116. ALDIZKARIA - 2017ko ekainaren 16a

2. NAFARROAKO TOKI ADMINISTRAZIOA

2.1. OPOSIZIOAK ETA LEHIAKETAK. LAN PUBLIKOAREN ESKAINTZA

BERRIOBEITI

Deialdia, administrari-ofiziala izateko lanpostuan aldi baterako kontratuarekin aritzeko izangaien zerrenda bat hautaproben bidez eratzeko, sortzen diren beharrei erantzutearren

Ikusirik Alkatetzaren 322 Ebazpena (2017ko maiatzaren 26koa), deialdia onesten duena, Berriobeitiko Udalaren zerbitzuko administrari-ofiziala izateko lanpostuan aldi baterako kontratuarekin aritzeko izangaien zerrenda bat hautaproben bidez eratzeko, sortzen diren beharrei erantzutearren.

Berriobeitiko Udaleko langile beharrak azterturik, eta beharrezkoa baita Berriobeitiko Udalaren zerbitzuko administrari-ofizialaren lanpostua aldi baterako kontratuarekin betetzeko izangaien zerrenda eratzea, sortzen diren beharrei erantzutearren.

Aplikatzekoak diren xedapenek legez ematen dizkidaten eskudantziak erabiliz eta ekainaren 5eko 113/1985 Foru Dekretua kontuan hartuz,

EBATZI DUT:

1. Deialdia onestea, Berriobeitiko Udalaren zerbitzuko administrari-ofiziala izateko lanpostua aldi baterako kontratuarekin betetzeko izangaien zerrenda bat hautaproben bidez eratzeko, sortzen diren beharrei erantzutearren.

2. Hautapen proben deialdia arautuko duten oinarriak onestea. Ebazpen honen I. eranskinean daude.

3. Ebazpen hau Nafarroako Aldizkari Ofizialean argitaratzeko agindua ematea.

Berriobeitin, 2017ko maiatzaren 26an.–Alkate udalburua, Juan M.ª Albizu Andueza.

I. ERANSKINA

Oinarriak

1.–Arau orokorrak.

Deialdia iragartzen da, administrari-ofiziala izateko lanpostua oposizio-lehiaketa bidez betetzeko izangaien zerrenda hautaproben bidez eratzeko, merezimenduaren eta gaitasunaren printzipioetan oinarriturik, Berriobeitiko Udalean sortzen diren beharrei aldi baterako erantzutearren. Beharrezkoa da oposizio-lehiaketa izatea, kontuan harturik lanpostuan bete beharreko zereginen konplexutasuna, eta ez litzatekeelako prestakuntzarako denborarik izanen presako kontratazioa egin behar izanez gero.

Deialdi honen babesean eratzen den zerrendak bost urteko indarraldia izanen du gehienez, indarra hartzen duen egunetik hasita, edo beste deialdi bat onesten den arte.

Zerrenden indarraldia bitartean, halako lanpostuetarako bertze zerrendaren bat osatzen bada Nafarroako Aldizkari Ofizialean argitaratutako hautaproben deialdi publiko baten bidez, berrikiago onetsitako zerrendetako izangaiak lehenetsiko dira zerrenda zaharragokoen aurretik. Udalak nahieran jo dezake hautatutako izangaien zerrendara administrazio-langileak kontratatzearren, alor ezberdinetan: administrazio orokorra, ekonomikoa eta kontzejuak.

1.1. Lanpostuek C mailako ordainsariak izanen dituzte, bat etorririk uztailaren 4ko 158/1984 Foru Dekretuaren bidez onetsitako Ordainsariei buruzko Behin-behineko Erregelamenduan xedatuarekin eta Berriobeitiko Udalari aplikatzen ahal zaizkion gainerako xedapenekin.

1.2. Bere lanbide maila eta kategoriako eginkizunak beteko ditu, besteak beste, jendea hartzea, ordenagailuak erabiltzea, testu lanketak, kudeaketa programak eta abar, eta, oro har, berezkoak dituen eginkizunen artetik agintzen zaizkion lan guztiak.

2.–Betebeharrak.

2.1. Parte hartu nahi dutenek, eskabideak aurkezteko epea bukatzen den egunean, baldintza hauek bete beharko dituzte:

a) Espainiako nazionalitatea izatea edo Europar Batasuneko estaturen batekoa edo, Europar Batasunak izenpetu eta Espainiako estatuak berretsitako nazioarteko itunen arabera, langileen joan-etorri askea aplikatzen den estaturen batekoa.

