Iragarkia

122. ALDIZKARIA - 2017ko ekainaren 26a

2. NAFARROAKO TOKI ADMINISTRAZIOA

2.2. XEDAPEN ETA IRAGARKIAK, HERRIEN ARABERA ANTOLATUAK

BURLATA

Ordenantza fiskalak. Behin betiko onespena

Udala honek, 2016ko abenduaren 29an egin osoko bilkuran, hasiera batean onetsi zituen aldaketak ondoko ordenantza fiskal hauetan:

–1. ordenantza: Ordenantza fiskala, eraikuntza, instalazio eta obren gaineko zerga arautzen duena.

–5. ordenantza: Ordenantza fiskala, agiriak luzatu eta tramitatzeko tasak arautzen dituena.

–6. ordenantza: Ordenantza fiskala, Udaltzaingoaren zerbitzu bereziak emateko tasak arautzen dituena.

–7. ordenantza: Ordenantza fiskala, hirigintza-lizentzien tramitazioa, obren erantzukizunpeko adierazpena, aurretiazko jakinarazpena, obren ikuskaritza-espedienteak eta hirigintzako bertzelako jarduketak egiteko tasak arautzen dituena.

–8. ordenantza: Ordenantza fiskala, orotariko jarduerak, haien abiaraztea, titulartasun aldaketa, amaitzeak eta ikuskaritzak tramitatzeko espedienteen tasak arautzen dituena.

–9. ordenantza: Ordenantza fiskala, Udal ordenantza eta erabakietan eta bestelako arauetan aurreikusitako onespenerako eta kontrolerako ikuskapenen eta esku-hartzeen gaineko tasak arautzen dituena.

–11. ordenantza: Ordenantza fiskala, betearazpen aginduen, ordezko betearazpenen eta aurri-egoeren espedienteak tramitatzeko tasak arautzen dituena.

–19. ordenantza: Ordenantza fiskala, erabilera publikoko lurretan zangak, laginketak eta zuloak irekitzeko eta eremu publikoko zoruan edo espaloietan edozein mugimendu egiteko tasak arautzen dituena.

–21. ordenantza: Herriko jabari publikoko lurzoru, hegalkin eta zorupearen erabilera pribatiboa edo aprobetxamendu berezia egiteko tasak arautzen dituen ordenantza fiskala.

–22. ordenantza: Ordenantza fiskala, herriko jabari publikoko zoruan, hegalkinean eta zorupean hornidura zerbitzuak ustiatzen dituzten enpresen aprobetxamendu berezien tasak arautzen dituena.

2017ko 4. Nafarroako Aldizkari Ofizialean, urtarrilaren 5ean, hasierako onespenari buruzko erabakia argitaraturik, Nafarroako Toki Administrazioari buruzko uztailaren 2ko 6/1990 Foru Legearen 325.1. artikuluari jarraikiz, eta jendaurrean egoteko epea inork alegaziorik aurkeztu gabe iraganik, ordenantza hori behin betiko onetsi eta osorik argitaratzeko agindu da, behar diren ondorioak izan ditzan.

Ordenantzen aldaketa horrek ondorio juridikoak sortuko ditu argitaratu eta hamabost egun igarotakoan.

Burlatan, 2017ko maiatzaren 25ean.–Alkate udalburua, José María Noval Galarraga.

ORDENANTZA FISKALA, ERAIKUNTZA, INSTALAZIO ETA OBREN GAINEKO ZERGA ARAUTZEN DUENA

1. ORDENANTZA

Oinarria

1. artikulua. Ordainarazpen hau Nafarroako Toki Ogasunei buruzko martxoaren 10eko 2/1995 Foru Legearen V. kapituluko II. Tituluko 167. artikulutik 171. artikulura bitarteko artikuluetan xedatutakoaren babesean ezarri da.

Zerga-egitatea

2. artikulua. Eraikuntza, instalazio eta obren gaineko zerga zeharkako tributua da eta haren zerga-egitatea da udal mugartean zernahi eraikuntza, instalazio edo obra egitea, baldin hartarako beharrezkoa bada hirigintza edo obra lizentzia bat, lizentzia hori erdietsia izanik ala izan gabe, edo erantzukizunpeko adierazpenaren edo aurreko gaztiguaren aurkezpena eskatzen bada, baldin zerga ezartzen duen udalari badagokio lizentzia ematea, lizentzia emateari buruzko txostena (Toki Administrazioari buruzko uztailaren 2ko 6/1990 Legearen 39. artikulua) edo kontrola.

Egindako zerbitzu administratibo hauek jasango dute ordainarazpena aipatze aldera:

1) Mota guztietako eraikin eta instalazioak berritik egiteko obrak.

2) Lehendik dauden eraikinak edo instalazioak handitzeko obrak.

3) Lehendik dauden eraikinen edo instalazioen egitura edo kanpoko itxura ukitzen duten obrak, aldatzekoak edo berritzekoak.

4) Eraikinen barneko egitura aldatzen duten obrak, edozein izanik ere duten erabilera.

5) Behin-behinekoz egin beharreko obrak.

6) Zerbitzu publikoak paratzeko obrak.

7) Lur mugimenduak, hala nola, zelaitzeak, hondeatzeak eta betelanak, baldin onetsia edo baimendua den urbanizazio edo eraikitze proiektu barneko obra gisa zehaztu eta programatu ez badira.

8) Finkak ixtea.

9) Eraikinak botatzea, aurri egoeran deklaratutakoak izan ezik.

10) Zorupea ukitzen duten obrak edo instalazioak.

11) Eremu publikotik ikusten diren propagandako kartelak paratzea, betiere lokal itxietan ez badaude.

12) Halako ahalmen ekonomikoa erakusten duten baliabide ekonomikoen inbertsioak berekin dakartzaten obrak, eraikuntzak edo instalazioak, baldin eta obra edo hirigintza lizentzia behar badute, edo, hala badagokio, erantzukizunpeko adierazpena.

3. artikulua. Ordenantza honetako zerga ordaintzetik salbuetsiko dira:

a) Nafarroako Foru Komunitateko Administrazioa eta bere helburuak betetzeko sortzen dituen entitate juridikoak.

b) Udalerrien mankomunitateak, batasunak eta administrazio-barrutiak, betiere Burlatako Udala kide bada, bai eta helburuak betetzeko sortzen dituzten entitate juridikoak ere.

c) Zernahi eraikin, instalazio edo obra egitea, horien jabeak badira Estatua, Nafarroako Foru Komunitatea, autonomi erkidegoak edo toki entitateak, eta baldin, zergapekoak direlarik ere, zuzenean erabiltzekoak badira errepide, burdinbide, portu, aireportu, lan hidrauliko, hiri saneamendu edo haien hondakin uren saneamendurako, nahiz eta erakunde autonomoek kudeatzen dituzten, dela eraikuntza berriko lana, dela kontserbaziozkoa.

d) Halaber, eraikuntza, instalazioa edo obra egitea zerga ordaintzetik salbuetsirik egonen da baldin eta etxebizitzen jabeak badira Nafarroako Foru Komunitatea, Estatua edo Nafarroako toki entitateak, eta baldin eta, irabazi asmorik gabeko entitateei lagata egonik, arazo ekonomikoak dituzten pertsonei laguntzeko badira.

Subjektu pasiboak

4. artikulua. Ordainarazpen honen subjektu pasiboak hauek dira, zergadun gisa: pertsona fisiko eta juridikoak eta Zergei buruzko abenduaren 14ko 13/2000 Foru Lege Orokorraren 25. artikuluan aipatzen diren entitateak, baldin eraikuntza, instalazio edo obraren jabe badira, hura egiten den higiezinaren jabe izan ala ez.

Aurreko lerrokadako ondorioetarako, eraikuntzaren, instalazioaren edo obraren jabetzat joko da haiek egiteak dakartzan gastuak edo kostua bere gain hartzen dituena.

5. artikulua. Eraikuntza, instalazioa edo obra subjektu pasibo zergadunak egiten ez duenean, zergadunaren ordezko subjektu pasibotzat joko dira kasuko lizentziak eskatzen, kasuko erantzukizunpeko adierazpen edo aurretiazko komunikazioak aurkezten, edo eraikuntzak, instalazioak edo obrak egiten dituztenak.

Ordezkoak zergadunari eskatzen ahalko dio ordaindutako tributu-kuotaren zenbatekoa.

Zerga-oinarria

6. artikulua. 1. Zerga-oinarria eraikuntzaren, instalazioaren edo obraren kostu erreal eta egiazkoa izanen da. Ondorio horietarako, ulertuko da kostu erreala dela haren exekuzio materialaren kostua.

Zerga-oinarriaren zati ez dira ez balio erantsia, ez araubide bereziko antzeko zergak, tasak, prezio publikoak, ez tokiko izaera publikoko ondareko gainerako prestazioak, horiek eraikuntza, instalazio edo obra alorrekoak badira, ez eta profesionalen ordainsaria, kontratistaren enpresa-mozkina, gastu orokorrak, ez segurtasuna eta osasunari, kalitate kontrolari edo hondakinen kudeaketari dagozkien zenbatekoak ere.

Barne urbanizazioaren proiektuaren zenbatekoa zerga-oinarriaren osagaia da eta, horretarako, interesdunak aurkeztu beharko du, aurrekontu eguneratua eta guzti.

2. Zerga-oinarria interesdunek aurkeztutako aurrekontuaren arabera zehaztuko da, betiere dagokion elkargo ofizial batek ikus-onetsi badu, hura aginduzko baldintza denean.

Aurrekonturik ez dagoen kasuetan eta zerga ordenantzak hala aurreikusten duenean, hartan ezartzen diren indize edo moduluak aintzat hartuz.

Bestelakoetan, udal teknikariek zehaztuko dute zerga-oinarria, proiektuaren kostu zenbatetsian oinarrituta.

Tasa

7. artikulua. Karga-tasa ordenantza honen eranskinean agertzen da.

Kuota

8. artikulua. Zerga honen kuota izanen da zerga-oinarriari ordenantza honetako eranskineko karga mota ezartzetik heldu dena.

Sortzapena

9. artikulua. Zerga hau, eraikuntza, instalazioa edo obra hasten delarik sortuko da, nahiz eta hartarako lizentziarik lortu ez den edo erantzukizunpeko adierazpena edo aurretiazko komunikazioa aurkeztu ez den.

Ez da ordaindu beharko interesdunak eskabideari uko egiten badio Udalak lizentzia emateko erabakia hartu baino lehen. Ez da ordaindu beharko, obra osteko kontrolerako udal ebazpena eman aurretik jarduera hasteari uko egiten zaiola adierazten bada.

Kasuan kasuko zerga ordaindu bada obrak egiteari uko egiten zaiola adierazi aurretik, hura itzultzea eskatzen ahalko da, baldin eta egiaztatzen bada aipatu obra ez dela egin. Horretarako Udalak ikuskaritza eginen du aldez aurretik eta dagokion tasa ordainduko da.

Hala ere, aurreko paragrafoan aipatutako kasuetan interesdunak Udalari ordaindu beharko dio lizentzia emateko egindako kanpo txostenen zenbatekoa, Udalari kostu bat sorrarazi badiote.

10. artikulua. Tasa hauek direla medio Telefónica de España, S.A.U. enpresari egokitu lekiokeen ordainketa dirutan egin beharreko urteko ordainaz ordezkatzen da, Nafarroako Foru Erkidegoan Espainiako Telefono Konpainia Nazionalak behar duen tributu araubidea ezarri zuen abenduaren 29ko 11/1987 Foru Legeak xedatutakoarekin bat.

Kudeatzeko arauak

11. artikulua. 1. Erantzukizunpeko adierazpenaren araubideari edo aurretiazko komunikazioari lotutako obrek, autolikidazio sistema bidez ordainduko dute zerga, eta edozein kasutan behin-behinekoa eta konturakoa izanen da.

Adierazpena edo komunikazioarekin batera nahitaez aurkeztu behako dira honakoak: Burlatako Udalak emango duen autolikidazio dokumentua behar bezala beteta eta dagokion zergaren ordainagiria. Betebehar hori ez betetzea tributu arloko arau-haustea da, Ordenantza fiskal orokorrean xedatzen denaren arabera zehatzen ahal dena.

Nahitaez aurkeztu beharreko erantzukizunpeko adierazpena edo kasuan kasuko aurretiazko komunikazioa aurkeztu gabe obrari ekin bazaio, dagokion autolikidazioa egin beharko da, eta edozein kasutan behin-behinekoa eta konturakoa izanen da.

2. Obra-lizentzia araubidean dauden obren, edo nahitaezko lizentziarik gabe abiatu edo egindako obren kasuan, Burlatako Udalak zergaren tasa likidatuko du, eta edozein kasutan behin-behinekoa eta konturakoa izanen da. Ordainketa, gehienez ere bi hilabeteko epean egin beharko da, une hauetatik kontatzen hasita:

a) Hasierako likidazioan, lizentzia jakinarazten den egunetik aurrera, edo hura oraindik eskatu, eman edo ukatu gabe egonda, eraikuntza, instalazioa edo obra hasia delarik; azken kasu horretan, egindako ordainketak ez dakar inolako presuntziorik ezta inolako eskubideen aldarrikapen egintzarik subjektu pasiboaren alde.

b) Proiektua aldatzeagatik likidazio osagarririk baldin bada, proiektu berria jakinarazten denetik aurrera, lizentziaren xede baldin bada.

3. Eraikuntza, instalazioa edo obra egiteko proiektua edo xedea aldatzen bada, eta horren aurrekontuak gora egiten badu, subjektu pasiboek zergaren likidazio edo, hala behar denean, autolikidazio osagarria aurkeztu beharko dute, hasierako aurrekontuaren eta aldaketaren ondoriozkoaren artean dagoen aldearen gainean, betiere ordenantza honetan ezarritako epe, betekizun eta ondorioei lotuta.

