114. ALDIZKARIA - 2017ko ekainaren 14a

1. NAFARROAKO FORU KOMUNITATEA

1.4. DIRU-LAGUNTZAK, LAGUNTZAK ETA BEKAK

Laburpena, Kultura, Kirol eta Gazteriako kontseilariak maiatzaren 30ean emandako 22E/2017 Foru Aginduarena. Foru agindu horren bidez, "Generazinema Film Luzeak: 2017an eta 2018an film luzeak produzitzeko diru-laguntzen deialdia” onetsi da.

Diru-laguntzei buruzko azaroaren 17ko 38/2003 Lege Orokorraren 17.3.b eta 20.8.a artikuluetan aurreikusitakoari jarraituz, argitara ematen da deialdiaren laburpena; horren testu osoa Diru-laguntzen Datu Base Nazionalean kontsulta daiteke. http://www.pap.minhafp.gob.es/bdnstrans/GE/eu/index): BDNS (Identifikazioa): 332664.

Lehena.–Onuradunak:

Laguntza hauen onuradunek baldintza hauek bete beharko dituzte:

Diru-laguntzei buruzko azaroaren 9ko 11/2005 Foru Legearen 13. artikuluan ezarritako betebehar orokorrak.

–Deialdi honetan aurreikusitako laguntzak jasotzeko, zinemagintzako enpresek legearen arabera ezarrita egon beharko dute Europar Batasuneko estatu batean, eta produkzio-etxe gisa inskribatuta Europar Batasuneko estatu bateko Zinema Enpresen Erregistroan (Espainiako enpresen kasuan, ICAAko erregistroan inskribatua).

–Proiektuak onartzeko epea ixten den unean film bihurtu eta aginduzko kalifikazioa duten proposamenek ezin izanen dute laguntzarik jaso, ezta zine aretoetan edo zinemaldietan erakutsita daudenek ere.

Bigarrena.–Xedea.

Deialdi honen xedea da fikzioko, dokumental gisako edo animazioko film luzeen produkziorako laguntzak emateko arauak jartzea; film luzetzat hartzeko, 60 minutu edo gehiago iraun beharko du lanak, eta zine aretoetan, telebistan edo Interneteko plataforman jendaurreko emanaldi komertzialetan erakusteko helburua izan beharko du.

Hirugarrena.–Zenbatekoa.

Diru-laguntza hauetarako 305.000 euro bideratuko dira gehienez, Vianako Printzea Erakundea-Kultura Zuzendaritza Nagusiaren 2017ko eta 2018ko gastuen aurrekontuaren kargura, honela banatuak:

–2017ko ekitaldi ekonomikoa: 152.500 euro.

–2018ko ekitaldi ekonomikoa: 152.500 euro.

Laugarrena.–Eskaerak aurkezteko epea.

Eskaerak eta eskatutako agiriak aurkezteko epea 30 egun naturalekoa izanen da, oinarri hauek Nafarroako Aldizkari Ofizialean argitaratu eta biharamunetik hasita.

Bosgarrena.–Beste datu batzuk.

Oro har, laguntzak bi alditan ordainduko dira. Lehenengo zatia aurrerakin moduan ordaintzen ahalko da, edo ordainketa bidez, eta emandako diru-laguntzaren zenbatekoaren %50erainokoa izan daiteke, zein den ere kontzeptua. Bigarren zatian, emandako diru-laguntzaren %50eko ordainketa eginen da, diruz lagundutako jarduera bukatu ondoren eta Kultura Sustapenaren eta Berrikuntzaren Atalak aurretik txostena eginda.

Iruñean, 2017ko maiatzaren 30ean.–Kultura, Kirol eta Gazteriako kontseilaria, Ana Herrera Isasi.

Iragarkiaren kodea: F1706812