1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
964/2017 EBAZPENA, ekainaren 8koa, Nafarroako Unibertsitate Publikoko errektoreak emana, María Camino Bueno Alastuey andrea Unibertsitateko irakasle titular izendatzen duena.
2017ko otsailaren 13ko 361/2017 Ebazpenaren bidez, Nafarroako Unibertsitate Publikoko Ekonomia, Plangintza eta Irakasleen gaietarako errektoreak unibertsitateko irakaskidegoetako lanpostuak betetzeko lehiaketarako deia egiten du.
Ikusirik lehiaketa epaitu duen batzordeak maiatzaren 31n egindako proposamena, “Hizkuntzaren eta Literaturaren Didaktika” jakintza-arloan Nafarroako Unibertsitate Publikoko unibertsitateko irakasle titular izateko lanpostua, 4707 kodeduna eta Filologia eta Hizkuntzaren Didaktika Sailera atxikia, betetzeari buruz, eta interesdunak aurkeztu duenez deialdiaren oinarrietan aipatzen den dokumentazioa.
Errektoreak, Unibertsitateei buruzko abenduaren 21eko 6/2001 Lege Organikoaren 65. artikuluak eta Nafarroako Unibertsitate Publikoaren Estatutuen 40. artikuluak ematen dizkion eskumenak erabiliz,
EBATZI DUT:
Lehena.–María Camino Bueno Alastuey andrea Nafarroako Unibertsitate Publikoko irakasle titular izendatzea. Lanpostua “Hizkuntzaren eta Literaturaren Didaktika” jakintza-arlokoa da, 4707 kodea du, eta Filologia eta Hizkuntzaren Didaktika Sailera atxikita dago.
Bigarrena.–Izendapen honek indarra hartuko du interesduna lanpostuaz jabetzen denean, hau da, Ebazpen hau “Estatuko Aldizkari Ofizialean” argitaratzen den egunaren biharamunetik kontatzen hasita hogei eguneko epean, gehienez ere.
Hirugarrena.–Ebazpen honek administrazio bidea agortzen du, Unibertsitateei buruzko 2001eko abenduaren 21eko 6/2001 Lege Organikoaren 6.4 artikuluan ezarritakoaren arabera, eta bere aurka zilegi da berraztertzeko errekurtsoa errektorearen aurrean, edo, bestela, zuzenean administrazioarekiko auzi-errekurtsoa Nafarroako Administrazioarekiko Auzietako epaitegietan, hilabeteko epean lehenengo kasuan, eta bi hilabeteko epean bigarrenean, biak ere ebazpena argitaratu eta biharamunetik kontatzen hasita.
Iruñean, 2017ko ekainaren 8an.–Errektorea, Alfonso Carlosena.
Iragarkiaren kodea: F1707625
