119. ALDIZKARIA - 2017ko ekainaren 21a

1. NAFARROAKO FORU KOMUNITATEA

1.5. ESTATUTUAK ETA LAN HITZARMEN KOLEKTIBOAK

49C/2017 EBAZPENA, apirilaren 6koa, Politika Ekonomiko eta Enpresarialaren eta Lanaren zuzendari nagusiak emana, Papelera del Ebro SA enpresaren Vianako lantegiko eskulaneko plantillarentzat hitzarmen kolektiboko soldata berrikusteko akordioa erregistratu, gorde eta Nafarroako Aldizkari Ofizialean argitaratzea erabakitzen duena.

Papelera del Ebro SA enpresaren Vianako lantegiko eskulaneko plantillarentzako hitzarmen kolektiboaren 2017rako soldata berrikusteko akordioaren testua aztertu da (kode zenbakia: 31008360012004), erregistro honetan 2017ko martxoaren 23an sartu eta enpresaren eta sindikatuen ordezkariek 2017ko urtarrilaren 26an sinatua, Langileen Estatutuari buruzko Legearen testu bategina onetsi zuen urriaren 23ko 2/2015 Legegintzako Errege Dekretuaren 90. artikuluaren 2. eta 3. idatz-zatietan eta Hitzarmen Kolektiboen Erregistro eta Gordailuei buruzko maiatzaren 28ko 713/2010 Errege Dekretuan ezarritakoaren arabera. Horrenbestez,

EBATZI DUT:

1. Nafarroako Lan Hitzarmen eta Akordio Kolektiboen Erregistroan inskribatzeko agintzea.

2. Nafarroako Aldizkari Ofizialean argitaratzeko agintzea, orok jakin dezan.

Iruña, 2017ko apirilaren 6a.–Politika Ekonomiko eta Enpresarialaren eta Lanaren zuzendari nagusia, Izaskun Goñi Razquin.

Papelera del Ebro SA enpresaren Hitzarmen Kolektiboaren 2017rako soldaten berrikuspena (PDFa).

Iragarkiaren kodea: F1705720