1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.2. Oposizioak eta lehiaketak. Lan publikoaren eskaintza
1391/2017 EBAZPENA, maiatzaren 31koa, Funtzio Publikoko zuzendari nagusiak emana, Nafarroako Foru Komunitatearen Administrazioko eta haren erakunde autonomoetako atal, bulego eta unitate parekatuetako 108 burutza merezimendu lehiaketa bidez betetzeko deialdian, Garapen Ekonomikorako Departamentuko Obren III. Ataleko burutzari dagokion lehiaketa indarrik gabe uzten duena. Aipatu deialdia maiatzaren 18an emandako 1378/2009 Ebazpenaren bidez onetsi zen.
Funtzio Publikoko zuzendari nagusiak maiatzaren 18an emandako 1378/2009 Ebazpenaren bidez, Nafarroako Foru Komunitatearen Administrazioko eta haren erakunde autonomoetako atal, bulego eta unitate parekatuetako 108 burutza merezimendu lehiaketa bidez betetzeko deialdia onetsi zen. Horien artean, garai hartan Herri Lan, Garraio eta Komunikazio Departamentua zeneko Obren III. Atalarena zegoen (5133 zenbakia). Aipatutako deialdia 2009ko 69. Nafarroako Aldizkari Ofizialean argitaratu zen, ekainaren 5ean.
Azaroaren 2ko 3040/2009 Ebazpenaren bidez, hemen garrantzia duenari dagokionez, burutza hori betetzeko deialdian onartu eta baztertutako izangaien behin betiko zerrenda onetsi zen. Ebazpena 2009ko 145. Nafarroako Aldizkari Ofizialean argitaratu zen, azaroaren 25ean.
Aipatu Obren III. Atala Garapen Ekonomikorako Departamentuko egitura organikotik kendu da, urtarrilaren 11ko 1/2017 Foru Dekretuaren bidez. Foru dekretu hori 2017ko 21. Nafarroako Aldizkari Ofizialean argitaratu zen, urtarrilaren 31n.
Aurrekoa aintzat hartuta, bai eta deialdiaren 1. oinarrian xedatutakoa ere, bidezkoa da oraingo Garapen Ekonomikorako Departamentuko Obren III. Atalari dagokion lehiaketa indarrik gabe uztea, aipatutako arrazoia dela-eta.
Horrenbestez, eta otsailaren 21eko 30/2005 Foru Dekretuaren bidez esleiturik ditudan eskudantziak erabiliz,
EBATZI DUT:
1. Nafarroako Foru Komunitatearen Administrazioko eta haren erakunde autonomoetako atal, bulego eta unitate parekatuetako 108 burutza merezimendu lehiaketa bidez betetzeko deialdian, Garapen Ekonomikorako Departamentuko Obren III. Atalaren burutzari dagokion (5133 zenbakia) lehiaketa indarrik gabe uztea, atal hori departamentuaren egitura organikotik kendu baita. Aipatutako deialdia maiatzaren 18ko 1378/2009 Ebazpenaren bidez onetsi zen.
2. Ebazpen hau jakinaraztea Sustapen Departamentuko Idazkaritza Tekniko Nagusiari eta Langileriaren Gastuaren Kontrolaren eta Nominen Zerbitzuari, eta Nafarroako Aldizkari Ofizialean argitara dadila agintzea, behar diren ondorioak izan ditzan.
Iruñean, 2017ko maiatzaren 31n.–Funtzio Publikoko zuzendari nagusia, Amaia Goñi Lacabe.
Iragarkiaren kodea: F1707105