12. artikulua. 1. Behin eraikuntzak, instalazioak eta obrak bururatu eta egiazki egin direnak ikusita, gehienez ere hiru hilabeteko epean haien amaiera edo behin-behineko onarpenetik aitzina, tributudunak deklarazio bat aurkeztuko du inguruabar hori azalduz eta eraikuntzaren, instalazioaren edo obraren benetako eta egiazko kostua adieraziz, eta, deklarazioarekin batera, obraren zuzendari eskudunak haren gainean emandako egiaztagiria, betiere dagokion elkargo profesionalak ikus-onetsia, eta, halakorik behar izatera, kostu hori egiaztatzeko fakturak edo bestelako agiriak, 12.3. atalean aipatzen baitira. Tramitatu behar baldin bada jarduera baten abiatzea edo eraikin edo instalazioen lehen erabilera, dokumentazio hori behar den lizentziaren eskaerarekin batera aurkezten ahal da, edo dagokion erantzukizunpeko adierazpena edo aurretiazko komunikazioa aurkezten delarik.

2. Subjektu pasiboek bururatutako eraikuntzen, instalazioen edo obren benetako kostuaren gaineko aitorpena aurkezteko betebeharra dute, nahiz eta likidaziorik edo, hala behar denean, hasierako likidaziorik aurkeztu ez eta Administrazioak kontzeptu hori dela medio aurrez ordaintzeko ez errekeritu.

3. Behin benetako kostua ezagututa, eta egitekoa den administrazio-egiaztapena eginik, Udalak behin betiko likidazioa eginen du, subjektu pasiboak hasieran autolikidatutako kuotarekin dagoen diferentzia positibo edo negatiboaren gainean, halako eran non, behar izatera, subjektu pasiboari behar den kopurua galdatu edo itzuliko baitzaio.

4. Eraikuntzen, instalazioen edo obren bukaerako datatzat joko da Zuzenbidean onargarri den edozein frogabide erabilita xedatzen ahal dena, eta partikularki, haiek zer xede edo erabileratarako aurreikusi eta gerora inongo jarduketa material egin gabe horiek betetzeko prestaturik dauden uneari dagokiona.

5. Baldin eta eraikuntzak, instalazioak edo obrak gauzatu bitartean zergaren subjektu pasiboen aldaketa edo ordezkapena gertatzen bada, bukaerako likidazioa obrak noiz amaitu eta data horretan subjektu pasiboa denari eginen zaio.

13. artikulua. 1. Udal Administrazioak egiaztatuko du likidazioak eta autolikidazioak ordenantza honetako arauak zuzen aplikatuz egin direla eta, beraz, kalkulatutako oinarri eta kuoptak arau horien emaitza dela. Xede horrekin, Udal Administrazioak kasu guztietan egiaztatuko du jarritako oinarria dela interesdunek kasuan-kasuan aurkeztutako aurrekontuan, fakturetan edo kostu erreala justifikatzen duen ziurtagirietan agertzen den bera.

2. Udalaren Administrazioa likidazioekin edo autolikidazioekin ados ez badago, likidazioak eginen ditu, gaizki aplikatutako kontzeptuak edo datuak eta akats aritmetikoak zuzenduta, berandutzaren interesak kalkulatuko ditu eta behar diren zehapenak ezarriko ditu. Orobat, subjektu pasiboak deklaratzen ez dituen zergapeko egintzen likidazioa eginen du.

3. Udal Administrazioak errekerimendu egiten ahalko dio subjektu pasiboari, eraikuntza, instalazio eta obren kostu egiazkoa jaso dezan, hala nola behin betiko aurrekontua, obren ziurtagiria, exekuzio kontratuak, proiektuari dagokion kontabilitatea, obra berriaren deklarazioa edo bestelako edozein dokumentu. Eskatutako agiriak aurkeztu ezean, edo osatu gabe aurkezten badira, edo haietatik ezin bada atera benetako eta egiazko kostua, Udal Administrazioak zerga-oinarria zedarrituko du, Tributuei buruzko abenduaren 14ko 13/2000 Foru Lege Orokorrean ezarritako prozedurarekin bat.

4. Afera Ekonomikoetako eta Hirigintzako udal alorrek elkarri emanen diote lizentziarik gabe edo erantzukizunpeko adierazpenik edo aurretiazko komunikaziorik gabe gauzatutako eraikuntza, instalazio eta obren ondoriozko jardueren berri.

14. artikulua. Zergaren likidazioaren ondorioetarako, berdin jokatuko da administrazioaren isilbide positiboaz eman diren lizentziekin eta berariaz eman direnekin.

15. artikulua. Lizentziaren titularrak baimendutako obrak, eraikuntzak edo instalazioak egiteari uko egiten badio, idatziz aurkeztu berariazko ukoaz, Burlatako Udalak, hala behar denean, pagatutakoa itzuliko du.

Halaber, behin lizentzia iraungi ondoren, Burlatako Udalak egindako likidazioa deuseztuko du eta, hala behar denean, itzuliko, non ez duen titularrak lizentzia horren berritzea eskatzen eta Udalak baimentzen.

TARIFEN ERANSKINA

Karga-tasa

Ondoko tasa ezarri da: %5.

ORDENANTZA FISKALA, AGIRIAK LUZATU ETA TRAMITATZEKO TASAK ARAUTZEN DITUENA

5. ORDENANTZA

Oinarria

1. artikulua. Ordainarazpen hau ezarri da Nafarroako Toki Ogasunei buruzko martxoaren 10eko 2/1995 Legearen lehenbiziko tituluko IV. kapituluko 7. atalean xedatuaren arabera, eta lege beraren 12. artikuluan jasotzen den baimenari jarraituz.

Zerga-egitatea

2. artikulua. Alderdi batek eskaturik, udal administrazioak edo udal agintariek beren eskumeneko dokumentuak luzatzeagatik sortzen den udal jarduerak edo jarduerek eratzen dute zerga-egitatea.

1. Planoen kopiak.

2. Fotokopiak.

3. Euskarri digitaleko kopiak.

4. Artxiboetan dokumentazioa bilatzea.

5. Ziurtagiriak.

6. Agiriak konpultsatzea.

7. Ahalmenak askiestea.

8. Arma txartelak eta animalia arriskugarriak edukitzeko lizentziak.

9. Lanpostuak betetzeko deialdiak.

10. Kontsultei buruzko txosten teknikoak luzatzea.

11. Interesdunen ekimenaz hasitako espedienteen iragarkiak prentsan argitaratzea

12. Titulu eta lizentzien frogagiriak luzatzea.

Ordaindu beharra

3. artikulua. Ordaindu beharra sortzen da norberaren intereserako, udal administrazioak edo udal agintariek euren eskumenekoak diren edo izan behar duten edozein agiri egitea eskatze hutsarekin.

Subjektu pasiboa

4. artikulua. Udal administrazioak edo udal agintariek luzatzen dituzten edo beren eskumenekoak dituzten agiriak eskatu, sorrarazi edo haien onura jasotzen duten pertsona natural nahiz juridikoak dira subjektu pasiboak.

Zerga-oinarria

5. artikulua. Zerga-oinarria egiten den eskari bakoitza edo egindako jarduera bakoitza da.

Jarduketa urbanistikoen kasuan, zerga-oinarria lurzati edo lur-eremu bakoitzak zehazten du kasuan kasu.

Tasa

6. artikulua. Karga-tasa ordenantza honen eranskinean agertzen da.

Kuota

7. artikulua. Kuota izanen da zerga-oinarriari ordenantza honen eranskinean agertzen den karga-tasa aplikatzearen ondoriozkoa, edo bestela horretarako adierazten den zenbateko finkoa.

Kudeatzeko arauak

8. artikulua. a) Udaltzaingo zerbitzuak eginen du berak luzaturiko agiriei dagozkien tasen diru-bilketa eta Udaleko Diruzaintzari egiten dion kontu ematean sartuko dira.

b) Gainerako tasen diru-bilketa Udaleko Diruzaintzak eginen du.

TARIFEN ERANSKINA

1. epigrafea.–Planoen kopiak eta fotokopiak

1.1. Plan orokorraren planoak edo espediente publikoetan direnak:

–Udalaren bitartekoekin eginak: 1,75.

–Udalez kanpoko saltokietan eginak: Zerbitzuaren kostua, gehi %10.

1.2. Agirien fotokopia bakoitzagatik:

–DIN A4 tamainako fotokopiak:

• Zuri-beltzean: 0,10.
• Koloreetan: 0,30.

–DIN A3 tamainako fotokopiak:

• Zuri-beltzean: 0,15.
• Koloreetan: 0,50.

1.3. CDko fotokopia bakoitzagatik 3,00.

2. epigrafea.–25 urte baino zaharragoko agiria bilatzea udal artxiboetan.

–25 urte baino zaharragoko agiria bilatzeagatik udal artxiboetan, katastroko lurzati bakoitzeko edo, bestela, hirigintzako unitate bakoitzeko: 25,00.

3. epigrafea.–Ziurtagiriak eta konpultsak.

3.1. Ziurtagiri bakoitzagatik: 2,00.

–Ziurtagiriak luzatzeagatik 4 urte baino zaharragoko datuak behar dituztenak, oraingoa barne, erregistro eguneratuetan gehiago jasota ez badaude: 5,00.

–Artxiboko ziurtagiriak egiteagatik: 50,00.

–Ez dute tasa sorraraziko automatikoki luzatzen diren ziurtagiriek, biztanleen erroldaren eta katastroaren erregistro informatizatuen datuetan oinarritzen badira

3.2. Konpultsak tramitatzeagatik, agirien fotokopiak barne, bakoitzagatik:

(Tramitazioa baino lehen udal zerbitzuek jatorrizkoaren fotokopia eginen dute). 1,00.

–Salbuetsirik gelditu da Udalak eskatzen duen dokumentazio guztia langileak hautatzeko prozesuetan edo lehiaketa publikoetan.

4. epigrafea.–Arma txartelen eta animalia arriskugarriei dagozkienen tramitazioa.

–Arma txartelen lizentzia bakoitzagatik: 26,15.

–Animalia arriskugarriei dagokien dokumentazioa tramitatzeagatik: 45,90.

5. epigrafea.–Langileak hartzeko deialdien tramitazioa.

–Deialdi eskari bakoitzagatik, langabezian dauden izangaiak kenduta (enplegu eskatzailearen txartela aurkeztu beharko da, Nafarroako Enplegu Zerbitzuak eman eta eguneratua): 5,00.

6. epigrafea.–Txostenak eta kontsultak.

–Udaltzaingoak zirkulazio istripuen gainean txostenak tramitatu eta egiteagatik: 70,00.

–Hirigintzako jarduketetan, ondasunen tasazioen gaineko txostenak luzatzea, interesdunek eskatuta: 100,00.

Tasazio txostena kanpo teknikari batek egiten badu, horrek sorrarazitako kostua ordaindu beharko da, eta ez arestian adierazitako tasa.

–Hirigintzako kontsultei erantzuteagatik, txosten teknikoa luzatzen denean: 100,00.

(Kontsulta hirigintza edukien ingurukoa bada, tasa lurzati edo exekuzio-unitate bakoitzeko sortuko da, kasuaren arabera).

–Hirigintza zedula emateagatik (lurzati edo exekuzio-unitateko, kasuaren arabera): 100,00.

Kontsultari erantzuteko edo txostena egiteko, ikuskaritza aldez aurretik egin behar denean, osasun ikuskaritzari dagokion tasa ere likidatuko da.

Edonola ere, eskatutako edozein txosten luzatzeko –txosten hori konplexua delako, teknikoa eta espezifikoa delako edo beste edozein inguruabar tartean dagoelako– beste txosten bat edo kanpoko aholkulari teknikoen laguntza behar bada, horren kostua gehituko da.

7. epigrafea.–Interesdunen ekimenaz hasitako espedienteen iragarkiak prentsan argitaratzea

–Iragarkiaren kostua ordaindu beharko da.

8. epigrafea.–Udal zerbitzuak erabiltzeko txartela luzatzeagatik.

–Txartela luzatzeagatik: 5,50.

ORDENANTZA FISKALA, UDALTZAINGOAREN ZERBITZU BEREZIAK EMATEKO TASAK ARAUTZEN DITUENA

6. ORDENANTZA

Oinarria

1. artikulua. Ordainarazpen hau ezarri da Nafarroako Toki Ogasunei buruzko martxoaren 10eko 2/1995 Legearen lehenbiziko tituluko IV. kapituluko 7. atalean xedatuaren arabera, eta lege beraren 12. artikuluan jasotzen den baimenari jarraituz.

Zerga-egitatea

2. artikulua. Zerga-egitatea ondoko zerbitzu eta administrazio jarduerak egitea da:

a) Ibilgailu handiak hirian barna gidatu, zaindu eta laguntzeko zerbitzua. Horri dagokionez, Ibilgailuei buruzko Erregelamendu Orokorraren 14. artikuluan aipatzen duen baimen berezia behar duten garraioak hartzen dira garraio astuntzat, haien masak, tamainak edo zoladuran egiten duten presioa erregelamenduzkoak gainditzeagatik.

b) Hiriko trafikoa erregulatu eta kontrolatzeko jarduera bereziak, ibilgailuen zirkulazioa errazte aldera, jarduera horiek Udaltzaingoak trafikoa seinalatu eta antolatzeko egin ohi dituenak ez badira.

c) Partikularrek eragindako Udaltzaingoaren beste edozein zerbitzu berezi, aurreko ataletan aurreikusi gabea.

Subjektu pasiboa

3. artikulua. Tasa hau ordaintzeko betebehar solidarioa dute garraioa egiten duen ibilgailuaren jabe diren pertsona natural edo juridikoek, edo zerbitzu hori eman dadin eskatzen dutenek.

4. artikulua. Zaintza bereziko zerbitzuarengatik ordaindu beharreko tasak zerbitzua egiten emandako denbora eta erabilitako baliabideen arabera ezarriko dira, eta ordenantza honetako eranskinean agertzen diren tarifak aplikatuko dira.

Zerga-oinarria

5. artikulua. Zerga-oinarria egiten den eskari bakoitza edo egindako jarduera bakoitza da.

Tasa

6. artikulua. Karga-tasa ordenantza honen eranskinean agertzen da.

Kuota

7. artikulua. Kuota izanen da zerga-oinarriari ordenantza honetako eranskinean agertzen den karga-tasa aplikatzearen ondoriozkoa, edo bestela horretarako adierazten den zenbateko finkoa.

