1. NAFARROAKO FORU KOMUNITATEA
1.4. DIRU-LAGUNTZAK, LAGUNTZAK ETA BEKAK
197/2017 EBAZPENA, uztailaren 11koa, Vianako Printzea Erakundea-Kulturako zuzendari nagusiak emana, ebaluazio batzordea izendatzen duena enpresei eta profesionalei arte eszenikoetako eta musikako ekoizpenetarako (ARTEM PRO) diru-laguntzak emateko 2017ko deialdian.
Kultura, Kirol eta Gazteriako kontseilariak apirilaren 26an emandako 15E/2017 Foru Aginduaren bidez, oinarri arautzaileak onetsi ziren enpresei eta profesionalei arte eszenikoetako eta musikako ekoizpenetarako (ARTEM PRO) diru-laguntzak emateko 2017ko deialdirako. Haren bidez, bestetik, oinarri arautzaile horiek Nafarroako Aldizkari Ofizialean argitaratzeko agindu zen.
Deialdi horren oinarrietan ezarri zenez, Vianako Printzea Erakundea-Kulturako zuzendari nagusiak izendatutako batzorde batek baloratuko ditu aurkeztutako eskaerak.
Kultur Ekintza Zerbitzuak txostena egin du, eta hartan, aurkeztutako eskaeren balorazioa egin behar duen batzordeko kideen izendapena proposatu da enpresei eta profesionalei arte eszenikoetako eta musikako ekoizpenetarako (ARTEM PRO) diru-laguntzak emateko 2017ko deialdirako.
Kultura, Kirol eta Gazteria Departamentuaren egitura organikoa ezartzen duen irailaren 9ko 199/2015 Foru Dekretuak eman dizkidan ahalmenak erabiliz,
EBATZI DUT:
1. Enpresei eta profesionalei arte eszenikoetako eta musikako ekoizpenetarako (ARTEM PRO) diru-laguntzak emateko 2017ko deialdiaren ebaluazio batzordeko kide hauek izendatzea:
–Dori López Jurío andrea, Kultur Ekintza Zerbitzuko zuzendaria. Batzordeko burua izanen da. Hura izaterik ez bada, Joaquim Llansó Sanjuan, Artxiboen Zerbitzuko zuzendaria.
–Patrick Ullate García jauna, zerbitzu horretako teknikaria. Batzordeko idazkaria izanen da. Hura izaterik ez bada, M.ª Jose Redín Armañanzas, zerbitzu bereko teknikaria.
–Yolanda Osés Pérez andrea, Arte Sorkuntzaren eta Hedapenaren Ataleko burua. Batzordekidea izanen da. Hura izaterik ez bada, M.ª Carnen Oroz Iribarren, Kultura Sustapenaren eta Berrikuntzaren Ataleko burua.
–Anna Giribert i Argilés andrea, Fira de Tàrregako kidea. Batzordekidea izanen da.
–Patxi Larrea Salinas jauna, Nafarroako Kultura Kontseiluko kidea. Batzordekidea izanen da. Hura izaterik ez bada, Marcos Andrés Vierge, kontseilu horretako kidea.
–Marisol Martínez Caspe andrea, Nafarroako Antzokien Sareko kidea. Batzordekidea izanen da.
–Marta Monfort Ayestarán andrea, Gasteizko Principal antzokiko kidea. Batzordekidea izanen da.
–Grego Navarro De Luis andrea, Gayarre antzokiko kidea. Batzordekidea izanen da.
2. Ebazpen hau Nafarroako Aldizkari Ofizialean argitaratzea.
3. Ebazpen hau interesdunei jakinaraztea, behar diren ondorioak izan ditzan, eta aditzera ematea haren kontra bidezko dela gora jotzeko errekurtsoa paratzea, Kultura, Kirol eta Gazteriako kontseilariari zuzendua, jakinarazi eta biharamunetik hilabeteko epean.
Iruñean, 2017ko uztailaren 11n.–Vianako Printzea Erakundea-Kulturako zuzendari nagusia, Fernando Pérez Gómez.
Iragarkiaren kodea: F1708760
