116. ALDIZKARIA - 2017ko ekainaren 16a

1. NAFARROAKO FORU KOMUNITATEA

1.5. ESTATUTUAK ETA LAN HITZARMEN KOLEKTIBOAK

41C/2017 EBAZPENA, martxoaren 21ekoa, Politika Ekonomiko eta Enpresarialaren eta Lanaren zuzendari nagusiak emana, Iruñerriko Zerbitzuak SA enpresaren 2017-2020 aldirako II. berdintasun-planarekin lotutako akordioa erregistratu, gorde eta Nafarroako Aldizkari Ofizialean argitaratzea erabakitzen duena.

Iruñerriko Zerbitzuak SA enpresaren 2017-2020 aldirako II. berdintasun-planarekin lotutako akordioaren testua aztertu da (kode zenbakia: 31100062112017), erregistro honetan 2017ko martxoaren 1ean sartu zena, enpresaren eta sindikatuen ordezkariek 2017ko urtarrilaren 23an sinatua, Langileen Estatutuari buruzko Legearen Testu Bategina onetsi zuen martxoaren 24ko 1/1995 Legegintzako Errege Dekretuaren 90. artikuluaren 2. eta 3. idatz-zatietan eta Hitzarmen Kolektiboen Erregistro eta Gordailuei buruzko maiatzaren 28ko 713/2010 Errege Dekretuaren 2.1.f) artikuluan ezarritakoaren arabera. Horrenbestez,

EBATZI DUT:

1. Nafarroako Lan Hitzarmen eta Akordio Kolektiboen Erregistroan inskribatzeko agintzea.

2. Nafarroako Aldizkari Ofizialean argitaratzeko agintzea, herritar guztiek horren berri izan dezaten.

Iruñean, 2017ko martxoaren 21ean.–Politika Ekonomiko eta Enpresarialaren eta Lanaren zuzendari nagusia, Izaskun Goñi Razquin.

2017-2020 aldirako Iruñerriko Zerbitzuak SA enpresaren II. berdintasun planari buruzko akordioa (PDFa).

Iragarkiaren kodea: F1703606