123. ALDIZKARIA - 2017ko ekainaren 27a

1. NAFARROAKO FORU KOMUNITATEA

1.5. ESTATUTUAK ETA LAN HITZARMEN KOLEKTIBOAK

67C/2017 EBAZPENA, maiatzaren 24koa, Politika Ekonomiko eta Enpresarialaren eta Lanaren zuzendari nagusiarena, Noaingo Elkarkide, SL enpresaren lan-hitzarmen kolektiboaren interpretazio eta segimendurako Batzorde Mistoaren Akordio Partzialaren testua erregistratu, gorde eta Nafarroako Aldizkari Ofizialean argitaratzea erabakitzen duena.

Noaingo Elkarkide, SL enpresaren Hitzarmen Kolektiboaren interpretazio eta segimendurako Batzorde Mistoaren Akordio Partzialaren testua aztertu da (kode zenbakia: 31008422012004), erregistro honetan 2017ko maiatzaren 9an sartu zena, enpresaren eta sindikatuen ordezkariek 2017ko otsailaren 7an sinatua, Langileen Estatutuari buruzko Legearen Testu Bategina onetsi zuen urriaren 23ko 2/2015 Legegintzako Errege Dekretuaren 90. artikuluaren 2. eta 3. ataletan eta Hitzarmen Kolektiboen Erregistro eta Gordailuei buruzko maiatzaren 28ko 713/2010 Errege Dekretuan ezarritakoaren arabera. Horrenbestez,

EBAZTEN DUT:

1. Nafarroako Lan Hitzarmen eta Akordio Kolektiboen Erregistroan inskribatzeko agintzea.

2. Nafarroako Aldizkari Ofizialean argitaratzeko agintzea, orok jakin dezan.

Iruñean, 2017ko maiatzaren 24an.–Politika Ekonomiko eta Enpresarialaren eta Lanaren zuzendari nagusia, Izaskun Goñi Razquin.

Noaingo Elkarkide, SL enpresaren Hitzarmen Kolektiboaren interpretazio eta segimendurako Batzorde Mistoaren Akordio Partziala (PDFa).

Iragarkiaren kodea: F1706554