1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.2. Oposizioak eta lehiaketak. Lan publikoaren eskaintza
LEHENDAKARITZAKO, FUNTZIO PUBLIKOKO, BARNEKO ETA JUSTIZIAKO DEPARTAMENTUA. Iragarkia. Gora jotzeko errekurtsoa, soziologo lanpostuetan aritzeko izangaien bi zerrenda hautaproben bidez osatzeko deialdien kontra; bata, aldi baterako kontratazioetarako, eta bestea, prestakuntzarako zerbitzu berezietan aritzeko. Horiez gain, lanpostu horretan trebatzeko lau urteko bigarren prestakuntzaldian sartzeko proba egiteko deialdia ere onesten da.
Soziologo lanpostuan aritzeko izangaien bi zerrenda (bata aldi baterako kontrataziorako eta bestea, prestakuntzarako, zerbitzu berezietako egoeran) hautaproben bidez osatzeko deialdiaren aurka, baita lau urteko bigarren prestakuntzaldian sartzeko proba egiteko deialdiaren aurka ere, zeinak Funtzio Publikoaren zuzendari nagusiaren martxoaren 14ko 594/2016 Ebazpenaren bidez onetsi, eta 2016ko 68. Nafarroako Aldizkari Ofizialean argitaratu baitziren, apirilaren 11n.
María del Mar Ancín García andreak gora jotzeko errekurtsoa aurkeztu du, Funtzio Publikoaren zuzendari nagusiak martxoaren 14an emandako 594/2016 Ebazpenaren kontra. Horren bidez, soziologo lanpostuetan aritzeko izangaien bi zerrenda hautaproben bidez egiteko deialdiak onetsi ziren, bata, aldi baterako kontrataziorako eta, bestea, prestakuntzarako, zerbitzu berezietan aritzeko. Horiez gain, lanpostu horretan trebatzeko lau urteko bigarren prestakuntzaldian sartzeko probarako deialdia ere onetsi zen. Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 112. eta 59. artikuluetan xedatutakoari jarraikiz, interesdun guztiei jakinarazten zaie, iragarki hau argitaratu eta biharamunetik hasita hamar egun balioduneko gehieneko epean alegazioak egin ditzaten, Erregistro Orokorrean (Nafarroako Jauregia, Karlos III.a etorbidea, 2, Iruña) aurkeztuta edo Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 38. artikuluan aurreikusitako bideak erabiliz.
Jarritako errekurtsoaren kopia interesdunen eskura dago Funtzio Publikoko Zuzendaritza Nagusiko Araubide Juridikoaren Atalean (Karlos III.aren etorbidea, 2, 2. solairua, Iruña).
Iruñean, 2016ko maiatzaren 13an.–Funtzio Publikoko zuzendari nagusia, Amaia Goñi Lacabe.
Iragarkiaren kodea: F1606008