1. NAFARROAKO FORU KOMUNITATEA
1.7. BESTELAKOAK
100E/2016 EBAZPENA, apirilaren 8koa, Ingurumen Kalitatearen eta Klima Aldaketaren Zerbitzuko zuzendariak emana, Andosillako udal mugapean animalien azpiproduktuak eraldatzeko instalazio baten Ingurumen baimen integratuan ezarritako funtzionamendu baldintzetarako eskatutako aldaketa ukatzen duena. Jardueraren titularra Grasas Marin-Navarra SA da.
Instalazio horrek badu Ingurumen baimen integratua, Ingurumenaren eta Uraren zuzendari nagusiaren azaroaren 8ko 2251/2007 Ebazpenaren bidez emana, gero Ingurumenaren eta Uraren zuzendari nagusiaren uztailaren 2ko 284E/2014 Ebazpenaren bidez aldatua.
2015eko irailaren 25ean, titularrak eskatu du Ingurumen baimen integratuko baldintzak aldatzeko, zehazki, MES parametroaren gehieneko muga handitzeko, egungo 175 mg/l-tik 300 mg/l-ra, kolektorera hondakin urak isurtzeari dagokionez, maiatzaren 15etik irailaren 15era bitarteko eperako.
Titularrak aldaketa eskatzearen arrazoia da udako hilabeteetan hondakin uren araztegiko erreaktore biologikoak 40 graduko tenperatura hartzen duela, eta, horren ondorioz, lokatzaren fluidifikazioa sortzen da, arazketa uherragoa da, dekantazioa txarragoa eta uraren erretentzio denbora handiagoa.
Saneamendu sarearen kudeatzaileak txostena egin du, non ezartzen baita isurketa, berez edo hondakin uren beste osagai batzuekin nahastuta, ezin dela kaltegarria edo usain txarrekoa izan, saneamenduko sareen erabiltzaileei edo hondakin uren araztegiari eragozpenak sortzeko moduan. Titularrak eskabidean aurkeztutako dokumentazioan ez da bermatzen ezarritako baldintzak beteko direla.
Aurreko guztia ikusita, irizten da eskatuko aldaketak ez duela bide ematen instalazioak behar bezala jardun dezan ingurumenaren aldetik. Hartara, bidezkoa da eskatutako aldaketa ukatzea.
Kasu honetan, Ingurumena Babesteko Esku-hartzeari buruzko martxoaren 22ko 4/2005 Foru Legea garatzen duen Erregelamenduaren 27. artikuluko d) letran aurreikusitako inguruabarrak gertatzen direla iritzi da, eta, horrenbestez, bidezko da Ingurumen baimen integratuan ezarritako baldintzak ofizioz aldatzea, Ingurumena Babesteko Esku-hartzeari buruzko martxoaren 22ko 4/2005 Foru Legea garatzen duen Erregelamenduaren 28. artikuluan aurreikusitako administrazio prozedurarekin bat, eta ez da bidezkotzat jo aldaketa-espediente hau jendaurrean jartzea.
Ebazpenaren proposamena instalazioaren titularrari entzutea emateko tramitean egon da 30 egunez. Ebazpen honen eranskinean jaso dira titularrak aurkeztutako alegazioen zerrenda eta haiei emandako erantzunak.
Adierazitakoarekin bat, eta zerbitzuetako zuzendariei eskumenak eskuordetzeko Ingurumeneko eta Lurraldearen Antolamenduko zuzendari nagusiak irailaren 22an emandako 63/2015 Ebazpenaren bidez eskuordetu dizkidaten eskumenak erabiliz,
EBATZI DUT:
Lehena.–Andosillako udal mugapean animalien azpiproduktuak eraldatzeko instalazio baten Ingurumen baimen integratuan ezarritako funtzionamendu baldintzetarako eskatutako aldaketa ukatzea. Jardueraren titularra Grasas Marin-Navarra SA da.
Bigarrena.–Ebazpen honetan bildu diren baldintzak ez betetzeak berarekin dakar ingurumeneko diziplina neurriak hartzea, hain zuzen ere, Kutsaduraren Prebentzio eta Kontrol Integratuei buruzko uztailaren 1eko 16/2002 Legearen IV. tituluan jasotakoak, galarazi gabe sektoreko legerian ezarritakoa, aplikatzekoa izaten segituko baitu, eta, horren osagarri, Ingurumena Babesteko Esku-hartzeari buruzko martxoaren 22ko 4/2005 Foru Legearen VI. tituluan ezarritako zehapen araubidea.
Hirugarrena.–Ebazpen hau Nafarroako Aldizkari Ofizialean argitaratzea.
Laugarrena.–Ebazpen honek ez du administrazio bidea amaitzen eta espedientean interesa dutenek, administrazio publikoek izan ezik, gora jotzeko errekurtsoa jartzen ahalko dute, kontseilariari zuzendua, hilabeteko epean. Administrazio publikoek zilegi dute administrazioarekiko auzi-errekurtsoa jartzea, Nafarroako Justizia Auzitegi Nagusiko Administrazioarekiko Auzien Salari zuzendua, bi hilabeteko epean. Horrek ez du galarazten Nafarroako Gobernuan aldez aurreko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean. Ebazpen hau jakinarazi eta biharamunetik hasita kontatuko dira epeak.
Bosgarrena.–Ebazpen hau Industrias Grasas Marin-Navarra SLri, Andosillako Udalari eta NILSAri igortzea, behar diren ondorioak izan ditzan.
Iruñean, 2016ko apirilaren 8an.–Ingurumen Kalitatearen eta Klima Aldaketaren Zerbitzuko zuzendaria, Pedro Zuazo Onagoitia.
Oharra: ebazpen honetan aipatzen diren eranskinak interesdunen eskura daude Ingurumeneko eta Lurraldearen Antolamenduko Zuzendaritza Nagusiaren bulegoetan (González Tablas kalea, 9, behea, Iruña), Ingurumen Kalitatearen eta Klima Aldaketaren Zerbitzuan, eta Nafarroako Gobernuaren webgunean http://www.navarra.es/home_es/Temas/Medio+Ambiente/Evaluacion+ambiental/Autorizaciones+ambientales/.
Iragarkiaren kodea: F1604351