103. ALDIZKARIA - 2017ko maiatzaren 30a

1. NAFARROAKO FORU KOMUNITATEA

1.4. DIRU-LAGUNTZAK, LAGUNTZAK ETA BEKAK

Laburpena, Herritarrekiko eta Erakundeekiko Harremanetako kontseilariak maiatzaren 15ean 17E/2017 Foru Aginduarena. Foru agindu horren bidez, “Udal esparruan euskara erabiltzeko eta sustatzeko laguntzak” izeneko diru-laguntzaren deialdia onetsi da.

Diru-laguntzei buruzko azaroaren 17ko 38/2003 Lege Orokorraren 17.3.b eta 20.8.a artikuluetan aurreikusitakoari jarraituz, argitara ematen da deialdiaren laburpena; horren testu osoa Diru-laguntzen Datu Base Nazionalean kontsulta daiteke (http://www.pap.minhafp.gob.es/bdnstrans/GE/eu/index): DDBN (Identifikazioa): 346975.

Lehena.–Onuradunak.

2017an udal esparruan euskara erabili eta sustatzearen aldeko programak onartu eta garatzen dituzten toki entitateak.

Bigarrena.–Xedea.

Oinarriak ezartzea toki entitateek proposatutako jarduketa programei laguntzak emateko 2017an.

Hirugarrena.–Oinarri arautzaileak.

Honako honetan argitaratutako oinarriak aipatuko dira:

http://www.navarra.es/home_es/ServiciosEmpleado/ficha/16022/Euskara erabiltzeko eta sustatzeko laguntzak udal esparruan 2017.

Laugarrena.–Zenbatekoa.

650.000 euro.

Bosgarrena.–Eskaerak aurkezteko epea.

Eskabideak eta eskatutako dokumentazioa aurkezteko epea hogeita hamar egun naturalekoa izanen da, oinarri hauek Nafarroako Aldizkari Ofizialean argitaratu eta biharamunetik hasita.

Iruñean, 2017ko maiatzaren 15ean.–Herritarrekiko eta Erakundeekiko Harremanetako kontseilaria, Ana Ollo Hualde.

Iragarkiaren kodea: F1705991