1. NAFARROAKO FORU KOMUNITATEA
1.4. DIRU-LAGUNTZAK, LAGUNTZAK ETA BEKAK
Laburpena, Herritarrekiko eta Erakundeekiko Harremanetako kontseilariak ekainaren 19an emandako 24E/2017 Foru Aginduarena. Foru agindu horren bidez, Nafarroako Berdintasunerako Institutuaren diru-laguntzen 2017ko deialdia onetsi da, Nafarroako Foru Komunitatean jarduera duten enpresentzat, gizonen eta emakumeen arteko Berdintasun Planak lehenbizikoz jartzeko eta lehendik zituztenak berriro abian jartzeko.
Diru-laguntzei buruzko azaroaren 17ko 38/2003 Lege Orokorraren 17.3.b eta 20.8.a artikuluetan ezarritakoari jarraituz, argitara ematen da deialdiaren laburpena; horren testu osoa Diru-laguntzen Datu Base Nazionalean kontsulta daiteke (http://www.pap.minhafp.gob.es/bdnstrans/GE/eu/index): BDNS (identifikazioa): 351789.
Lehenbizikoa.–Onuradunak.
Jarduera Nafarroako Foru Komunitatean izan eta foru agindan eta oinarriotan ezarritako betebeharrak betetzen dituzten enpresak.
Bigarrena.–Xedea.
Nafarroako Berdintasunerako Institutuak eman beharreko 2017ko diru-laguntzen araubidea ezartzea, jarduera Nafarroako Foru Komunitatean izan eta emakumeen eta gizonen arteko berdintasuna bultzateko planak lehenbizikoz jartzeko eta lehendik zituztenak berriro abian jartzeko, oinarri hauetan ezarritakoarekin bat eta kredituek zehaztutako mugen barnean.
Hirugarrena.–Oinarri arautzaileak.
Ekainaren 19ko 24E/2017 Foru Agindua, Herritarrekiko eta Erakundeekiko Harremanetako kontseilariarena.
http://www.navarra.es/home_es/Servicios/ficha/7019/Subvencion-Empresas-para-Planes-de-Igualdad-2017
Laugarrena.–Zenbatekoa.
Deialdi honen ondoriozko konpromisoak betetzeko baimendu den gastua osotara 60.000 eurokoa da.
Bosgarrena.–Eskaerak aurkezteko epea.
Eskaerak aurkezteko epea 30 egunekoa da, deialdi hau Nafarroako Aldizkari Ofizialean argitaratu eta biharamunetik hasita.
Iruñean, 2017ko ekainaren 19an.–Herritarrekiko eta Erakundeekiko Harremanetako kontseilaria, Ana Ollo Hualde.
Iragarkiaren kodea: F1707581