136. ALDIZKARIA - 2017ko uztailaren 14a

2. NAFARROAKO TOKI ADMINISTRAZIOA

2.2. XEDAPEN ETA IRAGARKIAK, HERRIEN ARABERA ANTOLATUAK

IRUÑA

Laburpena, Iruñeko ikastetxe publiko eta itunduetan
ikaskuntza/zerbitzu proiektuak egiteko lehiaketarena

Oharra: testu osoa Diru-laguntzen Datu Base Nazionalean kontsulta daiteke (http://www.pap.minhafp.gob.es/bdnstrans/GE/eu/index): BDNS (Identifikazioa): 352128.

Iruñeko Udalak “Iruñeko ikastetxe publiko eta itunduetan ikaskuntza/zerbitzu proiektuak egiteko lehiaketa” deitu du, norgehiagokako araubidea erabiliz, Iruñeko Udalaren Diru-laguntzei buruzko ordenantza orokorrean xedatuari jarraikiz, zeina argitaratu baitzen 2006ko 21. Nafarroako Aldizkari Ofizialean, otsailaren 17koan.

1.–Xedea.

Iruñeko ikastetxe publiko eta itunduetan ikaskuntza/zerbitzu proiektuak egiteko lehiaketa: lehiaketaren xedea da sustatzea Iruñeko ikastetxe publiko eta itunduetan ikaskuntza/zerbitzu proiektuak prestatu eta egin daitezela, ikaskuntzako prozesuak eta ikasleen tokiko komunitatearentzako zerbitzuen prozesuak konbinatzen dituen metodologia didaktiko gisa, ongi antolatutako proiektu soil bakarrean egituratua, zeinaren bidez parte-hartzaileek curriculum-edukiak eta balio zibiko eta gizatiarrak ikasten baitituzte, hirian dauden eta biztanleek dituzten benetako premiak landuz, egoerak hobera egin dezan.

Horren bidez, Iruñeko Udalak agerian jarri nahi du, hiri osoan, ikastetxeen konpromiso solidarioa eta zibikoa, eta indartu, horrela, gizartearen kohesioa eta komunitateko eragile guztien parte-hartzea tokiko bizi-baldintzen hobekuntzan.

2.–Sariaren modalitatea.

Sari modalitate hauek ezarri dira:

1. modalitatea: Haur eta Lehen Hezkuntzako ikastetxeen proiektuetarako.

2. modalitatea: DBHko eta Batxilergoko ikastetxeen proiektuetarako.

3. modalitatea: Lanbide Heziketako ikastetxeen proiektuetarako.

Iruñean, 2017ko ekainaren 21ean.–Kulturako, Hizkuntza Politikako, Hezkuntzako eta Kiroleko zinegotzi delegatua, Maider Beloki Unzu.

Iragarkiaren kodea: L1707723