1. NAFARROAKO FORU KOMUNITATEA
1.4. DIRU-LAGUNTZAK, LAGUNTZAK ETA BEKAK
561/2016 EBAZPENA, apirilaren 29koa, Politika Ekonomiko eta Enpresarialaren eta Lanaren zuzendari nagusiak emana, 2016an nazioartekotzea bultzatuko duten zerbitzu espezializatuak kontratatzeko diru-laguntzen deialdia onestea erabakitzen duena.
Egungo egoeran, beharrezko estrategia da enpresak nazioartekotzea, enpresak sendotzeko eta bideragarriak direla bermatzeko. Nafarroako 2013-2016 Nazioarteko Planean, funtsezko ardatza da enpresak nazioartekotzea, eta enpresa esportatzaileen kopurua handitzearen alde egiten da, bereziki ETEak (Enpresa Txiki eta Ertainak).
Politika Ekonomiko eta Enpresarialaren eta Lanaren Zuzendaritza Nagusiak, Nafarroako 2013-2016 Nazioarteko Planaren esparruan, nazioartekotzea bultzatuko duten zerbitzu espezializatuak kontratatzeko diru-laguntzen lerro bat ireki nahi du. Laguntza horiek pizgarri izanen dira nazioartekotze prozesuaren fase aurreratuan dauden ETE nafarrentzat. Horiek horrela, kasu askotan ezinbestekoa da tokian tokiko zerbitzu espezializatuak kontratatzea, nazioartera ateratzeko fase hori arrakastaz bukatu ahal izateko eta Nafarroako esportazioak sendotzeko.
Nafarroako Foru Komunitatea nazioarteratzen laguntzeko funtsezko tresna da deialdi hau, eta zuzenean bat egiten du Nafarroaren espezializazio adimentsuaren estrategiarekin.
Nafarroako Gobernuak 2016ko martxoaren 2an hartutako 4211 Erabakiaren bidez, Politika Ekonomiko eta Enpresarialaren eta Lanaren zuzendari nagusiari baimena eman zitzaion urte anitzeko gastu konpromisoa hartzeko, honako deialdi hauek onesteko: Nafarroako enpresak nazioarteratzen laguntzeko diru-laguntzen bi deialdi, nazioartera elkarturik ateratzeko deialdia eta nazioartekotzea bultzatuko duten zerbitzu espezializatuak kontratatzeko deialdia. Erabaki horrek, ebazpen honen xedeko deialdiari dagokionez, gastu zenbateko hauek onetsi ditu:
DEIALDIA | 2016 | 2017 |
Nazioartekotzea bultzatzeko zerbitzu espezializatuak | 150.000 euro | 150.000 euro |
Garapen Ekonomikorako kontseilariaren martxoaren 23ko 45/2016 Foru Aginduaren bidez deialdi honen oinarri arautzaileak onetsi ziren.
Deialdia Eskualde Garapeneko Europako Funtsaren bidez kofinantzatuta dago, Nafarroako EGF 2014-2020 Programa Eragilearen bidez, %50eko tasarekin.
Adierazitakoarekin bat, eta Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1. artikuluak ematen dizkidan eskudantziak erabiliz,
EBATZI DUT:
1. 2016an nazioartekotzea bultzatuko duten zerbitzu espezializatuak kontratatzeko diru-laguntzen deialdia eta dagozkion eranskinak onestea.
2. 300.000 euroko gastua baimentzea; horietatik 150.000 euro 2016ko Gastuen Aurrekontuetako “Kanpo sustapenerako ekintzak enpresentzat. PE EGEF 2014-2020” izeneko 810003-81430-4709-431302 kontu-sailaren kargura, eta beste 150.000 euro, 2017ko aurrekontuetan kontu-sail horri jarraituko dionaren kargura. (E-14/000078-03 PEP elementua).
3. Eskabideak aurkezteko epea hilabetekoa izanen da, deialdia Nafarroako Aldizkari Ofizialean argitaratu eta biharamunetik hasita. Hortaz, deialdia hileko zein egunetan argitaratu, hurrengo hileko egun berean bukatuko da.
