1. NAFARROAKO FORU KOMUNITATEA
1.5. ESTATUTUAK ETA LAN HITZARMEN KOLEKTIBOAK
27C/2017 EBAZPENA, otsailaren 14koa, Politika Ekonomiko eta Enpresarialaren eta Lanaren zuzendari nagusiak emana, Noaingo Aspace Navarra para el Empleo Fundazioaren Enplegurako Zentro Bereziaren hitzarmen kolektiboa erregistratu, gorde eta Nafarroako Aldizkari Ofizialean argitaratzea erabakitzen duena.
Aztertu da Noaingo Aspace Navarra para el Empleo Fundazioaren Enplegurako Zentro Bereziaren hitzarmen kolektiboaren testua (kode zenbakia: 31007912012000), erregistro honetan 2017ko urtarrilaren 26an sartu zena, enpresaren eta sindikatuetako ordezkariek 2017ko urtarrilaren 25ean sinatua, eta 2017o otsailaren 2an zuzendu zena, arau hauetan ezarritakoaren arabera: Langileen Estatutuari buruzko Legearen testu bategina onetsi zuen urriaren 23ko 2/2015 Legegintzako Errege Dekretuaren 90. artikuluaren 2. eta 3. idatz-zatiak eta Hitzarmen Kolektiboen Erregistro eta Gordailuei buruzko maiatzaren 28ko 713/2010 Errege Dekretua. Horrenbestez,
EBATZI DUT:
1. Nafarroako Lan Hitzarmen eta Akordio Kolektiboen Erregistroan inskribatzeko agintzea.
2. Nafarroako Aldizkari Ofizialean argitaratzeko agintzea, orok jakin dezan.
Iruñean, 2017ko otsailaren 14an.–Politika Ekonomiko eta Enpresarialaren eta Lanaren zuzendari nagusia, Izaskun Goñi Razquin.
Noaingo Aspace Navarra para el Empleo Fundazioaren Enplegurako Zentro Bereziko Hitzarmen Kolektiboa (PDFa).
Iragarkiaren kodea: F1702479
