114. ALDIZKARIA - 2017ko ekainaren 14a

2. NAFARROAKO TOKI ADMINISTRAZIOA

2.2. XEDAPEN ETA IRAGARKIAK, HERRIEN ARABERA ANTOLATUAK

ERATSUN

Oihan aprobetxamenduak salgai

Eratsungo Udalak honako oihan aprobetxamendu hauek saltzeari ekinen dio:

1. lotea, Pillotasoro alderdian: 762 alertze, 110,14 m³ enbor txiki eta 991,28 m³ material egiten dutenak, eta 41 pago, 36,43 m³ enbor txiki egiten dutenak; hasierako prezioa 36.675,88 euro da, BEZa barne.

2. lotea, Orobi alderdian: 1.027 pago, 1.078,43 m³ enbor txiki egiten dutenak.

2. lotean aipatutako bolumen horretatik, kontratista adjudikaziodunak konpromisoa hartuko du gutxi gorabehera 600 m³ moztu, atera eta udalerriko etxeetan banatzeko, 2017ko urriaren 31 baino lehen; etxeko egurraren 40 lote eginen ditu, bakoitza 15 m³-koa eta guztira 18.000 euro prezioa izanen duena, BEZa barne.

Gainerakoa, lotearen bolumen osoa hartu arte (hau da, 478,43 m³), izanen da enkanteko salmentari dagokiona. Enkantearen hasierako prezioa 5.358,36 euro izanen da, BEZa barne.

Aipatutako loteak enkantean salduko dira eta gutun-azal itxien bidezko prozedurari jarraituz.

Eskaintza ekonomikoak aurkezteko epea 2017ko uztailaren 6an bukatuko da, 14:00etan. Eskaintzak Eratsungo udaletxean aurkeztuko dira.

Enkante bakoitzean parte hartzeko, nahitaez lote bakoitzaren balorazio osoaren %2 gordailuan utzi beharko da.

Salmenta horietarako baldintzak interesdunen eskura daude Eratsungo Udalaren Idazkaritzan.

Eratsunen, 2017ko ekainaren 5ean.–Alkatea, Francisco M.ª Retegui Descarga.

ERANSKINA

Eskaintza ekonomikoaren eredua (PDFa).

Iragarkiaren kodea: L1706848