4. Ebazpen hau eta bere eranskinak Nafarroako Aldizkari Ofizialean eta navarra.es web orrian argitaratzea.
5. Ebazpen honek ez du administrazio bidea amaitzen, eta horren aurka gora jotzeko errekurtsoa jar dezakete interesdunek, Garapen Ekonomikorako kontseilariari zuzendua, argitaratu eta biharamunetik hilabeteko epean.
Iruñean, 2016ko apirilaren 29an.–Politika Ekonomiko eta Enpresarialaren eta Lanaren zuzendari nagusia, Izaskun Goñi Razquin.
1. ERANSKINA BALORAZIO IRIZPIDEAK
Zerbitzu espezializatuak kontratatzeko diru-laguntza, 2016
–1. irizpidea: Jarduketaren destinoko herrialdeak, 12 puntu gehienez.
HERRIALDEA | PUNTUAK |
Europar Batasunetik kanpoko herrialdeak | 12 |
Europar Batasuneko herrialdeak, 2004. urtearen ondoren sartuak. Hona zein diren herrialde horiek: Bulgaria, Zipre, Txekiar Errepublika, Estonia, Hungaria, Letonia, Lituania, Malta, Polonia, Errumania, Eslovakia, Eslovenia eta Kroazia | 6 |
Aurreko puntuan aipatu ez diren Europar Batasuneko gainerako herrialdeak | 3 |
2. irizpidea: Nazioartekotze Planaren kalitatea 2016rako xedeko herrialdean, 70 puntu gehienez.
Honako irizpide hauek hartuko dira kontuan proposamenaren kalitatea aztertzeko atal honetan:
ATALA | EDUKIA | PUNTUAK |
Barne analisi estrategikoa | Alderdi hauen analisi zehatza, proposatutako xedeko merkatuari eta nazioartekotze proiektuari dagokienez: –Langileak (profilak, motibazioa, etab.). –Produktua edo zerbitzua (ezaugarriak, abantailak xedeko merkatuan lehiatzean, prezioa...). –Teknologia. –Proiektua aurrera eramateko gaitasun finantzarioa. –Lan egiteko modua/metodologia | 10 |
Kanpoko analisi estrategikoa | Alderdi hauen analisi zehatza, proposatutako xedeko merkatuari eta nazioartekotze proiektuari dagokienez: –Ingurune politikoa. –Lege arloko ingurunea. –Ingurune sozioekonomikoa. –Sektorearen egoera xedeko merkatuan. –Xedeko publiko objektiboaren profila. –Lehiakideen analisia (ze enpresa diren, ze estrategia duten, zer produktu edo zerbitzurekin lehiatzen diren) | 10 |
AMIA (ahuleziak, mehatxuak, indarrak eta aukerak) | Kanpoko eta barneko analisietatik abiatuta, enpresaren indarrak, ahuleziak, mehatxuak eta aukerak zehaztea | 5 |
Planifikazioa | Helburuak. Helburuak berariazkoak, neurgarriak, errealistak eta proiektuaren iraupenerako mugatuak izanen dira | 5 |
Xedeko herrialderako ekintza plana 2016rako eta 2017rako. Planaren edukiaren azalpena eta justifikazioa, aurreko atalean ezarritako helburuei begira. Ekintzekin batera bakoitzaren aurrekontua aurkeztu beharko da | 5 |
Kontratatu behar duen aholkularitza espezializatua, diru-laguntzaren xede izanen dena. Kontratazioa egin beharraren justifikazioa, eta kontratazioa nola egokitzen den Nazioartekotze Planaren barrenean | 10 |
Zerbitzu espezializatuak egiteko kontratatzen den enpresaren kalitatea | Enpresaren ohiko jarduera eta ibilbide orokorra | 5 |
Nazioartekotze plan honen xedeko herrialdean duen esperientzia, urtetan neurtua | 5 |
Enpresak orain kontratatu nahi dituen lanen esparruan egindako lanak (urtea, edukia, zenbatekoa, herrialdea, etab.) | 5 |
Herrialdean negozioak egiteko zailtasuna | (http://www.doingbusiness.org/rankings) | 5 |
Xedeko herrialdeak 2015eko “doing business” rankingean duen postua | Puntuazioa |
1etik 37ra (biak barne) | puntu bat |
38tik 75era (biak barne) | 2 puntu |
76tik 112ra (biak barne) | 3 puntu |
113tik 151ra (biak barne) | 4 puntu |
152tik 189ra (biak barne) | 5 puntu |
Orokorra | Planaren koherentzia | 5 |
Proposamenaren kalitatearen atalean 35 puntura iristen ez diren proiektuak aurkezten dituzten enpresak ezin izanen dira diru-laguntzen onuradun izan.