Sortzapena

8. artikulua. Zergak ordaintzeko betebeharra kasuan kasuko baimena eskatzen denean edo zerbitzu bereziari ekiten zaionean sortzen da, hori eskatu zein eskatu ez.

TARIFEN ERANSKINA

–Parte hartzen duen udaltzain bakoitzeko, ordu edo ordu zatiki bakoitzeko 28,00.

–Parte hartzen duen Udaltzaingoaren auto bakoitzeko, ordu edo ordu zatiki bakoitzeko 13,00.

–Parte hartzen duen Udaltzaingoaren motor bakoitzeko, ordu edo zati bakoitzeko 7,00.

ORDENANTZA FISKALA, HIRIGINTZA-LIZENTZIEN TRAMITAZIOA, OBREN ERANTZUKIZUNPEKO ADIERAZPENA, AURRETIAZKO JAKINARAZPENA, OBREN IKUSKARITZA-ESPEDIENTEAK ETA HIRIGINTZAKO BERTZELAKO JARDUKETAK EGITEKO TASAK ARAUTZEN DITUENA

7. ORDENANTZA

Oinarria

1. artikulua. Ordainarazpen hau ezarri da Nafarroako Toki Ogasunei buruzko martxoaren 10eko 2/1995 Legearen lehenbiziko tituluko IV. kapituluko 7. atalean xedatuaren arabera, eta lege beraren 12. artikuluan jasotzen den baimenari jarraituz.

Zerga-egitatea

2. artikulua. Honako hau da tasen zerga-egitatea:

Zerbitzu publiko bat egitea edo tokiko eskumeneko jarduera administratibo bat egitea zuzenbide publikoko araubidean, honako hauekin zerikusia dutenak: hirigintza-lizentzien tramitazioa, obren erantzukizunpeko adierazpena, aurretiazko jakinarazpena, obren ikuskaritza-espedienteak eta hirigintzako bestelako jarduketak; hori guztia, Nafarroako Toki Ogasunei buruzko 2/1995 Foru Legearen 100. artikuluan eta harekin bat heldu diren arauetan xedatutakoari jarraikiz.

3. artikulua. Egindako zerbitzu administratibo hauek jasango dute ordainarazpena aipatze aldera:

3.1. Hirigintza lizentzia eta erantzukizunpeko adierazpenak edo aurretiazko jakinarazpenak behar dituzten egintzen espedienteak tramitatzea, Lurraldearen Antolamenduari eta Hirigintzari buruzko Foru Legean zehaztuak:

Hori horrela, hirigintza lizentzia beharko dute:

a) Mota guztietako eraikuntza eta instalazio obrak, eraikuntza berrikoak badira.

b) Jadanik diren mota guztietako eraikin eta instalazioak handitzeko obrak.

c) Bestelako eraikin eta instalazioen egitura edo kanpoko itxura aldatu edo berritzen dituzten obrak.

d) Eraikinen barneko egitura aldatzen duten obrak, edozein izanik ere duten erabilera.

e) Behin-behinekoz egin behar diren obrak eta erabilerak.

f) Hirigintzako lurzatiketak eta landa-lurreko finkak banandu eta zatitzea.

g) Lur-mugimenduak, hala nola zelaitu, lurrerauzi, hondeatu eta betetzeko lanak, salbu eta lan horiek zehaztu eta programatutako obrak badira onetsita den urbanizazio edo eraikuntza proiektu baten barrenean.

h) Eraikin eta instalazioen lehenbiziko erabilera edo okupazioa eta haien erabileraren aldaketa.

i) Eraikinak botatzea, salbu eta berehalako aurri-egoera deklaratzen denean.

j) Zorupeari eragiten dioten instalazioak.

k) Arbolak eta zuhaixkak botatzea, baldin eta zuhaitz-masa, basogune, arboladi edo parke badira, planeamendu onetsia izan ala ez, salbu eta nekazaritzaren arloko legeek baimentzen dituzten lanak direnean.

l) Presa, baltsa eta defentsa-obrak egin eta ubide publikoak zuzentzea, interes orokorreko obra publikoak ez badira.

m) Agregakinak ateratzea eta harrobiak ustiatzea, jabari publikoko lurretan egin eta administrazioaren kontzesioa behar izanda ere.

n) Eta, oro har, erregelamendu bidez adierazten diren egintzak, obrak ekartzen dituztelako, edo lurzoruaren nahiz zorupearen erabilera handitzen delako, haien erabilera pribatiboa dakartelako edo erabilera ez-normala edo lurren berezko nekazaritza edo oihangintzako erabileraz bertzelakoa dakartelako.

Eta erantzukizunpeko adierazpena edo aurretiazko komunikazioa beharko dute:

a) Merkataritza jarduera egiteko lokalak egokitzeko obrak, aplikatu beharreko araudi sektorialarekin bat.

b) Garrantzi edo tamaina txikiko obrak, kasuan kasuko udal ordenantzetan zehazten direnak.

c) Itxiturak eta hesiak.

d) Eremu publikotik ikusten ahal diren publizitate kartelak.

e) Obra txikiak.

f) Eraiki aurreko lanak, adibidez, zundaketak, prospekzioak, laginak eta saiakuntzak

3.2. Indarreko legeak hala eskatuta, hirigintza lizentzia edota erantzukizunpeko adierazpena beharrezko duten obretan, obra osteko egiaztapen kontrol espedienteak tramitatzea.

3.3. Lurzoru, hegalkin edo zorupearen besterentze eta desafektatze espedienteak tramitatzea, interes partikularra dela eta.

3.4. Partikularrek eskaturiko hirigintza instrumentuen tramitazioa, jabego eta erabilera pribaturako direnean eta udalerriaren onurarako egiten ez badira:

a) Plan bereziak.

b) Xehetasun azterlanak.

c) Arestian adierazitako instrumentuen aldaketak, Udal Plan Orokorrekoak eta plan partzialetakoak.

Salbuespenak

4. artikulua. Honako hauek ez dute tasarik ordaindu beharko:

a) Nafarroako Foru Komunitateko Administrazioa eta bere helburuak betetzeko sortzen dituen entitate juridikoak.

b) Udalerrien mankomunitateak, batasunak eta administrazio-barrutiak, betiere Burlatako Udala kide bada, bai eta helburuak betetzeko sortzen dituzten entitate juridikoak ere.

Subjektu pasiboa

5. artikulua. Ordenantza honetan ezarritako tasen subjektu pasiboak dira pertsona fisiko eta juridikoak eta nortasun juridikorik izan ez, baina unitate ekonomiko edo ondare berezia diren entitateak, baldin egindako hirigintzako jarduketengatik edo emandako lizentziengandik eragina edo onura hartzen badute.

Eraikitzaileak eta obra kontratistak zergadunaren ordezkoak izanen dira, lurzoruari eta hiri antolamenduari buruzko araudian aurreikusitako hirigintzako lizentziak emateko ezarri diren tasetan.

Zerga-oinarria

6. artikulua. Kargaren zerga-oinarria kalkulatzeko, tarifen eranskinean ezartzen denaren arabera, honako hauek hartuko dira kontuan:

a) Eraikuntza, instalazio edo obraren kostu erreal eta egiazkoa, halakotzat harturik 1. ordenantza fiskalaren 6. artikuluan zehazten duen bezala, eraikuntza, instalazio edo obren gaineko zerga arautzen baitu.

b) Zenbateko finko bat.

Tasa

7. artikulua. Karga-tasa ordenantza honen eranskinean agertzen da.

Kuota

8. artikulua. Kuota izanen da zerga-oinarriari ordenantza honetako eranskinean agertzen den karga-tasa aplikatzearen ondoriozkoa, edo bertzenaz horretarako adierazten den zenbateko finkoa.

Sortzapena

9. artikulua. Tasa eta, beraz, ordaindu beharra sortzen da zerga-egitatea eratzen duen udal zerbitzua edo jarduera egiten hasten denean, Toki Ogasunei buruzko Foru Legearen 107. artikuluari jarraikiz.

Ondorio horietarako, zerbitzu edo jarduera hori abiatu dela ulertuko da hauetakoren bat aurkezten den egunean: hirigintza lizentziaren eskaera, erantzukizunpeko adierazpena edo dagokion tramitazioaren eskaera. Betiere, ordenantza fiskal honen xede denean. Obra osteko egiaztapen kontrolaren kasuan, tasa sortuko da behin ikuskaritza espedientea abiatu denean.

Obra edo bestelako jarduketak abiatu edo exekutatu direnean obretarako lizentzia eskaera edo erantzukizunpeko adierazpena aurkeztu gabe, tasa sortuko da benetan abiatu denean delako obra edo jarduketa hori baimena jasotzeko modukoa den edo ez, edo ordenamendu juridikoaren araberakoa den, zehazteko zerbitzua edo administrazio jarduera.

Behin lizentzia eskatuta, edo erantzukizunpeko adierazpena aurkeztuta, edo dagokion tramitazioa eskatuta, eskatzaileak hari uko edo atzera egiteagatik, tasa %50 murriztuko da. Adierazi itzulketa egin dadin eskatu beharko du pertsona interesdunak. Obren kasuan, adierazi murrizketa aplika dadin, ezinbesteko baldintza izanen da obra hasi gabe egotea.

Udalak lizentzia edo baimena ukatzen badu, edo erantzukizunpeko adierazpenaren eraginkortasunik eza adierazten badu, edo dagokion hirigintza instrumentua onesten ez badu, tasa %50 murriztuko da. Adierazi itzulketa egin dadin eskatu beharko du pertsona interesdunak.

Kudeatzeko arauak

10. artikulua. 1. Erantzukizunpeko adierazpenaren araubideari edo aurretiazko komunikazioari lotutako obrek, autolikidazio sistema bidez ordainduko dute zerga.

Adierazpena edo komunikazioarekin batera nahitaez aurkeztu behako dira honakoak: Burlatako Udalak emango duen autolikidazio dokumentua behar bezala beteta eta dagokion zergaren ordainagiria. Betebehar hori ez betetzea tributu arloko arau-haustea da, Ordenantza fiskal orokorrean xedatzen denaren arabera zehatzen ahal dena.

Obrari ekin bazaio edo obra gauzatu bada, nahitaez aurkeztu beharreko erantzukizunpeko adierazpena edo kasuan kasuko aurretiazko komunikazioa aurkeztu gabe, dagokion autolikidazioa egin beharko da.

2. Obra-lizentzia araubidean dauden obren kasuan, nahitaezko obra-lizentzia eman zaien obren kasuan, edo nahitaezko lizentziarik gabe abiatu edo egindako obren kasuan, tasaren kuota ordaindu beharko da, gehienez ere bi hilabeteko epean egin beharko da, une hauetatik kontatzen hasita:

a) Lizentzia jakinarazten den egunetik, edo hura oraindik eskatu, eman edo ukatu gabe egonda, delako obra edo jarduketa hori baimena jasotzeko modukoa den edo ez, edo ordenamendu juridikoaren araberakoa den zehazteko zerbitzua edo administrazio jarduera benetan abiatu denean; azken kasu horretan, egindako ordainketak ez dakar inolako presuntziorik ezta inolako eskubideen aldarrikapen egintzarik subjektu pasiboaren alde.

b) Proiektua aldatzeagatik likidazio osagarririk baldin bada, proiektu berria jakinarazten denetik aitzina, lizentziaren xede baldin bada.

3. Eraikuntza, instalazioa edo obra egiteko proiektua edo xedea aldatzen bada, eta horren aurrekontuak gora egiten badu, subjektu pasiboek tasaren likidazio edo, hala behar denean, autolikidazio osagarria aurkeztu beharko dute, hasierako aurrekontuaren eta aldaketaren ondoriozkoaren artean dagoen aldearen gainean, betiere ordenantza honetan ezarritako epe, betekizun eta ondorioei lotuta.

4. Gainerako kasuetan, tasaren kuota gehienez ere bi hilabeteko epean ordaindu beharko da, likidazioaren jakinarazpena egiten denetik aurrera.

11 artikulua. 1. Udal Administrazioak egiaztatuko du likidazioak eta autolikidazioak ordenantza honetako arauak zuzen aplikatuz egin direla eta, beraz, kalkulatutako oinarri eta kuotak arau horien emaitza dela.

2. Udalaren Administrazioa likidazioekin edo, hala behar badu, autolikidazioekin ados ez badago, likidazioak eginen ditu, gaizki aplikatutako kontzeptuak edo datuak eta akats aritmetikoak zuzenduta, berandutzaren interesak kalkulatuko ditu eta behar diren zehapenak ezarriko ditu. Orobat, subjektu pasiboak deklaratzen ez dituen zergapeko egintzen likidazioa eginen du.

Arau-hauste eta zehapenak

12. artikulua. Arau-hausteei eta zehapenei dagokien orotan, ordenantza fiskal orokorrean xedatutakoari jarraituko zaio.

TARIFEN ERANSKINA

1. Epigrafea.–Hirigintza lizentzien, erantzukizunpeko adierazpenen eta aurretiazko komunikazioen tramitazioa.

1.1. Eraikitze, handitze, eraberritze eta eraiste obrak egiteko, lurrak mugitzeko, arbolak mozteko eta horma irudiak paratzeko lizentziak, eta lizentziapean egin beharreko gainerako egintzak, aitzineko ataletan jaso ez badira:

1.1.1. Oro har, obretako hirigintza lizentzia guztien tasa kalkulatuko da, ez bada besterik adierazten, 6.a) artikuluan xedatuaren arabera zehaztutako zerga-oinarriari aplikatuz ondoko karga-tasa: %1,00.

1.1.2. Aldez aurretik oinarrizko proiektuarekin lizentzia eskuratu zuten eta indarreko legearen arabera exekuzio proiektua aurkeztea beharrezko duten obretako hirigintza lizentzien kasuan, tasa honela kalkulatuko da:

1.1.2.1. Ordenantza honetako 6.a) artikuluan xedatuaren arabera zehaztutako exekuzio proiektuaren zerga-oinarriaren eta oinarrizko proiektuaren bidez emandako lizentziaren EIOZaren zerga-oinarriaren arteko aldeari, ondoko karga-tasa hau aplikatuko zaio: %1,00.

