1. NAFARROAKO FORU KOMUNITATEA
1.4. DIRU-LAGUNTZAK, LAGUNTZAK ETA BEKAK
Laburpena, Turismo eta Merkataritzako zuzendari nagusiak maiatzaren 5ean emandako 300E/2017 Ebazpenarena. Txikizkako merkataritza sektorearen prestakuntza programarako diru-laguntzak.
Diru-laguntzei buruzko azaroaren 17ko 38/2003 Lege Orokorraren 17.3.b eta 20.8.a artikuluetan aurreikusitakoari jarraituz, argitara ematen da deialdiaren laburpena; horren testua Diru-laguntzen Datu Base Nazionalean kontsulta daiteke (http://www.pap.minhafp.gob.es/bdnstrans/GE/eu/index). DDBN (Identifikazioa): 345576.
Lehena.–Onuradunak.
Merkatari elkarteak, merkatari elkarte mistoak (merkataritza, ostalaritza eta zerbitzuak) eta merkatari elkarteen batasunak, Sindikatuen eta Enpresa Erakundeen Erregistroan inskribaturik bazeuden deialdia Nafarroako Aldizkari Ofizialean argitaratu baino lehen.
Bigarrena.–Xedea.
Berariazko prestakuntza eskaintza sustatzea, txikizkako merkataritza enpresa txiki eta ertainek antolatua eta sustatua, Nafar Lansare-Nafarroako Enplegu Zerbitzuaren eremuan ematen den etengabeko prestakuntzaren eta lanerako prestakuntzaren osagarri, sektoreko lehiakortasuna eta profesionaltasuna handitzeko eta txikizkako merkatarien lanbide gaitasunak hobetzeko.
Hirugarrena.–Oinarri arautzaileak.
Turismo eta Merkataritzako zuzendari nagusiaren maiatzaren 5eko 300E/2017 Ebazpenaren eranskinean biltzen dira.
Laugarrena.–Zenbatekoa.
Deialdiaren ondoriozko konpromisoei erantzuteko guztira baimendutako gastua 35.000 eurokoa da. Horietatik, 33.000 euro prestakuntza jarduerak antolatzeko, eta 2.000 euro Nafarroatik kanpo egiten diren prestakuntza jardueretan parte hartzeko.
Bosgarrena.–Eskaerak aurkezteko epea.
Eskaerak aurkezteko epea hilabetekoa da, deialdi hau Nafarroako Aldizkari Ofizialean argitaratu eta biharamunetik hasita.
Iruñean, 2017ko maiatzaren 5ean.–Turismo eta Merkataritzako zuzendari nagusia, Maitena Ezkutari Artieda.
Iragarkiaren kodea: F1705632