–3. irizpidea: Nafarroako Foru Komunitatean kalitateko enplegua sortzeko duen eragina, gehienez 10 puntu.
Enpresa eskatzaileak Nafarroako Foru Komunitatean kalitateko enplegua sortu eta mantentzea lehenetsiko da.
ENPRESAN DAUDEN MUGAGABEKO KONTRATUEN KOPURUA (2014-2015 KONPARAZIO TAULA, ABENDUAREN 31KO DATUEKIN) | PUNTUAK |
Kopurua gutxitu bada | 0 |
Plantilla sendotu bada, edo %5 edo gutxiago handitu | 5 |
%5etik gora handitu bada | 10 |
–4. irizpidea: enpresak Talentuaren PIN bankuan sartutako pertsonak kontratatzea edo enpresak parte hartu izana Nafarroako Nazioarteko Planaren nazioarteko praktiken programaren barrenean entitate hartzaile gisa.
KONTRATATUTAKO EDO PRAKTIKETAN HARTUTAKO PERTSONA KOPURUA | PUNTUAK |
Ez dago | 0 |
Pertsona bat edo gehiago | 5 |
–5. irizpidea: enpresak emakumearen eta gizonen arteko berdintasunarekin duen konpromisoa. Eskumena duten entitateek hori dela-eta emandako ziurtagiri eta aintzatespenak kontuan hartuko dira, indarrean badaude, 3 puntu gehienez. Kontuan hartuko dira, orobat, enpresak berdintasuna lortzeko ezarritako praktikak, behar bezala egiaztatuz gero, 1,5 puntu gehienez (esate baterako: erantzukizun partekaturako eta familia eta lana bateragarri egiteko neurriak izatea, web orrian eta enpresa zabaltzeko edo sustatzeko iragarki eta dokumentuetan hizkera eta irudi ez-sexista erabiltzea, jazarpen sexualaren kasuetarako protokoloa, etab).
PLANEN EDO AINTZATESPENEN KOPURUA | PUNTUAK |
Bat ere ez | 0 |
Berdintasunean aurrera egiteko, enpresan ezarritako praktikak | 1,5 |
Berdintasun plana, ziurtagiria edo aintzatespena | 3 |
2. ERANSKINA: BIDAIA-POLTSEN ZENBATEKO
Zerbitzu espezializatuak kontratatzeko diru-laguntza, 2016
Enpresaren bidaia bakoitzeko, diru-laguntzak hoteleko gastu guztiak (ostatu erregimenean) eta bidaiarenak estaliko ditu, enpresako pertsona batentzat, herrialde bakoitzerako ezarritako bidaia-poltsa gainditu gabe. Enpresako bi pertsona batera destino eta egun berberetan daudenean, bidaia-poltsa bakar bat ordainduko da.