1.1.2.2. Bi proiektuen azterketa konparatiboagatik, ordenantza honetako 6.a) artikuluan xedatuaren arabera zehaztutako exekuzio proiektuaren zerga-oinarriari, ondoko karga tasa: ‰1,00.

1.1.3. Emandako obra-lizentzien aldaketen kasuan, tasa kalkulatuko da emandako obraren eta aldaketa obraren zerga-oinarriari, betiere 6.a) artikuluan xedatuaren arabera zehaztua, honako karga-tasa hau aplikatuz: ‰1,00.

Edozein kasutan, gutxienekoa hau da: 100,00.

1.2. Obren erantzukizunpeko adierazpenaren tramitazioa.

1.2.1. Zerga-oinarria 2.500,00 euro (hau barne) bitartekoa bada, betiere 6.a) artikuluan xedatuaren arabera zehaztua, obren erantzukizunpeko adierazpen bakoitzeko: 25,00.

1.2.2. Zerga-oinarria 2.501,00 eta 5.000,00 euro (hau barne) bitartekoa bada, betiere 6.a) artikuluan xedatuaren arabera zehaztua, obren erantzukizunpeko adierazpen bakoitzeko: 50,00.

1.2.3. Zerga-oinarria 5.001,00 eta 7.500,00 euro (hau barne) bitartekoa bada, betiere 6.a) artikuluan xedatuaren arabera zehaztua, obren erantzukizunpeko adierazpen bakoitzeko: 75,00.

1.2.4. Zerga-oinarria 7.501,00 eta 10.000,00 euro (hau barne) bitartekoa bada, betiere 6.a) artikuluan xedatuaren arabera zehaztua, obren erantzukizunpeko adierazpen bakoitzeko: 100,00.

1.2.5. Zerga-oinarria 10.001,00 eurotik gorakoa bada, betiere 6.a) artikuluan xedatuaren arabera zehaztua, obren erantzukizunpeko adierazpen bakoitzeko karga-tasa hau: %1.

1.3. Finken lurzatitze, banantze, eranste edo bereizte lizentzien tramitazioa:

Lizentzia bakoitza tramitatu eta ebazteko tasak azaleraren arabera likidatuko dira (euro/m²).

1.3.1. Landa lurzoruan edo zoru urbanizaezinean: 0,15.

1.3.2. Hiri lurzoruan: 2,00.

Gutxienekoa izanik: 100,00.

Banantzearen beharrik ez dagoela deklaratzea: 100,00.

1.4. Lehen erabilerarako edo okupaziorako lizentzien tramitazioa:

1.4.1. Lehen erabilerako lizentziak tramitatu eta ebazteagatik, garaieradun etxebizitzen nahiz binakako, atxiki edo gisako etxebizitzen sustapenei dagozkienak, etxebizitza bakoitzagatik: 50,00.

1.4.2. Familia bakarreko etxebizitza bakartu bat lehen aldiz erabiltzeko lizentzia bakoitza tramitatu eta ebazteagatik: 50,00.

1.4.3. Dauden etxebizitzen lehen erabilerarako lizentzia bakoitzeko ebazpen eta tramitazioagatik, bizigarritasun-baldintzetan aldaketa eragin duen obra egin bada eta ondorioz lehen erabilerarako lizentzia berri bat beharrezkoa denean: 50,00.

1.5. Bestelako hirigintza lizentzia eta baimenen tramitazioa:

1.5.1. Eraikinen erabilera partez edo osoki aldatzen duen baimen bakoitzaren ebazpen eta/edo tramitazioagatik: 100,00.

1.5.2. Eraikinen dentsitatea partez edo osoki aldatzen duen baimen bakoitzaren ebazpen eta/edo tramitazioagatik: 100,00.

1.5.3. Dorre-garabien instalazio eta funtzionamendu lizentzia bakoitzaren ebazpen eta/edo tramitazioagatik: 120,00.

1.5.4. Ikuskizun publikoak eta josteta jarduerak egiteko, aire zabalean zein esparru itxietan izan, ohiz-kanpoko baimen-espediente bakoitzaren ebazpen eta/edo tramitazioagatik: 120,00.

1.5.5. Ondasunen tasazio-espediente bakoitzaren ebazpen eta/edo tramitazioagatik: 50,00.

Tasazio-txostena kanpoko teknikari batek egiten badu, horrek sorrarazitako kostua ordaindu beharko da.

1.5.6. Oztopo arkitektonikoak kentzeagatiko desjabetze-espediente bakoitzaren ebazpen eta/edo tramitazioagatik: 100,00.

Zenbateko honi kudeaketaren eta tasazioaren kanpoko kostuak gehitu behar zaizkio.

1.5.7. Lurzoru, hegalkin edo zorupearen besterentze eta desafektatze espedienteak tramitatzea eta/edo ebaztea, interes partikularra dela eta: 100,00.

Zenbateko honi kudeaketaren eta tasazioaren kanpoko kostuak gehitu behar zaizkio.

1.5.8. Berezko tarifarik ez duten gainerako lizentzia edo baimenen ebazpen eta/edo tramitazioagatik: 100,00.

1.5.9. Lizentzia luzatzeko espediente edo analogoa den administrazio jarduketa bakoitzaren ebazpen eta/edo tramitazioagatik: 25,00.

1.6. Obra-lizentzien titulartasuna aldatzeko aurretiazko komunikazioa edo erantzukizunpeko adierazpena.

Ez du tasarik sortuko obra-lizentzien titulartasuna aldatzeko aurretiazko komunikazioa edo erantzukizunpeko adierazpenak.

2. Epigrafea.–Obra osteko egiaztapena eta kontrola.

Obra-lizentzien edo erantzukizunpeko adierazpenen araubideari lotzen zaion obra osteko kontrola tramitatzeagatik (1.1 eta 1.2 ataletan ezarritakoaren kaltetan izan gabe): 100,00.

3. Epigrafea.–Hirigintzako beste jarduketa batzuk.

3.1. Partikularrek eskaturiko hirigintza tresnen tramitazioa, jabego eta erabilera pribaturako direnean eta udalerriaren onurarako egiten ez badira:

3.1.1. Xehetasun azterlan bakoitzaren eta haien aldaketen tramitazioagatik: 200,00.

3.1.2. Lurraldearen Antolamenduari buruzko Foru Legeko 61.1 artikuluko plan berezi bakoitzaren eta haien aldaketen tramitazioagatik: 400,00.

3.1.2.1. Lurraldearen Antolamenduari buruzko Foru Legeko 61.1 artikuluko plan bereziaren kasuan, irisgarritasuna hobetzeari buruzkoa: 200,00.

3.1.3. Lurraldearen Antolamenduari buruzko Foru Legeko 61.2 artikuluko plan berezi bakoitzaren eta haien aldaketen tramitazioagatik: 1.000,00.

3.1.4. Lurraldearen Antolamenduari buruzko Foru Legeko 61. bis artikuluko plan berezi bakoitzaren eta haien aldaketen tramitazioagatik: 3.000,00.

3.1.5. Plan berezien edo udal planeko aldaketen tramitazioagatik: 3.000,00.

3.2. Beste jarduketa batzuen tramitazioagatik:

3.2.1. Interes edo onura publikoaren deklarazioagatik: 150,00.

3.2.2. Berariazko kuotarik ez duten eta planetan, arauetan edo ordenantzetan aurreikusita dauden bestelako jarduketengatik: 100,00.

ORDENANTZA FISKALA, OROTARIKO JARDUERAK, HAIEN ABIARAZTEA, TITULARTASUN ALDAKETA, AMAITZEAK ETA IKUSKARITZAK TRAMITATZEKO TASAK ARAUTZEN DITUENA

8. ORDENANTZA

Oinarria

1. artikulua. Ordainarazpen hau ezarri da Nafarroako Toki Ogasunei buruzko martxoaren 10eko 2/1995 Legearen lehenbiziko tituluko IV. kapituluko 7. atalean xedatuaren arabera, eta lege beraren 12. artikuluan jasotzen den baimenari jarraituz.

Zerga-egitatea

2. artikulua. Zerga-egitatea zerbitzu tekniko eta administratibo hauek eskaintzeagatik ezartzen da:

a) Jarduera sailkatuaren udal lizentzia behar duten instalazio eta jardueren edo jarduera sailkatuen erantzukizunpeko adierazpenen: ezarpenagatik, birdefinizioagatik, ustiapenagatik, lekualdaketagatik, aldaketa funtsezko edo ez-funtsezkoengatik, indarreko ingurumen araudiaren arabera.

b) Jarduera sailkatuak edo sailkatu gabekoak abiarazteko erantzukizunpeko adierazpenak.

c) Titulartasun aldaketa edo kargu-uzteen aurretiazko komunikazioak, kasuan kasu.

d) Jarduera guztien ikuskaritza edo osteko kontrolen espedienteen tramitazioa.

Subjektu pasiboa

3. artikulua. Ordenantza honetan ezarritako tasak ordaindu behar dituzte pertsona fisiko eta juridikoek, baita, nortasun juridikorik ez izan arren, batasun ekonomikoa edo aparteko ondarea osatzen duten entitateek ere, baldin haien izenean lizentzia eman, aldatu edo berraztertzen edo eskualdatzen bada, edo haien izenean aurkezten bada aurretiazko komunikazioa edo erantzukizunpeko adierazpena.

Zerga-oinarria

4. artikulua. Kargaren zerga-oinarria kalkulatzeko, tarifen eranskinean ezartzen denaren arabera, honako hauek hartuko dira kontuan:

a) Azalera, ulertuz hori dela eraikuntzen edo lokalen kasuan, jarduerak okupatuko duen azalera eraiki osoa, hartan aritzeko behar diren lokal erantsi guztiak barne.

b) Zenbateko finko bat.

Tasa

5. artikulua. Karga-tasa ordenantza honen eranskinean agertzen da.

Kuota

6. artikulua. Kuota izanen da zerga-oinarriari ordenantza honetako eranskinean agertzen den karga-tasa aplikatzearen ondoriozkoa, edo bestela horretarako adierazten den zenbateko finkoa.

Sortzapena

7. artikulua. Tasa eta, beraz, ordaindu beharra sortzen da, zergapeko egintza osatzen duen udal zerbitzua edo jarduera egiten hasten denean, Toki Ogasunei buruzko Foru Legearen 107. artikuluari jarraikiz.

Ondorio hauetarako, jarduera sailkatuen kasuan, jarduera edo zerbitzua abiatu dela ulertuko da, lizentzia eskaera edo jarduera sailkatuko erantzukizunpeko adierazpena aurkeztu den egunetik hasita.

Jarduerak abiaraztearen kasuan, sailkatu izan zein ez, adierazi jarduera edo zerbitzua abiatu dela ulertuko da, abiaraztearen erantzukizunpeko adierazpena aurkeztu den egunetik hasita.

Jardueren ikuskaritzen kasuan, zerbitzua edo dagokion ikuskaritza egingo duen administrazio jarduera benetan abiatu denean.

Jarduera abiatu denean dagokion lizentzia eskaera edo erantzukizunpeko adierazpena aurkeztu gabe, tasa sortuko da delako jarduera edo jarduketa hori baimena jasotzeko modukoa den edo ez, edo ordenamendu juridikoaren araberakoa den zehazteko zerbitzua edo administrazio jarduera benetan abiatu denean.

Dagokion lizentzia eskaera behin eskatuta edo erantzukizunpeko adierazpena aurkeztuta eskatzaileak uko edo atzera eginez gero, tasa %50 murriztuko da, baldin eta jarduera abiatu ez bada. Adierazi itzulketa egin dadin eskatu beharko du interesdunak.

Udalak lizentzia ukatzen badu, edo dagokion erantzukizunpeko adierazpenaren eraginkortasunik eza adierazten badu, tasa %50 murriztuko da. Adierazi itzulketa egin dadin eskatu beharko du interesdunak.

Kudeatzeko arauak

8. artikulua. 1. Tasaren likidazioa onetsita dela, interesdunak dagokion zenbatekoa ordaindu beharko du gehienez ere bi hilabetean, jakinarazpena jasotzen duenetik aitzina; bestela, inolako gaztigurik gabe, premiamendu bidez kobratuko da.

2. Erantzukizunpeko adierazpenaren araubideari edo aurretiazko komunikazioari lotutako jarduera sailkatuek eta edozein jarduera moten abiarazteek autolikidazio sistema bidez ordainduko dute zerga.

Adierazpenarekin batera nahitaez aurkeztu beharko dira honako hauek: Burlatako Udalak emanen duen autolikidazio dokumentua behar bezala beteta eta dagokion tasaren ordainketa egin izanaren egiaztagiria. Betebehar hori ez betetzea tributu arloko arau-haustea da, Ordenantza fiskal orokorrean xedatzen denaren arabera zehatzen ahal dena.

Jarduerari ekin bazaio edo jarduera gauzatu bada nahitaez aurkeztu beharreko erantzukizunpeko adierazpena edo kasuan kasuko aurretiazko komunikazioa aurkeztu gabe, dagokion autolikidazioa egin beharko da.

Betebehar hori ez betetzea tributu arloko arau-haustea da, Ordenantza fiskal orokorrean xedatzen denaren arabera zehatzen ahal dena.

9 artikulua. 1. Udal Administrazioak egiaztatuko du likidazioak eta autolikidazioak ordenantza honetako arauak zuzen aplikatuz egin direla eta, beraz, kalkulatutako oinarri eta kuotak arau horien emaitza dela.

Udalaren Administrazioa likidazioekin edo, hala behar badu, autolikidazioekin ados ez badago, likidazioak eginen ditu, gaizki aplikatutako kontzeptuak edo datuak eta akats aritmetikoak zuzenduta, berandutzaren interesak kalkulatuko ditu eta behar diren zehapenak ezarriko ditu. Orobat, subjektu pasiboak deklaratzen ez dituen zergapeko egintzen likidazioa eginen du.

Arau-hausteak

10. artikulua. Arau-hausteei eta zehapenei dagokien orotan, ordenantza fiskal orokorrean xedatutakoari jarraituko zaio.

