114. ALDIZKARIA - 2017ko ekainaren 14a

1. NAFARROAKO FORU KOMUNITATEA

1.5. ESTATUTUAK ETA LAN HITZARMEN KOLEKTIBOAK

56C/2017 EBAZPENA, maiatzaren 5ekoa, Politika Ekonomiko eta Enpresarialaren eta Lanaren zuzendari nagusiak emana, Nafarroako errepideko bidaiari-garraioaren sektorerako lan-hitzarmen kolektiboaren aldaketa-akordioa erregistratu, gorde eta Nafarroako Aldizkari Ofizialean argitaratzea erabakitzen duena.

Nafarroako errepideko bidaiari-garraioaren sektorerako lan-hitzarmen kolektiboa aldatzeko akordioaren testua aztertu da (kode zenbakia: 31007505011981), erregistro honetan 2017ko apirilaren 20an sartu zena, enpresaren eta sindikatuen ordezkariek (UGT eta CCOO) 2017ko otsailaren 7an sinatua, Langileen Estatutuari buruzko Legearen Testu Bategina onetsi zuen urriaren 23ko 2/2015 Legegintzako Errege Dekretuaren 90. artikuluaren 2. eta 3. idatz-zatietan eta Hitzarmen Kolektiboen Erregistro eta Gordailuei buruzko maiatzaren 28ko 713/2010 Errege Dekretuan ezarritakoaren arabera. Horrenbestez,

EBATZI DUT:

1. Nafarroako Lan Hitzarmen eta Akordio Kolektiboen Erregistroan inskribatzeko agintzea.

2. Nafarroako Aldizkari Ofizialean argitaratzeko agintzea, orok jakin dezan.

Iruñean, 2017ko maiatzaren 5ean.–Politika Ekonomiko eta Enpresarialaren eta Lanaren zuzendari nagusia, Izaskun Goñi Razquin.

Nafarroako errepideko bidaiari-garraioaren sektorerako lan-hitzarmenaren aldaketa (PDFa).

Iragarkiaren kodea: F1705723