Orobat, parte har dezakete espainiarren eta Europar Batasuneko beste estatuetako herritarren ezkontideek, edo aipatu nazioarteko itunen aplikazio eremuan sartutako estatuetako herritarren ezkontideek, zuzenbidez bereizita ez badaude; halaber, haien ondorengoek eta ezkontidearenek, zuzenbidez bereizita ez badaude, 21 urtetik beherakoak badira, edo gorakoak baldin haien kontura bizi badira.

b) Hamasei urte beteak izatea eta nahitaezko erretiroa hartzeko gehieneko adina ez gainditzea.

c) Eskaerak aurkezteko epea bukatzen den egunean, Batxilergoko titulua, Lanbide Heziketako bigarren mailakoa edo horien baliokide bat izatea, edo izateko moduan egotea (titulu hori eskuratzeko eskubideak ordaindu izanaren gordekina). Atzerrian lortutako tituluak badira, homologazioaren egiaztagiria eduki beharko da.

d) Bete behar dituen eginkizunetan aritzeko adinako gaitasun fisiko eta psikikoa izatea.

e) Eginkizun publikoetan aritzeko ezgaitua edo gabetua ez egotea eta administrazio publikoren baten zerbitzutik bereizia ez izatea.

Espainiako nazionalitatea ez izanik parte hartu nahi dutenek zinpeko aitorpena edo hitzematea aurkeztu beharko dute, adierazteko ez dutela diziplina-zehapenik edo kondena penalik beren estatuko funtzio publikoan sartzea galarazten dienik.

Europar Batasunak izenpetu eta Espainiak berretsitako nazioarteko itunak direla medio, langileen zirkulazio librea aplikatzen den eremuko estatu batekoen kasuan, itunaren frogagiria aurkeztu beharko da.

Oinarri honetan ezarritako baldintza guztiak eskaerak aurkezteko epea bukatzen den egunerako bete beharko dira, bai eta hautapen prozedurak eta kontratazioak iraun bitartean mantendu ere. Gerora horietakoren bat ez betetzea nahikoa arrazoi izanen da deirik ez egiteko, harik eta arrazoi hori desagertu arte.

2.2. Euskara maila nahitaezkoa duten lanpostuak.

Aurrean eskatutako baldintzei honakoak gehituko zaizkie:

a) Bete beharreko lanposturako plantilla organikoan ezarritako nahitaezko euskara maila izatea. Izangaiak ezin badu frogatu euskara maila hori duela, proba bat egin beharko du, haren hizkuntza maila behar adinakoa dela frogatzeko. Proba hau Euskarabideak eginen du.

Ordezkapena egiteko beharra sortzen den unean indarrean dagoen plantilla organikoaren arabera euskararen ezagutza nahitaezko ezarrita duten lanpostuak, soilik nahitaez ezarritako maila egiaztatu duten kontratazio zerrendako pertsonekin betetzen ahalko dira.

3.–Eskabideak.

3.1. Deialdian parte hartzeko eskabideak Berriobeitiko Udaleko Erregistro Orokorrean (Udaletxe plaza, 1) aurkeztu beharko dira, deialdi hau Nafarroako Aldizkari Ofizialean argitaratu eta biharamunetik hasita 15 egun naturaleko epean, azken eguneko 14:00ak arte, edo, bestela, Administrazio Publikoen Administrazio Prozedura Erkideari buruzko urriaren 1eko 39/2015 Legearen 16.4 artikuluan aurreikusitako gainerako bideak ere erabil daitezke eskabideak aurkezteko. Eskaera posta bulego batean aurkeztuz gero, gutun-azal ireki batean aurkeztuko da, postako langileek data eta zigilua jar diezazkioten eskabideari, ziurtatu aurretik.

Halaber, eskabidea telematika bidez aurkezten ahalko da, Berriobeitiko Udalaren Erregistro Elektroniko Orokorrean. Erregistro hori Berriobeitiko Udalaren egoitza elektronikoan dago (ayuntamiento@berrioplano.es). Kasu horretan, parte hartzeko berariazko eskabidea eta beharrezkoak diren gainerako agiriak aurkezteko, Erregistro Elektroniko Orokorrean artxiboak eransteko aurreikusita dauden formatuetatik edozein erabil daiteke.