TARIFEN ERANSKINA

1. Epigrafea.–Jarduera sailkatuei dagokien ororen tramitazioa.

1.1. Jarduera sailkatua ezarri, aldatu eta berrikusteko lizentziak tramitatzea.

1.1.1. Jarduera sailkatuaren lizentzia bakoitza tramitatu eta ebazteko tasa: 1.400,00.

1.1.2. Jarduera sailkatuaren lizentziaren funtsezko aldaketa, jarduera sailkatuaren lizentzia berritzea dakarrena: jarduera lizentziaren berritze bakoitza tramitatzeko eta ebazteko tasa: 1.400,00.

1.1.3. Jarduera sailkatuaren lizentziaren funtsezko aldaketa, jarduera sailkatuaren lizentzia berritzea ez dakarrena: jarduera lizentziaren aldaketa partzial bakoitza tramitatzeko eta ebazteko tasa: 700,00.

1.1.4. Jarduera sailkatuaren lizentziaren aldaketa ez funtsezkoa: udal txostena tramitatzeko eta luzatzeko tasa: 100,00.

Txostenik luzatzen ez denetan, ez da tasarik sorraraziko.

Erregistro ofizialetan inskribaturiko irabazi asmorik gabeko entitateek, beherapena izanen dute behar den tasaren gainean honako portzentajean: %50

1.2. Jarduera sailkatua ezarri, aldatu eta berrikusteko erantzukizunpeko adierazpena tramitatzea:

1.2.1. Jarduera sailkatuei buruzko erantzukizunpeko adierazpen bakoitzaren tramitazioaren tasa: 700,00.

1.2.2. Jarduera sailkatuaren erantzukizunpeko adierazpenaren funtsezko aldaketa, jarduera sailkatuaren erantzukizunpeko adierazpenaren berrikuspena dakarrena: jarduera sailkatuaren erantzukizunpeko adierazpenaren berrikuspen bakoitza tramitatzeko eta ebazteko tasa: 700,00.

1.2.3. Jarduera sailkatuaren erantzukizunpeko adierazpenaren funtsezko aldaketa, jarduera sailkatuaren erantzukizunpeko adierazpenaren berrikuspena ez dakarrena: jarduera sailkatuaren erantzukizunpeko adierazpenaren aldaketa partzial bakoitza tramitatzeko tasa: 350,00.

1.2.4. Jarduera sailkatuaren aldaketa ez-funtsezkoa: udal txostena tramitatzeko eta emateko tasa: 55,00.

Txostenik ematen ez denetan, ez da tasarik sorraraziko.

Erregistro ofizialetan inskribaturiko irabazi-asmorik gabeko entitateek, beherapena izanen dute behar den tasaren gainean honako portzentaje honetan: %50.

1.3. Jarduera sailkatua abiarazteko erantzukizunpeko adierazpenaren tramitazioa:

1.3.1. Jarduera sailkatua abiarazteko erantzukizunpeko adierazpen bakoitzaren tramitazioagatik: 250,00.

Tasaren barnean dago egiaztagiria.

1.3.2. Jarduera sailkatua abiarazteko erantzukizunpeko adierazpen edo irekiera lizentzia bakoitzaren tramitazioagatik, jardueran aldaketa funtsezkoa eman delako.

1.3.2.1. Jarduera sailkatuaren lizentziaren edo erantzukizunpeko adierazpenaren berrikuspena egon denean: 250,00.

Tasaren barnean dago egiaztagiria.

1.3.2.2. Jarduera sailkatuaren lizentziaren edo erantzukizunpeko adierazpenaren aldaketa partziala izan denean: 150,00.

Tasaren barnean dago egiaztagiria.

1.3.3. Jarduera sailkatua abiarazteko erantzukizunpeko adierazpen edo irekiera lizentzia aldaketa bakoitzaren tramitazioagatik, jardueran aldaketa ez-funtsezkoa eman delako.

1.3.3.1. Obra handiak egin behar izatea eta horren ondoriozko egiaztapenerako dokumentazioa: 200,00.

Tasaren barnean dago egiaztagiria.

1.3.3.2. Obra handiak egiteko beharrik ez izatea: 100,00.

Tasaren barnean dago egiaztagiria.

1.3.4. Gehienez ere urtebetez lokal bat aldi baterako irekitzeko erantzukizunpeko adierazpen edo lizentzia bakoitza tramitatu eta ebazteagatik, beste lokal batean egiten diren jarduerak lekualdatzeko: 100,00.

Erregistro ofizialetan inskribaturiko irabazi-asmorik gabeko entitateek, beherapena izanen dute behar den tasaren gainean honako portzentaje honetan: %50

1.4. Jarduera sailkatuaren lizentziaren edo erantzukizunpeko adierazpenaren, eta jarduera sailkatuaren irekiera lizentziaren edo abiaraztearen erantzukizunpeko adierazpenaren titulartasun aldaketa aldez aurretik komunikatzea:

Jarduera sailkatuaren lizentziaren edo erantzukizunpeko adierazpenaren titulartasun aldaketak ez du tasarik sortuko, ezta jarduera sailkatuaren irekiera lizentziaren edo abiaraztearen erantzukizunpeko adierazpenaren titulartasun aldaketak ere.

1.5. Jarduera sailkatua abiarazteko egiaztapen dokumentuen tramitazioa: 10,00.

Egiaztagiria egiteagatik, jarduera sailkatua abiarazteko erantzukizunpeko adierazpenen espedienteak tramitatzeko dagokion tasaren barruan horren kostua ez dagoenean, bai eta titulartasun aldaketa aurretiaz komunikatzeagatik ere.

2. Epigrafea.–Jarduera sailkatuei dagokien ororen tramitazioa.

2.1. Jarduera sailkatu gabea abiarazteko erantzukizunpeko adierazpena:

2.1.1. Jarduera sailkatu gabea abiarazteko erantzukizunpeko adierazpenen espedienteen tramitazioagatik: 150,00.

Tasaren barnean dago egiaztagiria.

2.1.2. Jarduera sailkatu gabea abiarazteko espedienteen tramitazioagatik, obrak egin ostean berriz ere irekiko delako: 75,00.

2.1.3. Gehienez ere urtebetez jarduera sailkatu gabea, aldi baterako irekitzeko erantzukizunpeko adierazpenaren espedientea tramitatzeagatik, beste lokal batean egiten diren jarduerak lekualdatzeko: 75,00.

Tasa lokalak irekita irauten duen proportzioan likidatuko da. Behin-behineko likidazioa izanen dulizentzia edo jarduera sailkatu gabea abiarazteko erantzukizunpeko adierazpena ematerakoan aurreikusi zen denboraren arabera, eta behin betikoa izanen da benetan irekitzen denean.

2.1.4. Aisialdirako biltokia martxan jartzeko erantzukizunpeko adierazpenaren espedientea tramitzeagatik (iraunkorki edo aldi baterako): 25,00.

Tasaren barnean dago egiaztagiria.

2.1.4.1. Aisialdirako aldi baterako biltokia erabiltzeko lizentzia berritze bakoitza tramitatu eta ebazteagatik: 10,00.

Tasaren barnean dago egiaztagiria.

Erregistro ofizialetan inskribaturiko irabazi-asmorik gabeko entitateak: tasaren gainean honako murrizketa hau aplikatuko da: %50.

2.2. Irekitzeko lizentziaren titulartasuna aldatzeko aurretiazko komunikazioa edo jarduera sailkatu gabea abiarazteko erantzukizunpeko adierazpena:

Ez du tasarik sortuko irekitzeko lizentziaren titulartasuna aldatzeko aurretiazko komunikazioak edo jarduera sailkatu gabea abiarazteko erantzukizunpeko adierazpenak.

2.3. Jarduera sailkatua abiarazteko egiaztagiriren tramitazioa:

Egiaztagiria egiteagatik, jarduera sailkatu gabea abiarazteko erantzukizunpeko adierazpenen espedienteak tramitatzeko dagokion tasaren barruan horren kostua ez dagoenean, bai eta titulartasuna aldatzeko aldez aurreko komunikazioengatik: 10,00.

3. Epigrafea.–Jarduera guztiak abiarazteko ikuskaritza fasearen tramitazioagatik.

3.1. Edozein jarduera abiarazteko ikuskaritza fasearen tramitazioagatik (1.3 eta 2.1 Epigrafeetan aurreikusitakoaren kaltetan izan gabe), espedienteak xede duen lokalean eraikitako azaleraren metro karratuko: 5,00.

3.2. Edozein jarduera garatzen ari deneko ikuskaritza fasearen tramitazioagatik (1.3 eta 2.1 Epigrafeetan aurreikusitakoaren kaltetan izan gabe), espedientearen xede den lokalean eraikitako azaleraren metro karratuko: 2,50.

Erregistro ofizialetan inskribaturiko irabazi-asmorik gabeko entitateek, beherapena izanen dute behar den tasaren gainean honako portzentaje honetan: %50.

Atal hauetako zerga-egitateek, likidatu beharreko 6.000,00 euroko gehieneko muga izanen dute zergapeko egintzengatik, eta gutxieneko muga 100,00 eurokoa.

4. epigrafea.–Ostatuaren edo kafetegiaren lizentziari definizio berria ematea ostatu berezia edo ikuskizunetarako kafetegia izateko.

Lizentziaren definizio berri bakoitzagatik, jarduera izenaren eta funtzionamenduaren araubidearen aldetik ostatu berezi edo ikuskizunetarako kafetegi bilakatu ahal izateko: 250,00.

ORDENANTZA FISKALA, UDAL ORDENANTZA ETA ERABAKIETAN ETA BERTZELAKO ARAUETAN AURREIKUSITAKO ONESPENERAKO ETA KONTROLERAKO IKUSKAPENEN ETA ESKU-HARTZEEN GAINEKO TASAK ARAUTZEN DITUENA

9. ORDENANTZA

Oinarria

1. artikulua. Ordainarazpen hau ezarri da Nafarroako Toki Ogasunei buruzko martxoaren 10eko 2/1995 Legearen lehenbiziko tituluko IV. kapituluko 7. atalean xedatuaren arabera, eta lege beraren 12. artikuluan jasotzen den baimenari jarraituz.

Zerga-egitatea

2. artikulua. Zerga-egitatea da Udaleko langileek xede honekin egiten duten jarduera da:

a) Osasungintzaren eta jarduera sailkatuen arloko araudiak 8. ordenantzan aurreikusitakoa ezartzen duena betetzen dela egiaztatzea, eta orobat gainerako ordenantza, udal erabaki eta arau aplikagarriei dagokienez, betetzen ez ote diren edo arau-hausterik egin ote den.

3 artikulua. Ikuskapenak bide hauei jarraikiz egin daitezke:

a) Ofizioz, arauek hala ezartzen dutenean.

b) Alderdi batek hala eskaturik, edo inork egindako salaketen ondorioz.

4. artikulua. Udal administrazioak ikustaldiak noiznahi egin ahal izanen ditu, kasuan kasuko arauak betetzen direla egiaztatzeko.

Subjektu pasiboak

5. artikulua. Ordaintzera beharturik egonen dira:

a) Ikuskapenaren xede den jardueraren pertsona natural edo juridiko titularrak.

b) Ikuskatzen diren eraikin, establezimendu, zentro, lokal eta gainerakoen jabeak, arau-haustearekin zerikusia baldin badute.

c) Arau-haustea egiten duten pertsonak.

d) Salaketa dagoenetan, ausartegi justifikatu gabea edo argi eta garbi funtsik gabekoa dela jotzen bada, txosten teknikoaren arabera, salatzailearen gain geratuko dira ikuskapenak sortzen dituen tasak.

Zerga-oinarria

6. artikulua. Zerga-oinarria egiten den eskari bakoitza edo egindako jarduera bakoitza da.

Tasa

7. artikulua. Karga-tasa ordenantza honen eranskinean agertzen da.

Kuota

8. artikulua. Kuota izanen da zerga-oinarriari ordenantza honen eranskinean agertzen den karga-tasa aplikatzearen ondoriozkoa, edo bestela horretarako adierazten den zenbateko finkoa.

Tasaren sortzapena

9. artikulua.–Tasaren sorrarazpena, kasuan kasuko espedienteari edo jarduerari dagokionez, udal langileek egindako ikustaldiarengatik eta egiaztapenarengatik gauzatuko da, honako arau hauekin osatuz:

a) Tasa ezartzeko, ikustalditzat joko da ikuskatzaileek egindako joan-etorria, ikuskatu beharreko lekura iristerik ez badute ere.

Tasaren kudeaketa

10. artikulua. Ikuskatzaileek agerraldia egin izanaren berri emanen diote behar den departamentuari, likidazioa egiteko beharrezkoak diren datuekin eta adieraziz ea salaketa, kasuan kasu, ausartegitzat edo arrazoitu gabetzat hartzen den, eta hark kasuari dagokion likidazioa eginen du, eta, behar izanez gero, zigorra gehituko da, eta behar den organoari onespena proposatuko zaio.

Onetsitakoan, obligaziodunari jakinaraziko zaio, eta kuota jakinarazpenaren ondoko hilabetearen barnean ordaindu beharko da. Ordaintzen ez bada, bertzelako oharrik gabe, premiamendu bidez kobratzeari ekinen zaio.

Arau-hausteak eta zehapenak

11. artikulua. Arau-hausteei eta zehapenei dagokien orotan, ordenantza fiskal orokorrean xedatutakoari jarraituko zaio.

TARIFEN ERANSKINA

Hona hemen ikuskapenek sortzen dituzten tasak:

1. epigrafea.

Osasungintzaren eta jarduera sailkatuen arloko araudiak ezartzen duena betetzen dela egiaztatzea, eta orobat gainerako ordenantza, udal erabaki eta arau aplikagarriei dagokienez, betetzen ez ote diren edo arau-hausterik egin ote den:

tasa, agerraldi bakoitzagatik, udal teknikariaren 1,5 lan ordurainoko iraupena duelarik: 70,00.

Hortik goitiko ordu edo zatiki bakoitza: 35,00.

2. Epigrafea.–Bestelako ikuskapen bisitak.

–Esku hartzen duen A mailako udal langile bakoitzeko, ordu edo zatiki bakoitzeko: 43,00.

–Esku hartzen duen B mailako udal langile bakoitzeko, ordu edo zatiki bakoitzeko: 35,00.

