1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.2. Oposizioak eta lehiaketak. Lan publikoaren eskaintza
1392/2017 EBAZPENA, maiatzaren 31koa, Funtzio Publikoko zuzendari nagusiak emana, Nafarroako Foru Komunitatearen Administrazioko eta haren erakunde autonomoetako atal, bulego eta unitate parekatuetako 89 burutza merezimendu lehiaketa bidez betetzeko deialdian, Landa Garapeneko, Ingurumeneko eta Toki Administrazioko Departamentuko Ibaietako Obren Bulegoko burutzari dagokion lehiaketa indarrik gabe uzten duena. Aipatu deialdia maiatzaren 23an emandako 1448/2011 Ebazpenaren bidez onetsi zen.
Funtzio Publikoko zuzendari nagusiak maiatzaren 23an emandako 1448/2011 Ebazpenaren bidez, Nafarroako Foru Komunitatearen Administrazioko eta haren erakunde autonomoetako atal, bulego eta unitate parekatuetako 89 burutza merezimendu lehiaketa bidez betetzeko deialdia onetsi zen. Horien artean, garai hartan Landa Garapeneko eta Ingurumeneko Departamentua zeneko Ibaietako Obren Bulegoarena zegoen (1842 zenbakia). Aipatutako deialdia 2011ko 116. Nafarroako Aldizkari Ofizialean argitaratu zen, ekainaren 15ean.
Otsailaren 27ko 563/2012 Ebazpenaren bidez, hemen garrantzia duenari dagokionez, 89 burutza horietariko 62ri dagozkien onartu eta baztertuen behin betiko zerrendak onetsi ziren. Ebazpena 2012ko 58. Nafarroako Aldizkari Ofizialean argitaratu zen, martxoaren 23an.
Ibaietako Obren Bulegoa Landa Garapeneko, Ingurumeneko eta Toki Administrazioko Departamentuko egitura organikotik kendu da, abenduaren 22ko 456/2016 Foru Aginduaren bidez sartutako aldaketaren ondorioz. Foru agindu hori 2017ko 8. Nafarroako Aldizkari Ofizialean argitaratu zen, urtarrilaren 12an.
Aurrekoa aintzat hartuta, bai eta deialdiaren 1. oinarrian xedatutakoa ere, bidezkoa da oraingo Landa Garapeneko, Ingurumeneko eta Toki Administrazioko Departamentuko Ibaietako Obren Bulegoari dagokion lehiaketa indarrik gabe uztea, aipatutako arrazoia dela-eta.
Horrenbestez, eta otsailaren 21eko 30/2005 Foru Dekretuaren bidez esleiturik ditudan eskudantziak erabiliz,
EBATZI DUT:
1. Indarrik gabe uztea Nafarroako Foru Komunitatearen Administrazioko eta haren erakunde autonomoetako atal, bulego eta unitate parekatuetako 89 burutza betetzeko deialdiari dagokion merezimendu lehiaketa, Landa Garapeneko, Ingurumeneko eta Toki Administrazioko Departamentuko Ibaietako Obren Bulegoaren burutzari dagokionez (1842 zenbakia), haren egitura organikotik kendu delako. Aipatu deialdia maiatzaren 23ko 1448/2011 Ebazpenaren bidez onetsi zen.
2. Ebazpen hau Landa Garapeneko, Ingurumeneko eta Toki Administrazioko Departamentuko Idazkaritza Tekniko Nagusiari eta Langileriaren Gastuaren Kontrolaren eta Nominen Zerbitzuari jakinaraztea, eta Nafarroako Aldizkari Ofizialean argitara dadila agintzea, behar diren ondorioak izan ditzan.
Iruñean, 2017ko maiatzaren 31n.–Funtzio Publikoko zuzendari nagusia, Amaia Goñi Lacabe.
Iragarkiaren kodea: F1707106