HERRIALDEA | BIDAIA-POLTSAREN ZENBATEKOA |
ALBANIA | 980 |
ANGOLA | 2.760 |
SAUDI ARABIA | 1.960 |
ALJERIA | 640 |
ARGENTINA | 2.660 |
ARMENIA | 1.640 |
AUSTRALIA | 3.100 |
AZERBAIJAN | 1.960 |
BANGLADESH | 2.440 |
BIELORRUSIA | 1.180 |
BOLIVIA | 2.560 |
BOSNIA-HERZEGOVINA | 860 |
BOTSWANA | 2.720 |
BRASIL | 2.500 |
BRUNEI | 3.100 |
KAMERUN | 1.700 |
KANADA (EKIALDEKO KOSTA) | 1.800 |
KANADA (MENDEBALDEKO KOSTA) | 2.280 |
TXAD | 1.800 |
TXILE | 2.880 |
TXINA | 1.900 |
KOLONBIA | 2.120 |
ISRAEL | 1.320 |
JAMAIKA | 2.000 |
JAPONIA | 3.320 |
JORDANIA | 1.800 |
KAZAKHSTAN | 1.980 |
KENYA | 1.960 |
KIRGIZISTAN | 2.220 |
KUWAIT | 2.080 |
LIBANO | 1.480 |
LIBERIA | 1.640 |
LIBIA | 1.320 |
MADAGASKAR | 2.940 |
MALAYSIA | 2.000 |
MALAWI | 2.660 |
MALI | 2.080 |
MAURITANIA | 1.320 |
MAROKO | 600 |
MEXIKO | 1.820 |
MOLDAVIA | 1.320 |
MONGOLIA | 2.780 |
NAMIBIA | 2.700 |
NEPAL | 2.720 |
NIKARAGUA | 2.120 |
NIGERIA | 1.320 |
ZEELANDA BERRIA | 3.260 |
OMAN | 1.960 |
PAKISTAN | 2.160 |
PANAMA | 2.120 |
PARAGUAI | 2.600 |
PERU | 2.600 |
PUERTO RICO | 1.640 |
QATAR | 1.780 |
AFRIKA ERDIKO ERREPUBLIKA | 1.900 |
KONGOKO ERREPUBLIKA DEMOKRATIKOA | 2.360 |
DOMINIKAR ERREPUBLIKA | 1.480 |
ERRUSIA | 1.660 |
SENEGAL | 1.480 |
SERBIA-MONTENEGRO | 980 |
SINGAPUR | 2.700 |
SIRIA | 1.480 |
SOMALIA | 1.960 |
SRI LANKA | 2.300 |
HEGOAFRIKA | 2.020 |
THAILANDIA | 2.360 |
TAIWAN | 2.500 |
TUNISIA | 700 |
TURKMENISTAN | 2.280 |
TURKIA | 1.240 |
UKRAINA | 960 |
URUGUAI | 2.760 |
UZBEKISTAN | 1.920 |
VENEZUELA | 2.120 |
VIETNAM | 3.260 |
YEMEN | 1.800 |
ZAMBIA | 2.760 |
ZIMBABWE | 2.740 |
HERRIALDEA | BIDAIA-POLTSAREN ZENBATEKOA |
NORVEGIA | 1.100 |
SUITZA | 920 |
ALEMANIA | 740 |
AUSTRIA | 980 |
BELGIKA | 660 |
BULGARIA | 1.480 |
ZIPRE | 1.140 |
DANIMARKA | 740 |
ESLOVAKIA | 900 |
ESLOVENIA | 860 |
ESTONIA | 1.000 |
FINLANDIA | 860 |
FRANTZIA | 780 |
GREZIA | 900 |
HUNGARIA | 1.140 |
IRLANDA | 700 |
ITALIA | 740 |
LETONIA | 620 |
LITUANIA | 860 |
LUXENBURGO | 780 |
MALTA | 1.140 |
HERBEHEREAK | 800 |
POLONIA | 1.140 |
PORTUGAL | 540 |
ERRESUMA BATUA | 700 |
TXEKIAR ERREPUBLIKA | 1.140 |
ERRUMANIA | 600 |
SUEDIA | 980 |
Iragarkiaren kodea: F1605637