–Esku hartzen duen C mailako udal langile bakoitzeko, udaltzaina bada, ordu edo zatiki bakoitzeko: 28,00.

–Esku hartzen duen C mailako udal langile bakoitzeko, ordu edo zatiki bakoitzeko: 21,00.

Esku hartzen duen D mailako udal langile bakoitzeko, ordu edo zatiki bakoitzeko: 19,00.

–Esku hartzen duen E mailako udal langile bakoitzeko, ordu edo zatiki bakoitzeko: 17,00.

ORDENANTZA FISKALA, BETEARAZPEN AGINDUEN, ORDEZKO BETEARAZPENEN ETA AURRI-EGOEREN ESPEDIENTEAK TRAMITATZEKO TASAK ARAUTZEN DITUENA

11. ORDENANTZA

Oinarria

1. artikulua. Ordainarazpen hau ezarri da Nafarroako Toki Ogasunei buruzko martxoaren 10eko 2/1995 Legearen lehenbiziko tituluko IV. kapituluko 7. atalean xedatuaren arabera, eta lege beraren 12. artikuluan jasotzen den baimenari jarraituz.

Zerga-egitatea

2. artikulua. 1. Honako jarduera hauek egin eta honako zerbitzu hauek ematea da zerga-egitatea:

a) Beharrezkoak diren obrak betearazteko aginduen espedienteak tramitatzea eta/edo ebaztea, indarreko hirigintza legeriak ezarritako erabilera, kontserbazio eta zaharberritze betekizunak, eta ingurumenera egokitzeko betekizuna konplitzeko.

b) Betearazte subsidiarioen espedienteak tramitatzea eta/edo ebaztea, aurreko ataleko kasuetan betearazte agindu bat bete ez izanak eraginda, edo, baita ere, ordenantzek zein Udalaren erabakiek ezarritako betebeharrak bete ez izanaren ondorio direnean, baldin eta, aurrez, xede horretarako agindu edo ohartarazpen bati muzin egin bazaio.

c) Aurri-espedientea tramitatzea eta/edo ebaztea, ofizioz zein edozein interesdunek abiarazita.

2) Interesdunek berek eragiten dituzten zerbitzuek, eta bereziki beren mesederako direnek, baita ondasunak berreskuratzeko presagatik edo ordena publikoa, segurantza, osasungarritasuna edo higienea direla medio derrigor eman beharrekoak direnek ere, ordainarazpena sorraraztea ekarriko dute, nahiz eta zerbitzua ez izan interesdunek eskatua.

3. artikulua. Udalak zilegi izanen du, nolanahi ere, enpresa pribatu bat kontratatzea ordenantza honek aipatzen dituen zerbitzuak egiteko. Larrialdiko kasuetan, eta kontratazio arautegiak agintzen duenaren arabera, udal zerbitzuek zilegi izanen dute zuzenean kontratatzea enpresen, teknikari eskudunen eta bertze bitarteko partikular batzuen zerbitzuak, eta gero Alkatetzari edo Udalbatzari horren berri ematea.

Subjektu pasiboa

4. artikulua. Modu solidarioan pagatzera behartuta daude legez erantzun beharra duten pertsona natural nahiz juridikoak, hurrengook, alegia:

a) Zerbitzua egin beharra eragiten duten egintzetako ondasunen jabe edo erantzuleak edo haren onura jasotzen dutenak.

b) Halakorik bada, maizter edo erabiltzaileak, edozein titulu dela bide.

c) Espresuki egindako betearazpen erabaki edo agindu baten ondorioz erantzule ateratzen direnak.

Zerga-oinarria

5. artikulua. Honako hauek dira ordainarazpen honen zerga-oinarri:

a) Betearazpen aginduak: eginkizun dagoen obrari egin behar zaion baloraziotik heldu dena izanen da.

b) Ordezko betearazpena eta partikularrendako sorospenak: betearazpenaren edo egindako zerbitzuaren guztizko kostua izanen da.

c) Beste kasuetan: zenbateko finko bat izanen da.

Tasa eta kuota

6. artikulua. Karga-tasa ordenantza honen eranskinean agertzen da.

Kuota izanen da zerga-oinarriari ordenantza honen eranskinean agertzen den karga-oinarria aplikatzearen ondoriozkoa, edo bestela horretarako adierazten den zenbateko finkoa.

Hori guztia, deusetan ukatu gabe EIOZaren likidazioak, eta obrak egiteagatik eta zerbitzuengatik egon litezkeen gainerako ordainarazpenak.

Tasaren sortzapena

7. artikulua. Tasa kasuaren arabera sorraraziko da: betearazteko aginduaren edo betearazte subsidiarioaren espedientea edo aurri-espedientea abiatzen denean; edo, aurretiazko ebazpenik ez badago, betearazpenaren zerbitzua edo laguntza ematen denean.

Kudeatzeko arauak

8. artikulua. Betearazteko aginduei buruzko kudeaketa arauei dagokienez, ordenantza hau Burlatako Udaleko 1. eta 7. ordenantza fiskalei jarraikiko zaie.

Arau-hauste eta zehapenak

9. artikulua. Tasa honen aplikaziotik ateratzen den likidazioaren zenbatekoa goiti-beheiti, subjektu pasiboak erantzun beharko du irekitzen ahal den espediente zehatzailetik sor daitezkeen zehapenen aurrean, hori guztia Lurraldearen Antolamenduari eta Hirigintzari buruzko Foru Legean ezarritakoa betez.

TARIFEN ERANSKINA

1. Epigrafea.–Betearazpen aginduak.

Karga-tasa izanen da hirigintza lizentzien tasendako edo erantzukizunpeko adierazpenetarako ezarritakoa.

2. Epigrafea.–Ordezko betearazpenak.

Zerga-oinarriaren zenbatekoaren gainean %130 aplikatuko da kuota ezartzeko.

3. Epigrafea.–Aurri egoeraren espedientea.

Aurri-espediente bakoitzaren tramitazio eta/edo ebazpenagatik: 300,00.

4. Epigrafea–Beste ohar batzuk.

Espezializatutako txosten teknikoak eskatzea beharrezkoa denean, zergadunak aipatu txostenen kostua ordaindu beharko du.

ORDENANTZA FISKALA, ERABILERA PUBLIKOKO LURRETAN ZANGAK, LAGINKETAK ETA ZULOAK IREKI ETA EREMU PUBLIKOKO ZORUAN EDO ESPALOIETAN EDOZEIN MUGIMENDU EGITEKO TASAK ARAUTZEN DITUENA

19. ORDENANTZA

Oinarria

1. artikulua. Ordainarazpen hau ezarri da Nafarroako Toki Ogasunei buruzko martxoaren 10eko 2/1995 Legearen lehenbiziko tituluko IV. kapituluko 7. atalean xedatuaren arabera, eta lege beraren 12. artikuluan jasotzen den baimenari jarraituz.

Zerga-egitatea

2. artikulua. Zerga-egitatea dira toki entitateko jabari publikoko zoru, hegalkin eta zorupearen erabilera pribatibo edo aprobetxamendu bereziak, hala nola argi indarra, ura, gasa edo beste edozein fluido garraiatzeko hariteria, hodiak eta galeriak; lineetarako zutoinak; kableak, horma-besoak, lotura, banaketa edo erregistrorako kaxak, transformadoreak, errailak, baskulak, salmenta automatikorako makinak eta gisakoak, zerbitzuarekin zerikusia badute.

Tasa hau bateragarria izanen da bertze zerbitzu edo jarduera batzuk egiteagatik ezartzen diren bertze tasa batzuekin.

Subjektu pasiboa

3. artikulua. Subjektu pasiboak dira eta tasa ordaintzera beharturik daude, zergadunak diren aldetik, pertsona fisiko zein juridikoak eta, nortasun juridikorik ez izanik ere, unitate ekonomikoa edo ondare berezia osatzen duten entitateak, baldin eta ordenantza honetako 2. artikuluan aurreikusitako kasuetako bati jarraikiz, toki entitatearen jabari publikoa beren alde erabili edo ustiatzen badute edo hari onura ateratzen badiote. Salbuespen dira hornidurako zerbitzu publikoak ustiatzen dituzten enpresak, tributu gisa herrian sortzen diren diru-sarrera gordinen %1,5 ordaintzen dutenak.

Zerga-oinarria

4. artikulua. Tasa oinarritzat hartuko da egin beharreko aprobetxamendua egin ahal izateko mugitu edo ireki beharreko toki entitatearen jabari publikoko azalera.

Hornidurako zerbitzu publikoak ustiatzen dituzten enpresek egindako aprobetxamendu bereziei zein erabilera pribatiboei dagozkien tasak horren gaineko Ordenantza Fiskalak edo horiek arautzeko Udal Erabakiek gobernatuko dituzte.

Tasa

5. artikulua. Karga-tasa ordenantza honen eranskinean agertzen da.

Kuota

6. artikulua. Kuota izanen da zerga-oinarriari ordenantza honen eranskinean agertzen den karga-tasa aplikatzearen ondoriozkoa, edo bestela horretarako adierazten den zenbateko finkoa.

Sortzapena

7. artikulua. Zergak ordaindu beharra toki entitatearen jabari publikoaren erabilera pribatiboa edo aprobetxamendu berezia hasten denean sortzen da.

Ondasunak eta instalazioak berreraiki, berrezarri edo konpontzea.

8. artikulua. Onuradunak, behar den tasa ordaintzeaz gain, ezin hobeki lehengoratu beharko ditu jabari publikoan ukituriko elementu guztiak: bideak, espaloiak, zintarriak, zuhaixka eta zuhaitz landaketak, sareak, kale-argiak, kutxetak, etab., horiek obren ondorioz hondaturik gelditzen badira, gisa hartara beterik aplikagarri zaizkion ordenantza eta/edo araudietan ezarritakoa, eta eraikuntzako jardunbide egokiak.

9. artikulua. Kalte konponezinak egiten badira, interesdunak ordaindu beharko ditu; zenbatekoa izanen da suntsituriko ondasunen balioa halako bi. Udal teknikariek proposatuko dute egungo balioaren zenbatekoa, gai suntsituek balio dutenaren edo kaltetuen balio galeraren arabera, aplikagarri den legeriari jarraikiz. Bereziki konponezintzat hartuko diren kalteak interes artistiko edo historikoa duten monumentuetan eta 20 urte baino gehiagoko zuhaitzetan egindakoak izanen dira.

10. artikulua. Aurreko artikuluetan ezarritakoaren ondorioetarako, ordaintzera beharturik dagoenak bermea eratu beharko du, lehenik eta behin, zanga behar bezala betetzeko erabiliko dena eta, behar izanez gero, zoladura emateko, hala nola konponezinak gerta daitezkeen kalteak ordaintzeko.

Indarra duen arautegia edo lizentziaren baldintzak ez betetzeagatik ezarritako zehapenekin lotu daiteke bermea.

Berme horien zenbatekoak aprobetxamendurako baimendutako azaleraren arabera zehaztuko dira, betiere tarifen eranskinean ageri denari jarraikiz. Bermea eskudirutan ordaintzen ahalko da, edo kreditu-entitate batek edo elkarren bermerako sozietate batek emandako abal zein fidantza bidez. Abal edo fidantza bidez ordainduz gero, modu solidarioan eta epe mugagabe baterako egin beharko da, Udalak haren deuseztapena baimendu ezean eta ordena-, eskusio- eta zatiketa-onurei berariaz uko eginez.

Bermea itzultzeko beharrezkoa izanen da aurretiazko txostena, non indarra duen arautegia eta lizentziaren baldintzak hertsiki bete eta zoladura behar bezala konpontzen den islatuko baita. Horretarako, interesdunak jakinarazi beharko dio Obra Departamentuari, behar den antzinatasunez, zangak bete eta zoladura konpondu aitzin, baita lanak bukatzen direlarik ere. Azken jakinarazpen hartatik aitzina, txostena eginen da obrak gauzatzeari buruz eta, geroago, urtebete iragan ondoan, beste txosten bat luzatuko da, bermea itzuli aitzin; une horretan, bidezko bada, Diruzaintzari igorriko zaio, itzulketa gauzatzeko. Tramite hori bete ezean, zangak husteko agintzen ahalko da, lanei berriz hasieratik ekiteko, eta gastuak interesdunaren kontura izanen dira.

Zangaren sustatzailea Burlatako Udala kide duen zerbitzu mankomunitateetako bat denean, aurreko paragrafoetan adierazitako fidantza ordaintzetik salbuetsita egonen da.

Arau-hauste eta zehapenak

11. artikulua. Arau-hausteei eta zehapenei dagokien orotan, Ordenantza fiskal orokorrean xedatutakoari jarraituko zaio.

TARIFEN ERANSKINA

1. Epigrafea.–Zangak irekitzea.

1.1. Zanga, laginketa edo zuloaren zabalera metro lineal batekoa edo txikiagoa bada, luzeran metro bakoitzak honenbesteko sortzapen hau izanen du: 25,00.

1.2. Zanga, laginketa edo zuloaren zabalera metro lineal batekoa baino handiagoa denean eta bi metro lineal edo txikiagoa, luzeran metro bakoitzak honenbesteko sortzapen hau izanen du: 35,00.

1.3. Zanga, laginketa edo zuloaren zabalera bi metro lineal baino handiagoa bada, luzeran metro bakoitzak honenbesteko sortzapen hau izanen du: 50,00.

Zanga irekitzeagatik ibilgailuei bidea itxi behar bazaie, dela osorik, dela norabide bat edo bide nahiz zati nagusi bat, aurreko epigrafeetako tarifei %30 gehituko zaie.

2. Epigrafea.–Zoruan edo espaloietan edozein mugimendu egitea.

Ukitutako azalerako m² bakoitzeko: 25,00.

BERMEAK ERATZEARI BURUZKO ERANSKINA

Bermeak zangak, laginketak edo zuloak irekitzeagatik eta zoladuran edo espaloietan edozein mugimendu egiteagatik

1.–Zanga, laginketa edo zuloaren zabalera metro lineal bat baino txikiagoa bada, luzeran metro bakoitzak honenbesteko sorrarazpena izanen du:

–Harrizko zoladura duten lekuetan: 215,00.