3.2. Eskabideak III. eranskinean argitaratzen den ereduari lotuko zaizkio. Horiek Udaleko bulego orokorretan eskura daitezke, baita Interneten ere, www.berrioplano.es helbidean. Eskabideetan izangaiek adierazi beharko dute eskatutako baldintza guztiak betetzen dituztela.

3.3. Izangaiek honako hau aurkeztu behar dute eskabidearekin batera:

–Nortasun agiri nazionalaren kopia konpultsatua.

–Azterketarako eskubideen tasa ES78 3008 0078 4107 0326 6023 kontuan ordaindu izanaren frogagiria.

–Ordaindu beharreko zenbatekoa 11,07 eurokoa izanen da oro har.

Azterketarako eskubideen tasa ordaintzen ez bada edo, frogagiria aurkezten ez bada, kasua zein den, izangaia baztertu eginen da.

–Baloratuko diren merezimenduak frogatzeko agiriak.

Kontratua egiteko deitzen zaien pertsonek soilik aurkeztu behar dute eskatzen diren titulazio baldintzak eta deialdian eskatzen diren bestelakoak betetzen dituztela frogatzeko dokumentazioa.

3.4. Desgaitasun aitorturen bat duten izangaiek, parte hartzeko eskabidearekin batera, egoera horren frogagiria aurkeztu beharko dute, organo eskudunak emana. Halaber, azterketak egiteko denboraren edo baliabideen egokitzapenak eskatzen ahalko dituzte. Kasu horretan, eskabidean behar den tokian adierazi beharko dute, eta, horrez gainera, aparteko orri batean, nolako desgaitasuna duten eta zer egokitzapen eskatzen duten.

3.5. Eskabideak aurkezteko epea luzaezina da.

4.–Izangaien onarpena.

4.1. Behin-behineko zerrendak. Eskabideak aurkezteko epea amaiturik, Berriobeitiko Udaleko alkateak onartu eta baztertuen behin-behineko zerrenda onesten duen ebazpena emanen du, eta aginduko du Berriobeitiko Udaleko iragarki oholean eta Udalaren web-orrian (www.berrioplano.es) argitara dadila. Izangai bazterturik ez bada, zuzenean onetsiko dira onartuen behin betiko zerrendak.

Izangai baztertuek, behin-behineko zerrenda argitaratu ondoko 5 egun baliodunen barrenean, erreklamazioak egiten ahalko dituzte eta, okerrik egin baldin badute, horiek zuzendu.

4.2. Behin betiko zerrendak. Erreklamazioetarako epea bukatutakoan eta haiei erantzun ondotik, alkateak ebazpena emanen du, onartu eta baztertuen behin betiko zerrenda onesteko, eta aginduko du www.berrioplano.es Udalaren webgunean eta iragarki oholean bakarrik argitaratzeko. Ebazpen horretan berean zehaztuko da probak non, noiz eta zer ordutan hasiko diren.

4.3. Onartuen zerrendan agertzea ez da aski deialdian eskatutako betebeharrak betetzen direla aitortzeko. Izangaiek aurkeztutako dokumentazioa edo Udalak bere eskuetan daukana aztertuta, eskatutako baldintzetako bat betetzen ez dutela ohartuz gero, interesdunek deialdian parte hartzeagatik dituzten eskubide guztiak galduko dituzte.

4.4. Izangai onartu eta baztertuen zerrendak argitaratzearekin ulertuko da interesdunei egin beharreko jakinarazpena egin dela, Administrazio Publikoen Administrazio Prozedura Erkideari buruzko urriaren 1eko 39/2015 Legearen 45.b) artikuluan ezarritakoarekin bat.

5.–Hautaproben bilakaera eta balorazioa.

5.1. Lehiaketaldia: lehiaketaldia oposizioa gainditu duten izangaiei baloratuko zaie, eta 30 puntu izanen ditu gehienez, baremo honen arabera:

5.1.1. Eskarmentua:

–Nafarroako toki entitate batendako, administrari-ofizialaren lanetan emandako urte bakoitzeko: 4 puntu, urte bakoitzeko.

