegiak)” atala aldatzeari dagokio, zerri-haztegitarako eraikinetan zenbait baldintza erantsiz.
Behin betiko onetsitako aldaketa xehakatuaren ondorioz, “Abeltzaintza intentsiborako eraikinen ezaugarriak (haztegiak)” atala eranskinean agertzen den bezala gelditzen da.
Behin betiko onesteko egintza honen kontra, bide administratiboari amaiera ematen baitio, errekurtso hauetakoren bat aurkez daiteke, hautara:
a) Gora jotzeko errekurtsoa, Nafarroako Administrazio Auzitegiari zuzendua, hilabeteko epean, erabakia jakinarazten denetik hasita.
b) Aukerako berraztertzeko errekurtsoa, Miranda Argako Udalari zuzendua, erabakia jakinarazi eta hilabeteko epean, administrazioarekiko auzi-errekurtsoaren aitzinetik; bestela, zuzenean administrazioarekiko auzi-errekurtsoa, bi hilabeteko epean, erabakia jakinarazten denetik hasita.
Miranda Argan, 2017ko uztailaren 3an.–Alkatea, Jesús Luis Andión Ripa.
ERANSKINA
4.3.2 artikuluaren aldaketa (PDFa).
Iragarkiaren kodea: L1708447