–Zoladura orokorra duten lekuetan: 150,00.

–Zola eman gabeko lekuetan: 85,00.

2.–Zanga, laginketa edo zuloaren zabalera metro lineal batekoa baino handiagoa denean eta bi metro lineal edo txikiagoa, luzeran metro bakoitzak honenbesteko sorrarazpena izanen du:

–Harrizko zoladura duten lekuetan: 260,00.

–Zoladura orokorra duten lekuetan: 175,00.

–Zola eman gabeko lekuetan: 99,00.

3.–Zanga, laginketa edo zuloaren zabalera bi metro lineal baino handiagoa bada, luzeran metro bakoitzak honenbesteko sorrarazpena izanen du:

–Harrizko zoladura duten lekuetan: 300,00.

–Zoladura orokorra duten lekuetan: 200,00.

–Zola eman gabeko lekuetan: 120,00.

4.–Zoladuran edo espaloietan edozein mugimendu egiteagatik, metro karratu bakoitzak honenbesteko sorrarazpen hau izanen du:

Harrizko zoladura duten lekuetan: 260,00.

–Zoladura orokorra duten lekuetan: 175,00.

ORDENANTZA FISKALA, HERRIKO JABARI PUBLIKOKO ZORU, ZORUPE ETA HEGALKINAREN ERABILERA PRIBATIBOA EDO APROBETXAMENDU BEREZIA EGITEKO TASAK ARAUTZEN DITUENA

21. ORDENANTZA

Oinarria

1. artikulua. Ordainarazpen hau ezarri da Nafarroako Toki Ogasunei buruzko martxoaren 10eko 2/1995 Legearen lehenbiziko tituluko IV. kapituluko 7. atalean xedatuaren arabera, eta lege beraren 12. artikuluan jasotzen den baimenari jarraituz.

Zerga-egitatea

2. artikulua. Zerga-egitateak dira herriko jabari publikoko lurzoruaren, hegalkinaren eta zorupearen erabilera pribatiboak edo aprobetxamendu bereziak, hala nola:

a) Lurrak okupatzea salgai, eraikuntzako material, hondakin, hesi, puntal, euskarri, aldamio edo gisako instalazioen bidez.

b) Pisuetako burdinsareak, soto edo sotoarteei argia, aireztapena, pertsonen sarbidea edo ibilgailuen sarrera eman ahal izateko zoru edo zorupean kokatutako lukana, arnasbide, ate, karga-aho edo gisako elementuak, bai eta argi-sare publikotik egindako hargunea ere.

c) Hegalkina okupatzea eremu publikoaren gainean edo fatxadaren lerrotik ateratzen diren markesina, hozteko aparatu, olana edo gisako muntadurak instalatuz, eraikinaren berezko egituraren elementuak ez direnean.

d) Toki entitateko eremu publiko edo jabari publikoko bertzelako lurretan edo haien hegalkinean kokatuta dauden argi indarra, ura, gasa edo beste edozein fluido garraiatzeko hariteria, hodiak eta galeriak; lineetarako zutoinak; kableak; horma-besoak; lotura, banaketa edo erregistrorako kaxak; transformadoreak; errailak; baskulak; salmenta automatikorako makinak eta gisakoak.

e) Irabazteko xedearekin mahaiak, aulkiak, tribunak, oholtzak edo haien gisako bestelako elementuak jarriz lurrak okupatzea. Ez omen dago irabazteko xederik, lurzorua karpak, jaimak edo antzekoak instalatzeko okupatzen bada edo espazio bat mugatzen bada kontzertuak, emanaldi artistikoak edo antzekoak egiteko –herriko jaiak edo antzeko ekitaldiak direla eta–, baldin eta ikusleak horietara doan badoaz.

f) Kioskoak paratzea.

g) Postu, barraka, saltoki, ikuskizun, atrakzio eta jolaskizunak jartzea, bai eta kalez kaleko industriak eta zinema filmaketa ere.

h) Portada, erakusleiho eta beirarasak.

i) Erregaiaren biltontziak eta hornigailuak eta, oro har, edozein artikulu edo salgairenak.

j) Iragarkiak hiriko jabari publikoko lurzatiak okupatuz jartzea, bertan afixak, errotuluak, oihalak, trompe l’oeil edo begi-iruzurrak eta publizitateko edo informaziozko beste zenbait elementu behin-behinekoz paratuta, faroletan, aldamioetan edo euskarri bertikaletan, baldin eta, azken kasu horretan, publizitatea ez bada kontzesio baten xede. Ez da tasarik ordaindu beharko Zirkulazioaren Erregelamendu Orokorrean aurreikusitako norabide seinaleak paratzeagatik edo bestelakoak adierazteko plakak jartzeagatik, aurrekoen diseinu eta ezaugarri antzekoak dituztenak, betiere udalaren baimenarekin paratuak badira.

k) Lur, eraikin edo hesiei eusteko hormak, behin betikoak zein behin-behinekoak.

l) Azienda toki entitateko eremu publiko edo jabari publikoko lurretan barna igarotzea.

m) Beste hainbat aprobetxamendu, baldin eta horietan inguruabar berezi batzuk badira, hala nola, arriskugarritasuna, erabilera-maiztasuna, errentagarritasun berezia edo horien antzeko bertze zenbait, eta, bereziki, eremu publikora ematen duten fatxadetan kutxazain automatikoak paratzeak eta hainbat produktu saltzeko makinak paratzeak dakarten aprobetxamendua edo beste aprobetxamendu ekonomikoak.

Subjektu pasiboa

3. artikulua. Tasa ordaintzera beharturik daude, zergadunak diren aldetik, pertsona fisiko zein juridikoak eta, nortasun juridikorik ez izanik ere, unitate ekonomikoa edo ondare berezia osatzen duten entitateak, baldin eta, toki entitateko jabari publikoko zoru, hegalkina eta zorupearen erabilera pribatibo edo aprobetxamendu berezia egiten badute, edo hari onura ateratzen badiote.

Eremu publikoan paratzen diren edukiontzien kasuan, lizentziaren titular edo aprobetxamenduaz baliatzen direnez gain, zaborrontzien jabeek eta etxegileek ere ordaindu beharko dute.

4. artikulua. Hornidurako zerbitzu publikoak ustiatzen dituzten enpresek lurzoruan, hegalkinean eta zorupean egindako erabilera edo aprobetxamenduen tasak horien gaineko ordenantza fiskalen edo aplikagarri diren udal erabakien menpe egonen dira.

Zerga-oinarria

5. artikulua. Tarifak aplikatzeko oinarria zehaztuko da aprobetxamenduaren iraupenaren eta okupatutako eremu publikoaren azaleraren arabera.

Tasa

6. artikulua. Karga-tasa ordenantza honen eranskinean agertzen da.

Kuota

7. artikulua. Kuota izanen da zerga-oinarriari ordenantza honen eranskinean agertzen den karga-tasa aplikatzearen ondoriozkoa, edo bestela horretarako adierazten den zenbateko finkoa.

Ordaindu beharra

8. artikulua. Ordaindu beharra erabilera pribatiboa edo aprobetxamendu berezia hastean sortzen da, eta aurretik behar den baimena eskatu behar da.

Udalaren nahitaezko lizentzia izan gabe hasten bada erabilera edo aprobetxamendua, ordenantza fiskal honetan ezarritako tasa pagatzeak ez du izandako erabilera edo aprobetxamendua legeztatuko, eta kalte-ordainik eman gabe instalazioak kentzeko agindu daiteke.

Ordenantza honetako erabilera edo aprobetxamenduak tasaren aldian behingo sorrarazpena behar badu, hura urtarrilaren 1ean izanen da urtero eta zergaldia urte naturala izanen da, salbu eta erabilera pribatiboa edo aprobetxamendu berezia urte hartan hasi edo bukatu den kasuetan, orduan zergaldia horren arabera moldatuko baita eta berdin kuota hainbanatuko.

Kudeatzeko arauak

9. artikulua. Erabilpen pribatiboak edo aprobetxamendu bereziak berekin dakartenean toki erakundearen jabari publikoaren suntsiketa edo narriadura, onuraduna, behar den tasaren ordainketa ukatu gabe, aipatu horiek berreraiki edo konpontzeko gastuen kostu osoa ordaintzera beharturik dago edo, kasu bada, ezin hobeki lehengoratzera jabari publikoan ukituriko elementu guztiak: bideak, espaloiak, zintarriak, zuhaixka eta zuhaitz landaketak, sareak, kale-argiak, kutxetak eta abar, horiek obren ondorioz hondaturik gelditzen badira, gisa hartara beterik aplikagarri zaizkion ordenantza eta/edo araudietan ezarritakoa, eta eraikuntzako jardunbide egokiak.

Udaleko teknikariek eginen dute gastu horien balorazioa, haien kostu zenbatetsiarekin bat. Halakorik ez bada, 19. ordenantza fiskalean ezarritako kalte-ordainak aplikatuko dira, Erabilera publikoko lurretan zangak, laginketak eta zuloak ireki eta eremu publikoko zoruan edo espaloietan edozein mugimendu egiteko tasak arautzen baititu.

10. artikulua. Erabilera dela-eta sortutako kalteak konponezinak badira, onuradunak desegindako gaiek gaur egun zenbait balio duten edo kaltetutakoen baliogalera norainokoa den, halako bi emanen dio ordainetan Udalari, Udaleko teknikariek egindako zenbatespenarekin bat. Bereziki konponezintzat hartuko diren kalteak interes artistiko edo historikoa duten monumentuetan eta 20 urte baino gehiagoko zuhaitzetan egindakoak izanen dira.

11. artikulua. Udalak fidantza pausatzea galdatzen ahalko du aitzineko artikuluetan adierazten diren kalteei erantzuteko, udal teknikarien zenbatespenarekin bat.

Gordailua, lehenik, kalteen ordainari lotetsiko zaio eta geroago, berriz, zehapenei indarra duen araudia edo lizentziaren baldintzak ez betetzeagatik, edo bertzenaz tasaren beraren ordainketari.

Fidantza itzultzeko beharrezkoa izanen da aurretiazko txostena, indarra duen arautegia eta lizentziaren baldintzak hertsiki bete direla eta zoladura behar bezala konpondu dela adierazten duena.

12. artikulua. 1. Ordenantza honetan araututako tasei lotutako aprobetxamenduek edo erabilerak behar den errolda edo zentsua izanen dute ohikoak eta etengabeak badira. Kobratzeko ondorioetarako, zor horiek jakinarazi gabekoen artean sailkatuko dira, eta urtero likidatzen ahal dira, urte bakoitzeko urtarrilaren 1etik aurrera.

2. Erabilerak edo aprobetxamenduak lizentziarik behar ez badute, aurretik dagokien kuota ordaindu beharko da. Horrela izanez gero txartela jaso beharko da, behar bezala datatua, horretarako izendatzen diren langileen eskutik.

3. Gainerako kasuetan, likidazioa dagokion administrazio zerbitzuan eginen da. Tasa lizentzia edo kontzesioa eman dela jakinarazi baino lehenago ordainduko da, erabilera edo aprobetxamenduaren epea zehazki finkaturik dagoenean. Hala ez bada, pagamendua erabilera edo aprobetxamendua amaitutakoan eginen da, hau da, partikularrak Udalari bukatu dela jakinarazten dionean. Partikularrak jakinarazteko duen betebeharra betetzen ez badu, ulertuko da erabilerak edo aprobetxamenduak udal zerbitzuek baimendutako okupazioa amaitu dela egiaztatu arte segitu dutela.

Udaltzaingo zerbitzuak eginen du berak luzaturiko agiriei dagozkien tasen diru-bilketa eta Udaleko Diruzaintzari egiten dion kontu ematean sartuko dira.

4. “Mahai, aulki eta mahaitxoak” izeneko 1. epigrafeari dagokionez, Udalak baimena osorik balio gabe utzi edo aldi baterako ken dezake, betiere arrazoi bidezko, obra, konponketa eta abarren bat badago, eta kobratutako tasaren zati proportzionala soilik itzultzera behartuta dago.

Merkatu txikiak Udalak erraten duen egunetan eta esparruetan baizik ez dira eginen, eta debekaturik egonen da mota guztietako salgaiak Burlatako eremu publikoan saltzea egun eta toki horietatik kanpora.

Zoruaren okupatzaileek kokatu diren tokiak garbitu beharko dituzte.

Eskubide guztiak aitzinetik ordaindu behar dira.

5. 1.1 epigrafean (mahaiak, aulkiak eta mahaitxoak) eta 1.2 epigrafean (merkatu txikia) jasotako aprobetxamendu berezietarako, tokiko jabari publikoaren erabilera pribatibo edo aprobetxamendu berezia hasteko edo harekin jarraitzeko baimena ukatzeko arrazoia izanen da udal ogasunarekin zorretan egotea borondatezko ordainketa epetik kanpo, zor horiek jardueraren eta/edo hura garatzen den establezimenduaren ondoriozkoak direlarik, eta, orobat, zaratari buruzko araudia ez betetzeagatik zehatua izatea, administrazio ebazpen irmoaren bidez, eskabidea aurkeztu aurreko hiru hilabeteetan.

Zor edo zehapen horiek jarraitzen badute eta aldi berean tokiko jabari publikoaren erabilera pribatiboak edo aprobetxamendu bereziak jarraitzen badu, erabilera edo aprobetxamenduaren onuradunak 48 orduko epea izanen du, gehienez, hura eteteko. Bestela, epe hori iragandakoan, udal zerbitzuek espazio hori prezintatu ahalko dute edo ondasunak eta gauzak hartu eta udal egoitzetara eraman ahalko dituzte, horren ondoriozko kostu ekonomikoak arduradunari egotzita.

Arau-hauste eta zehapenak

13. artikulua. 1. Iruzurtzat hartuko da behar den lizentziarik gabe aprobetxamendua edo erabilera hastea.

2. Bertzelako arau-hausteei dagokienez eta zehapenekin ikusteko duten afera orotan, Ordenantza fiskal orokorrak xedatutakoari jarraituko zaio. Udalak, agindu bidez, lizentzia edo baimenik gabeko muntadurak eremu publikotik ken ditzake udal biltegietara eramateko, eta muntadura hori desmuntatu, garraiatu, biltegira eraman eta egin behar den bertze edozergatik sortutako tasak eta gastuak jabearen bizkar geldituko dira.

