145. ALDIZKARIA - 2017ko uztailaren 28a

1. NAFARROAKO FORU KOMUNITATEA

1.4. DIRU-LAGUNTZAK, LAGUNTZAK ETA BEKAK

Laburpena, Kultura, Kirol eta Gazteriako kontseilariaren 46/2017 Foru Aginduarena; foru agindu horren bidez, 2017-2018 ikasturtean Eskola-umeentzako Kirol Programan parte hartzen duten unibertsitatez kanpoko irakaskuntza arautuetako ikastetxe publiko eta pribatuei diru-laguntzak emateko deialdia onetsi da.

Oharra: testu osoa Diru-laguntzen Datu Base Nazionalean kontsulta daiteke (http://www.pap.minhafp.gob.es/bdnstrans/GE/eu/index). BDNS (Identifikazioa): 355774.

Lehena.–Onuradunak.

Unibertsitatez kanpoko irakaskuntza arautuak ematen dituzten Nafarroako Foru Komunitateko ikastetxe publiko eta pribatuak, baldin eta ikastetxeko kirol proiektu bat prest badute, Eskola-umeentzako Kirol Programa, deialdiaren xede, jasotzen duena.

Bigarrena.–Xedea.

Deialdi honen xedea da Eskola-umeentzako Kirol Programan parte hartzen duten unibertsitatez kanpoko irakaskuntza arautuetako ikastetxe publiko eta pribatuei diru-laguntzak emateko prozedura ezartzea 2017-2018 ikasturterako.

Hirugarrena.–Oinarri arautzaileak.

Oinarri arautzaileak Nafarroako Gobernuaren tramiteen katalogoan daude argitaratuta: https://www.navarra.es/home_es/Servicios/ficha/7066/Ayudas-a-centros-educativos-que-participen-en-el-Programa-Deporte-en-Edad-Escolar-curso-2017-18.

Laugarrena.–Zenbatekoa.

94.500 euro, guztira; horietatik 23.625 euro 2017rako Nafarroako Aurrekontu Orokorrei egotziko zaizkie, eta 70.875 euro, berriz, 2018rako Nafarroako Aurrekontu Orokorrei.

Bosgarrena.–Eskaerak aurkezteko epea.

Deialdi hau Nafarroako Aldizkari Ofizialean argitaratzen denetik 2017ko urriaren 2ra arte.

Iruñean, 2017ko uztailaren 4an.–Kultura, Kirol eta Gazteriako kontseilaria, Ana Herrera Isasi.

Iragarkiaren kodea: F1708799