–Nafarroako toki entitate batendako, administrari laguntzailearen lanetan emandako urte bakoitzeko: 2 puntu, urte bakoitzeko.

Zerbitzu urteak osoak ez badira, zerbitzuak zenbat egunetan egin diren, horren arabera banatuko zaie puntuazioa izangaiei.

Aurreko bi atalen batura ez da 15 puntu baino handiagoa izanen.

5.1.2. Prestakuntza:

–Informatikako ikastaroak egiteagatik: Word, Excel eta Access, Outlook eta Udaletako berariazko aplikazio informatikoen ikastaroak (errolda, jarduera ekonomikoen zerga, zirkulazio zerga, katastroa, gainbalioak, kontribuzioa, sarrera eta irteeren erregistroa): 0,04 puntu, ikastordu bakoitzeko.

–Deialdiko lanpostuarekin zerikusia duten ikastaroak egiteagatik: 0,05 puntu, ikastordu bakoitzeko.

Aurreko bi atalen batura ez da 5 puntu baino handiagoa izanen.

5.1.3. Euskara.

Udal esparruan euskararen erabilera eta sustapena arautzen dituen ordenantzan ezarritakoarekin bat, euskaraz jakitea deialdiaren puntu guztien (oposizioa gehi lehiaketa) %10 baloratuko da jendearekin harreman zuzena daukaten lanpostu guztietarako. Hortaz, euskararen ezagutza gehienez ere 10 puntu baloratuko da EGA edo C1 titulua edukiz gero. Horien azpiko titulazioei puntu hauek emanen zaizkie: A1 tituluak 2 puntu izanen ditu, A2 tituluak 4 puntu, B1 tituluak 6 puntu eta B2 tituluak 8 puntu.

Hizkuntza eskola ofizial batek luzaturiko gaitasun agiriarekin edo ofizialki haren baliokidetzat jotzen den titulazioarekin frogatzen ahalko da, eta eskabideari agiri horren fotokopia konpultsatua erantsi behar zaio.

Izangaiak ez badauka entitate eskudunak emandako egiaztagiri ofizialik, Euskarabidean proba egiteko aukera dauka. Erakunde horrek zehaztuko du lortutako puntuazioa, atal honen hirugarren lerroaldean ezarritako irizpideari jarraikiz.

Euskararen proba egin nahi duten izangaiek hala adierazi beharko dute deialdian parte hartzeko eskabide orokorrean. Proba, 5.2. oinarrian ezarritako probak gainditu dituztenei eginen zaie.

5.2. Proba teoriko-praktikoa:

Proba teoriko-praktikoan galdera teoriko-praktiko batzuk idatziz erantzun beharko dira; horietatik hiru laurdenak II. eranskineko gaiei buruzkoak izanen dira eta gainerakoak, berriz, informatikako ezagutza orokorrei eta Microsoft Office programei buruzkoak (Word, Access, Excel eta Outlook).

Galdera guztiendako hiru erantzun emanen dira aukeran, baina bat bakarra izanen da baliozkoa. Galdera guztiek balio bera izanen dute. Erantzun okerrek galdera bakoitzari emandako balorazioaren laurden bateko zigorra izanen dute. Ariketa hau egiteko izangaiek izanen duten denbora epaimahaiak adieraziko du, azterketa hasi baino lehen.

Ariketaren balorazioak 70 puntu egin ditzake, gehienez ere, eta bazterturik geldituko dira eskatzen den gehieneko puntuazioaren %30, gutxienez, eskuratzen ez duten izangaiak.

Proba hauek egiteko ez da inolako testurik erabiltzen ahalko, ezta kalkulagailurik edo bestelako materialik ere, bolaluma urdina edo beltza ez bada.

5.2.1. Ariketak plika sistemaren bidez eginen dira.

5.2.2. Probetarako dei bakarra eginen da. Parte-hartzaileek aldean eraman beharko dute nortasun agiri nazionala, pasaportea edo gidabaimena. Agirien bidez nor diren frogatzen ez dutenak edo agertzen ez direnak baztertuta geldituko dira.

5.2.3. Hautaproba egiteko, desgaitasun aitorturen bat dutenentzat bidezkoak diren denbora eta baliabide egokitzapenak jarriko dira, eskabidean azaldutakoaren arabera.

6.–Kalifikazio-epaimahaia.