14. artikulua. Aprobetxamendu hauetaz baliatzeko, Udalbatzak kontzesioa egiteko onesten dituen baldintzen agirian erraten dena bete beharko da.

TARIFEN ERANSKINA

1. Epigrafea.–Zoru gaineko aprobetxamendu bereziak.

1.1. Mahaiak, aulkiak, mahaitxoak, metro karratu edo zatiki bakoitzeko:

Ostatu edo kafetegi bateko mahaiaren okupazioa, aulkiak eta guzti, 4 metro karratu adina da.

Eskabideak aurkeztuko dira, gutxienez ere hilabete oso baterako.

Ekainaren 1etik irailaren 30era, biak barne, hilabete bakoitzeko edo proportzionalki:

–Kale Nagusian eta Eugenio Torres plazan: 11,55 euro.

–Gainerako kaleetan: 7,35 euro.

Urriaren 1etik maiatzaren 31ra, biak barne:

–%75 murriztuko da goiko ataleko tarifa.

–Aprobetxamendu berriengatik edo jadanik dauden aprobetxamenduak handitzeagatik, abuztuko bestetan zehar soil-soilik: 12,15 euro.

1.2. Merkatu txikiak, saltoki bakoitza (6 metro lineal):

Saltokiak hilabeteko, hiruhilekoko, seihilekoko eta urtebeteko aldietarako esleituko dira, eta aldiaren hasieran eta zatikatu gabe tarifa hauek ordaindu beharko dira:

–Hilabetean: 112,35 euro.

–Hiruhilekoan: 307,65 euro.

–Seihilekoan: 544,95 euro.

–Urtean: 961,80 euro.

Saltoki bat ez badago okupaturik merkatu txikiko egun baten jardueraren hasieran, egun horretarako esleitzen ahalko da, eskatzen duten pertsonen artean zozketa eginez, eta honako zenbatekoa ordainduta: 33,10 euro.

Saltoki erdiren bat balego (3 metro lineal), %50 murriztuko da prezioa.

1.3. Beste aprobetxamendu batzuk (kaxetak, barrakak, salmenta, ikuskizun edo dibertimendurako edozein motatako postuak), metro karratu edo zatiki bakoitzeko:

–Egunean: 0,65 euro.

–Abuztuko bestetan, %50 handituko dira tarifak, esleipena enkante bidez eman ez bada.

–Urtearen gainerakoan, okupazioa 30 egun baino gehiagotan bada, tarifa %50 murriztuko da 30. egunaren biharamunetik hasita.

1.4. Bertzelako erabilera eta aprobetxamendua, jarduera ez ekonomikoetarako, hala nola edukiontziak, hesiak eta jarduera ekonomikorik ez duten bertze batzuk, metro karratu edo zatiki bakoitza edota bere planta-proiekzioa:

–Egunean 0,25 euro, lehen 30 egunean eta ondokoetan: 0,04 euro.

Toki entitatearen jabari publikoaren aprobetxamendua, azaleko behin betiko akaberarik gabe (zoladura, ereitea, eta abar):

–Egunean 0,10 euro, lehen 30 egunean eta ondokoetan: 0,01 euro.

1.5. Beste jarduera ekonomiko batzuetarako bestelako aprobetxamendua edo erabilera, arestiko ataletan aurreikusi ez direnak: 2,00 euro/m²/hila.

1.6. Instalazioak eremu publikora jotzen duten fatxadetan, unitate bakoitzeko urtean:

–Banku entitateen kutxazainak: 547,50 euro.

–Saltzeko makinak, eta beste: 45,90 euro.

1.7. Jabari publikoan kartelak eta publizitate panelak jartzeko lizentzia bakoitzaren tramitazio eta/edo ebazpenagatik: 120,00.

Lurzorua okupatzeko, Udaltzaingoaren jarraibideei segitu beharko zaie sarbideen arautzeaz eta pertsonen eremu publikoko trafikoaz den bezainbatean.

2. Epigrafea.–Hegalkineko aprobetxamendu bereziak.

–Hegalkinaren gainean egiten diren aprobetxamenduetan aplikatu beharreko tarifak “Jarduera ekonomikoez besteko erabilera edo aprobetxamenduak” izeneko 1.1.4. epigrafean ezarritakoen %50 izanen dira.

3. Epigrafea.–Zorupeko aprobetxamendu bereziak.

–Jarritako biltontzi bakoitzeko, urtean: 1.500,00 euro.

–Zorupean eginen diren aprobetxamenduen truke ordaindu beharrekoa “Ekonomikoak ez diren jardueretarako beste aprobetxamendu batzuk” 1.4 epigrafean zehaztutakoen %25 izanen da.

4. Epigrafea.–Gutxieneko eskubideak.

Aurreko 1.3 eta 1.4 epigrafeengatik likidatu beharreko zenbatekoak EZ badira zenbateko horretara iristen, 52,50 euro ordaindu beharko da.

HORNIDURAKO ZERBITZU PUBLIKOAK USTIATZEN DITUZTEN ENPRESENDAKO HERRIKO JABARI PUBLIKOKO ZORU, HEGALKIN ETA ZORUPEAREN APROBETXAMENDU BEREZIAREN TASAK ARAUTZEN DITUEN ORDENANTZA FISKALA

22. ORDENANTZA

Oinarria

1. artikulua. Ordainarazpen hau ezarri da Nafarroako Toki Ogasunei buruzko martxoaren 10eko 2/1995 Legearen lehenbiziko tituluko IV. kapituluko 7. atalean xedatuaren arabera, eta lege beraren 12. artikuluan jasotzen den baimenari jarraituz.

Zerga-egitatea

2. artikulua. Zerga-egitatea dira toki entitateko jabari publikoko zoru, hegalkin eta zorupearen erabilera pribatibo edo aprobetxamendu bereziak, hala nola hariak, hodiak eta galeriak, argi indarra, ura, gasa edo beste edozein fluido eramateko; lineetarako zutoinak; kableak, horma-besoak, lotura, banaketa edo erregistrorako kaxak, transformadoreak, burdin-barrak, baskulak, salmenta automatikorako makinak eta gisakoak, betiere herritar guztiei edo frankori eragiten dieten hornidura zerbitzu publikoak ustiatzen dituzten enpresek egiten badituzte.

Ordenantza honetan arautzen den tasaren ordainketak berarekin dakar bertze tasa tasa batzuk espresuki baztertzea, hornidurako zerbitzu publikoak emateko Udalaren eremu publikoetako lurzoruan, zorupean edo hegalkinean egiten diren aprobetxamendu berezien ondoriozkoak izanik, bertze ordenantza batzuetan arautzen direnak.

Hala ere, tasa hau bateragarria izanen da bertze zerbitzu edo jarduera batzuk egiteagatik ezartzen diren bertze tasa batzuekin.

Subjektu pasiboa

3. artikulua. Enpresak tasa ordaintzera beharturik daude, zergadunak diren aldetik, baldin eta, toki entitatearen jabari publikoko lurzoru, hegalkin eta zorupearen erabilera pribatibo edo aprobetxamendu berezia egiten badute, edo hari onura ateratzen badiote, hornidurako zerbitzu publikoak ustiatzeko.

Zerga-oinarria

4. artikulua. Kuota emanen digun tasa aplikatzeko oinarria enpresek udal mugartearen barnean urtean lortutako fakturazioak emandako diru-sarrera gordinen arabera kalkulatuko da.

Tasa

5. artikulua. Karga-tasa ordenantza honen eranskinean agertzen da.

Tasa hauek bateragarri izanen dira toki erakundeen eskumeneko zerbitzuak edo jarduerak egiteagatik ezar daitezkeenekin. Aipatu enpresek izan beharko dute haien subjektu pasiboak.

Kuota

6. artikulua. Kuota izanen da zerga-oinarriari ordenantza honen eranskinean agertzen den karga-tasa aplikatzearen ondoriozkoa, edo bestela horretarako adierazten den zenbateko finkoa.

Sortzapena

7. artikulua. Tasa urtarrilaren 1ean sortuko da urtero, eta zergaldia urte naturala izanen da, salbu eta aprobetxamendua urte hartan hasi edo bukatu egin den kasuetan, orduan zergaldia horren arabera moldatuko baita eta kuota hainbanatuko.

Kudeatzeko arauak

8. artikulua. Hornidura zerbitzuak ustiatzen dituzten enpresek, erabilera pribatu edo aprobetxamendu bereziren bat egin behar badute, lehenago horren berri eman beharko diote Udalari eta haren baimena eskuratu; gainera, kasuan kasuko zerbitzua egiteko gaitzen duen tituluaren jabe izan behar dute

9. artikulua. Erabilera edo aprobetxamendua gauzatzeko obraren bat egin behar bada, enpresek behar den obra lizentzia tramitatu beharko dute, eta ondoko arauei jarraitu beharko zaie, ondasun eta instalazioak berreraiki, lehengoratu edo konpontzeko:

9.1. Onuradunak, behar den tasa ordaintzeaz gain, ezin hobeki lehengoratu beharko ditu jabari publikoan ukituriko elementu guztiak: bideak, espaloiak, zintarriak, zuhaixka eta zuhaitz landaketak, sareak, kale-argiak, kutxetak etab., horiek obren ondorioz hondaturik gelditzen badira, gisa hartara beterik Urbanizazioaren gaineko ordenantzaren 2. kapituluak (Eremu publikoko obrak) dioena.

9.2. Kalte konponezinak egiten badira, interesdunak ordaindu beharko ditu; zenbatekoa izanen da suntsituriko ondasunen balioa halako bi. Udal teknikariek proposatuko dute egungo balioaren zenbatekoa, gai suntsituek balio dutenaren edo kaltetuen balio galeraren arabera, aplikagarri den legeriari jarraikiz. Bereziki konponezintzat hartuko diren kalteak interes artistiko edo historikoa duten monumentuetan eta 20 urte baino gehiagoko zuhaitzetan egindakoak izanen dira.

9.3. Aurreko puntuetan ezarritakoaren ondorioetarako, ordaintzera beharturik dagoenak fidantza eratu beharko du, lehenik eta behin, zanga behar bezala betetzeko erabiliko dena eta, behar izanez gero, zoladura emateko, hala nola konponezinak gerta daitezkeen kalteak ordaintzeko.

Indarra duen arautegia edo lizentziaren baldintzak ez betetzeagatik ezarritako zehapenekin lotu daiteke bermea.

Bermea itzultzeko beharrezkoa izanen da aurretiazko txostena, non indarra duen arautegia eta lizentziaren baldintzak hertsiki bete eta zoladura behar bezala konpontzen den islatuko baita. Horretarako, interesdunak jakinarazi beharko dio Obra Departamentuari, behar den antzinatasunez, zangak bete eta zoladura konpondu aitzin, baita lanak bukatzen direlarik ere. Azken jakinarazpen hartatik aitzina, txostena eginen da obrak gauzatzeari buruz eta, geroago, urtebete iragan ondoan, beste txosten bat luzatuko da, bermea itzuli aitzin; une horretan, bidezko bada, Diruzaintzari igorriko zaio, itzulketa gauzatzeko. Tramite hori bete ezean, zangak husteko agintzen ahalko da, lanei berriz hasieratik ekiteko, eta gastuak interesdunaren kontura izanen dira.

9.4. Enpresek aprobetxamenduak nola edo halako jarraikortasun eta aldirotasun batez egiten badituzte, horren ondoriozko kudeaketa administratiboa erraztu ahal izateko, berme orokor bat ezar dezaten itun daiteke, eta eskudirutan ordaintzen ahalko da, edo kreditu entitate batek edo elkarren bermerako sozietate batek emandako abal zein fidantza solidario bidez. Abal edo fidantza bidez ordainduz gero, modu solidarioan eta epe mugagabe baterako egin beharko da, Udalak haren deuseztapena baimendu ezean eta ordena-, eskusio- eta zatiketa-onurei berariaz uko eginez. Berme orokorra itundutako epeetan berrikusiko da, eta kuantifikazioa epe horietako aprobetxamenduetan eragin daitezkeen kalteen araberakoa izanen da.

Hornitzaileen urteko fidantza honen kopurua Burlatako Udalak urtero berrikusiko du. Horrela, zehazten ahalko du urte horietan zehar enpresa hornitzaile bakoitzak egindako obrek jabari publikoan eragin ditzaketen kalteak kopuru horrekin estaltzeko aski ote den.

10. artikulua. Aitzineko artikuluan ezarritakoaz landa, obrak egiten direlarik, erabilera pribatiboak edo aprobetxamendu bereziak berekin dakartenean toki erakundearen jabari publikoaren suntsiketa edo narriadura erabilera hutsaren ondorioz, onuraduna suntsitua edo narriatua berreraiki edo konpontzeko gastuen kostua ordaintzera beharturik dago, eta jabari publikoa egoera ezin hobean uztera; bertzenaz, eraikuntza edo konponketa gastuen kostu osoa ordaindu beharko du, udal teknikariek egiten duten balorazioaren arabera.

11. artikulua. Enpresek dagokien tasaren zenbatekoa Udalean berean edo horretarako ezarri erakundean ordaindu beharko dute.

TARIFEN ERANSKINA

1.–Hornidurako zerbitzu publikoak ustiatzen dituzten enpresek lortutako diru-sarrera gordinen gainean aplikatzeko tasa %1,5.

BERMEAK ERATZEARI BURUZKO ERANSKINA

Enpresa hornitzaile bakoitzarekin (subjektu pasiboa) sinatuko den hitzarmenean ezarriko da bermearen eraketa.

Dagokion hitzarmena izenpetzen ez den kasuetan, bermearen eraketaren zenbatekoa kalkulatzeko, 19. Ordenantza fiskaleko eranskinean bermeak eratzeari buruz ezarritakoari jarraikiko zaio: erabilera publikoko lurretan zangak, laginketak eta zuloak ireki eta eremu publikoko zoruan edo espaloietan edozein mugimendu egiteari buruzkoa.

Iragarkiaren kodea: L1706574