6.1. Kalifikazio epaimahaia honako hauek osatuko dute:

Epaimahaiburua: Juan M.ª Albizu Andueza, Berriobeitiko Udaleko alkatea.

Ordezko epaimahaiburua: noren eskutan uzten duen, huraxe.

1. mahaikidea: Mario Zapata Solano. Berriobeitiko Udaleko euskara teknikaria.

Ordezko epaimahaikidea: noren eskutan uzten duen, huraxe.

2. mahaikidea: Eva Salinas Urra, NUKFko administrari-ofiziala.

Ordezko epaimahaikidea: M.ª Jesús Eugui Iraizoz, NUKFeko administrari-ofiziala.

3. mahaikidea: Roberto Leon Zaro, Berriobeitiko Udaleko langileen ordezkaria.

Ordezko epaimahaikidea: noren eskutan uzten duen, huraxe.

Idazkaria: Jesús M.ª Llorens García, Berriobeitiko Udaleko idazkaria.

Ordezko idazkaria: noren eskutan uzten duen, huraxe.

6.2. Epaimahaiko kideek parte hartzeari uko egin beharko diote Sektore Publikoaren Araubide Juridikoari buruzko urriaren 1eko 40/2015 Legearen 23. artikuluan abstentziorako aurreikusiak dauden arrazoiak suertatzen direnean. Bestetik, izangaiek mahaikideak errefusatzen ahalko dituzte, Sektore Publikoaren Araubide Juridikoari buruzko urriaren 1eko 40/2015 Legearen 24. artikuluan aurreikusitako egoeraren bat izaten denean.

Epaimahaia aldatzen bada, mahaikideek beraiek uko egiteko edo haiek errefusatzeko legez ezarritako kasuak direla-eta, aditzera emanen da, izangai onartu eta baztertuen zerrendekin batera.

6.3. Hautaprobak hasi baino lehen eratu beharko da epaimahaia.

Epaimahaia ezin izanen da eratu, ezta jardun ere, gutxienez ere kideen gehiengo osoa bertan ez bada. Halaber, epaimahaiaren eraketak eta jardunak balio izateko, mahaiburuak eta idazkariak edo haien ordezkoek bertan egon beharko dute.

6.4. Epaimahaiak gehiengoz ebatziko ditu deialdietako oinarrien interpretazio eta aplikazioaren inguruan sortzen diren arazoak.

6.5. Epaimahaiak aholkulari espezialistak hartzen ahalko ditu probarako, eta horiek beren espezialitate teknikoetan baizik ez dira ariko, eta haietan bakarrik emanen diete laguntza epaimahaikoei.

7.–Emaitzak.

7.1. Parte-hartzaileen artean berdinketarik gertatuz gero, epaimahaiak ebatziko du, kontuan izanik zein izan den probako puntuaziorik handiena. Arestian ezarritako irizpideak aplikatuta ere berdinketak jarraitzen badu, epaimahaiak eginen duen berariazko zozketa bakar baten bidez ebatziko da. Zozketaren emaitzak web orrian (deialdiaren aipuan) eta Berriobeitiko Udaleko iragarki-oholean argitaratuko dira.

7.2. Behin proben kalifikazioa bukaturik, epaimahaiak Antsoaingo Udalaren iragarki oholean eta webgunean (www.berrioplano.es) jarriko du probak gainditzen dituzten izangaien zerrenda, guztira lortzen duten puntuazioaren ordenaren arabera.

Bi probetan bazterturik gelditu ez direnak sartuko dira aldi baterako kontratatzeko izangaien zerrendetan.

8.–Aldi baterako kontrataziorako izangaiei dei egitea.

8.1. Gainditu duten izangaiei Berriobeitiko Udalean gertatzen diren beharren arabera eginen zaie dei, deialdi honetan ezarritakoari eta aplikatzekoak diren gainerako arauei jarraituz.

8.2. Lanean hasteko deiari dagokionez, kontuan hartuko da Berriobeitiko Udaleko kontratazio zerrenden kudeaketarako erregelamenduan ezarritakoa, 2016ko urriaren 4ko osoko bilkuran onetsi baitzen eta 2017ko 13. Nafarroako Aldizkari Ofizialean argitaratu, urtarrilaren 19an.

8.3. Errazago aurkitu ahal izateko, izangaiek harremanetarako telefono bat bederen eman beharko dute (harremanetarako beste telefono batzuk ere eman ditzakete), baita helbide elektroniko bat ere. Informazio hori etengabe eguneratua eduki behar dute.

9.–Errekurtsoak.

Deialdi honen aurka, nahiz bere oinarrien eta aplikazio egintzen aurka, errekurtso hauetako bat aurkez daiteke, aukeran:

a) Administrazioarekiko auzi-errekurtsoa, Nafarroako Justizia Auzitegi Nagusiko arlo bereko salari zuzendua, erabaki hau edo errekurritzen den egintza argitaratu edo jakinarazi eta biharamunetik bi hilabeteko epean, organo egileari errekurritzeko asmoaren berri emanik; edo bestela,

b) Gora jotzeko errekurtsoa, zuzenean Nafarroako Administrazio Auzitegiari zuzendua, erabaki hau argitaratu edo errekurritzen den egintza jakinarazi eta biharamunetik hasita hilabeteko epearen barnean.

c) Berraztertzeko errekurtsoa, egintza eman duen erakundean berean, hilabeteko epean, jakinarazi eta biharamunetik aitzina.

Epaimahaiaren egintzen aurka gora jotzeko errekurtsoa aurkez daiteke, deialdia egin duen udal organoari zuzendua, hilabeteko epean, errekurritutako egintza edo erabakia jakinarazten denetik hasita.

II. ERANSKINA

Gai zerrenda

1.–Administrazio agiriak. Ofizioa, eskabidea, ziurtagiria, akta, zirkularra, erabakien igorpena, jakinarazpenak.

2.–Biztanleen udal errolda. Biztanleen erroldaren ideia orokorra, tramiteak eta prozedurak.

3.–39/2015 Legea, urriaren 1ekoa, Administrazio Publikoen Administrazio Prozedura Erkideari buruzkoa.

4.–7/1985 Legea, apirilaren 2koa, Toki Araubidearen Oinarriak arautzen dituena: II. titulua. Udalerria. V. titulua: toki entitateen funtzionamenduaren araubidea.

5.–6/1990 Foru Legea, ekainaren 2koa, Nafarroako Toki Administrazioari buruzkoa: I. titulua: udalerria, Nafarroako toki entitate gisa. III. titulua: Nafarroako toki entitateen funtzionamenduaren araubidea. Herritarrendako informazioa eta haien parte-hartzea. IX. titulua. Nafarroako toki entitateen jarduketak: prozedura eta araubide juridikoa, inpugnazioa eta kontrola. Bereziki gora jotzeko errekurtsoa, Nafarroako Administrazio Auzitegiari zuzendua.

6.–2568/1986 Errege Dekretua, azaroaren 28koa, Toki Entitateen Antolaketaren eta Funtzionamenduaren gaineko Erregelamendua onesten duena. I. titulua. Udalbatzetako kideen estatutua. II. titulua: toki entitateen beharrezko antolaketa. III. titulua: toki entitateen beharrezko organoen funtzionamendua. IV. titulua: toki entitateen antolaketa osagarria. VI. titulua: prozedura eta araubide juridikoa.

7.–2/1995 Foru Legea, martxoaren 10ekoa, Nafarroako Toki Ogasunei buruzkoa.

8.–35/2002 Foru Legea, abenduaren 20koa, Lurraldearen Antolamenduari eta Hirigintzari buruzkoa. V. titulua: Administrazioaren esku hartzea eraikuntzan eta lurzoruaren erabileretan, eta hirigintzako diziplina, hirigintzako lizentziak.

9.–4/2005 Foru Legea, martxoaren 22koa, Ingurumena Babesteko Esku-hartzeari buruzkoa. III. titulua: zer jarduerak behar duten jarduera sailkatuko udal lizentzia. VI. titulua. Zehapen araubidea.

10.–12/2006 Foru Legea, azaroaren 21ekoa, Nafarroako Lurralde Aberastasunaren Erregistroari eta Katastroei buruzkoa.

Oharra: zein egunetan argitaratzen den deialdia Nafarroako Aldizkari Ofizialean, egun horretan indarra duen araudiaren arabera eskatuko dira gai guztiak.

III. ERANSKINA

Eskabide eredu ofiziala (PDFa).

Iragarkiaren kodea: L1706552